"O’zLiDeP PRESS KLUBI”нинг навбатдаги сони Бўканинг энг олис қишлоқларидан бирида ноодатий тарзда ўтказилди

Видеони YouTube ва Facebook'да томоша қилиш.

#uzlidep #pressklub

Сайт | Facebook | Instagram | TikTok | Twitter | YouTube

✅ Хотин-қизларни қўллаб-қувватлаш борасида катта имтиёз ва енгилликлар жорий этилади.

Шу йил 1 март куни давлатимиз раҳбари раислигида ўтказилган мажлисда мен қатнашдим, унда хотин-қизларни қўллаб-қувватлаш борасида кўплаб имтиёз ва енгилликлар жорий этилгани эълон қилинди. Жумладан:

👉 2022 йил 1 сентябрдан хусусий секторда расмий ишлаётган аёлларга ҳомиладорлик нафақасини давлат томонидан тўлаш тизимини йўлга қўйиш бўйича кўрсатма берилди. Бу мақсадлар учун жорий йилда бюджетдан 200 миллиард сўм, 2023 йилда эса 1 триллион 700 миллиард сўм йўналтирилиши қайд этилди;

👉 Аёлларнинг уй-жой шароитини яхшилаш мақсадида ипотека кредитлари бўйича ажратиладиган субсидияларнинг камида 40 фоизи хотин-қизларга йўналтирилиши белгиланди;

👉 Хотин-қизларнинг саломатлигини тиклаш бўйича ҳам аниқ тадбирлар амалга оширилади, хусусан жорий йилда 6 минг нафар аёлга юқори технологик тиббий ёрдам кўрсатилади. Ногиронлиги бўлганлар реабилитация воситалари билан таъминланади. 3 миллион нафар хотин-қиз онкологик скринингдан ўтказилади;

👉Қизларни эмлаш, фертил ёшдаги аёлларни дори ва витаминлар билан таъминлаш бепул амалга оширилади;

👉2022-2026 йилларга мўлжалланган Хотин-қизлар таълимини қўллаб-қувватлаш дастури ишлаб чиқилади, жумладан қизларнинг яхши таълим олиши, касб-ҳунар эгаллаши учун таълим шароитларини кенгайтирилади, пойтахтимизда асосан хотин-қизларни ўқитиш учун давлат-хусусий шерикчилик асосида тўқимачилик соҳасида алоҳида университет ташкил этилади;

👉 Янги ўқув йилидан бошлаб, таълим контрактларини тўлаш учун қизларга илк маротаба 7 йил муддатга фоизсиз кредит бериш жорий қилинади. Бунинг учун, жорий йилда банкларга 1 триллион 800 миллиард сўм, келгуси беш йилда 8 триллион сўм маблағ ажратилади;

👉 Келгуси ўқув йилидан бошлаб, магистратурада ўқиётган қизларнинг контракт пуллари тўлиқ бюджетдан қоплаб берилади. Шунингдек, эҳтиёжманд оила вакиллари, ота ёки онасини йўқотган талаба қизларнинг таълим контракти маҳаллий бюджетдан тўланади;

👉 Жамиятимизда олима аёллар улушини сезиларли ошириш учун докторантура йўналишида хотин-қизлар учун ҳар йили камида 300 тадан мақсадли квота ажратилади;

👉 Мономарказлар ва олийгоҳлар қошида Малакани баҳолаш марказлари ташкил этилади; аёллар талаб юқори бўлган ишчи касбларга ўқитилади;

👉 2022-2024 йиллар учун “Бизнес аёллар” дастури қабул қилиниши белгиланди. Унинг ижросига жами 8 триллион сўм йўналтирилади. Аёллар учун тадбиркорлик курслари ташкил этилади, имтиёзли кредитлар берилади;

👉 Эҳтиёжманд хотин-қизлар бандлигини таъминлаган тадбиркорларни ҳам қўллаб-қувватланади, уларга кўплаб солиқ ва савдо имтиёзлари жорий этилади (мулк солиғи, ижтимоий солиқ ва шу кабилар бўйича).

Хотин-қизларни қўллаб-қувватлаш борасида юқоридагилар каби катта ўзгаришлар ва янгиликлар "Инсон қадрини улуғлаш ва фаол маҳалла йили" мазмунига муносиб ва Янги Ўзбекистоннинг тараққиёти стратегиясига ҳамоҳангдир.

@a_xaitov

❓O'zLiDeP депутатлари ялпи мажлисда қандай фикрларни ўртага ташлади?

Олий Мажлис Қонунчилик палатасининг бугун бўлиб ўтган навбатдаги ялпи мажлисида O'zLiDeP фракцияси аъзолари долзарб мавзуларни ўртага ташлади. Видео шу ҳақда.

Ялпи мажлис тўлиқ видеоси

Видео YouTube ва Facebook'да

#uzlidep #yalpimajlis #fraksiya

Сайт | Facebook | Instagram | TikTok | Twitter | YouTube

☑️ Қурилиш саноати қўллаб-қувватланади.

Мамлакатимизда сўнгги йилларда олиб борилаётган қурилиш ишлариниг кўлами соҳага давлат томонидан янада жиддий эътибор берилишини талаб қилмоқда.

Шундан келиб чиқиб, жорий йил 21 февралда Ўзбекистон Республикаси Президентининг “Уй-жойлар қурилишини ва қурилиш материаллари саноатини қўллаб-қувватлашнинг қўшимча чора-тадбирлари тўғрисида”ги қарори қабул қилинди.

Бу қарорга кўра, Республикада қурилиш соҳасини ва қурилиш материалларини ишлаб чиқариш комплексини янада ривожлантириш, ҳудудларда аҳоли учун арзон уй-жойлар қурилишини таъминлаш, уй-жой қурилиши бозорида талаб ва таклиф номутаносиблигини қисқартириш мақсадида:

👉 республиканинг 24 та туман ва шаҳарлари қурилиш материалларини ишлаб чиқаришга ихтисослаштирилади;

👉 8 та туманда хом ашёни қазиб олишдан уни қайта ишлаш, лаборатория текширувидан ўтказиш, тайёр қурилиш ва пардозбоп материаллар ишлаб чиқаришгача қўшилган қиймат занжирини яратувчи қурилиш материаллари кластерлари ташкил этилади.

❗️Ҳар бир ҳудудда камида биттадан қурилиш материалларини ишлаб чиқаришдан қурилиш объектларини лойиҳалаштириш ва тайёр кўп қаватли уй-жойлар қуришгача қўшилган қиймат занжирини яратувчи уй-жой қурилиши кластерлари ташкил этилади.

2022 йил 1 мартдан бошлаб:

👉 барча юридик шахсларга республикада ишлаб чиқариладиган цемент, цемент клинкери ва қурилиш ойнасини чекловларсиз тўғридан-тўғри шартномалар асосида (квотасиз) экспорт қилишга рухсат берилади;

👉 2024 йил 1 январга қадар Экспортни рағбатлантириш агентлиги томонидан маҳаллий экспорт қилувчи корхоналарга (уларнинг ваколатли вакилларига) қурилиш материалларини барча мамлакатларга, шу жумладан чегарадош давлатларга автомобиль, темир йўл ва ҳаво транспортида ташиш харажатларининг 50 фоизигача миқдорини компенсация қилишга субсидиялар тақдим этилади.

2022 йил якунига қадар капитал бозорлари конъюнктурасидан келиб чиқиб, қурилиш материалларини ишлаб чиқариш лойиҳаларини молиялаштириш учун «Ўзсаноатқурилишбанк» АТБнинг 300 миллион АҚШ доллари эквивалентидан кам бўлмаган миқдорда халқаро корпоратив облигацияларини чиқариш ва жойлаштириш ҳамда уй-жой қурилиши кластерларини қўллаб-қувватлаш учун 150 миллион АҚШ доллари миқдорида Ҳукумат кафолатисиз хорижий кредит линиялари маблағлари жалб қилинади.

Қурилиш материаллари ишлаб чиқарилиши ҳажмини ошириш мақсадида Давлат геология ва минерал ресурслар қўмитаси вилоятлар ҳокимликлари билан биргаликда бир ой муддатда 400 та фойдали қазилма кон участкалари аукцион савдоларига чиқарилишини таъминлайди.

Қурилиш вазирлиги томонидан қурилишда энергия тежамкор материалларни кенг жорий этиш орқали уй-жой қурилиши вақти ва таннархини пасайтириш чоралари кўрилади.

@a_xaitov