❗️ЎЗБОШИМЧАЛИК БИЛАН ЭГАЛЛАБ ОЛИНГАН ЕР УЧАСТКАЛАРИНИ ХУСУСИЙЛАШТИРИШ УЧУН УНДИРИЛАДИГАН ТЎЛОВ ҚАНЧА ?

📄 “Ўзбошимчалик билан эгаллаб олинган ер участкаларига ҳамда уларда қурилган бинолар ва иншоотларга бўлган ҳуқуқларни эътироф этиш тўғрисида Қонунга кўра,

➖ ер ва биноларни қонунийлаштириш учун қуйидаги миқдорларда бир марталик тўлов ундирилади:

✅ Тошкент шаҳрида – БҲМнинг 5 баравари;

✅ Нукус шаҳри ва вилоят марказларида – БҲМнинг 3 баравари;

✅вилоятлар бўйсунувидаги бошқа шаҳарларда – БҲМнинг 2 баравари;

✅ бошқа аҳоли пунктларида – БҲМнинг 1 баравари;

✅ қолган ҳолларда бир марталик тўлов тегишли ҳудуддаги ўртача аукцион баҳоси миқдорида тўланади.

❗️Шунингдек, I ва II гуруҳ ногиронлари, олдинги “акция” вақтида йиғим тўлаган шахслар тўловдан озод қилинади, “Ижтимоий ҳимоя ягона реестри” ахборот тизимига киритилган шахсларга 50 фоиз чегирма берилади.


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

⚡️МУҲИМ

❗️Эндиликда онкологик касаликка чалинган аёллар бепул даволанади

📃 “Аёллар орасида онкологик касалликларни назорат қилиш тизимини такомиллаштириш чора-тадбирлари тўғрисида”ги Президент қарори қабул қилинган

➖ Қарорга кўра, тиббиётнинг бирламчи бўғинида 30–65 ёшдаги аёлларнинг электрон рўйхати шакллантирилади, уларни тиббий кўрикка таклиф қилиш тизими яратилади.

✅ Ҳар йили 30–50 ёшдаги аёлларда бачадон бўйни саратони скрининги одам папилломаси вирусини полимераза занжирли реакция текшируви усули орқали аниқлаш ҳамда суюқлик цитологияси усулида текшириш йўли билан амалга оширилади.

➖ 30–65 ёшдаги аёллар ҳар 2 йилда бир маротаба тиббиёт ходимлари томонидан бирламчи саралашдан ўтказилади.

❗️Скрининг натижасида онкологик касалликка чалинганлиги аниқланган беморларни ташхислаш ва даволаш билан боғлиқ харажатлар бюджет ҳисобидан молиялаштирилади.


Савол юбориш  👇
  @yuristdan_javob_bot

Каналга уланиш 👇
https://t.iss.one/Yurist_Blogerr

❗️18 ЁШДАН КАТТА БОЛАЛАРГА ХАМ АЛИМЕНТ ТЎЛАНАДИМИ ?

⚡️САВОЛ:
Бир танишимни фарзанди 18 ёшдан катта бўлса хам танишим ўша фарзандига хали хам алимент тўлаб келади. Алимент бола 18 ёшга тўлгунигача тўланмасмиди ?

⚡️ЖАВОБ:
Тўғри, болаларга алимент тўлаш улар 18 ёшга тўлгунигача амалга оширилади. Саволингиздаги ҳолатда бошқа масалалар бўлиши мумкин.

📃 Оила кодексининг 100-моддасига кўра, ота-она ўразо келишув билан ёки суд тартибида вояга етган меҳнатга лаёқатсиз, ёрдамга муҳтож болаларига алимент бериши шарт қилиб кўрсатилган.

✏️ Сизни танишингиз 18 ёшдан катта фарзандига ҳали хам алимент тўлаётган бўлса бунга иккита сабаб бўлиши мумкин. Биринчиси, у фарзанди 18 ёшга тўлгунигача бўлган вақт учун тўланмай қолган алимент қарздорлиги бор ва у ўша қарзини энди тўлаяпти. Иккинчиси, 18 ёшга тўлган фарзанди меҳнатга лаёқатсиз бўлганлиги учун ихтиёрий ёки суд тартибида унга алимент тўлаяпти.


Савол юбориш  👇
  @yuristdan_javob_bot

Каналга уланиш 👇
                @Yurist_Blogerr

❗️"ЁШЛАР ДАФТАРИ"ГА КИРИТИЛГАНЛАРГА 1 500 000 СЎМГАЧА БИР МАРТАЛИК ЁРДАМ ПУЛИ БЕРИЛИШИ МУМКИН

📄 Ҳукуматнинг 07.06.2022 йилдаги 312-сон қарорига иккинчи илова қилиб келтирилган Низомга асосан,

➖ «Ёшлар дафтари»га киритилган моддий аҳволи оғир ёшларга бир марталик моддий ёрдам ҳар бир индивидуал ҳолатда ариза берувчининг ҳаётий вазияти мураккаблигини, унинг ижтимоий ҳимояга муҳтож эканлигини инобатга олган ҳолда базавий ҳисоблаш миқдорининг 4 баравари (1 500 000)гача миқдорда тўлаб берилади.

❗️Моддий ёрдам шахсга бир календарь йил давомида бир маротаба берилади.

❗️Шахсга бир марталик моддий ёрдам берилиши уни «Ёшлар дафтари»дан чиқаришга асос бўлмайди.

✏️ Ушбу бир марталик ёрдам пулини олиш бўйича ҳуқуқий томонлама кимда муаммоли саволлар бўлса қуйида бизга ёзиб қолдиришлари мумкин!


Савол юбориш  👇
  @yuristdan_javob_bot

Каналга уланиш 👇
                 @Yurist_Blogerr

❗️БУГУНГИ КУН ҲОЛАТИГА ИШСИЗЛАР ТОМОНИДАН ТЎЛАНИШИ КЕРАК БЎЛГАН АЛИМЕНТ МИҚДОРЛАРИ

📃 Оила кодексининг 140-моддасида,

➖ агар алимент тўлаши шарт бўлган шахс шу даврда ишламаган бўлса ёки унинг иш ҳақи ёки даромадини тасдиқловчи ҳужжатлар тақдим қилинмаган бўлса, алимент қарзи ундирилаётган вақтда Ўзбекистон Республикасидаги ўртача ойлик иш ҳақи миқдори бўйича ҳисоблаб чиқилади деб кўрсатилган. Давлат статистика агентлиги томонидан ҳисоблаб чиқилган Ўзбекистондаги ўртача ойлик иш ҳақи ҳозирги кунда 5 387 194 сўмни ташкил қилмоқда.

⚡️Шунга кўра, бугунги кун ҳолатига МИБнинг расмий mib.uz сайти орқали ишсиз бўлган алимент тўловчилар учун ҳар ойлик алимент миқдорлари, болалар сонига қараб;

✔️ Бир нафар бола учун— 1 346 798 сўм;

✔️ Икки нафар болалар учун— 1 795 731 сўм;

✔️ Уч ва ундан ортиқ болалар учун— 2 693 597 сўмни ташкил қилмоқда.


Савол юбориш  👇
  @yuristdan_javob_bot

Каналга уланиш 👇
@Yurist_Blogerr

❗️БОҚУВЧИСИНИ ЙЎҚОТГАН ХОТИН-ҚИЗЛАР БОҒЧА ПУЛИДАН ОЗОД ЭТИЛГАН

📃 ПФ-87-сон Президент Фармонига асосан,

⚡️Боқувчисини йўқотган хотин-қизлар учун:

✅ фарзандлари учун давлат боғчаларига тўланадиган ота-оналар бадалидан озод қилиниши;

✅ 3 ёшгача фарзандлари учун нодавлат боғчаларга бюджетдан субсидиялар ажратилиши белгиланган.


Савол юбориш  👇
  @yuristdan_javob_bot

Каналга уланиш 👇
@Yurist_Blogerr

❗️ПИРОТЕХНИКА ВОСИТАЛАРИДАН ФОЙДАЛАНГАНЛИК УЧУН ЖАВОБГАРЛИК БОР!

📄 Маъмурий жавобгарлик тўғрисидаги кодекснинг 185-1-моддасига асосан,

➖ пиротехника буюмларини қонунга хилоф равишда ишлаб чиқариш, тайёрлаш, сақлаш, ташиш, жўнатиш, улардан фойдаланиш, худди шунингдек уларни қонунга хилоф равишда Ўзбекистон Республикасига олиб кириш ёки олиб чиқиш хамда ўтказиш — ҳуқуқбузарлик ашёларини мусодара қилиб, базавий ҳисоблаш миқдорининг беш баравари(1 875 000 сўм)дан йигирма баравари (7 500 000 сўм) гача миқдорда жарима солишга сабаб бўлади.


Бепул маслаҳат олиш👇
        @yuristdan_javob_bot

Каналга уланиш👇
           @Yurist_Blogerr

⚡️ Ҳурматли ватандошлар! Барчангизни кириб келган янги, 2025 йил билан чин қалбимиздан табриклаймиз.

➖ Барчангизга мустаҳкам соғлик, оилавий ҳотиржамлик, рисқингизга барака ва касбу-корингларга ривож тилаймиз. Кимки янги йилда нима нийят қилган бўлса хаммасига бекаму-кўст эришишларини тилаймиз. Янги йил барчага қувонч ва яхшиликлар олиб келсин.

👉 @Yurist_Blogerr

❗️ҚАНДАЙ ҲОЛЛАРДА ГЎШТ МАҲСУЛОТЛАРИНИ СОТИШ ТАҚИҚЛАНАДИ ?

📄 Вазирлар Маҳкамасининг 2019 йилдаги 386-сон қарорига кўра,

➖ қуйидаги ҳолларда гўшт маҳсулотларини сотиш тақиқланади:

✔️ сўйилиши ихтисослаштирилган ва мини сўйиш корхоналарида амалга оширилмаган бўлса;

✔️ гўшт ва гўшт маҳсулотларини ташиш учун белгиланмаган транспорт  ёрдамида етказиб берилган бўлса;

✔️ тегишли ветеринария ҳужжатлари бўлмаса;

✔️ ветеринария-санитария экспертизасининг хулосаси (маълумотномаси) бўлмаса;

✔️ оёқлари ва бош қисми жун билан бирга бўлса, шунингдек парранда ва қушларнинг патлари юлинмаган бўлса;

✔️ хона ёки кўча ҳароратида илгакка осилган ёки ерга (очиқ раста устига) очиқ ҳолда қўйилган ҳолатда бўлса;

✔️ ветеринария-санитария жиҳатидан хавфсизлиги кафолатланган гўштларнинг ягона электрон маълумотлар базасига киритилмаган бўлса.


Бепул маслаҳат олиш👇
        @yuristdan_javob_bot

Каналга уланиш👇
           @Yurist_Blogerr

⚡️ДИҚҚАТ

❗️ПАСПОРТИНГИЗНИ АМАЛ ҚИЛИШ МУДДАТИГА ҚАРАБ ҚЎЙИНГ!

✔️ Муддати ўтган паспортни 1 ой ичида алмаштирмаганлар жарима тўлайди

📄 ПФ-4262-сон Президент Фармонига илова қилиб келтирилган "Ўзбекистон Республикаси фуқаросининг биометрик паспорти тўғрисида"ги низомнинг 11-бандига кўра,

➖ фуқаро паспортининг амал қилиш муддати тугагандан сўнг ёки фамилияси, исми, отасининг исми, туғилган йили ва миллати ўзгарганда паспортини 1 ой муддатда ID-картага алмаштириши лозим.

✔️Фуқаро амал қилиш муддати ўтган биометрик паспортини ўз вақтида ID-картага алмаштирмаслиги — яъни, ҳақиқий бўлмаган паспорт ёки идентификацияловчи ID-карта билан яшаши МЖтКнинг 223-моддасига биноан маъмурий жавобгарликка сабаб бўлади.

‼️ Бундай ҳуқуқбузарлик БҲМнинг 3 баравари, яъни 1 125 000 сўмгача миқдорда жарима солишга сабаб бўлади.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️МАСЪУЛЛАРИМИЗНИ ҲАЛҚНИ ИШОНЧИ ҚИЗИҚТИРМАЙ ҚЎЙДИ...

✏️ Хоҳлаймизми йўқми ижтимоий тармоқларда кўплаб муаммоли вазиятларга кўзимиз тушади. Айниқса, фуқаро ва давлат органлари ўртасидаги муаммоли ҳолатларга бефарқ қараб бўлмайди. Шундай ҳолатлардан бири, куни-кеча бир дамас ҳайдовчиси қанчадир вақт давомида метан "заправка"да навбатда туриб, навбати яқинлашиб қолганида "заправка" ёпилиб қолганлигидан асабийлашган ҳолда ўша жойни ўзидан йиртиқ оёқ кийимларини кўрсатиб масъулларга этирозларини билдирган ва ўша эътирози сабабли унга 15 суткалик маъмурий қамоқ жазоси тайинланипти. Айтишларича, шундан кейин дамас ҳайдовчисига турли касб эгалари бўлган жамоат фаоллари ёрдам беришга киришган. Натижада у билан боғлиқ маъмурий иш бугун судда қайта кўриб чиқиладиган бўлган.

✏️ Майли, қайта кўриб чиқилиб ёки ундай ё бундай қарор хам қабул қилинар, лекин оқибат нима билан тугайди деган масала масъулларимизни қизиқтирмай қўйгандек назаримда. Биргина шу ҳолат ижтимоий тармоқлар бўйлаб нафақат Ўзбекистонда, балки бошқа давлатларда хам кескин муносабатларга сабаб бўлаётганлиги сир эмас. Агар биз хам блогер деб аталсак блогер бўлиб, агар блогер бўлмасак оддий бир юрист сифатида айтмоқчимизки, ҳалқнинг ишончи бу энг катта куч. Ишончсизлиги эса энг катта тўсиқ хам ҳисобланади. Бешга бешни қўшиб олтмиш беш эканлигига ҳалқни ишонтириш мумкин бўлган замонлар ўтиб кетиб бўлган. Агар кимлардир ҳали хам ўша замонларда яшаяпмиз деб ўйлаётган бўлса бу уларнинг муаммоси. Олдинлари ёпиқ эдик эндиликда очиқмиз деган иборани хам айни ҳақиқат деб бўлмайди. Олдинлари интернет дунё бўйлаб бунчалик кенг тарқалган тармоқ бўлмаган. Ҳозир қўлимизда ишлатаётган замонавий қурилмаларимиз ўша пайтлари Америкада хам бўлмаган. Қолаверса, бугунги кунда иштимоий тармоқларни буткул чеклашнинг реал имконияти йўқлиги учун хам биз очиқмиз деб айтяпмиз балким.

✏️ Ҳуқуқий жиҳатдан юқоридаги ҳолатга нима дея оламиз? Афсуски ҳеч нарса дея олмаймиз. Биз ҳуқуқшуносларни ҳалқ тилида "Қонун ҳимоячилари" дейишади. Минг афсуски касбимизни виждонан бажариш борган сари имконсиздек бўлиб қолмоқда. Эътироз билдирган шахсни ким қамади? Уни суд қамади. Судда кимлар ишлайди? Судда ҳуқуқшунослар ишлайди. Қонун ҳимоячилари кимлар? Ҳуқуқшунослар. Унда айбсиз одамни қамаш Қонун ҳимоясими? Йўқ. Исталган одамни айб топиб қамаш мумкин бўлган жамият бу ҳуқуқий жамият эмас. Бу Қонун устуворлиги хам эмас. Юридик университетда ўқиб юрган пайтларим ҳуқуқшунос бўлишимдан фаҳрланар эдим. Ҳозир эса фаҳр туйғуси унчалик эмас. Бу постимиз учун бизга обуначи керак эмас. Бу ёзганларимиз обуначи ёки қанақадир лайк учун хам эмас. Агар кимдир қонун устуворлигини таъминлашни кафолатлаб, эвазига шу канал ёпилиши кераклигини айтса, бу канал ҳозироқ ёпилади. Лекин, кафолатлай оладиган шахс бормикан..


👉 @Yurist_Blogerr

⚡️ Яшасин дунёда энг одил суд 👏👏👏

✅ Ғайрат Дўстов тарафдорларининг аппеляция шикояти қисман қаноатлантирилган ҳолда айбланувчи суд залидан озод қилинди.


👉 @Yurist_Blogerr

❗️ҲАЛҚ БУ КУЧ..

✏️ Ғайрат Дўстовнинг иши бўйича бугун эришилган ғалаба анашу кучнинг ғалабаси бўлди.

✏️ Тўғрисини айтаман! Агар манашу иш бўйича биринчи инстанция судининг қарори ўзгаришсиз қолдирилганида ўз касбимдан хафсалам бутунлай пир бўлган бўлар эди. Ўзимга-ўзим бу иш ижобий ҳал этилмаса хаттоки ушбу каналимиз фаолиятини тугатиш ҳақида хам ўйлаб турган эдим.

✏️ Дўстов деганлари мени етти уруғимга алоқадор шахс эмас, лекин у билан бўлган манабу ҳолат шахсан менга қаттиқ таъсир қилди. Аммо ҳечдан кўра кеч. Бугунги эришилган ғалаба кўнгилга бироз ҳотиржамлик берди. Тўғри, бу сафарги суд қарори хам савол туғдирмайдиган даражада эмас, лекин ғалаба қисман бўлса хам ғалаба..


👉 @Yurist_Blogerr

⚡️ ДИҚҚАТ

❗️2025 йил 1 апрелдан аҳоли учун коммунал тўловлар нархи ошади

📃 Асос: 16.04.2024 йилдаги 204-сон Ҳукумат қарори


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️БУГУНГИ КУН ҲОЛАТИГА ЎЗБЕКИСТОН ҲУДУДИДА:


✅ меҳнатга ҳақ тўлашнинг энг кам миқдори – 1 155 000 сўм;

✅ базавий ҳисоблаш миқдори – 375 000 сўм;

✅ пенсияни ҳисоблашнинг базавий миқдори – 428 000 сўм;

✅ ёшга доир энг кам пенсия – 834 000 сўм;

✅ ногиронлик пенсиялари, жумладан иш стажи тўлиқ бўлмаган чоғдаги ногиронлик пенсиясининг энг кам миқдори – 920 000 сўм;

✅ меҳнатга лаёқатсиз фуқароларга бериладиган ногиронлик нафақаси ва болаликдан ногиронлиги бўлган шахсларга бериладиган нафақа – 920 000 сўм;

✅ белгиланган ёшга доир энг кам пенсия миқдоридан (834 000 сўмдан) 920 000 сўмгача пенсия олувчиларнинг ёшга доир пенсиялари – 920 000 сўм;

✅ зарур иш стажига эга бўлмаган кекса ёшдаги фуқароларга бериладиган нафақа – 745 000 сўм;

✅ иш стажи тўлиқ бўлмаган чоғдаги ёшга доир пенсиянинг энг кам миқдори қўшимча тўловни ҳисобга олган ҳолда – 745 000 сўм.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ КАМБАҒАЛ ОИЛАЛАР РЕЕСТРИ ТУЗИЛАДИ

📄 Президентнинг 23.09.2024 йил кунги ПФ-143-сон Фармонига асосан,

➖ 2024 йил 1 декабрдан “маҳалла еттилиги” томонидан камбағал оилаларнинг ижтимоий шароити ва камбағалликка тушиш сабабларини ўрганиш натижасида Ижтимоий ҳимоя миллий агентлиги томонидан Камбағал оилалар реестри шакллантирилиши белгиланган.

❗️2025 йил 1 январдан:

➖ кам таъминланган оилалар болалари учун нафақа ва моддий ёрдам олаётган оилаларнинг расмий банд бўлмаган аъзолари ишга жойлашганда, ўзини ўзи банд қилганда ёки тадбиркорлик фаолиятини йўлга қўйганда ушбу нафақа ва моддий ёрдамни уларнинг муддати тугагунга қадар, бироқ 6 ойдан кўп бўлмаган муддатга тўлаш давом эттирилади;

✅ меҳнатга ҳақ тўлашнинг энг кам миқдорининг 1,5 бараваридан кам бўлмаган ойлик иш ҳақи тўланган ҳолда ишга жойлашган Камбағал оилалар реестрига киритилган оила аъзоси учун ижтимоий солиқ уч йил давомида 1 фоиз ставкада тўланади;

✅ камбағал оилаларга кўмак чоралари ижтимоий шартнома асосида меҳнатга лаёқатли оила аъзоларининг бандлигини таъминлаш, ўз томорқасидан самарали фойдаланиш (экин экиш), оила аъзолари, шу жумладан, фарзандларининг билим олиши, касб-ҳунар ва хорижий тилларни ўрганиши ҳамда соғлиғини назоратга олиши, уй-жойини озода тутиши каби шартлар инобатга олинган ҳолда кўрсатилади.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️"ЁШЛАР ДАФТАРИ"ГА ҚАНДАЙ ТОИФАДАГИ ЁШЛАР КИРИТИЛАДИ ?

📄 Ҳукуматнинг 312-сон қарори билан тасдиқланган низомга кўра,

➖ «Ёшлар дафтари»га 14 ёшга тўлган ва 30 ёшдан ошмаган қуйидаги тоифадаги:

✅ оила аъзоси «Темир дафтар», «Аёллар дафтари» ёки «Ижтимоий ҳимоя ягона реестри»га киритилган;

✅ ижтимоий ҳимояга муҳтож бўлган;

✅ боқувчисини йўқотган, етим ёки ота-она қарамоғидан маҳрум бўлган;

✅ ўзига нисбатан васийлик ёки ҳомийлик белгиланган;

✅ ўзгалар парваришига муҳтож бўлган ишга лаёқатсиз;

✅ I ёки II гуруҳ ногиронлиги бўлган;

✅ фарзандида I ёки II гуруҳ ногиронлиги бўлган;

✅ жисмоний ёки руҳий ривожланишида нуқсонлари бўлган;

✅ ота-онасидан бирида I ёки II гуруҳ ногиронлиги бўлган, иккинчиси эса иш фаолиятини тўхтатган ҳолда беморга қарашга мажбур бўлган ёхуд ота-онасининг ҳар иккисида I ёки II гуруҳ ногиронлиги бўлган;

✅ юзага келган ҳолатлар сабабли оғир турмуш шароитида қолган;

✅ зўравонлик ва эксплуатация, табиий офатлар, ҳалокатлар, ёнғинлар ва бошқа фавқулодда вазиятлар оқибатида ҳаётига, соғлиғига, мулкига зарар етган;

✅ «Меҳрибонлик» уйи, Болалар шаҳарчаси ёки оилавий болалар уйида тарбияланган;

✅ ҳақ тўланадиган ишга ёки иш ҳақи (меҳнат даромади) келтирадиган машғулотга эга бўлмаган;

✅ даволанишга муҳтож бўлган бемор ёшлар;

✅ жазони ижро этиш муассасаларидан қайтган;

✅ муайян яшаш жойига эга бўлмаган;

✅ психологик маслаҳатга муҳтож;

✅ никоҳи қайд этилганига уч йилдан ошмаган ёш оила;

✅ деҳқончилик ёки томорқа хўжалигини юритаётган;

✅ ёш тадбиркор ёки ўзини ўзи банд қилган шахс сифатида солиқ хизмати органларида рўйхатдан ўтган ёшлар киритилади.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ГАЗ ВА ЭЛЕКТРДАН ЛИМИТДАН ОРТИҚ ФОЙДАЛАНГАН АЙРИМ ФУҚАРОЛАРГА КОМПЕНСАЦИЯ ТЎЛАБ БЕРИЛАДИ

📄 Вазирлар Маҳкамасининг 16.04.2024 йил кунги 204-сон қарорига асосан,

➖ “Ижтимоий ҳимоя ягона реестри” ахборот тизими орқали кам таъминланган оилалар, болалар нафақаси ва моддий ёрдам олувчи хамда ягона реестрга киритилмаган, “маҳалла еттилиги” хулосаси асосида аниқланадиган қўшимча эҳтиёжманд оилалар тоифасидаги истеъмолчилар учун юзага келиши мумкин бўлган қўшимча харажатларни қоплаш бўйича вақтинча компенсация жорий этилиши ва мазкур эҳтиёжманд оилалар учун иситиш мавсумида (ноябрь – февраль ойлари) электр энергияси ва табиий газ бўйича қуйидаги миқдорлардаги истеъмол учун базавий меъёр доирасидаги ҳамда базавий меъёрдан ошган нархлар ўртасидаги фарқ компенсация қилиб берилади:

✅ табиий газ учун – ойига базавий меъёрдан ортиқ фойдаланилган 250 куб метргача;

✅ электр энергияси учун – ойига базавий меъёрдан ортиқ фойдаланилган 150 кВт соатгача.


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️ЭЛЕКТРАСЕТ СВЕТ ЎЧИШИ ҲАҚИДА ОЛДИНДАН АҲОЛИНИ ХАБАРДОР ҚИЛИШГА МАЖБУР!

📄 Вазирлар Маҳкамасининг 31.05.2024 йил кунги 319-сон қарорига асосан,

➖ ҳудудий электр тармоқлари корхоналари электр тармоғи хўжалиги объектларининг режали таъмирланиши туфайли электр энергияси билан таъминлашдаги мумкин бўлган узилишлар тўғрисида камида 3 кун олдин огоҳлантиришга мажбур.

❗️Шунингдек, истеъмолчиларга электр энергияси етказиб беришнинг тўхтатиб турилиши ва бунинг сабаблари тўғрисида маълумот бериши лозим.

✏️ Кулманглар! Бу ҳақиқат))


Бепул савол юбориш  👇
       @yuristdan_javob_bot

Каналга уланиш 👇
                  @Yurist_Blogerr

❗️МАШИНАМНИ СОТГАНМАН, ЛЕКИН ҲАЛИ ХАМ РАДАРЛАРДАН ЖАРИМА МЕНГА КЕЛЯПТИ..

⚡️ САВОЛ:
Мен автомашинамни ишончнома билан бошқа шахсга сотганман. Сотганимга 1 йилдан ошди. Ҳозирги кунда мени номимга ўша сотган машинам учун кўчадаги радарлардан жарималар келмоқда. Жаримага мен тушмаган бўлсам хам жарима солиш тўғрисидаги қарор мени номимга келиши қонунийми ?

⚡️ ЖАВОБ:
Бундай ҳолатда жарима солиш тўғрисидаги қарор Сизни номингизга келиши қонуний ҳисобланади. Чунки Сиз машинангизни ишончнома орқали сотгансиз. Сотган одамингизга машинангизни олди-сотди шартномаси орқали сотганингизда бундай ҳолат бўлмас эди.

📄 Маъмурий жавобгарлик тўғрисидаги кодекснинг 17 прим 1-моддасига асосан,

➖ махсус автоматлаштирилган фото ва видео қайд этиш техника воситалари орқали йўл ҳаракати қоидалари бузилганлиги қайд этилган тақдирда, маъмурий жавобгарликка транспорт воситасининг МУЛКДОРИ тортилади деб кўрсатилган. Бу ҳолатда мулкдор Сизни ўзингиз ҳисобланасиз. Шунинг учун радарлардан келаётган жарималар Сизни номингизга келиши қонуний ҳолат ҳисобланади.

✏️ Қонунни билмаслик жарималардан озод қилмайди..


Савол юбориш  👇
       @yuristdan_javob_bot

Каналга уланиш 👇
                  @Yurist_Blogerr