#Ҳоким_ёрдамчиси_фаолиятидан

АСИЯ АҲОЛИГА ҲИСОБОТ БЕРДИ

"Ёшлар кундалиги" томонидан ўтказилган "Йил танлови 2022" лойиҳасида вилоятнинг ёш истиқболли кадри сифатида Зангиота тумани "Қиргузар" маҳалласи ҳоким ёрдамчиси Асия Мирзали қизи эътироф этилган эди.

Асия ушбу номни муносиб оқламоқда. Куни кеча у "Қиргузар" маҳалласи фаолларини бир ерга тўплади ва 2022 йилда амалга оширилган ишлари юзасидан ҳисобот берди, 2023 йил режаларини маҳалладошлари билан келишиб олди.

Орамизда "негативчилар" ҳам йўқ эмас. Асия маҳаллада нимани қойиллатибди дейдиганлар эшитиб қўйинг, йил давомида маҳаллада  “Ҳар бир оила-тадбиркор” дастури доирасида 15 нафар фуқарога 264 млн. сўмдан имтиёзли кредит маблағлари ажратилди.

Бундан ташқари маҳалладаги ишсиз ёшларнинг 52 нафари касб-ҳунарга ўқитилди, 103 нафар ишсиз ва норасмий равишда фаолият кўрсатаётган фуқаролар бандлиги таъминланди,167 нафар фуқаро касаначилик асосида доимий даромадга эга бўлишди.

Ҳали бу ҳаммаси эмас, Асия маҳалла инфратузилмасини яхшилаш борасида ҳам талайгина ишларни амалга оширибди. Хуллас, қаҳрамонимиз "Ёш истиқболли кадр" номини оқлаётганидан мамнунмиз, олға, Асия, сени бундан-да буюк ишлар кутмоқда.😊✊

✉Telegram 📱Instagram 📱Facebook 🌐YouTube