#Кун_фотоси

ФУТБОЛ ҚИРОЛИ ҲАЙРОН

⭐️Криш, Бензема, Сане сингари номдор футболчилар Саудияда: пул ўлсин-а, пул ўлсин. Саудлар чемпионатини энди бемалол "Юлдузлар лигаси" деб номлаш мумкин.

🔰Марадона нега буюк, биласизми? Чунки, телба даҳо эди. Футбол учун яшарди, оламжаҳон пул таклиф қилишганида ҳам у шунчаки завқланиш учун футбол ўйнарди, ўзини маълум бир қийматга боғламасди.

♦️Суратга қаранг. Балчиқда тўп тепиб чарчаб ўтирган йигитча ҳали Европани зир титратади, инглизларни зор қақшатади жаҳон чемпионатида, Италияда уни даҳо деб биладилар кейинроқ.

✖️Марадона ҳозир футболда бўлганида Саудияга борармиди? Бормасди. У футболга янги қон бериш учун келганди. Футболни ўлдириш, санъатини пулга сотиш унга ёт эди.

Ақлли йигитларнинг ақлли қарорлари олдида бебош, ўзбошимча Марадона буюкроқ, муҳташамроқ кўринаркан.

💬Telegram 🌐Website 📱Instagram📱Facebook 🌐YouTube

#кун_фотоси

Қўллари қадоғим, бободеҳқоним!

🖼 Бекобод тумани далаларида пахта очилди. Суратда: суяги меҳнатда қотган фермер Жумабой ота Муродов.

📷Фото: Саҳобиддин Рустамов

Yoshlar kundaligi

#кун_фотоси

Улжарқин қизим, бугун ютамиз🔥

📎Бугун одамларимизнинг қарашлари ўзгармоқда, сармояни боласига сарфлайдиган ота-оналар авлоди шаклланмоқда.

⚠️Қуйи чирчиқлик Акмал Шербоев ўзи шахмат ўйнашни билмаса ҳам, қизи Улжарқинни барча мусобақаларга олиб боради, қўллаб-қувватлайди. Кўриб қувондик, ҳавас қилдик, шундай оталар кўпайсин-ей.

📷 Сурат Нурафшон ёшлар марказидаги шахмат турнирида олинди.

Yoshlar kundaligi

#кун_фотоси

🌴Бугун Татаристон Республикаси “АЛАМБУГА” муҳим саноат зонасининг Ўрта Осиё давлатлари ўртасида лойиҳалар билан ишлаш раҳбари Евгений Белов Ёшлар марказида кўчат экди.

✔️Евгений Белов,Тошкент вилояти ҳокими ўринбосари Отабек Султонбеков ҳамда Ёшлар ишлари агентлиги вилоят бошқармаси бошлиғи Миразиз Мирсултонов ўртасидаги мулоқотда ёшларни касбга ўқитишда Татаристон билар ҳамкорлик қилишга келишилди.

Yoshlar kundaligi

#Кун_фотоси

🇺🇿Бугун Тошкент вилоятида бир байрам бўлдики, қамрови ва таърифи адоқсиз.

◀️9 май шодиёнаси, Зулфия Закированинг монументи ва муҳташам боғ очилишига ўн минглаб одамлар қаторида минглаб автоуловлар ҳам келди.

✅Нима демоқчимиз? Суратдаги мана бу отанинг ҳам бугунги байрамда бошқалардек ўз боласини айлантиришга, ўйнатишга ҳаққи бор эди. Аммо буларнинг бурчи бошқаларнинг хурсандчилигини, тартибини ва тинчлигини таъминлаш. Раҳмат, сизларга ва ортингизда турганларга.

📍"Nurafshon city": байрамнинг тугаши ва нурафшонлик ЙПХ ходими.

Yoshlar kundaligi