#илм_фан #ифтихор

⚡️⚡️⚡️⚡️⚡️⚡️⚡️⚡️

СПОРТ ЎЗ ЙЎЛИГА, ЁШ ОЛИМЛАР БИЛАН ҒУРУРЛАНИШ КЕРАК!

🏅 Бугун 53-Халқаро кимё олимпиадасининг натижалари эълон қилинди. Ёшларимиз 1 та олтин ва 3 та бронза медалларини қўлга киритдилар. Бу 240 дан ортиқ давлатлар орасида қандай ғурурланишга, ифтихорга лойиқ натижа эканлигини тушунсангиз эди...

😊 Дарвоқе, шу билан жорий йилдаги энг нуфузли халқаро фан олимпиадалари цикли тугади. Бу йилги жами натижаларимиз қуйидагича: - 10 та медаль (2020 йилда 6 та): 3 та олтин, 2 та кумуш ва 5 та бронза.

☺️ Тўғрисини айтсам, мен таэквондо бўйича олимпиада чемпиони Улуғбек Рашитовдан кўра, шу ёшларимиздан кўпроқ ғурурланаман. Жамоамиз билан бирга бу ютуқнинг аҳамиятини, моҳиятини таҳлил қилиб кўрдик.

🧪 Кечирасиз-у, кимё фанидан жаҳон олимпиадасида олтин, кумуш, бронза медал олиш – ўзбек ёшлари, наинки давлат, балки умуман, цивилизациямиз тақдири, жангларга эмас, лабораторияларга боғлиқ бўлган янги тарихда ҳам ўз ўрнига эга бўлади дегани.

Бу ёшлар – миллатимизнинг олтинбошлари! Улар билан ғурурланаман.

P.S. Шу жойига ўзим ниҳоятда ҳурмат қиладиган машҳур кимёгар-физик, Эрнест Резерфорд ҳаётидан ибратли ҳаётий воқеа. У бир куни лабораторияда уёқдан буёққа чаққон илдамлаётган ёш шогирдидан нима қилиб юрганини сўрайди. Шогирди эса ишлаётганини айтади. Резерфорднинг жавоби эса доҳиёна ва оддий эди: "Қизиқ, қачон фикрлайсиз?"

@yk_rasmiy
Каналга уланинг
👇👇👇👇👇👇
https://t.iss.one/joinchat/vzU2-94ALUFkYzIy

​#илм_фан

Тошкент вилоятининг академикларини танийсизми?

Академиклар илмий жамоатчилик томонидан тан олинган мактаб яратган, илмий ютуқлари мамлакатнинг интеллектуал ва иқтисодий салоҳиятини ривожлантириш ва кучайтиришга жавоб берадиган, ёши 65 дан ошмаган Ўзбекистон Республикаси фуқароси бўлган фан докторларидан сайланади.

Кузатувларимизга кўра, ҳозир Фанлар академиясининг аъзолари, яъни академиклари 64 нафарни ташкил қилади. Улар орасида Тошкент вилоятида туғилиб, илмий изланишлар олиб бораётганлари 7 нафардир.

1️⃣Абдусаттар Абдукаримов – Чиноз туманида туғилган. У молекуляр генетика бўйича олим бўлиб, қатор генлар ажратиб олиш, вектор молекулалар конструкциясини яратиш, якка ҳужайрадан сунъий шароитда ўсимлик етиштириш билан боғлиқ илмий ишлар дастурига раҳбарлик қилган;

2️⃣Шавкат Каримов – Зангиота туманида туғилган, Республика хирургик ангионеврология ихтисослашган хирургия маркази директори. У тажрибали хирург. Ўзбекистон Республикасида хизмат кўрсатган фан арбоби, “Дўстлик” ордени соҳиби.

3️⃣Мирзиёд Мирсаидов – Тошкент ирригация ва қишлоқ хўжалигини механизациялаш муҳандислари институти “Назарий ва қурилиш механикаси” кафедрасига мудирлик қилиб келмоқда. У Юқори Чирчиқда туғилган, “Дўстлик” ордени соҳиби бўлган. Шогирдлари билан бирга “Деформацияланувчан қаттиқ жисм механикаси” ва “Гидротехника иншоотлар динамикаси” йўналишлари бўйича олинган илмий натижалар, ишлаб чиқилган назария ва услублар механика фанида катта илмий аҳамиятга эга бўлган кўп истиқболли янги илмий йўналишларнинг асосини ташкил қилади. Олимнинг илмий раҳбарлигида 14 та фан номзоди, 3 та фан доктори тайёрланган.

4️⃣Рамизулла Мўминов – Қибрай туманида туғилган. Унинг изланишлари асосида ядро нурларини ўлчовчи-яримўтказгич детекторлари, лазерлар, қуёш нурини электр энергиясига айлантирувчи асбоб-ускуналарни ишлаб чиқариш йўлга қўйилди. Бу асбоб-ускуналар фазо ва сув ости кемаларида, терма ядро синтези қурилмалари ва бошқаларда кенг қўлланилиб келинмоқда.

5️⃣Темуржон Носиров – Зангиота туманида туғилган. Энергетик олимнинг илмий ишлари электроэнергетика тизимларнинг турли режимлари таҳлили учун назарий умумлаштирилган моделлари ва алгоритмларига ҳамда автоматлаштирилган диспетчерлик бошқаруви тизимларига бағишланган.

6️⃣Ботиржон Сулаймонов – Зангиота туманида туғилган. Тажрибали олим ўсимликларни ҳимоя қилиш борасида кўплаб тадқиқотларни амалга оширган. Бундан ташқари у занг канаси ва унга қарши кураш чоралари борасида ҳам самарали ишларни олиб борди. Иссиқхоналарда сабзавот экинлари зараркунандалари, биоэкологияси ва улар сонини бошқаришнинг биологик асослаш каби кўплаб тадқиқотларидан қишлоқ хўжалиги соҳасида самарали фойдаланиляпти.

7️⃣Акмал Саидов – Зангиота туманида туғилган. У айни пайтда Ўзбекистон Республикаси Олий Мажлиси Қонунчилик палатаси Спикерининг биринчи ўринбосари лавозимида фаолият юритади. Унинг ҳуқуқий соҳадаги кўплаб тадқиқотни олиб борган ва турли мавзуларда илмий мақолалар ва тўпламлар муаллифидир. "Эл-юрт ҳурмати", "Меҳнат шуҳрати" ва "Дўстлик" орденлари билан тақдирланган.

Мавзуга оид: бунгача "Ёшлар кундалиги"да “Олтин зангламас ёхуд cаноғи ортаётган академиялар” ҳақида мақола берилган эди.

✉Telegram 📱Instagram 📱Facebook 🌐YouTube

#Илм_фан

Инсоният ишсиз қоладими?

📌АҚШда мустақил равишда бошқа роботларни йиғадиган ва таъмирлайдиган робот ихтиро қилинди.

⚡️У инсон аралашувисиз турли мураккаб ҳаракатларни амалга оширади.

Yoshlar kundaligi

#Илм_Фан

🇨🇳🚀 Хитой кеча — 3 май куни Ойнинг кўп тадқиқ этилмаган томонига космик кемасини учирди.

🌗 Хитойнинг учувчисиз ушбу Change’6 номли космик кемаси Ойни ўрганишда, уни тадқиқ этишда катта қадамлардан бири бўлди.

🇺🇸 Американинг SpaceX компанияси эса бугун маҳаллий вақт билан 10:37 да коинотга 23 та Starlink сунъий йўлдоши ва 2 та Ерни кузатиш сунъий йўлдошини юборди.

Yoshlar kundaligi