#Ёнғин #Қуйи_Чирчиқ

Ғалла ҳосилидан бўшаган ерларда ёнғинлар кўпаймоқда - масъуллар эса жим

🎞 Видеода Қуйи Чирчиқ туманидаги «Юлдуз» маҳалласида кеча оқшомда содир бўлган ёнғинни кўришимиз мумкин.

🚨 Аввалроқ худди шундай ёнғин Чиноз тумани далаларида бўлганди.

☝️Эслатиб ўтамиз, ёнғин туфайли ернинг унумдор қатламига катта зиён етади.

❗️Вилоятда ғалладан бўшаган майдонларда ёнғинга қарши қандай ишлар олиб борилгани, кўрилган чоралар ҳақида ахборот берилмади.

🔥 Далалар эса ёнишда давом этаяпти...

Каналга уланиш:
https://t.iss.one/+tcc8Accr_k80OGNi

#Тезкор #Қуйи_Чирчиқ

Қуйи Чирчиқ тумани Дўстобод шаҳри деҳқон бозори атрофидаги икки қаватли дўконларда ёнғин чиқди.

Каналга уланиш:
https://t.iss.one/+tcc8Accr_k80OGNi

#Қуйи_Чирчиқ

😱 Оилавий болалар боғчаларини ташкил этиш вақтинчалик чора, мактабгача ёшдаги болаларни қамраб олиш мақсадида қилинган иш эди.

🤔 Бизнингча, бу ташаббусни илгари сурганлар масаланинг бошқа томонларини ўйлашмаган. Жони борнинг жанжали бор, деди халқ. Болалар кўз ўнгида эр-хотин жанжали, мана бунақа томоқдан бўғиб азоблаш бўлиб турса, бу энди қандай тарбия?

😐 Йиғлаётган болаларга ачиндим...

Каналга уланиш:
https://t.iss.one/+tcc8Accr_k80OGNi

​​#Очиқ_дарс #Қуйи_чирчиқ

Креатив муаллим: Қуйи Чирчиқ фахри

У ҳақида

52 ёшни қаршилаб, 31 йилини мактабга бағишлаган муаллима Саодат Икромова 1970 йил 4 февралда Қуйи Чирчиқ туманида туғилган. Бугун Саодат опа 3 фарзандини олий маълумотли қилиб, зиёлилар қаторига қўшган қаҳрамон она.

– Мен бу касбни биринчи устозим Робия Камоловага ҳавас қилиб танлаганман. Болалар ва мактаб ҳаётимнинг ажралмас қисмига айланган”, - дейди муаллима.

Мен боламан

- Биласизми, болалар билан ишлагандан кейин ўзингиз ҳам бола бўлиб қолар экансиз. Дарс вақти кичик болаларга хос хатти-ҳаракатлар қиласиз. Уларнинг оламида кезишга уринасиз. Мана 52 ёшга тўлган бўлсам ҳам, баъзида ўзимни ҳали ҳам ёш боладек сезаман. Бошланғич синф ўқитувчиси бўлиш катта масъулият талаб қилади. Бир боланинг қўлига қалам тутқазиб ҳарф ёздириш, бирма-бир алифбо ҳарфларини танитишнинг машаққати ўзига яраша. Дарсимни мултимедиа, турли ўйинлардан фойдаланиб ўтаман. Ранг-баранглик болаларнинг тез эътиборини тортади. Мақтаниш эмас, ўқувчиларнинг ўзлари мактабдан кетгилари келмай қолади.

"Ўқитувчи алдамайди", деб ким айтди?

- Болани асло бақириб, уришманг, у руҳан синади. Сиздан ҳам, дарсдан ҳам безиб қолади. Тугманинг тешигичалик ютуғи бўлса ҳам мақтаб қўйинг, зеро ўзига ишончи ошиб борсин.

Интилинг

- Ўқувчиларимга доим такрорлайман: Билимнинг эрта- кечи йўқ. Бешикдан то қабргача илм изла, деган нақл бежизга айтилмаган. Умр давомида китобга дўст тутининг. Изланинг, ўрганинг. Сиздан фақат ёрқин излар қолсин.

Орзуларим

- Ниятим битта – ўқувчиларим келажакда юрт учун фидойи инсон бўлиб етишса бас. Менга уларнинг орқасидан келган раҳмат кифоя.

Шогирдларим тўғрисида

Саидаъзим Матураев (ўқитувчи), Марат Избосаров (ўқитувчи), Малоҳат Муҳаммедова (ўқитувчи), Жасур Джуманов (ўқитувчи), Дониёр Марипов (ўқитувчи), Феруза Ботирова (ўқитувчи), Саидғани Исаев (ИИВ лейтенант), Темурхон Икромов (таржимон), Элмурод Эргашев (таржимон).

Шу мактабни битириб, бугун юқори лавозимда ишлаётган собиқ ўқувчилар: Азамат Камолов (Тошкент вилояти халқ таълими бошқармаси бошлиғи), Эркин Муҳаммедов (Қуйи Чирчиқ тумани электр тармоқлари бошлиғи), Салоҳиддин Қодиров (туман ИИБ да катта терговчи).

Каналга уланиш:
https://t.iss.one/+tcc8Accr_k80OGNi