#Зиёрат_туризми

Қирқ қиз булоғи

Маълумки, Пискент тумани тарихи икки ярим минг йилликларга бориб тақалади. Мазкур ҳудудда “Парпи ота”, “Бобо Ғозий Турк тўғон”, “Хасти Бузург” ва “Қирққиз” зиёратгоҳлари мавжуд.

Йилнинг тўрт фаслида ҳам зиёратчилар учун қулай шароитлар яратилган "Қирққиз" қадамжоси доим одамлар билан гавжум. У Олмалиқ шаҳридан 6 километр ғарбга юрилганда Кўл ота қишлоғида жойлашган. Зиёратгоҳда тоғ тагида қайнаб чиқаётган 40 та булоқ бор. Ажабланарлиси, сувларининг таъми ҳар хил. Замонавий тиббиёт уларнинг турли дардларга даво эканини тасдиқлаган.

Маҳаллий афсоналарга кўра, VIII асрларда бу жойларда бир подшоҳ ҳукм сурган. Унинг ёлғиз қизи бўлган экан. Бир куни ёв бостириб келади. Подшоҳ лашкарлари билан ёвга қарши чиқади. Бироқ ёв сон-саноқсиз эди. Енгилишини сезган подшоҳ қизига чопар юбориб, яширинишни амр этади. Қиз қирқ канизаги билан тоққа қочиб кетаётиб, душман лашкарларига дуч келади. Ор-номусини сақлаб қолиш учун қизлар ўзларини чуқурликдаги кўлга отадилар ва ҳалок бўладилар. Орадан йиллар ўтиб, кўлнинг қуйи қисмида Кўл ота қишлоғи шакилланади. Маҳаллий аҳоли бу ерга келиб, булоқларни санаб кўришса, жами қирқта экан. Шунда улар ота-боболари айтиб кетган ҳикоя ҳақиқатга яқинлигини тасдиқлашади. Унга Қирққиз булоқ дея ном беришади.

“Қирққиз” зиёратгоҳида саёҳатчилар учун маиший хизмат кўрсатиш йўлга қўйилган.

Айни пайт ёмғир томчилари Қирққиз булоқларига ўйноқлаб қўшилмоқда. Ажойиб манзараларнинг гувоҳи бўлинг.

📍Локация

✉Telegram 📱Instagram 📱Facebook 🌐YouTube

#зиёрат_туризми

Ҳассаси чинорга айланган авлиё

Таҳлилларга кўра, Паркент туманида моддий-маданий кўчмас мулк объектлари миллий рўйхатига 69 та манзил киритилган бўлиб, ҳозирда уларнинг айримларинигина номи сақланган холос.

Улардан бири Ҳазрат Али Бува зиёратгоҳидир.

Мазкур қадамжо Кумушкон қишлоғининг энг юқори қисмида жойлашган. Ривоят қилинишича, Пайғамбаримизнинг куёвлари Ҳазрати Али шу жойда ибодат олдидан таҳорат олмоқчи бўлганларида Аллоҳдан булоқ пайдо қилишини сўраганлар.

Яна бир афсонага кўра, шу ердаги чашмадан Ҳазрати Али ўзининг Дулдул лақабли отларини суғорганлар.

Айрим ривоятларга кўра, унинг қамчисидан, яна баъзи бирларида қайд этилишича, ҳассасидан чинор дарахти кўкариб чиққан. Бу чинор ҳозир ҳам барқ уриб турибди. Ушбу муқаддас жойда 5 та булоқ бор. Сувларнинг таркиби ҳар хил бўлган. Муҳими, сув таркиби кумушга тўйинган бўлиб, 60 дан ортиқ фойдали микроэлементлар борлиги аниқланган.

Дастлаб, зиёратгоҳда 1982 йил қишлоқ аҳолиси томонидан ҳашар йўли билан 1 та хонақоҳ ва 1 та айвон қурилган. 2010 йилда маҳаллий усталар томонидан бинолар қайта таъмирланиб, масжид ҳам қурилган. Зиёратгоҳгача 60 та зинапояни босиб, ўтиш лозим. Шунингдек, зиёратгоҳ юқорисида ўтов қурилган бўлиб, у ерда музей, саёҳатчилар учун ҳунармандчилик ва каштачиликдан мастер-класс ўтказилади.

📍Локация

✉Telegram 📱Instagram 📱Facebook 🌐YouTube

#зиёрат_туризми

“Шодмалик ота”нинг чиллахонаси

🕌Оҳангарон туманидаги “Шодмалик ота” зиёратгоҳи моддий-маданий меросларимиздан бири саналади. Шайх Шоабдумалик отанинг асл исмлари Малик Абдуллоҳ ибн Аҳмад ибн Қулмуҳмаммад ибн Қодир ал-Илоқий бўлиб, Шоабдумалик бобо, Шодмалик ота каби номлар билан халқ орасида машҳур бўлган. Шодмалик ота яссавия тариқати асосчиси Хожа Аҳмад Яссавийнинг муриди бўлган ҳазрат Мансур отанинг фарзанди эди. У Ўрта Осиёда машҳур бўлган авлиёлардан бири Занги отанинг бобосидир.

🔘Шодмалик ота XII аср охири XIII аср бошларида яшаб, дастлабки таълимни Бухородаги мадрасада олади. У сўфийлик асосларини, Юсуф Ҳамадоний таълимотини, араб ва форс тилларини мукаммал билган.

❗️Айни пайтда зиёратгоҳда мақбара мавжуд бўлиб, унинг остида чиллахона бор. Ушбу иморат Шарқ меъморчилигининг ажойиб намуналари асосида безатилган. Хусусан, гумбаз ва ички безаклар юксак дид билан ишланган.

🏗Бино шифтлари сополдан ишланган, шарқона нақшлар билан безатилган. Чиллахонанинг уст қисмидаги мақбара 2008-2009 йиллари ҳомийлар томонидан ҳашар йўли билан қурилган. Шодмалик ота мажмуасини қурилиш ишлари узоқ вақт давом этган.

❗️Профессор Михаил Евгеньевич Массоннинг гувоҳлик беришича, Шодмалик ота сағанасидан жуда кўп қўлёзма ва китоблар топилган бўлиб, ҳозирда улар Санкт-Петербургдаги Шарқ қўлёзмалари фондида сақланади. Бу қўлёзмалар орасида Шодмалик отанинг дастхати билан ёзилган тафсир, илоҳиёт, туш таъбири, маърифат талқини ва бошқа соҳаларга бағишланган ўттиздан ортиқ қўлёзмалар бўлган.

📍Локация

✉Telegram 📱Instagram 📱Facebook 🌐YouTube

#Зиёрат_туризми #TOП5

🧐Келаётган дам олиш кунлари оилавий зиёрат қилмоқчисиз? Аммо қаерга боришни билмаяпсизми?

😉Демак, бу видео айнан сиз учун.

"Топ5" лойиҳасида вилоятнинг машҳур зиёратгоҳлари.

✉Telegram 📱Instagram 📱Facebook 🌐YouTube