#Тақвим

🗓Бугун эски ҳисоб бўйича Ақраб буржининг охирги куни. Эртадан Қавс кириб келади. Қавс ўзбекчада "Ёй" дегани.

♐️Камон ёйи – ўз номи билан вазиятга қараб таранг тортилади ёки бўшроқ бир мақомда туради. Шамсий тақвим бўйича 23 ноябрдан қавс (ёй) буржи кириб келади. 22 декабргача давом этадиган бу ой қадимдан кўчат ўтқазиш мавсуми ҳисобланган.

🔰Эслатиб ўтамиз, айни пайтда вилоятимизда "Яшил макон" умумиллий дастури доирасида кўчат экиш бўйича долзарб 40 кунлик бўлиб ўтмоқда.

🖼Суратда: "Ёшлар кундалиги" жамоаси Нурафшондаги "Янги Ўзбекистон" боғига кўчат ўтқазмоқда.

✉Telegram 📱Instagram 📱Facebook 🌐YouTube

#тақвим

ДАҚИҚАСИ ЎН КУНГА ТЕНГ ҲУТ КИРДИ

🤔Ҳозир қайси буржлигини биласизми? Унда билиб қўйсангиз зарар қилмайди.

🗓Тақвимга кўра,19 февралдан Ҳут буржи кириб келади ва 21 мартгача давом этади.

♓️ Ҳут форсчада – моҳий, ўзбек тилида эса балиқ деб аталади. Ҳут кўпинча изғиринли совуқлар билан ўтади. Тожик халқининг: “Ҳут ҳутлигини қилса, кексаларни уйидан чиқармай қўяди”, деган гапида жон бор. Қиш бўйи қор ёғмайди-ю, кунлар исиши, дарахтлар куртак ёзиши билан қировли, қорли кунлар бошланиб кетади.

❗️Аммо ҳут қанчалик совуқ келмасин, табиат уйғониш даври сари юз тутиб бораверади.

ℹ️ Ҳут кириши билан деҳқонларнинг ороми йўқолади. “Ҳутнинг ҳар дақиқаси кузнинг ўн кунига тенг”, дейилган доно ўгитга амал қилинади. Боғбонларнинг ташвиши янада кўпаяди. Улар мевали дарахтларни кесиш, шакл бериш ишларини ҳутнинг бошларида, куртаклар бўртмай туриб тугаллашга шошиладилар.

✅ Кўмилган анор билан анжир дарахтларини дарҳол тупроқдан чиқариб қўядилар, акс ҳолда ер исиши билан бу ярим тропик дарахтларнинг новдаси қорайиб, чирий бошлайди. Об-ҳаво шароитига қараб, ток қатор ораларига ишлов бериш, чуқур қилиб ағдариш бошланади.

☝️Бу буржнинг яна бир ажойиб томони борки, табиат бу ойда одамларни шифобахш ўсимликлар билан сийлайди. Хусусан, ялпиз, жағ-жағ, сал кейинроқ исмалоқ, шўра, қуштили, барра қизғалдоқ, чучмома, кийикўт ва бошқа кўплаб доривор ўсимликлар бош кўтаради.

✍️Беҳбудийнинг ёзишича, ҳут ойи ҳар тўрт йилда бир марта 29 кун, уч марта 28 кун бўлади. 29 кунлик йил кабиса йили дейилади.

✉Telegram 📱Instagram 📱Facebook 🌐YouTube