#муҳаббат_бекати

Сен менинг коинот томон йўллаган дуоимнинг энг гўзал ижобатисан...

Бизни ижтимоий тармоқларда кузатинг:
Facebook |Telegram| You tube | Twitter

#муҳаббат_бекати

Юрагимнинг қаеридир куяди,
Симмиллайди, чарсиллар,
санчар,
Гўё минг йил юраксиз яшаб,
Бир қадоқ оғриққа куним қолгандай...
Сени соғинганман...!

Кўзимда дарёлар жимирлар аста,
Уфиради,
буғланар,
тошар,
Гўё минг йил тошқинсиз яшаб,
Бир томчи иқрорга куним қолгандай...
Сени соғинганман...!

Ҳушёр тортар руҳим-имтиҳон берар
Қалтирайди,
дилдирар,
титрар,
Гўё минг йил кўнгилсиз яшаб,
Бир аҳмоқ ақлга куним қолгандай...
Сени соғинганман..!

Деразамни ёпаман, этим учади,
Жондан ўтар,
изғирин,
шамол,
Гўё минг йил қуёшсиз яшаб
Бир нуқра чўғингга куним қолгандай...
Сени соғинганман..!

Сени соғинганман, оҳ, нима қилай,
Нима қилай,
ахир, айт,
нима?!
Гўё минг йил сенингсиз яшаб,
Бир ютим ажалга куним қолгандай...
Сени соғинганман..!

Фарида АФРЎЗ

@yoshlar_kundaligi_rasmiy

#муҳаббат_бекати

ФАҚАТ БИЗ БИРГАМИЗ

Бир куни дарахтни тарк этар япроқ,
Яланғоч новдалар титрар асабий.
Висол оқибати ҳижрондир, бироқ
Фақат биз биргамиз, жоним, абадий!

Бир куни ўзанин ташлайди дарё,
Саҳролар гул бўлар, водийлар саҳро.
Елкамдан кетмайди хуш бўйинг асло,
Фақат биз биргамиз, жоним, абадий!

Бир куни юлдузлар учар пойма-пой,
Сайёралар топар ўзга жойдан жой.
Бир куни Заминни ташлаб кетар Ой,
Фақат биз биргамиз, жоним, абадий!

Бир куни ўзидан тонар Кун, аён,
Лаҳзада руҳ билан видолашар жон.
Фақат сен кетмайсан мендан ҳеч қачон!
Фақат биз биргамиз, жоним, абадий!

© Иқбол МИРЗО

@yoshlar_kundaligi_rasmiy

#муҳаббат_бекати

Келгил, эй оромижон, олди қарорим интизор,
Йўлин узра туфроқ этди, жисму зорим интизор...

🎤Баҳром Назаров

@yoshlar_kundaligi_rasmiy

#муҳаббат_бекати

Эсимдан чиқибди ҳатто кўзларинг,
Қўлларинг...
Мен ўзга қўлни тутганман.
Кечир, оғир ботса енгил сўзларим,
Сени унутганман. Унутганман.

Муҳаббат...
Кимнингдир ошиғи олчи,
Ошиқ бўлиб, холос, заққум ютганман.
Қайлардадир қолиб кетди рўмолчанг.
Сени унутганман. Унутганман.

Гоҳо дилни эзса тириклик юки,
Гоҳо тўйганимда бу лазиз жондан.
Гоҳида... Бир нафас... Фақат... Ҳолбуки,
Сени унутганман. Унутганман...

© Иқбол МИРЗО

@yoshlar_kundaligi_rasmiy

#Муҳаббат_бекати

Талабларга биноан Шерали Жўраев ижросида "Биринчи муҳаббатим"!..

Абдулла Орипов сўзи

Ярим асрдан буён элимиз ардоғида бўлиб келаётган гўзал мусиқа, ижро билан яхши дам олинг!..

Каналга аъзо бўлиш:
https://t.iss.one/joinchat/vzU2-94ALUFkYzIy

#муҳаббат_бекати

Бахтнинг саройига бирга борамиз,
Йиғлама, ўзимнинг фариштагинам!

🎤 Шоҳжаҳон Жўраев


📲Ёшларга оид тезкор хабарлар:👇

https://t.iss.one/joinchat/vzU2-94ALUFkYzIy