#Тавсия #Байрам_яқин

🤔 Айрим ота-оналар Янги йил байрами олдидан фарзандига қандай совға бериш ҳақида ўйланиб қолади. Бугун сизга фарзандингизнинг ёшига мос келадиган, фойдали ва ҳамёнбоп совғалар ҳақида маълумот берамиз.

🎄 2-4 ёш. Конструкторлар, мусиқали ўйинчоқлар, "Ўзимиз бўяймиз" дафтарлари, ўйинчоқ идишлар, мозаика, стол ўйинлари, машиналар;

🎄 5-7 ёш. Қизалоқлар учун тақинчоқлар, ўғил болалар учун эса тўп, болаларбоп соатлар, ўзбек ва бошқа тилларни ўргатувчи ақлли алифболар;

🎄 8-9 ёш. Болалар энциклопедияси, бадиий китоблар, спорт анжомлари, фотоальбом, ақлни чархловчи бошқотирма ўйинлар;

🎄 10-15 ёш. Гаджетлар ёки замонавий аксессуар, спорт анжомлари, пул йиғадиган ҳайкалчалар, болалар ва ўсмирлар нашрларига йиллик обуна;

🎄 15-20 ёш. Сув ҳавзалари ёки машқ залига абонемент, чиройли клавиатура ёки симсиз сичқонча, китоблар, эсдалик учун идишлар, ноутбук ё телефон учун ғилофлар.

🎁 Унутманг, болаларингизни қимматбаҳо совғаларга ўргатиб қўйишдан эҳтиёт бўлинг. Уларга гап совғада эмас, эътиборда эканини англатинг.

✍️ ЗИЛОЛА тайёрлади

Yoshlar kundaligi

#Тавсия #Байрам_яқин

​​🎁 ЯНГИ ЙИЛ СОВҒАЛАРИ: КИМГА НИМА ТАНЛАШ КЕРАК?

🎄Янги йил олдидан совға танлашда шошиб қолманг. Биз сизга ҳам фойдали, ҳам ҳамёнбоп танлов таклиф қиламиз. Қуйидаги тавсиялар вақт синовидан ўтган, қабул қилувчига завқ улашувчи совғалардир. Ишонмасангиз, синаб кўринг!

➖ Оталар учун

🧣 Оталарга қўл соати, иссиққина шарф, пул ва бошқа ҳужжатлар олиб юриш учун кармон олинг. Агар отангизнинг иши офисда бўлса стол чироғи, қулай ён дафтари, ноодатий ручка, портфель беришингиз мумкин.

➖ Оналар учун

💐 Онангиз учун иссиқ рўмол, бежирим рўмолчалар, қулай соч қуритгич, қўлқоплар тавсия қилинади. Яна дастурхон, диван ва курсиларга қопламалар, ошхонага сувенирлар, илгаклар олиш мумкин. Онангиз гулларни яхши кўрса уруғлар ва кўчатлар, чиройли гултуваклар танланг.

➖ Болалар учун

📚 5-10 ёш. Болаларбоп соатлар, магнитли алифбо, алифбо, энциклопедиялар;
⚽️ 10-15 ёш. Қўлсоат, гаджет ёки замонавий аксессуарлар, спорт жиҳозлари, стол ўйинлари, сенсор учун бармоқли қўлқоплар;
⌚️ 15-20 ёш. Китоб, бассейн ёки машқ залига абонемент, атир, чиройли клавиатура ва симсиз сичқонча, антиқа будильник, идиш (офис учун кружка), ноутбуклар учун ғилофлар.

➖ Ҳамкасблар учун

🎉 Аёлларга. Осонгина йўлни танлаб, аёл ҳамкасбларнинг барчасига бир хил совға олиш мумкин. Масалан, ўрамдаги арча ўйинчоқлари, тақвимлар, ошхона анжомлари.

⌨️ Эркакларга. Компьютер сичқончаси учун гиламча, брелоклар, қайдлар учун чиройли қоғозчалар.

📌 Буларнинг ёнига ширинлик қўшиш эса байрамни яна-да тотли қилади. Унутманг, совғани очиқ чеҳра ва чиройли тилаклар бериш унинг қадрини ўн баробар кўтаради.

🔗 Тавсияларни дўстларингизга ҳам улашиб, совға танлашда ёрдам беринг.

Yoshlar kundaligi