#Танқид

Inbazar асосчиси Холматов Омадбекка

Калтакланган ходим воқеасидан кейин уч-тўртта фикрлар уйғонди. Сезяпсизми, кейинги пайтда хусусий иш берувчилар ва ходимлар ўртасидаги муносабатларда ҳуқуқий механизмлар эмас, "понятка" системаси асосий роль ўйнамоқда.

Сен давлат берган имтиёзлардан фойдаланиб, бизнес юритяпсан, Президент сенга кафил бўлди, тадбиркорларни текширишга қатъий мораторий қўйди, сен эса диктаторга айландинг. Пулинг кўпайгани ҳамоно хорижда юрасан, сени Ўзбекистондаги шароитлар қониқтирмай қўйган. Ўзингни дунёни энг катта олигархларидан бири санай бошладинг.

Ҳолбуки, сен оддий олиб-сотарсан ва ҳатто шу ишниям эплай олмадинг. Қўлингдан иш келса, ўзингникини чопасан. Бу ишинг биринчи марта ҳам эмас экан. Бошқа бир ходим билан ишкал чиқариб, жиянингни чақириб, дўппослатиб, йиғлатиб ҳайдаворган экансан.

Давлат тадбиркорлар синфини унча-мунча камчиликларига кўз юмиб, бизнес муҳитига салбий таъсир қилишдан тийилиб келаётганини сенлар бошқача тушунасан. Сен кабилар қорнинг тўйганидан кейин халқни менсимасдан муомала қиласан, ходимларга қулдордек қарайсан.

Энг кулгилиси, шу ҳолингга оғзингдан иншолло, мошолло тушмас экан. Лекин, ишингни аталаси чиқиб ётибди. Сен кимсанки, оддий ходимга қарши спортчи жиянингни чақириб самосуд қиласан?

Yoshlar kundaligi

#Танқид

Нурафшон Давлат хизматлари маркази нега одамларни куттирмоқда?

Давлат раҳбари фуқароларимизга қулайлик яратиш мақсадида қатор давлат хизматларини бир ташкилотга бириктирди.

Аммо ҳудудлардаги баъзи масъуллар бу ҳаракатларни йўққа чиқаришга, одамларда Президент сиёсатига шубҳа уйғотишга астойдил ҳаракат қилаётган кўринади.

Нурафшон Давлат хизматлари марказида иш шунчалик расво ташкил қилинганидан одамлар соатлаб навбат кутмоқда.

Имконият бор, аммо истак ёки савия йўқ одамларни куттирмаслик учун.

Yoshlar kundaligi