#Туйғу

Ёз - ўтмоқда соз...

📷 Шерзод Қорабоев.
📍Оҳангарон шаҳри.

Yoshlar kundaligi

​#Дунё_ёшлари

ҚИРҒИЗИСТОН ЁШЛАРИ. УЛАРНИ НИМА ҚИЙНАЙДИ?

Таълимдан қониқасизми?

📚 Қирғизистон аҳолисининг ярмидан зиёдини ёшлар ташкил этади. Қарийб 3/1 қисми 15-25 ёшгача бўлган йигит-қизлардир.

⚡️Қирғизистон ҳукумати ўз ёшлари учун 9 йиллик бепул мажбурий мактаб таълими ва икки йиллик касб-ҳунар таълимини кафолатлайди. Бироқ таълим муассасаларидаги сифат афсуски ёшларни қониқтирмайди.

🎓Олий таълим бўлажак талабаларни имтиҳон асосида университетга қабул қилади. Бир жиҳати қувонарлики, ОТМ ларда таҳсил олаётган талабаларнинг 55 фоизидан ортиғини хотин-қизлар ташкил этади.

💼Лекин мамлакатда ёшларни олий таълимга қамраб олиш кўрсаткичи баланд бўлгани билан, уларни иш билан таъминлашда қатор муаммоларга дуч келинади. Деярли 40 фоиз йигит-қизлар ишсиз. Шу сабаб ёшларда олий таълимга бўлган ишонч унчалик юқори эмас. Улар аксинча сердаромад касбларни эгаллашни маъқул кўришмоқда.

🏢 Қирғизистон университетларининг жаҳон рейтингларидаги ўрни ҳам ҳавас қиладиган даражада эмас. Биргина “QS World University Rankings 2022” топ мингталигида Қирғиз-Турк Манас Университети 801-ўринни эгаллаган.

Ёшлар сиёсати. Янгича қараш

📝 Ўтган сўнгги 2-3 йил оралиғида Қирғизистон ёшлар сиёсатини мукаммаллаштиришга бел боғлади. Ҳозирда мамлакатда спорт, маданият, санъатга эътибор кучайган. Ҳукуматнинг асосий мақсади мамлакат ёшларини ижтимоий амалиётга жалб этиш, инновацион ғояларни илгари суриш, ёшлар меҳнат биржалари, бандлик билан таъминлаш тизимини изчил йўлга қўйишдан иборат.

Қирғиз ёшлари характери

💡 Маълумотларга қараганда, кўпчилик қирғиз ёшлари шифокор кўригига боришни умуман исташмайди, яъни улар учун соғлиқ охирги ўринларда. "Оғриқ бўлмаса шифокорнинг кераги йўқ" тамойилига амал қилишади.

🔸 Улар асосий вақтини интернет билан ўтказишади. Бахт ҳиссини 100 фоиз деб оладиган бўлсак, қирғиз ёшлари ўзларини 75 фоизга бахтли деб билишади.

🔸 Қирғизлар учун оила биринчи ўринда. 

🔸 Мамлакат ёшлари ижтимоий эркинликни талаб қилишади. Яъни улар ўқиш, оила қуриш борасида ота-онасининг эмас, ўзларининг хоҳишларига қулоқ тутади. Аммо ҳар тўрт қирғиздан учтаси вояга етгач ота-онаси билан яшайди.

🔸 Ёшларни киноюлдуз ёки қўшиқчилар эмас, сиёсатчилар кўпроқ қизиқтиради. Айни шу сабаб мамлакатда уларнинг сиёсий фаоллиги йилдан-йилга кўтарилиб бормоқда. Аммо бу ўтган 3-4 йилликдаги хулоса. Авваллари бу халқ сиёсатга мутлақо бепарво эди, ундан маъно йўқ деб ҳисоблашарди. 

🔸 Сўровномаларга қараганда, қирғиз элати ҳар қандай шароитда ҳам ватанини ташлаб кетмаслигини айтишган. Улар ватанпарварлик борасида ўзгаларга ўрнак бўлса арзийди.

Yoshlar kundaligi

#Туйғу

Мен сенга талпиниб, асло толмасман,
Мен сени севаман, йиғлаётган қиз.

✍ Шеър: Йўлдош Эшбек

📸 Фото: Шерзод Қорабоев
🎬Образда: Зилола Ҳакимжонова

Yoshlar kundaligi