#Мулоҳаза

Кечаси болалар майдончасига чиқиб бўлмай қолди

💠 Уйимиз олдидаги болалар майдончасига набирамни етаклаб чиққан эдим, ўттиз ёшлардаги қўшним эндигина тетапоя бўлаётган қизчаси билан келиб қолди. Болаларни ҳалинчакка солиб тебратар эканмиз, ҳалиги йигит салом бериб, ҳасрат қила бошлади:

– Ака, кечалари бу ерга болалар билан чиқиб бўлмай қолди. Мана бу ўриндиқларни тарбиясиз йигит-қизлар эгаллаб олишади.

– Нима, чекишадими?

– Э, чекиш ҳам гапми, бир-бирининг пинжига тиқилиб, бемаза ишларни қилишади. Биз катталарни кўрсак, уялиб, улар турган жойни узоқдан айланиб ўтар эдик, буларда тортиниш деган нарса йўқ.

🔹 Кечки пайт айланиб, ўзим ҳам кўрдим, бир-бирининг бўйнига осилган, қўлидаги телефонга қараб, “хи-хи”лашаётган ўсмирлар ўриндиқ бор жойга танда қўйиб олишар экан. Катта ёшдаги одамлар ўтаётганини кўриб на салом, на эътибор беради денг! Бамисоли роботнинг ўзи.

🔻 Ўша лаҳзада Эркин Воҳидовнинг яна бир шеъри – “Зангори шуълалар”даги мана бу сатрлар эсга тушади:

Бир йигит ўзганинг бағридан
Қайтган ёр лабини сўради.
Ўтишиб қўғирчоқ баҳридан,
Бу ҳолни қизчалар кўради.

🔸 Қаранг, бедор ва донишманд ижодкор қарийб 50 йил олдин – шеър 1976 йилда ёзилган – замонавий ахборот воситалари билан бирга маънавиятимизга бутунлай ёт ғоя ва қарашлар кириб келаётганидан огоҳлантирган экан.

📢 Афсуски, бугунги кунда бундай хуружлар жузъий ҳолатлар эмас, аниқ мақсад ва манзилни кўзлайдиган алоҳида руҳий таъсир шаклига – мутахассисларнинг ўзлари тан олиб айтаётганларидек, “оммавий” ёки “кўча маданияти”га айланди...

✍️ Муртазо ҚАРШИБОЙ

📌 Муаллифдан "Ёшлар кундалиги" журнали учун махсус мақола. Батафсил журналнинг 4-сонида ўқинг.

Yoshlar kundaligi

#Бахши_Бола_дайжести

Ёшларнинг ҳар дам кайфияти баланд бўлади, яхшилаб эътибор берилса, ҳаммасидаям талант бўлади. Ёшлар фестивалида шод бўлганларга боқинг, мен ёзған муждаларни диққат билан ўқинг.

🔘Олмалиқ шаҳри — Майдон узра чинакам байрамона кайфият ҳукмрон. Чироқлар ёришди ойдай бўб, одам йиғилди сойдай бўб, бир ўйнади жигитлар, тyмор таққан тойдай бўб.

🔘Оққўрғон тумани — Ариқларда олмаси, бозорида ҳолваси, ёшлар фестивалида ўйнаганларнинг билаклари толмасин.

🔘Қуйи Чирчиқ тумани — Оппоқ қушлар парвоз айлаб, "Пахтакор"дан учиб ўтди. Кечаги Нурафшон байрам они шу туманга кўчиб ўтди.

🔘Пискент тумани — Ёшлар бежиз қувонмас, байрам ростдан ёққанда. Фестивал шукуҳин билгайсиз, Нозим Абдулла олган расмларга боққанда.

🔘Юқори Чирчиқ тумани — Ҳашар қилди, ош дамлади, маслаҳат бўлди ўртага. Катта ёшлар фестивали бўлиб ўтар эртага.

Поччам ишдан қайтгунча, айнимасин янгам қилган айрони,
Тошкент вилоятида давом этар ёшлар ойлиги байрами.

Ҳай-яра!

Yoshlar kundaligi

#Суперромантика

Ой зўрлик қилиб, офтоб тун пинжига кирган, аҳён-аҳён кўчадан бахтнинг шивири эшитилиб туради. Бу — бахтли жуфтликлар овози. Мен эсам бу кеча ҳам "Ёлғизликнинг бир куни"ни ўтказяпман. Сен бўлса, Қора тунга сингиб кетгансан.

🎨 Рассом: Фаррух Авелов

Yoshlar kundaligi

Сўнгги соатларда

🇺🇿🇲🇳 Кўксарой қароргоҳида мамлакатимизга давлат ташрифини амалга ошираётган Мўғулистон Президенти Ухнаагийн Хурэлсухни расмий кутиб олиш маросими бўлиб ўтди — President.uz.

🇷🇺💥 Доғистонда 3 кунлик мотам эълон қилинди: Дербент, Махачқалъа шаҳарларига жангарилар ҳужум қилди. Оқибатда 15 нафар полициячи, тинч аҳоли вакиллари ва 6 нафар жангари қурбон бўлди — Доғистон раҳбари Сергей Меликов.

🇦🇿💥 Яна отишма: Бокуда бир неча марта судланган Озарбайжон фуқароси ов милтиғидан фойдаланиб, 3 нафар полиция ходими ва бир фуқарони ўлдирди. Мазкур шахс қўлга олинган — Риа Новости.

⭐ Дуров Марказий Осиёда: Телеграм асосичиси Қирғизистонга саёҳати давомида Марказий Осиё минтақасининг табиати ва гўзаллиги жуда ёққанини билдирди. У постини "Қирғизистон — тез орада қайтамиз. Сизнинг меҳмондўстлигингиз мени гўзал Марказий Осиё бўйлаб келгуси саёҳатларим учун илҳомлантиради", дея якунлаган — Du Rove's Channel.

Yoshlar kundaligi

#Машҳур_аёллар

АКАСИ УЧУН ҚАТЛ ҚИЛИНГАН СИНГИЛ ТАРИХИ

📆 Шу кунларда олмон адиби Эрих Мария Ремарк таваллудининг 126 йиллиги дунё бўйлаб нишонламоқда. Аммо биз унинг синглиси Эльфрида Шольц Ремарк ҳақида ёзмоқчимиз.

💠 “Сингил учун буғдойни босиб ўтса бўлади”, дейишади. Рост, сингил қалбида акаларга, иниларга ва ота-онага тарифлаб ва таққослаб бўлмайдиган меҳр-муҳаббат ётади.

❗️ Мақолада келтирилажак қаҳрамонимиз — Эрих Мария Ремаркнинг синглиси — Эльфрида ўзи оддий тикувчи бўлишига қарамасдан, шунинг ортидан обрў топган аёл эди, у биринчи турмушидан ажрагач, ёлғиз фарзанди ҳам вафот этади.

😢 Эльфрида Шольц акаси учун барча савол-қистовларга, жазоларга рози бўлади ва охир-оқибат ўлимга ҳукм қилинади.

➡️ МАҚОЛАНИ ТЎЛИҚ ЎҚИШ ⬅️

Yoshlar kundaligi

#Бахши_Бола_дайжести

Ёшлар билан мулоқотлар яхши ўтаяпти, фестиваллар давом этаяпти.

⏺ Юқори Чирчиқ тумани — Кеча ҳашарлар қилиб, бир ошларни дамлади. Бугун минглаб ёшларни фестивалга жамлади.

⏺ Бекобод шаҳри — Олма шохин эгмасин тонгда эсган шамоли, концертда ўйнаган қизларнинг тушиб қолмасин рўмоли.

⏺ Бўстонлиқ тумани — Ҳар кун китоб ўқимасам, бобом қаттиқ уришади, солиқ раҳбари Хўжакентда ёшлар билан кўришади.

⏺ Қибрай тумани — "Заковат"да зеҳни зўрлар ютади, билимлилар мақсадига етади.

Поччам ишдан қайтгунча, янгам сигир соғади. 
Кўп ўтирган одамни, чумолилар чоғади

Ҳай-яра!

Yoshlar kundaligi