#анонс

Халқаро пресс-клуб 2023 йили бир қатор янги лойиҳаларни йўлга қўйишни режалаштирган.

🇺🇿 Мамлакатимиздаги муҳим воқеликларни тезкорлик билан шарҳлаб бориш, турли-туман жараёнлар хусусида аҳолига соҳалар мутахассислари ҳамда экспертларнинг асосли фикрини етказиш мақсадида https://t.iss.one/IPCUzbekistan канали орқали мунтазам ўтказиб борилиши мўлжалланаётган аудиоподкастлар – шуларнинг бири.

🎙 Аудиоподкастларнинг дастлабкиси @IPCUzbekistan телеграм каналида 9 январь куни соат 18:30 да Энергетика вазирлиги мутасадди ходимлари иштирокида «Аномал совуқ: энергетика тизими унга тайёрми?» мавзусида бўлиб ўтади.

Овозли чатимизда Энергетика вазирлигининг мутасаддилари иштирок этадилар.

Аудиоподкастимизда қатнашинг. Мавзу юзасидан саволларингизни қуйидаги манзилга юборинг!👇

📨 https://t.iss.one/xalqaropressklubbot

✉Telegram 📱Instagram 📱Facebook 🌐YouTube

#Анонс

"Ёшлар кундалиги" ой давомида эълон қилинадиган мақола ва очерклари ҳақида анонс беради.

Конституцион референдум бутун бир цикл, узоқ давом этган марафон бўлди. Янгиланаётган Конституция матни ҳозирги Ўзбекистон аҳолисининг умумий ижтимоий тафаккури маҳсули сифатида катта йўлга чиқмоқда. Биз бу жараённи биргаликда қарийб бир йил жўшқинлик билан ёритдик, кузатдик, таклифлар бердик, муҳокамалар манзарасига назар ташладик.

Эндиликда ҳаёт тарзимиз, миллий қонунчилик базаси ўзгармоқда. Референдум олди тарғибот тадбирларида янграган сўзлар чиройли ибора бўлиб қолиб кетмаслиги учун жамоатчилик назорати институти фаол бўлиши лозим. Зотан, халқнинг орзу-мақсадларини ўзида мужассам қилган Бош Қомус тўғридан-тўғри ишлайдиган, халқчил ҳуқуқий дастуриламал бўлди. Энг муҳими, бу даврда халқнинг ҳуқуқий саводхонлиги кескин ошди. Ҳаммамиз қонунлар, уларнинг моҳияти, ҳуқуқий нормаларни ташкил этувчи тушунчалар ҳақида ўйлай, фикрлай бошладик. Бу референдум – жамиятда янги ҳуқуқий онг пайдо бўлишига олиб келди.

Демак, биз ҳам энди янгича талаб ва руҳда ишимизни давом эттирамиз. Анонсларимизга муносабат билдиринг, таклифларингизни йўлланг. Биз албатта инобатга оламиз.

🚴‍♀️ "Велосипедни кўрмадингизми?" – таҳлилий мақола. Унда Тошкент вилояти ҳокимининг 2021 йил 11 октябрдаги қарори ижроси нима сабабдан сансолар бўлаётгани аниқ фактлар билан таҳлил қилинади;

💸"Кредит бор, технология қани?" – мақолада Халқаро молия институтларининг кредитлари эвазига олинган томчилаб суғориш технологияларидан қандай "фойдаланилаётгани"га кўзгу тутилади. Нишонда – Оққўрғон тумани;

🔰 "Илоқ давлати: афсонанинг туғилиши" – 7 май куни бўлиб ўтиши кутилаётган анъанавий Илоқ фестивалидан туркум репортаж;

💦 "Тошкент вилояти фавворалари" – вилоятимиздаги абгор, қаровсиз ва ташландиқ фавворалар билан таништирамиз;

🔢 "Статистика ва ҳаёт ҳақиқати" – бир-бирига мос келмаётган рақамлар, қўшиб ёзишлар, сохтакорликлар ҳақида гаплашамиз.

😢 "Қишлоғимиз бўлди обод, мен йиғламай ким йиғласин" – чекка қишлоқ манзараларидан дангал репортаж;

⚡️ "Етакчининг бир куни" – маҳаллада жавлон ураётган фаол етакчилар ҳаётидан туркум репортаж;

🔘 "Методист" – Биласиз, Тошкент вилояти халқ таълими соҳасида антирекорд ўрнатиб келмоқда. Негадир биз услубчиларни унутдик. улар қаерда, таълимни қутқарувчилар жамоаси қандай ишлаяпти? Шулар ҳақида ёзамиз;

🎙 Ой давомида камида 5 та очиқ мулоқот, овозли чат ташкил қилинади. Бугунги кундаги энг машҳур психолог "Ёшлар кундалиги" меҳмони бўлиши кутилмоқда. Ретритмисан ретрит бўлади))

💥 "Юлдузли виньетка"нинг бу йилги чиқишида Тошкент вилояти машҳурларини жамлаймиз.

📘 "Илм моҳияти" – илмий ишни ҳимоя қилган Тошкент вилояти ёш олимларининг изланишлари моҳиятини содда ва лўнда тушунтирадиган ўзига хос лойиҳа.

Бундан ташқари, талабалар ҳаётидан юмористик лавҳалар, шоу-бизнес янгиликларига атрофлича тақризлар, ҳар тонг севимли "Туйғу" лойиҳаси янгича форматларда тайёрланади. Хўш, сизни қандай мавзулар қизиқтиради? Марҳамат, бизга изоҳларда ёзинг.

💬Telegram 🌐Website 📱Instagram 📱Facebook 🌐YouTube

#Анонс

ТОШКЕНТ ВИЛОЯТИДА НИМА ГАП?

Ўтган сўнгги кунларда Тошкент вилояти шаҳар-туманларида қандай муассасалар ишга тушди?

🔶Ўрта Чирчиқ тумани: 3 йиллик танаффусдан сўнг "Туябўғиз" сув омбори – "Тошкент денгизи" яна аҳоли ва туристлар учун ўз қучоғини очди.

🔶Ангрен шаҳри: Уч қаватли янги ҳарбий қисм биноси ҳарбийлар ва уларнинг оила аъзоларига топширилди.

🔶Оҳангарон тумани: Ҳудуддаги 12-сонли мактабда Республикадаги биринчи виртуал кимё лабораторияси ишга туширилди.

🔶Пискент тумани: 1-сектор ҳудудидаги "Сувти" маҳалласида янги болалар боғчаси ишга тушди.

🔶Янгийўл тумани: "Самарқанд" маҳалласида оилавий нодавлат мактабгача таълим ташкилоти очилди.

🔶Юқори Чирчиқ тумани: ҳудудддаги “ORZUMED YANGIBOZOR” номли тиббиёт маркази аҳоли хизматига шайланди.

🔶Бекобод тумани: "Бўстон" маҳалласида янги болалар боғчаси очилди.

🔶Олмалиқ шаҳри: "ENTER ENGINEERING" МЧЖ қошида "Амалиёт мономаркази" фаолияти йўлга қўйилди. Мономарказда эркакларга амалий ва назарий машғулотлар олиб борилиб, малакали мутахассислар тайёрланади.

🔶Тошкент тумани: Президентнинг тегишли қарорига биноан Тошкент туманида янги перинатал марказ иш бошлади.

💬Telegram 🌐Website 📱Instagram 📱Facebook 🌐YouTube

#Анонс

Айни кунларда Ўзбекистон Республикаси Президентлигига сайлов кампанияси авж паллага кирди.

@olimlar_minbari ва @yoshlar_kundaligi_rasmiy лойиҳалари томонидан экспертлар ва блогерлар иштирокида "Очиқлик даврида сайловлар: ўзига хослик, ахборот хуружлари, холислик" мавзусида давра суҳбати ташкил этилди.

Батафсил видео тез кунда!

💬Telegram 🌐Website 📱Instagram 📱Facebook 🌐YouTube