​#Қишлоқларимиз_тарихидан #Ангрен

“Соғлом” 1500 ёшда (ми?)

📌Таниқли олим Турғун Файзиевнинг “Ўзбек қурамалари” мавзусидаги диссертациясида қайд этилишича, “Соғлом” қишлоғи Ангрен шаҳрининг шимолий қисмида жойлашган қўрғондир.

🔺Номи форсча “сакй ғулом” – сак (шак) қабиласига мансуб ғулом, хизматкор қўшма сўзининг кейинчалик бузилган талаффузидан келиб чиққан.

🔘Эрамизнинг V-VII асрларида Қизилолма конида олтин қазиш ишлари жадал олиб борилган. Коннинг жанубий этагидаги Кўлбулоқ, Эрвали ота, Полвонтош, Яккабов, Зоғдон, Кўчсайил, Қанқаовул, Иккитол ва Соғлом ҳудудларида кончиларнинг турар-жой манзиллари бўлган.

⚡️Илмий манбаларга кўра, қишлоқ тарихи эрамизнинг V асрига бориб тақалади. Бу 1600 йил аввалги давр. Демак, “Соғлом” қишлоғи камида 1500 ёшда!

▪️Ҳозирда "Соғлом" қишлоғида "Иккитол", "Ўртаовул", "Чиноровул", "Курдовул" ва "Қовоқтаги" кўчалари мавжуд бўлиб, аҳолиси 2700 нафарни ташкил этади. Шундан 456 нафари ёшлардир.

✅Соғломнинг хушҳавосими ё гўзал табиати сабабми, бу ердан ижодкорлар кўп етишиб чиққан. Бир неча китоблар муаллифи, шоир Ўрол Жўраев, Илаш Раззоқов, ёзувчи ва журналист Неъмат Душаев, ёш қаламкаш Отабек Бакиров шулар жумласидан. Тиббиёт фанлари профессори Ғанижон Умаров, енгил атлетика бўйича Ўрта Осиё чемпиони Асилабону Норбоева, ММА бўйича Осиё чемпиони, жаҳон чемпионати иштирокчиси Холмурод Нурматов номини бу ерликлар фахр билан тилга олишади.

Айни пайтда:

🔹Маҳалла раиси – Бунёд Ўразалиев
🔹Ҳоким ёрдамчиси – Нуршод Иминжанов
🔹Ёшлар етакчиси – Жамшид Матҳолиқов
🔹Хотин-қизлар фаоли – Муяссар Исанбоева.

Каналга уланиш:
https://t.iss.one/+tcc8Accr_k80OGNi

#Ангрен

📌"Кимёгар" стадиони қайтадан чирой очди. Ёшлар куни муносабати билан бу ерда турли кўнгилочар тадбирлар, спорт мусобақалари ўтказилди.

🎥Ангренлик ёшларнинг қувончига ўзингиз гувоҳ бўлинг.

Каналга уланиш:
https://t.iss.one/+tcc8Accr_k80OGNi

​#Қишлоқларимиз_тарихидан #Ангрен

Ўзбекистон Швейцарияси қаерда?

⛰Ўзбекистон Швейцарияси деб ном олган бу қишлоқ Ангрен шаҳридан 28 км. узоқликда, денгиз сатҳидан 1800 метр баландда жойлашган, Лашкаракда 100 дан зиёд шифобахш булоқлар, ўзи очилиб ёпиладиган ғаройиб ғор мавжуд. Аҳоли сони – 1020 нафар. Шуларнинг 443 нафарини 16-30 ёшдагилар ташкил этади. Ер майдони – 24 га. Ерлик аҳоли асосан боғдорчилик, чорвачилик, асаларичилик билан шуғулланади.

⚔️Қишлоқнинг нега бундай номлангани бўйича бир неча тахмин мавжуд. Маҳаллий кексаларнинг айтишича, қишлоқ тарихи VII-VIII асрга бориб тақалади. Лашкарак номи эса "лашкар" - жангчи сўзидан келиб чиққан. Афсонага кўра, бу жойларда қадим замонларда энг бардошли ва кучли одамлар яшаган, шу сабабли уларнинг вакиллари жангчиликка кўпроқ ёлланган.

📁Баъзи маълумотларда бу жойни Искандар Зулқарнайн, бошқасида эса бобокалонимиз Заҳриддин Муҳаммад Бобур билан боғлашади. Айтишларича, бу икки машҳур зот шу ердан ўтган ва рақибига қарши лашкарни шу ерда тўплаган.

📖Филология фанлари номзоди Исомиддин Ёрматовнинг "Оҳангарон водийси жой номларининг изоҳли луғати" китобида шундай дейилади:

🔍"Ғарбий Турк ҳоқонлиги, Сомонийлар ва Қорахонийлар даврида бу ердан қазиб олинган катта миқдордаги кумуш конларини қўриқлайдиган ва маъдан ташувчи туялар карвонига ҳамроҳлик қиладиган ҳарбий лашкар сақланган.

🔍Лашкаракда дунёга машҳур Кўҳисим кумуш кони сақланган. Унинг чуқурлиги 300 метр бўлиб, VII-X асрларда бу ерда Бағдод халифалиги ғазнаси учун тонналаб кумуш қазиб олинган".

🌅Ўтган асрнинг 60-70 йилларида академик Юрий Буряков бошчилигидаги археологик экспедиция аъзолари томонидан кон ва унинг атрофидаги қадимги кончилар қўрғонлари қолдиқлари чуқур ўрганилган ва яқин ҳудудда истиқомат қилган қадимги Лашкарак аҳолиси ҳам кончилик билан шуғулланган, дея хулосага келинган.

📍Яқин йилларгача қишлоқ ҳудудий жиҳатдан Оҳангарон туманига, маъмурий жиҳатдан Ангрен шаҳрига тегишли бўлган. 2017-2018 йилларда бу мавҳумликка чек қўйилиб, Лашкарак бутунлай Ангрен шаҳрига ўтган.

🛖Лашкарак қишлоғида қадимда ўнга яқин овуллар бўлган. Ҳозирда "Чанггузар", "Ҳасановул", "Нишбош" номи билан аталадиган маҳаллаларда қадимги лашкаракликларнинг бугунги авлоди яшайди.

🕌Лашкарак ҳавзасида 6 та зиёратгоҳ мавжуд: Қўчқор ота, Банди Кушод ота, Суяли арча, Ҳазрати ота, Қурбоз авлиё, Қанқа бува авлиё зиёратгоҳларидир.

‼️Қизиқ факт: маҳаллада қарийб 5 йил давомида бирорта жиноят ва ажрим кузатилмаган.

🏘Сўлим табиати, ширин булоқ сувлари билан машҳур, пурвиқор Қурама бағридаги Лашкаракда экотуризм яхши ривожланган. Қишлоқда 4 та меҳмон уйи фаолият юритади. Ҳар йили бу ерга минглаб сайёҳлар ташриф буюриб, гўзал манзарадан баҳра олишади.

🏢Қишлоқда 1 та мактаб ва оилавий поликлиника филиали бор, аҳолида мактабгача таълим ташкилотига эҳтиёж мавжуд.

Айни пайтда:

🔹Маҳалла раиси – Худойназар Матказиев
🔹Ҳоким ёрдамчиси – Беҳзод Давлатов
🔹Ёшлар етакчиси – Беҳзод Мирзакаримов
🔹Хотин-қизлар фаоли – Дилрабо Рисқулова.

👉Тошкент вилоятидаги қишлоқлар тарихи билан бу ерда танишинг👈

Каналга уланиш:
https://t.iss.one/+tcc8Accr_k80OGNi

#Мустақиллик_объектлари #Ангрен

Бугун Ангрен шаҳри "Истиқлол" МФЙда 180 ўринли давлат мактабгача таълим ташкилоти иш бошлади.

Каналга уланиш:
https://t.iss.one/+tcc8Accr_k80OGNi

#Биз_ҳаммамиз_Ўзбекистонмиз #Ангрен

Чемпион оила

📸Суратда Ўктамали ота Юсупов, Рисқинисо ая Юсупова фарзанди Бахтиёр Юсупов ҳамда набираси Суннатилла Ўктамалиев билан.

📆Сурат Суннатилла бокс бўйича 2022 йил Осие чемпионати совриндори бўлганда олинган.

Р.S: Ҳавас қилдик👍👍👍

Каналга уланиш:
https://t.iss.one/+tcc8Accr_k80OGNi

#Биз_ҳаммамиз_Ўзбекистонмиз #Ангрен

Ватан оиладан бошланади. Суратда "Энг ибратли оила" кўрик-танловининг 2019 йилги ғолиби Аъзамжон Исмоилов оиласи билан.

Танлов ғолиби Мисрга йўлланма билан тақдирланган ва сурат Мисрда олинган.

P.S: Қаерда бўлмасин, Ватани билан, байроғи билан фахрланадиган юртдошларимизга кўз тегмасин!

Каналга уланиш:
https://t.iss.one/+tcc8Accr_k80OGNi

#Ангрен

ТИНЧЛИК – УЛУҒ НЕЪМАТ

Куни кеча Зойир Мирзаев Ангрен шаҳридаги 17-мактабда бўлиб ўтган "Оталар йиғилиши"да Меҳр операцияси орқали Суриядан юртимизга олиб келинган вилоятимизнинг бир аёли ҳақида эслади.

Биз эса мана шундай воқеа ва видеолар қанчалик кўп тарқалса, шунчалик шукроналик туйғуси ортишига сабаб бўлади, деб ўйладик.

Yoshlar kundaligi