​#тадқиқот

ВАЗИРЛИК ВА ҚЎМИТАЛАР ТАРИХДА ҚАНДАЙ НОМЛАНГАН?

Замон ислоҳотларни, ўзгаришларни талаб этади. Сўнгги йилларда Ўзбекистонда турли вазирликлар тугатиляпти, янгилари ташкил этиляпти.

Аслида вазирлик ва қўмиталар бирор соҳани тўлиқ назорат қилиш учун фаолият юритади. Ҳеч қизиқиб кўрганмисиз, юртимизда илк давлат уюшмалари пайдо бўлганда бундай ташкилотлар тахминан қандай номланган?

"Ёшлар кундалиги" XVI-XIX асрларга мурожаат қилди ва лавозимларга тўғри келган энг мақбул вариантларни танлаб олди.

НАҚИБ - ПРЕЗИДЕНТ МАСЛАҲАТЧИСИ

Нақиб Олий ҳукмдорга энг яқин инсон бўлган. Ҳукмдор барча масалаларда у билан маслаҳатлашиб иш олиб борган. Нақиб лавозими давр ва ҳукмдорларга қараб ўзгариб турган (Хива хонлигида "маҳрам" дейилган).

КЎКАЛДОШ - ДХХ

Хон сиёсатига валиаҳд шахзодалар ва давлат амалдорларининг муносабатини ўрганган ва бунга жавобгар бўлган. Шунингдек, фуқароларнинг ҳам хон сиёсати хақида қандай фикрда эканлигини ҳам кузатиб борган. Шу орқали сиёсатнинг дахлсизлигини таъминлаган.

ЭШИК ОҒАБОШИ - ПРЕЗИДЕНТ ХАВФСИЗЛИК ХИЗМАТИ БОШЛИҒИ

Даргоҳ ва саройдаги хавфсизлик, кирди-чиқди, тартиб учун жавобгар бўлган. Қисқа қилиб айтганда, хон хавфсизлиги учун масъул бўлган.

БОШ ИНОҚ - ПРЕЗИДЕНТ АДМИНИСТРАЦИЯСИ

Ҳукмдорнинг буйруқларини қуйи лавозимда ишлаётган давлат хизматчиларига етказган, ушбу буйруқларнинг бажарилишини назорат қилган. Давлат лавозимларига тайинланиши мумкин бўлган кадрлар рўйхатини юритган.

ҚЎШБЕГИ - БОШ ВАЗИР

Вилоятлар бошқаруви, молия, солиқ ва хазина каби энг муҳим соҳаларни назорат қилган (ХVI-XVIII асрларда девонбеги).

ТЎПЧИБОШИ - МУДОФАА ВАЗИРИ

Ҳарбий қўшиннинг бош қўмондони ҳисобланган (хонликларда мингбоши ёки ясовулбоши ҳам дейилган).

ДЕВОНБЕГИ - МОЛИЯ ВАЗИРИ

Давлатнинг молия ва хўжалик ишларини юритган.

ДОДХОҲ - ХАЛҚ ҚАБУЛХОНАСИ, ПРОКУРАТУРА

Фуқароларнинг ариза ва мурожаатларини кўриб чиқиб жавоб қайтарган ёки тегишлилиги бўйича вазирликка юборган. Шунингдек, мамлакатда қонунчилик меъёрлари бажарилишини назорат қилган.

ШАЙХУЛИСЛОМ - МУФТИЙ

Мамлакат миқёсидаги барча диний соҳага раҳбарлик қилган ва умумий фатво чиқарган.

ҚОЗИКАЛОН - ОЛИЙ СУД

Мамлакатдаги суд ишларига раҳбарлик қилган ва назорат олиб борган.

ШИҒОВУЛ - ТАШҚИ ИШЛАР ВАЗИРИ

Чет давлатларнинг элчиларини қабул қилиш билан шуғулланган.

"Ёшлар кундалиги" мухбири Тўхтамурод Асқаров тайёрлади.

Yoshlar kundaligi

​#Бугун_попкорннинг_туғилган_куни

"ПОПКОРН" ҲАҚИДА ҚИЗИҚ ФАКТЛАР

🍿"Попкорн" тахминан 5-6 минг йиллик тарихга эга.

🍿Перудан топилган 1000 йиллик "попкорн" шу қадар яхши сақланганки, уни ҳатто еса ҳам бўлади.

🍿Ацеклар (Жанубий Америка) уни ибодат маросимларида ишлатиб, бош кийим, маржон ва безаклар сифатида тақиб юришган.

🍿Испанлар маккажўхорини биринчи марта ХV асрда Европага олиб келишган.

🍿"Попкорн" биринчи марта 1840 йилларда Қўшма Штатлар бўйлаб тижорат мақсадида ишлаб чиқарилган.

🍿1900 йилларнинг бошларида кинотеатрларда сотила бошланган. Чунки у кино томоша қилаётганда лаззатланиш мумкин бўлган энг арзон газак эди. 

🍿Мазкур маҳсулот бозори даромади ҳозирда 3 миллиард доллардан ошади, биргина америкаликлар йилига 17 миллиард тоннадан ортиқ "попкорн" истеъмол қиладилар. 

Yoshlar kundaligi

​#Билдириш

ЎЗБЕКИСТОН-АВСТРАЛИЯ ЎЙИНИ: ЖАМОАМИЗНИ БИРГА ҚЎЛЛАБ-ҚУВВАТЛАЙМИЗ!

Тўп юмалоқ, майдон эса текис ва тўртбурчак, унда қайсидир жамоа ютади, кимлардир ютқазади. Буни футбол дейдилар.

Ҳа, айтганча, бугун соат 16:30 да Ўзбекистон миллий терма жамоаси Австралия жамоасига қарши майдонга тушади. Терма жамоамизга мухлислик қилиш учун Тошкент вилоятининг туман  ва шаҳарларида ёшлар жам бўлиши анъана тусига кирмоқда.

Бу галги ўйинни ҳам катта экранларда, жамоа бўлиб томоша қилиш мумкин.

➡️Янгийўл тумани: "Гулистон" МФЙ ҳудудида жойлашган "Баркамол авлод" мактабида;

📍Локация

➡️Оҳангарон шаҳри: Ёшлар марказида;

📍Локация

➡️Оҳангарон тумани: Ёшлар марказида;

📍Локация


➡️Пискент  тумани: Маданият ва ёшлар марказида;

📍Локация

➡️Чиноз тумани: Ўқув маркази биносида;

📍Локация

➡️Бекобод шаҳри: Ёшлар марказида;

📍Локация

➡️Олмалиқ шаҳри: Техника университети Олмалиқ филиали талабалар ётоқхонаси ва фаоллар залида;

📍Локация

➡️Қуйи Чирчиқ тумани: "Навқирон" МФЙ ҳудудидаги Маданият марказида;

📍Локация

➡️Бекобод тумани: "Маданият" маркази биносида;

📍Локация

➡️Қибрай тумани: Алишер Навоий МФЙда;

📍Локация

➡️Чирчиқ шаҳри: ёшлар маркази ёнидаги "Кинокарвон" залида;

📍Локация

➡️Тошкент тумани: IТ-school ўқув  маркази биносида;

📍Локация

➡️Оққўрғон тумани: Навбаҳор маҳалласидаги 31-мактаб биносида;

📍Локация

➡️Зангиота тумани: "Катта чинор" МФЙда;

📍Локация

➡️ Янгийўл шаҳри: Маданият марказида;

📍Локация

➡️Ангрен шаҳри: Президент таълим муассасалари агентлиги тизимидаги Ангрен шаҳар ихтисослаштирилган мактабда;

📍Локация

➡️Паркент тумани: Болалар ва ўсмирлар спорт мактабида;

📍Локация

#Муҳокама_учун_мавзу

"Жин чиқариш"ми, жон чиқариш?

Айни вақтда ижтимоий тармоқларни икки эркак “жин чиқариш” пайтида бир аёлни ўлдириб қўйди" сарлавҳаси остидаги хабар ларзага келтирмоқда.

Воқеа Оққўрғон туманида содир бўлган. 35 ва 44 ёшли икки эркак "жин чиқариш" маросимида бир аёлни эҳтиётсизлик оқибатида ўлдириб қўйган. Ачинарли томони, аёл руҳий ва жисмоний қийноқлар остида курашаётган вақтида яқинлари томошабин бўлиб тургани. Жабрланувчининг қовурғалари синади, турли аъзолари ёрилади ва ички қон кетиши натижасида вафот этади.

Хўш, бундай "муолажалар" беморни қанчалик қутқара олади? Ростан ҳам одам организмига жин кириб оладими? Бугун тиббиёт ривожланган бир пайтда бу каби маросимларни қўллашга эҳтиёж бормикан?

Биз судланувчиларга берилган жазо муддатига эътибор қаратмаймиз. Чунки энг катта жазо виждон ҳукмидир.

Сиз бунга қандай муносабатдасиз?

Yoshlar kundaligi

#футбол

Ўзбекистон 1:1 Австралия

Азизбек Турғунбоев томонидан рақиб дарвозасига киритилган тўп ҳисобни тенглаштирди. Олға, йигитлар!✊

Yoshlar kundaligi

​#Биласизми

АЛЛОМАЛАРИМИЗ ВА ДУНЁ: КИМ? ҚАЧОН? ҚАЕРДА?

Шундай инсонлар борки, вафотидан сўнг ҳам яшайверади. Уларнинг номи нафақат ўз юртида, балки бошқа мамлакатларда ҳам эъзозланади. "Ёшлар кундалиги" жаҳон адабиёти ва илм-фанига муносиб улуш қўшган алломаларимиз ҳамда хорижда уларнинг хотирасига ўрнатилган ёдгорликларга тўхталади.

➖🇨🇳2017 йил март. Хитойнинг Шанхай университети марказий майдонида Алишер Навоийга ҳайкал қўйилди. Ҳайкалнинг баландлиги 3,6 метр, оғирлиги 3 тоннани ташкил этади. У ўзбекистонлик ҳайкалтарош Равшан Миртожиев томонидан ишланган.

➖🇹🇯2018 йил сентябрь. Душанбе шаҳрида (Тожикистон) Алишер Навоий ва Абдураҳмон Жомий ҳайкали қад ростлади. Шавкат Мирзиёев ва Эмомали Раҳмон ёдгорликни тантанали равишда очиб берди.

➖🇫🇷2019 йил апрель. Парижда AVICENNIA INTERNATIONAL PRIZE (Халқаро Авиценна – Ибн Сино мукофоти)  тантанали тақдирлаш маросими бўлиб ўтди. Шу муносабат билан Франция тиббиёт институти академиясининг директорлар кенгаши тахт залида Абу Али ибн Синонинг бронза бюсти очилди.

➖🇹🇷2021 йил март.Туркияда алгебра фанининг отаси Муҳаммад ал Хоразмий хотирасига ҳайкал қад ростлади. Ёдгорлик Анқара шаҳрининг Кечиўрен туманидаги машҳур боғлардан бири — "Жўка водийси" ҳудудида ўрнатилди.

➖🇰🇷2021 йил декабрь. Корея пойтахти Сеулда таниқли шоир ва мутафаккир Алишер Навоийнинг 580 йиллиги муносабати билан бюст ўрнатилди. Бугунга қадар Токио, Вашингтон, Москва, Минск, Боку, Мозори-Шариф, Ўш шаҳарларида ҳам Алишер Навоий хотирасига ёдгорлик мавжуд.

➖🇫🇷 2023 йил март. Тулуза шаҳрида жойлашган Франция Фуқаролик миллий авиацияси институти ҳудудида буюк астроном олим, математик ва давлат арбоби Мирзо Улуғбек ҳайкали ўрнатилди. Мисдан барпо этилган ҳайкал муаллифи - самарқандлик Умирзоқ Шарипов. Ёдгорликнинг бўйи 240 сантиметрни ташкил этади.

➖🇷🇺2023 йил сентябрь. Россия Федерацияси Кемерово вилоятининг Мариинск шаҳрида ўзбек халқининг оташин шоири Усмон Носир ҳайкалининг очилиш маросими бўлди. Ҳайкал муаллифи - Константин Зенич.

➖🇺🇸Куни кеча АҚШ пойтахтида буюк олим Абу Райҳон Беруний сиймоси акc этган ёдгорлик қад ростлади. Бюст Ўзбекистон элчихонаси олдига ўрнатилди.

Анора Абдурашидова тайёрлади.

Yoshlar kundaligi