Сўнгги соатларда

➖🇺🇿 Ўзбекистонда зилзила қайд этилди: Бухоро вилоятининг Пешку туманида 4,7 магнитудали зилзила содир бўлди — Ўзгидромет.

➖🇪🇸Испанияда ўрмон ёнғинлари: Кучли шамол сабаб ўрмон ёнғинлари кучайди ва мингдан ортиқ аҳоли эвакуация қилинди — The Guardian.

➖🇷🇺Пул ўтказмалари учун комиссия: Россияда мигрантларнинг пул ўтказмалари учун 30 фоизлик комиссия ундириш таклиф қилинди — Риа Новости.

➖🇸🇩"Бозор эмас, мозор": Судан пойтахти Хартумда жойлашган бозорга снаряд тушиши оқибатида 20 киши ҳалок бўлди, бир неча киши жароҳатланди — Sudan Tribune.

➖🇯🇵Японияда янги орол: Японияда сув ости вулқонининг отилиши туфайли янги орол пайдо бўлди—The Japan Times.

Yoshlar kundaligi

​​#Таҳлил

🤝 ИҚТИСОДИЙ ҲАМКОРЛИК ТАШКИЛОТИ: ҚАЧОН? ҚАЕРДА? НИМА УЧУН?

📌 8-9 ноябрь кунлари Тошкент шаҳрида Ўзбекистон Республикаси Президенти Шавкат Мирзиёев раислигида Иқтисодий ҳамкорлик ташкилотининг (ИҲТ) ўн олтинчи саммити бўлиб ўтади.

➖ Ташкилот тарихи

📜 Ташкилот 1964 йилда Эрон, Покистон ва Туркия томонидан "Минтақавий ҳамкорликни ривожлантириш" номи билан тузилган. 70-йилларда ички минтақавий савдо сусайиб кетиши оқибатида ўз фаолиятини тўхтатган. 1985 йилда Теҳрон шаҳрида "Иқтисодий ҳамкорлик ташкилоти" номи билан қайтадан ўз фаолиятини бошлади.

1992 йил 28 ноябрда Исломобод шаҳрида аъзо давлатлар Ташқи ишлар вазирлари кенгашининг фавқулодда йиғилишида Ўзбекистон, Озарбайжон, Тожикистон, Туркманистон, Қирғизистон, Қозоғистон ва Афғонистон ИҲТга аъзо бўлди.

➖ Асосий мақсади

🔰 Ташкилотга аъзо бўлган давлатлар ўртасида иқтисодий алоқаларни, шу жумладан, савдо-сотиқни кенгайтириш, ҳар бир аъзо давлатда иқтисодий ўсиш ва аҳолининг турмуш даражасини кўтариш учун шарт-шароитлар яратиш, аъзо давлатларнинг маънавий ва маданий алоқаларини кучайтиришдир.

➖ИҲТ ва Ўзбекистон

🇺🇿 1992 йилдан буён Ўзбекистон ташкилот аъзоси. Шавкат Мирзиёев ташкилотнинг 2021 йил 28 ноябрь куни Ашхобод шаҳрида бўлиб ўтган 15-саммитида нутқ сўзлади. 2022 йилда Ўзбекистон илк бор мазкур халқаро тузилмага раислик қилди.

➖ Тошкентдаги саммитга кимлар келмоқда?

🇦🇿 Озарбайжон Республикаси Президенти Илҳом Алиев;
🇮🇷 Эрон Ислом Республикаси Президенти Иброҳим Раисий;
🇵🇰 Покистон Бош вазири вазифасини бажарувчи Анвар ул-Ҳақ Какар;
🇰🇿 Қозоғистон Республикаси Президенти Қасим-Жомарт Тоқаев;
🇰🇬 Қирғизистон Президенти Садир Жапаров;
🇹🇯 Тожикистон Республикаси Президенти Эмомали Раҳмон;
🇹🇷 Туркия Республикаси Президенти Режеп Таййип Эрдоған;
🇹🇲 Туркманистон Республикаси Президенти Сердар Бердимуҳамедов.

📍Cаммитнинг барча тадбирлари Тошкент шаҳрида бўлиб ўтади.

Yoshlar kundaligi

#танқид

Янгийўл шаҳрининг қоқ маркази - бозорнинг тўғрисидаги йўл бўйи экан.

Ана ободлигу мана ободлик. Экология, Тоза ҳудуд деган ташкилотлар тирикми? Билмадик, билолмадик...

Yoshlar kundaligi

ТАНҚИДДАН СЎНГ

Тошкент вилояти Экология бошқармаси Матбуот хизмати хабарига кўра, Янгийўл шаҳри марказидаги чиқинди уюми махсус техникалар ва ишчи-ходимлари жалб этилган ҳолда бартараф этилди.

Yoshlar kundaligi

⚡️⚡️⚡️

Машҳур футболчи Одил Ҳамробековнинг хонадони экан.

Буни футболнинг ичида яшаш, дейилади. Респект!👍

Yoshlar kundaligi

​​#Бу_қизиқ

📌 ТИПРАТИКАННИ КЎМИШГА ШОШИЛМАНГ!

🦔 Ҳовли ёки йўлда жонсиз ётган типратиканни кўрсангиз, кўмиб қўйишга ёки ахлатга ташлашга шошилманг. Чунки улар ноябрдан мартгача қиш уйқусига киришади.

🏘 Типратиканлар одатда хавфсиз бўлиш учун ўра қазийди. Лекин сўнгги вақтларда бу масала тобора қийинлашиб бормоқда. Шунинг учун, баъзи кирпилар хавфсиз ва иссиқ жой излаб ҳовлингизга келиши мумкин. Баъзилари эса қидирувдан чарчаб, йўл четида ёки йўлакларда ухлаб қолишади.

❄️ Қиш уйқуси вақтида уларнинг юрак уриши ва умумий тана фаолияти энергияни тежаш мақсадида бир оз секинлашади, бу эса одамни жонзот ўлган деб чалғитиши мумкин. Агар ҳовлингиз ёки бирон бир жойда ухлаётган типратикан топиб олсангиз, унга қуруқ, хавфсиз ва сокин жойда ўра қазинг ёки картон қути билан ҳаво ўтадиган қилиб устини ёпиб қўйинг.

✅ Типратиканлар мутлақо зарарсиз ва бизнинг экотизимимиз учун жуда муҳим. Улар қўнғизлар, қурбақалар, калтакесаклар, илонларни ейди. Сичқон уяларини ҳам йўқ қила олади.

⁉️ Олимлар узоқ вақтдан бери типратиканларнинг кучли заҳарларга, жумладан, илон чақишига қарши иммунитетини пайқашган. Аммо ҳали ҳам бунинг сири олимларга номаълум.

🤔 Болаликда типратикан билан ўйнаган дўстларингизга юбориб қўйинг.

Yoshlar kundaligi

Сўнгги соатларда

➖🇺🇿Бешликка кирдик: Тошкент жаҳондаги ҳавоси энг ифлос шаҳарлар бешлигига кирди — IQAIR.

➖🤝Россиялик дизайнерлар Самарқандда: Россиялик дизайнерлар Регистон майдонини чироқли видео инсталляциялар билан жиҳозламоқчи — Риа Новости.

➖🇺🇦"Made in Ukraine": Украинада парвоз масофаси 1000 км гача бўлган дронларни серияли ишлаб чиқариш бошланди — The Guardian.

➖🇧🇷Қум остидаги Бразилия: Бразилиянинг Манаус шаҳрида кучли қум бўрони бўлмоқда. Шаҳар тўлиқ қум бўрони ичида қолган — The Brazilian Report.

➖🇮🇱Исроилликлардан "движения": Исроил мудофаа кучлари Ғазодаги ХАМАС қароргоҳига яқинлашмоқда — The Israil Times.

Yoshlar kundaligi

#Табассум

Зато ойлик ёзиляпти 😅

Қайси танишингизга ўхшатдингиз? Тезда ўшанга жўнатиб қўямиз.

Yoshlar kundaligi

#Шоу_бизнес

👌Маданият вазирлиги ва Х-faktor ўртасидаги жанжал. "Ёшлар кундалиги" вакилидан муносабат.

✅ Илтимос, видеонинг тўлиқ вариантини кўрмай туриб фикр билдиришга шошилманг.

👉 ТЎЛИҚ КЎРСАТУВ 👈

Yoshlar kundaligi

​#Машҳур_аёллар

БИРИНЧИ НОБЕЛЧИ ХОНИМ ➖ МАРИЯ КЮРИ

Нобелни олиш ҳазилакам гап эмас. Бу креслода ўтириб "чипс" ёки бодроқ еб, ёзув-чизув қилиш ортидан келиб қоладиган мукофот ҳам эмас.

Нобель тарихидаги бурилиш

Мария Кюри — бир кун келиб замонавий илм-фан оламида туб бурилиш ясашини ўзи ҳам билмаган польшалик буюк олима. У 1867 йилнинг 7 ноябрида оддий камбағал ўқитувчи оиласида туғилган. У кашф қилган радий ҳамда радиоактивлик ҳодисаси кун келиб тиббиётда ҳам анча-мунча муаммоларни, жумладан, саратонни ечишга бош сабабчи бўлиши унинг етти ухлаб тушига ҳам кирмаган. Фақат бир нарсани биларди: турмуш ўртоғи профессор олим Пьер Кюри (у ҳам Нобель мукофоти лауреати) қилган ишни давом эттириш орқали унинг фанга қўшган улкан ҳиссасини абадийлаштириш.

"Гўзаллик қурбонлик талаб қилади" — бу эски гап...

Қурбонлик ҳамма нарсада талаб қилинади: хоҳ гўзаллик учун бўлсин, хоҳ севги учун ва хоҳ илм учун...

Унинг ҳақиқий исми Мария бўлиб, Францияга кўчгач Марига ўзгартиради. Бугунги кунгача Польшада туғилган француз физиги деб келинишига Польшадаги тақиқлар сабаб бўлган. Ўз даврида Польша шундай буюк олимадан айрилиб қолганига йиғлаши керак, аслида. Мари 24 ёшга тўлгач Франциянинг Сорбонна университетига ўқишга топширади. Сабаби Польшада аёллар учун олий маълумотли бўлиш тақиқланганди. Кюри бошдан-оёқ илмга шўнғиганди. Демак, бу йўлдан чиқишига ҳам илм шарт эди. "Менга янги дунё — илм-фан дунёси очилганга ўхшарди. Унинг остонасидан эса эркин бўлибгина ҳатлаб ўта олардим", деганди Мария.

Мана сенга "Эврика", мана олам-олам радиоактивлик...

Уран таркибини ўрганишни ўз диссертация иши мавзуси сифатида белгилаб олишга қарор қилади ва турмуш ўртоғи Пьер Кюри билан бу моддани ўрганишни бошлайди. Уларнинг бу иши кутилмаганда бошқа бир — уранга нисбатан 400 марта кўпроқ радиоактивликка эга модда кашфиётига сабабчи бўлади. Мария гарчи Францияга кўчиб яшаётган бўлса ҳам, ўша тақиқлари бор, ўша тўсиқлари мавжуд Польшани севарди, ундан айро тасаввур қила олмасди ўзини. Шу сабаб, бу модда Мария туғилган давлат (Польша) шарафига полоний деб аталди. Кюрилар полонийни кашф қилгандан сўнг ҳам унда яна қандайдир нур таралаётган модда борлигини сезиб қолади. Бу қизиқиш эса кимёвий элементлар жадвалининг 88-элементи, янада радиоактивроқ модда - радийни кашф қилишга етаклаган.

Мария Кюрининг илк Нобел мукофотига эришган аёл сифатида талқин этилиши мана шу кашфиётдан бошланган. 1903 йилда у "радиоактивлик ҳодисаси" ортидан Нобелга сазовор бўлган биринчи аёл эди. Шунингдек, у икки марта Нобель олган саноқли олималардан бири. Бу бахт унга 1911 йилда радий ва полоний кашфиёти учун кулиб боққанди

Эгасини нобуд қилган кашфиёт

Мариянинг қайнотаси ҳам шифокор бўлган. Кюрилар лабораторияда хавф остида ишлаган, яъни на қўлқоп кийишган, на ҳимояловчи кийим. Баъзан қайнотаси Марига ҳазиллашиб: "Бир куни шу радий ҳам саратонни, ҳам сени ўлдиради", деб айтарди. Аммо бу ҳақиқат бўлиб чиқди. Ҳазиллар аслида ҳақиқатдан яралади, дейишгани шу бўлса керак.

Илм-фан қудратини ўзига бўйсундирган ва шу орқали жамиятдаги аёлларга нисбатан қўйилган "стереотип"ларни аёвсиз парчалаб ташлаган олима — Мария Кюри Нобелчи аёлларнинг карвонбошиси саналади. Шуни унутмангки, аёл ожиза бўлиб кўринса-да, кутилмаган пайтда сизни ожиз қолдириши мумкин. Бунга тарих кўп бор гувоҳ бўлган.

Дарвоқе, Мария ва Пьернинг қизи Ирен ва куёви Фредерик ҳам Нобель мукофоти билан тақдирланган. Олманинг тагига олма тушгани шу бўлса керак...

Yoshlar kundaligi

​#Қарористон

ИЖРО ИНТИЗОМИДА ФАОЛ ҲУДУДЛАР ҚАЙСИ?

⭕️ “E-qaror” электрон тизимига туман-шаҳар ҳокимликлари томонидан қўйилаётган айрим ҳужжатлар эътиборимизни тортди. Асосий эътибор қайси ҳудудлар белгиланган муддатда ижро интизомига роия қилаётгани ва фаоллик кўрсатаётганидир.

📍 "Ёшлар кундалиги" бу гал Тошкент вилояти ҳокимининг 2023 йил 1 ноябрдаги “2023-2024-йилги куз-қиш даврида иситиш мавсумига тайёргарлик кўриш ҳамда кўп қаватли уйлар ва ижтимоий соҳа обектларини иссиқлик энергияси билан таъминлаш тўғрисида”ги қарори ижросини кўриб чиқди. Бугун 7-кун.

✅ Мазкур қарорда туман-шаҳар ҳокимларига ҳам тегишли вазифалар белгиланган.

👉 Хўш, вилоят ҳокимининг қарори қайси ҳудудга биринчи етиб борди?

➖ Юқори Чирчиқ туманига 2 ноябрь куни;
➖ Қуйи Чирчиқ туманига 2 ноябрь куни;
➖ Оҳангарон туманига 3 ноябрь куни;
➖ Оққўрғон туманига 3 ноябрь куни;
➖ Олмалиқ шаҳрига 6 ноябрь куни;
➖ Ангрен шаҳрига 6 ноябрь куни;
➖ Бекобод туманига 6 ноябрь куни;
➖ Паркент туманига 6 ноябрь куни;
➖ Оҳангарон шаҳрига 6 ноябрь куни;
➖ Пискент туманига 7 ноябрь куни;

❎ Қолган ҳудудларда эса ҳалигача қарор чиқарилмаган.

☄️ Ҳужжатнинг долзарблиги:

❄️ Ўтган йилги аномал совуқ заҳрини фақат қишлоқдагилар эмас, балки у томдан бу томга сакрайман деб ўртада қотиб қолган мушуклар ҳам ҳали эсидан чиқармаган. Қайтанга совуқ мавсумга тайёргарлик ишлари барча жойларда давом этмоқда. Зойир Мирзаев имзолаган қарордаги зарур вазифалар ўз вақтида ва сифатли бажарилса бўлгани. Масъуллар эса бунга лоқайд бўлмаслиги керак. Негаки коммунал тармоқлар билан боғлиқ "Негативлар ёмғири" бошланяпти.

Yoshlar kundaligi

#Туйғу

Ҳуснинг гули то бўлди жаҳон мулкида пайдо, эй шўхи паризод,
Солди ани ишқи бошима кулфати савдо, қилғил манга имдод.

✍ Шеър: Чокар

📸 Фото: Отабек Турсунқулов
🖼 Образларда: Анора Абдурашидова, Бахтиёр Қурбонов.

Yoshlar kundaligi

#огоҳбўлинг

⚡️Бугун эрталаб Олмалиқ шаҳридаги катта йўл чорраҳасида "Kobalt" автомашинаси ёниб кетган. Айтишларича, ҳодиса автобус билан тўқнашув оқибатида юз берган.

‼️Ҳурматли ҳайдовчилар, огоҳ бўлинг, йўл ҳаракати қоидаларига амал қилинг. Сизни уйда оилангиз кутаётганини, фарзандларингиз келажаги учун керак эканингизни унутманг.

Yoshlar kundaligi

#Буюклар_ҳақида_сўз

🔥 ШАРОФ РАШИДОВНИНГ АКАДЕМИК ҚУДАСИ ИБРОҲИМ МЎМИНОВ ФОЖЕАСИ

🚫 Иброҳим Мўминов шу даражада совет ҳукуматининг қаҳрига учрагандики, ҳатто, қудаси ва дўсти, ўша пайтдаги Республика раҳбари Шароф Рашидов ҳам уни Марказ ғазабидан сақлаб қола олмади. Кейин нима бўлди?

➖ Шароф Рашидов ўз қудасидан юз ўгирдими?

➖ Деҳқон боласи қандай қилиб даҳо даражасига кўтарилди? Ҳамма гап шароитдами?

➖ Нега айнан у ўқиш учун Самарқандга юборилди: таниш-билишчилик ёки тиниб-тинчимаслик?

➖ "Амир Темур", "мустақил Ўзбекистон" ва "Иброҳим Мўминов" — уч тушунчани нима боғлаб туради?

📌 Ушбу саволларга қуйидаги мақолада жавоб олишингиз мумкин:

🔰 КИРИЛЛ ЁЗУВИДА ЎҚИШ

🔰 LOTIN YOZUVIDA O'QISH

Yoshlar kundaligi

​​#халқаро_муносабатлар

⭕️ ИҲТ ТОШКЕНТ САММИТИ: истиқболдаги режа ва вазифалар қандай бўлади?

📍 Бугун Тошкент шаҳрида Ўзбекистон Республикаси Президенти Шавкат Мирзиёев раислигида Иқтисодий ҳамкорлик ташкилотининг (ИҲТ) 16-саммити бошланди.

👉 Унда Озарбайжон, Эрон, Қозоғистон, Қирғизистон, Покистон, Тожикистон, Туркманистон ва Туркиянинг давлат ва ҳукумат раҳбарлари қатнашиши кутилмоқда.

✅ Ташкилотнинг қисқача тарихи

📑 ИҲТга 1985 йилда асос солинган, унинг доимий фаолият юритувчи котибияти Теҳронда жойлашган. Ўзбекистон Республикаси 1992 йилдан бошлаб ташкилот аъзоси. Бугунги кунда ташкилотга 10 та давлат аъзо.

📍 Тошкент саммитидан кутилаётган натижалар

📊 8-9 ноябрь кунлари пойтахтимиз мезбонлик қиладиган 16-саммитда ИҲТ доирасида савдо-иқтисодий, инвестициявий, транспорт-коммуникация ва гуманитар ҳамкорликни янада кенгайтириш ҳамда ушбу кўп томонлама тузилма фаолиятини такомиллаштириш масалалари кўриб чиқилади.

Yoshlar kundaligi

​#биласизми?

ҲОКИМЛАР ҲАҚИДА ФАКТЛАР

Каналимизда туман ва шаҳар ҳокимлари ўртасида сўровнома ўтказилмоқда. Шу муносабат билан ҳокимлар, уларнинг ваколатлари ҳақида жиндек сўз юритишни лозим топдик.

❓ Ҳокимларнинг энг асосий 3 вазифаси

➖ Ўзбекистон Республикаси қонунлари, қарорлар, Президент фармони ва фармойишлари, Вазирлар Маҳкамаси қарорларининг бажарилиши юзасидан тизимли назоратни ташкил этади, чора-тадбирлар ва режалар ишлаб чиқади;

➖ Таълим, бюджет, молия, қишлоқ хўжалиги, иқтисодиёт, табиатни муҳофаза қилиш, йўл хўжалиги, алоқа ва шу каби бир қатор соҳаларда ўз ваколатига берилган масалаларни ҳал этади;

➖ Аҳоли мурожаатлари билан ишлайди, бандлигини таъминлаш бўйича комплекс чора-тадбирларни амалга оширади.

❓  Ҳокимлар раҳбарлик қиладиган энг муҳим 7 комиссия ва кенгаш

➖ Сектор раҳбари;
➖ Халқ депутатлари туман (шаҳар) Кенгаши раиси
➖ Маънавият ва маърифат Кенгаши раиси;
➖ Болалар масалалари бўйича комиссия раиси;
➖ Наркотик моддаларни назорат қилиш комиссияси раиси;
➖ Туманда эпидемияга қарши кураш фавқулодда комиссия раиси;
➖Туман ҳудудида барқарорликни таъминлаш ва жиноятчиликнинг олдини олиш ишларини мувофиқлаштирувчи доимий комиссия раиси.

❓ Ҳокимлар қанча маош олади?

Расман тасдиқланмаган маълумотга кўра, ҳудуд раҳбарлари 10-12 млн. сўм атрофида маош олишади.

Президент Администрацияси, Вазирлар Маҳкамаси ҳамда вилоят ҳокими томонидан уларга қўшимча рағбатлар берилиши мумкин.

Yoshlar kundaligi

#Луқма

Эшаквой, марказдаги адлия бўлими олдида нима қилаётувдинг? 😂

Yoshlar kundaligi