​#Мулоҳаза_учун_мавзу

"Долларчи" студентлар – яқин тарихдан ғамгин ҳикоя

Мен бу воқеанинг мантиғини ҳалигача тушунмайман. Эсласам, йиғлагим келади негадир. Намчил ҳавода, саҳармардонда совуқдан қунишиб 30 минг сўм илинжида банкка борганимни эслайман. Яна денг, икки-уч мошин бўлиб, миллий университетнинг умидли талабалари, ёш олимлари қандайдир "Боҳо ака" деган долларчи шефни олдига борардик. Нега? Буни охирида айтаман.

Воқеа бундай бўлган эди:

2005-йиллар. Тошкент. Талабалар шаҳарчаси. У пайтларда доллар алмаштирадиган қавмга яқинлашиб бўлмасди. Қандайдир мафия, муттаҳам, зўравон кишиларга ўхшарди. Кўчада доллар нархини ким кўтариб, ким тушириши ҳақида қўрқинчли гаплар юрар, биз – талабалар эса бу мавзуда гаплашмасдик, жимгина юрардик.

Аммо қонун – қонун-да! Ўша пайтларда бизда қонун жуда қаттиқ ишлашига гувоҳ бўлганман. Хуллас, қонунларимизга биноан Ўзбекистон Республикасининг ҳар бир фуқароси валюта айирбошлаш шохобчасида максимал 500 доллар миқдорида нақд валютани давлат курсида сотиб олиши мумкин экан. Қанақадир "Боҳо ака" мана шу қонунни ишлатишда биздан фойдаланар эди. Эвазига эса ҳар биримизга 30 минг сўмдан бериларди.

Бизга нима? 30 минг сўмни киссага уриб, уч-тўрт кун пулнинг ғамини қилмай яшаймиз, уёғига – ё, Раззоқ. Алалхусус, кунлар шу зайл ўтаверди. Уч ойдан сўнг яна бир долларчи братанлар билан айланиб келамиз. Валюта айирбошлаш шохобчасига борамиз, у ерда сўлғин табассум билан кутиб олишади. Ўзбек сўмини берамиз. улар эса долларни қўлимизга тутқазишади. Ташқарига олиб чиқиб, пулни эгасига топширамиз.

Лекин мана шу 15-20 секунд вақт шунақа имиллаб ўтадики... Бир сўмсиз талаба, қўлида 500 доллар нақд пул, кимгадир топшириш керак, кўнгилда эса мингта хаёл – ижирғаниш, жаҳл, ғазаб аралаш туйғулар...

Мамлакатнинг энг нуфузли университетининг талабалари, ёш олимлари шу тариқа мамлакатимизда қонун ишлаётгани, барчаси қонуний эканлигини илк марта кўрган. Афсуски, бугун ҳам "Ҳаммаси қонуний" деган иборани эшитсам, негадир ўша машъум, шарафсиз соатда, Чорсу томонларда доллар айирбошлаш шохобчасида ғамгин турган болаларни эслайман.

Шоир бўламан, олим бўламан, деб Тошкентга келган болаларни эслайман...

Ҳорун Бобоев.

Telegram 📱Instagram 📱Facebook 🌐YouTube

#Мулоҳаза_учун

​ДАДАМГА ИЧИРМАНГЛАР!

(Бир шоир хотираларидан парча)

**

Водийга қиш қаттиқ келди. Тунов кундан бери тинимсиз ёғаётган қор нақ икки қаричдан ошиб қолган. Ташқарида изғирин, аччиқ совуқ изғийди. Тор кўча муюлишида жойлашган болохонали уйдан аёл кишининг йиғи аралаш ялинган овози эшитилди. Ўша уйда ҳар икки куннинг бирида жанжал, ароқ жанжали. Эндигина биринчи синфга борган болакайнинг отаси онасининг бор йиғиб-териб қўйган пулини тортиб олади-да, улфатлари билан майхўрлик қилади. Бу ҳол тинимсиз такрорланади. Ана, бақир-чақирга қараганда уйда пул тугаган, томоқ эса тақиллаб турибди.

— Бор, ўғлим, Карим акангнинг дўконидан қарзга олиб кел. Борақол, жоним болам. Дадангдан хафа бўлма!

Остонада яктакчан, ялангоёқ турган ўша болакай жиққа ёш тўлган кўзлари билан калишини кийди. Енглари ямалавериб титилиб кетган чопонини эгинига илди-да, ташқарига қараб отилди. Қор босган тор кўча бўйлаб анча юрди. Калишининг ичига кирган қор бўлаклари жажжи оёқларини музлатар, жонини қақшатиб борарди. Катта йўлга чиқди. Машиналар асфальтга ёғган қорларни текислаб кетган, йўл четлари музлама бўлиб қолганди. Карим аканинг ароқ дўконигача ҳали анча бор. Судиралавериб таги емирилиб кетган калиши муз устида салга сирпаниб кетаверади. Йигитча мувозанатини сақлай олмай тойиб-тойиб боради.

Дўконга етай деб қолганида димоғига иссиқ кабобнинг қитиқловчи ҳиди урилди. У ҳид қаердан келаётганини билиш учун атрофига аланглади. Ҳа, ҳув анави сомсахона ёнидан келаяпди экан. У ўша томонга бироз жовдираб турди-да, бир бўлак кабоб хаёли билан иягини чопоннинг ёқасига тиққанча йўлида давом этди.

— Карим амаки, қарзга бир шиша ароқ беринг, илтимос. Пулини аям индинга ташлаб кетар эканлар.

— Ҳой, сен ҳалиги Султонали қассобнинг ўғлимисан? Ўтган сафар ҳам қарзга олиб кетган эдинг. Ҳали пулини қайтармадинглар. Йўқ, қарзга бермайман.

— Амакижон, илтимос. Охирги марта беринг. Бўлмасам дадам аямни ураверадилар. Ароқ топиб бер, деб жанжал қилаяпдилар, – деди болакай ҳиқиллаб йиғлаганича.

Карим ака унинг йиғлашини кўриб кўнгли бўшашиб кетди. Дўконнинг ичкари хонасига кириб бир шишасини олиб чиқди.

— Ма, олақол. Бу охиргиси!

— Раҳмат, раҳмат, Карим амакиии!

У ташқарига қараб югурди. Бирдан йўлда нақ етти марта сирғалиб ерга думалагани хаёлига келиб қолди. Шишани синдириб қўйишдан қўрқиб муздек бутилкани чопони ичига яширди. Йўқ, у қаттиқроқ йиқилиб тушса синган шиша кўксини кесиб юбориши ҳақида ўйлаб ҳам кўрмасди. Унинг учун муҳими ўша ароқнинг жажжигина кўксида, хавфсиз ерда кетиши эди. Ҳозир дадаси ароқни ичиб ухлаб қолади, кейин аясини урмайди, уни сўкмайди. Ана шунинг ўзи унинг учун катта гап...!

****

Мана, орадан йиллар ўтди. Ўша болакай истеъдодли шоир бўлиб етилди. Ўқиш учун водий томонлардан шаҳарга келди. Иш топди, обрў, эътибор топди. Яқинда унинг тўйи бўлади, севган қизига уйланяпти. Лекин... Лекин унинг бир армони ва орзуси бор. У ичмайдиган ота бўлади! Унинг фарзандлари ўзи каби бир шиша ароқ эмас, бошқа бахтли болалар каби ширинлик кўтариб юради...

Нилуфар Убайдуллаева.

Yoshlar kundaligi

#мулоҳаза_учун

Ушбу видеода ўзингизни кўришдан қўрқмайсизми?

Yoshlar kundaligi

#Мулоҳаза_учун

У - ОТА! Бошқа изоҳ ёзишга ожизмиз...

Оталаримизнинг умрлари узоқ бўлсин!

Yoshlar kundaligi

#Мулоҳаза_учун

АФСУСКИ, БУ ҲАҚИҚАТ!

♻️ Индонезияда "Дарё жангчилари" дея аталувчи юзлаб кўнгиллилар гуруҳи ҳозиргача дарёлар ва пляжларни 1,5 миллион кг. чиқиндилардан тозалаган.

📈 Рақамларга қаранг: 2050 йилда аҳолининг тез суръатлар билан ўсиши ва урбанизация туфайли йиллик чиқиндиларнинг вужудга келиши 3,88 миллиард тоннага етиши кутилмоқда. ДАҲШАТ!!!😱😱

Yoshlar kundaligi

#Мулоҳаза_учун_мавзу

⭕️ ТЎЙ "СПЕКТАКЛ"ЛАРИ СИЗГА МАНЗУРМИ?

💍 Тўй мавсуми ширин ташвишлар даври. Бироқ охирги пайтлар ижтимоий тармоқларда ёшларнинг хурмача қилиқлари авжига чиққан.

🤵🏻‍♂️👰‍♀️Бир-бирини қувиб ўтаётган машиналар кортежи, "куёв тепти", "қўчқорвой зиёрати" ёки метродаги фотосессия. Етмагандай пулни ер билан битта қилиб сочиш ва вертолётда тўйга келиш каби ҳолатлар занжирдек бир-бирига уланмоқда.

🤔 Хўш, бундай тўй сценарийларини ёзаётган шоввозлар кимлар ўзи? Ёки ҳаммаси 👍“ЛАЙК” учунми?

Yoshlar kundaligi

#мулоҳаза_учун

Заҳарли Тошкент...

Табиатни асрайлик, йўқса бу бизга фақат ва фақат қимматга тушиши мумкин.

Yoshlar kundaligi

#мулоҳаза_учун

Телефонми ё китоб?

🎞Хитой мактабларида болаларга "Телефонга боғланиб қолиш оқибати" ҳақида ибратли ролик кўрсатишаркан.

☝️Роликни кўриб бўлиб танланг, телефонми ё китоб? Келажагингиз танловингизга боғлиқ.

Yoshlar kundaligi

#Мулоҳаза_учун

Кимдир отаси бооой бўлишини истайди, яна кимдир отаси бўлишини...

Yoshlar kundaligi