​​#Кайфият

"УММОН" БИЛАН ХАЙРЛАШУВ ЁКИ НЕГА "МИЛЛИОН"НИ ЁМОН КЎРАМАН?
(Материал архивдан. Аммо энг савияси юқори инсонлар ўқиса арзигулик) 

Кечами-бугунмиди, билмадим, ҳартугул "Уммон" гуруҳини яхши кўришимни, у болалигимнинг бир қисми эканлигини тушуниб қолдим. Соғиндим ўша кунларни. Ярим тунгача Чилонзордаги ижара уйга наушникдан "Қандай унууутдинг" деб борардим. Тонгда ишга кетаётганда магазинда, таксида, автобусда яна шу "Уммон"ни эшитиб кетардим. Халқ эшитарди уларни.

Ўн етти ёшлилар билан ҳазиллашманг. Улар келажакни белгилайди. Жуда тез фурсатларда ўша ўн етти ёшлилар катталар қаторига киради ва ўз трендларини, мода ва қизиқишларини жамиятга юқтиради. Биз ўша "Уммон"ни эшитган ўт етти ёшлилар эдик. Биз – бизнинг авлод "*Уммон*"ни машҳур қилдик.

Эътироз билдираяпсизми? Нима? "Уммон"да жонли ижро йўқ эдими? "Уммон"нинг мусиқалари жуда оддий эди, деяпсизми? "Уммон"да оригинал ижод, сўз танлаш саёз бўлганми? Шунақами? Тупурдим ҳаммасига. Сиз бизга танлов имконини бермагансиз. Бизнинг туйғуларимиз роса жўш урган, қандайдир ноаён ҳислар таъсирида учиб-қўниб юрган пайтимизда қаршимиздан фақат "Уммон" чиқди ва эшитиб тўймадик. Шу холос.

ҚВЗдан чиққан масхарабозлар – "Миллион" ўзининг энг гуллаган пайтларида "Уммон"ни концертга чақириб сазойи қилди. Очиқчасига кулди устидан. Биз, сиз, ҳаммамиз қўшилиб кулдик. Негадир. Лекин, тан олинг, ич-ичимиздан ачиниш ҳиси босиб келаверди. Аслида 25 йил тузукроқ кулмай, кучли юморга эҳтиёжманд жамият "Миллион"нинг бўлар-бўлмас ҳазилларига кулаверган, умуман, кулишни соғинган бир шармандалик кунлар эди у пайт.

Бугун уларнинг бачканадан бачкана ҳазилларига кулмайман. Кўзимга "Миллион" гуруҳи аллақачон ёмон кўриниб бўлган. Халқ меҳр қўйган соддадил, ҳали болалик нафаси кетмаган "Уммон"чи йигитларни қандайдир сўз ўйинлари билан шарманда қилгани учун кечирмайман. Эсимда қолгани: "Истиқлол" санъат саройи, саҳнада уялиб, мўлтираб турган йигитлар, устидан кулишаётганини, шарманда бўлаётганини ҳам тушуниб-тушунмай турган болалар – ёшлигимнинг қаҳрамонлари.

Бу гуруҳнинг мисли кўрилмаган шуҳрати, парвоз ва инқирози – буларнинг ҳаммаси кўз ўнгимизда кечди. Бундай оламшумул шуҳратни камдан кам санъаткор кўрган. Болалар, ўсмирлар, ёшлар бараварига "Уммон"ни тинглар, жўр бўлиб куйлар эди 2000-йилларда.

Нафсиламрини айтганда, шуҳрат, бойлик ва қизлар бу гуруҳнинг бошини айлантирди, ўзаро қандайдир маънавий таназзул юз берди. Умуман, санъатда кўча эстрадаси, ноанъанавий услуб ўз мавқеини бой бера бошлади, янги давр ва унинг юлдузлари майдонга чиқа бошлади. Нафас ростлаб, бой берилган мавқени қайтара бошлаган, анча ўзига келиб олган анъанавий ижрочилик мактаби вакилларининг қўшиқларини халқ, ёшу қари ютоқиб тинглашга ўтди. "Уммон" санъатдаги мавқеини бой берди.

Балки ҳаммаси шундай тугагани яхшиликка бўлгандир. Масалан, 50 яшар пайтларимда ҳам "Уммон"ни эшитиб юролмасдим. Лекин, уларнинг ғўра қўшиқлари мен ва мен мансуб авлоднинг ғўра туйғуларимиз, ўн етти ёшнинг пок-покиза, бироқ тушуниксиз ўйлари каби қандай бўлса шундайлигича, ёқади. "Уммон" бир авлоднинг ёшлиги, болалиги ва илк муҳаббатига бир тимсол бўлиб қолди. Бу ҳақиқатни ҳеч ким ўзгартира олмайди...

Yoshlar kundaligi

Сўнгги соатларда

➖🇺🇦 "Уруш пайтидаги порахўрлик хиёнатдир": Зеленский Украинадаги барча ҳудудий мудофаа бўлимлари раҳбарларини масъулиятсизлиги учун ишдан олди — Al Jazeera.

➖📍Янги ўқув йили 4 сентябрдан бошланади: 2023/2024 ўқув йилида Тошкент вилоятида 57077 нафар ўқувчи 1-синфга боради — ММТБ.

➖🇰🇬 Қирғизистонда пластмасса ишлаб чиқариш ва сотиш тақиқланди: қонун 2027 йил 1 январдан кучга киради — 24.kg.

➖❌ Сардобада 17 миллион 358 минг сўмлик ғалла ўғирланди: икки нафар фуқарога жиноят иши қўзғатилди, улар МЧЖ ишчиси бўлган — ИИВ.

Yoshlar kundaligi

#тайинлов

Абдуллаев Абдурасул Неъматович Тошкент вилояти ҳокимининг биринчи ўринбосари лавозимига тайинланди.

Бунга қадар у Оҳангарон тумани ҳокими вазифасида ишлаб келган.

Yoshlar kundaligi

#Танқид

ПАРКЕНТ: ШОАҲМЕДОВ ДАВРИДА ЭКИЛГАН ШОҲДАРАХТ

🔴Cўнгги ойларда канализация қудуқлари билан боғлиқ бир нечта ҳалокатли воқеалар содир бўлди. Айни шу вақтда Паркент тумани Красногорск шаҳарчасидаги "колодец"ларнинг оғзи ғордек очиқ.

😐Масъулларнинг бефарқлиги шу даражадаки, бу қудуқларда дарахтлар барқ уриб, ўсиб ётибди. Энг ачинарлиси улар боғча ва мактаблар, катта йўл четларида ўз ҳолига ташлаб қўйилган.

❓Балки, қопқоқлар қўйилиб, кейин ўғирлаб кетилгандир. Шуни деб энди муаммони ҳал қилмаслик, бошқа қопқоқ ўрнатмаслик керакми?

🔔Ойлар Паркентда ерга яқинроқ деганди, бир шоири замон. Менимча, масъуллар нигоҳини осмондан узиб, оёқ остига ҳам қараб қўйса яхши бўларди. Ё бу чуқурларга кимдир тушиб кетсагина ҳаракат бошланадими?

Ҳеч бўлмаса қолган тешикларга ҳам кўчат экиб чиқинглар. Шунда шуларнинг олдидан ўтаётган ёш болалар йиқилса енгилроқ тушади! 😠

Yoshlar kundaligi