#Чирчиқ_шаҳри

🔸 Ҳалиям Чирчиқда вақти-вақти билан яхши тадбирлар ўтказилиб турибди. Эсласангиз, ўтган йили айнан Чирчиқ йирик тадбирларга мезбонлик қилиш бўйича чемпион бўлганди. Зойир Мирзаев кўпроқ Нурафшонга ишонаяпти, марказни марказ бўлиши учун қанча қийинчилик бўлса ҳам, барчасини шу ерда ташкил қилинишига эътибор қаратяпти.

💭 Чирчиққа қайтамиз. Жисмоний тарбия ва спорт университети, ҳокимлик ва ҳуқуқ-тартибот идоралари ҳамкорликда зўр тадбир ташкил қилибди, таҳлилий кўрсатув тайёрлашибди. Тошкент вилояти бўйича профессор – "Ўзбекистон24" телеканали махсус мухбири Қутфулло Абдухолиқовдан яна битта зўр таҳлилий кўрсатув.

🎞 Бу кўрсатув орқали наинки Чирчиқда бўлаётган ишлар, умуман, вилоятимизда ёшлар билан ишлашнинг янгича тизими қандай амалга оширилаётгани ҳақида ҳам муайян хулосага келиш мумкин.

Каналга уланиш:
https://t.iss.one/+tcc8Accr_k80OGNi

#Чирчиқ

Чирчиқ шаҳрида "Чирчиқ” кимё-индустриал технопаркининг очилиш маросими ўтказилди.

🇺🇿 Унда Ўзбекистон Республикаси Бош вазири Абдулла Арипов, Татаристон Республикаси Президенти Рустам Минниханов, Ўзбекистон ва Татаристон вазирлик, идора ва ташкилотлари раҳбарлари, кимё ва нефть-кимё саноати вакиллари, тадбиркорлар ва кенг жамоатчилик вакиллари қатнашди.

🎙 Дастлаб фахрий меҳмонлар ва тадбир иштирокчилари “Чирчиқ” кимё-индустриал технопарки тақдимоти, ҳудуди, имкониятлари ва технопарк резидентлари томонидан ишлаб чиқариладиган маҳсулотлар кўргазмаси билан танишди.

Каналга уланиш:
https://t.iss.one/+tcc8Accr_k80OGNi

#Видео #Чирчиқ

#Чирчиқ #Муҳокама

‼️Чирчиқ шаҳридаги муштумзўр ўқувчилар яшайдиган маҳаллада ҳолат бўйича муҳокама йўсинидаги давра суҳбати ўтказилди.

⚪️Ота-оналар вазиятнинг сабаблари ва келтириб чиқарган омиллар хусусида фикр билдиришди. Батафсил видео тез орада эълон қилинади. Унгача эса бу аёлнинг фикрларига эътибор беринг.

⚠️Қаровсиз, ташландиқ маҳалладан жиноятчиликка мойил, ўзидан "разборшик" ясаб олган болалар етишиб чиқади. Афсуски, Чирчиқ шаҳридаги мутасаддилар бу ҳақиқатни унутган кўринади...

Каналга уланиш:
https://t.iss.one/+tcc8Accr_k80OGNi

#Мурожаат #Чирчиқ

ЧИРЧИҚДА ТУҒИЛГАН ЭГИЗАКЛАРНИНГ ОТАСИ ТОШКЕНТ ВИЛОЯТИ ЖАМОАТЧИЛИГИГА МУРОЖААТ ЙЎЛЛАДИ

🎞 Бу видеони чиқаришга кўп ўйландик. Жуда ғалати манзара. Аслида ҳокимлик бунақа вазиятларда уй-жой ажратиб бермайди. Лекин, бирданига учта чақалоқ билан каталакдек уйда, ота-она билан яшаб ҳам бўлмайди. Оилада нотинчлик пайдо бўлиши эҳтимоли катта.

💭 Болаларнинг отаси самимий гапираяпти, ўзи тушиб қолган қийин вазиятни айтиб, жамоатчиликдан ёрдам сўраяпти.

Каналга уланиш:
https://t.iss.one/+tcc8Accr_k80OGNi

#Чемпионлик_паради #Чирчиқ

​#Очиқ_дарс #Чирчиқ

САИДА МУАЛЛИМНИНГ ҚАЛБ ДАФТАРИ

Қайта яшаш учун имкон берилса...

Адабиётдек улуғ, адабиётдек сеҳрли фан бўлмаса керак. Тил ва адабиёт соҳасига умрини бахш этган муаллима Саида Мирзараҳимова 1964 йилнинг 8 январида Чирчиқ шаҳрининг "Ҳайдар Мақсудов" маҳалласида туғилди. Филология йўналишида бакалавр дипломини қўлга олди-ю, мактаб остонасига садоқат қасами билан кириб келди. "Раҳматли хўжайиним дарахт бир ерда кўкаради, деб айтар эдилар. Мана, 35 йилдирки, 12-мактабда она тили ва адабиёт фанидан дарс бериб келаман. Даргоҳга меҳримни бердим, ҳатто менинг биринчи уйим мактаб бўлиб қолди. Нафақа ёшига аллақачон етганман, аммо кета олмайман. Моддий сабаб учун эмас, асло, мен шунчаки... уйимдан кета олмайман. Яратган менга яшаш учун иккинчи умр берган тақдирда ҳам ўқитувчиликни танлаган бўлар эдим...", – дейди муаллима.

Тасаввур дунёси

– Фаним аниқ фанлардан мутлақо фарқ қилади. Унинг негизини тасаввур ташкил этади. Дарсларим ҳам шундай, асарларни саҳналаштириб ўрганамиз. Аввал парча ўқилиб, тушунча берилади саҳналаштирилади. сўнгида ўқувчининг ўзи тўлиқ асарни истаб, қизиқиб ўқийди. Синфда ўз ҳисобимдан кутубхона ҳам ташкил қилганман. Марафонлар бўлса, ўзимни қўярга жой топа олмай китоб сотиб оламан. Баъзан маблағ муаммо бўлиб туради, аммо шу китобни олмагунимча кўнглим жойига тушмайди.

Интилиш чегара билмайди

– Ҳамма нарсанинг иложи бор. Истасангиз бахт бир қадам. Фақат мақсад сари тинимсиз интилиш, ўзлигини унутмаслик ва яратгандан мадад сўраш кифоя. Интилиш чегара билмайди. Ҳа айтганча, умр йўлларида сиз ким ва қайси касб эгаси бўлишингиздан катъий назар, китоб сизнинг доимий ҳамроҳингиз бўлсин. У инсоннинг тафаккур гулшанини чароғон этиб, тўғри йўл кўрсатгувчи йўлчи юлдуз бўла олади. Келажакда ўқувчиларим ҳақиқий комил инсон бўлиб етишса бас, мен учун бундан ортиқ мукофот йўқ.

Муаллимлик моддият манбаи эмас

– Ўқитувчи дегани ҳар доим ўқувчидан йўқ деганда бир қадам олдинда бўлмоғи шарт. Ўқиш, изланиш, ўзини устида яна ва яна ишлаш муаллимнинг кунлик рефлексига айланиши лозим. Бу – нафақат соҳамнинг, балки барча касбнинг олтин қоидаси. Техниканинг моторини ишлатиб, ёғлаб турмаса, у қотиб қолади. Шу сингари кадр ҳам ўз устида ишламадими, тамом, "занглаб" қолаверади. Моддий таъминот ва баъзи мажбуриятлар учун устозликни танлаб, неча-неча ниҳолларнинг умрини беҳуда сарфламанг. Зеро муаллимлик касбининг юки оғир.

Шогирдларим

– Кўз очиб юмганим шу мактаб бўлди. Мен ҳеч кимдан ҳеч нарса кутмайман, фақат шу ўқувчиларим эртага менга бегона бўлмай, бир сўзлик каломини аямай эслаб турса, шунинг ўзи мен учун катта совға. Шогирдларим бугун ҳар соҳада ишлашади: Зуҳра Миргазиева (Тошкент вилояти ҳокими ўринбосари), Беҳзод Ядгаров (12-мактаб ўқитувчиси), Сарвиноз Ибрагимова (12-мактаб ўқитувчиси), Саъдулла Зокиров (Чирчиқ шаҳар тармоқлари бошлиғи), Ҳасан Мадалиев (Чирчиқ шаҳар ИИБ ходими), Шаҳбоз Муҳаммеджонов (Чирчиқ шаҳар ФВБ бошлиғи), Холида Ғаниева (Чирчиқ шаҳар тиббиёт бирлашмаси бошлиғи).

P.S. Маълумот ўрнида: ушбу мактабни битириб, юқори лавозимда ишлаётган собиқ ўқувчилар: Нодиржон Ирисов - Ёшлар ишлари агентлиги Қибрай тумани бўлим бошлиғи; Мўмин Якубов - Чирчиқ қишлоқ хўжалиги машинасозлик заводи бошқарув раиси ўринбосари, Улуғбек Миразиков - "Ҳамкорбанк" Чирчиқ шаҳар филиали кредит бўлими бошлиғи, Мурод Раимов - Тошкент шаҳар Янги ҳаёт тумани ИИБ бошлиғи, Саъдулла Зокиров - Чирчиқ шаҳар электр тармоқлари корхонаси бошлиғи.

Каналга уланиш:
https://t.iss.one/+tcc8Accr_k80OGNi

#Чирчиқ

Чирчиқ шаҳри ҳокими Даврон Ҳидоятов ёшлар билан учрашибди. Ёшларга вақт ажратиб, уларни эшитадиган ҳокимлар кўпайсин. 👍👍

Yoshlar kundaligi