​#Қарор_ва_ижро

ПОЙТАХТДАН ОҲАНГАРОН ШАҲРИГАЧА 4 ОЙДА, ОЛМАЛИҚҚА 50 КУНДА, ЧИРЧИҚҚА 45 КУНДА ЕТИБ БОРГАН ПРЕЗИДЕНТ ҚАРОРИ: ИЖРО ТИЗИМИГА НИМАЛАР БЎЛЯПТИ?

Хабарингиз бор, "Ёшлар кундалиги" Президент қарорларининг жойлардаги ижроси билан боғлиқ вазият бўйича туркум таҳлилий материаллар (1, 2, 3, 4) эълон қилиб келмоқда. Хусусан, муҳим ҳаётий ҳужжатларнинг ижрога қаратилишида оралиқ муддатларнинг чўзилиб кетиши, сунъий равишда вақт чўзишлар одатий ҳолга айланиб бораётганига жамоатчилик эътиборини қаратишда давом этамиз.

Жойлардаги раҳбарлар ва ижро аппарати ходимларидан давлат раҳбарининг қарорларини ўз вақтида ва сўзсиз ижрога қаратиш борасидаги бошбошдоқликка чек қўйиш, халқимиз кутаётган, хусусан, биз ёшлар учун ниҳоятда фойдали қарорлар ижросини ортга сурмасликни сўраймиз.

➖ Оҳангарон шаҳрида Президентимизнинг фармони 4 ойдан сўнг ижрога қаратилди. Давлат раҳбари томонидан 25 апрель куни қабул қилинган, шу асосда Тошкент вилояти ҳокими 27 апрель куни қабул қилган қарор орадан тўрт ой ўтиб, олис Оҳангарон шаҳрига етиб борди.

➖ Олмалиқ шаҳрида ҳам ижро билан боғлиқ вазият мақтангулик аҳволда эмас. Биргина мисол: Тошкент вилояти ҳокимининг 15 июнь куни қабул қилган қарори олис Олмалиқ ҳудудига 50 кундан сўнг етиб боряпти. Мазкур қарор халқ таълими тизимида давлат хизматлари кўрсатишга оид бўлиб, шаҳар ҳокими ҳужжатининг кечикиши – энг охирги, ҳақиқатда шу қарор ижроси билан шуғулланувчи идорага қандай ноқулайлик туғдиришини тасаввур қилаверинг.

➖ Чирчиқ шаҳрида ҳам ўзига хос анъана ижодий давом эттирилган. Давлат раҳбарининг жойларда паррандачиликни ривожлантиришга доир қарори пойтахтдан олис Чирчиқ шаҳрига 45 кунда етиб боряпти. Мазкур қарор билан хусусий тартибда паррандачиликни йўлга қўймоқчи бўлган фуқароларга бир қатор имконият ва имтиёзлар берилган. Афсуски, қарорларнинг ижроси кечикиши билан боғлиқ маънавий ва моддий зарарларни ҳисоблаш механизми мавжуд эмас...

Умуман, шунақа гаплар. Аслида вазият бундан ҳам аянчли. Ишонинг. Чунки E-qaror тизимига кириб кўрсангиз, ҳудудларда давлат раҳбарининг ва вилоят ҳокимининг қарорларидан келиб чиқиб қабул қилинган ҳужжатларда фарқлар катта эканлиги, демак, жуда кўплаб ҳужжатлар ҳали ижрога олинмагани, қаерлардадир чанг босиб ётгани ойдинлашади.

Вилоят ҳокимлиги ижро аппаратидан олинган маълумотларга қараганда, бир туман шу жиҳатдан ўрганилганда, 60 та Президент ҳужжати ҳали ижрога қаратилмагани аниқланибди. Тушуняпсизми, бу нима дегани? Қарорлар ижроси сунъий равишда кечиктириляпти ёки игнор қилиняпти дегани. Очиқ айтганда, бу миллатга, Президентга хиёнат дегани.

Каналга уланиш:
https://t.iss.one/+tcc8Accr_k80OGNi

#қарор_ва_ижро

Бекободликлар учун долзарб хабар!

Бекобод шаҳридаги маҳаллаларнинг ижтимоий-иқтисодий муаммоларини ҳал этиш мақсадида 10 миллиард сўм, кейинчалик 25 миллиард сўм мақсадли ссуда тарзида ажратилади.


🔰Бу жараён Тошкент вилояти ҳокимининг 2022 йил 17 октябрдаги 364-10-0-F/22 сонли фармойишига мувофиқ амалга оширилиши белгиланган.

💰Маблағлар Ўзбекистон Республикаси Молия вазирлиги томонидан ҳудуд маҳаллий бюджетига йўналтирилади.

Каналга уланиш:
https://t.iss.one/+tcc8Accr_k80OGNi

#қарор_ва_ижро

⭕️ Янгийўл шаҳрида “Президент мактаби” қурилади

✅ Тошкент вилояти ҳокимининг тегишли қарорига асосан Янгийўл шаҳри “Янги ҳаёт” МФЙ ҳудудидаги 0,78 гектар қишлоқ хўжалигида фойдаланилмайдиган ер майдони Тошкент вилояти Мактабгача ва мактаб таълими бошқармасига “Президент мактаби” қурилиши учун доимий фойдаланиш ҳуқуқи билан ажратилди.

Yoshlar kundaligi

#қарор_ва_ижро

⭕️ Тошкент вилоятида “Ноль чиқинди” тамойили жорий этилади

✅ Бу ҳақда вилоят ҳокимининг тегишли қарори чиқарилди.

♻️ Унга кўра, вилоятда қаттиқ маиший чиқиндилар билан боғлиқ ишларни амалга ошириш соҳасини янада такомиллаштириш, “Ноль чиқинди” тамойили асосида янги ҳосил бўлаётган чиқиндиларни полигонларга йўналтирмасдан, максимал даражада қайта ишлаш ёки куйдириш, соҳага айланма (циркуляр) иқтисодиёт амалиётини жорий этиш асосий мақсад қилиняпти.

👉 Бунинг учун 2024 йил 1 январгача Осиё тараққиёт банки иштирокида амалга оширилаётган “Тошкент шаҳрида қаттиқ маиший чиқиндиларни бошқариш” лойиҳаси доирасида Оҳангарон туманидаги 59,0 гектар ер майдонида жойлашган “Оҳангарон” маиший чиқиндилар полигонига туташ ҳудудда янги маиший чиқинди полигонини қуриш ва ишга туширишни якунлаш чоралари кўрилади.

Yoshlar kundaligi

#Қарор_ва_ижро

⭕️ 1 декабрдан қаттиқ маиший чиқиндиларни тўплаш ва олиб чиқиб кетиш хизматлари нархлари янгиланади

✅ Бу ҳақда Тошкент вилояти ҳокимининг тегишли қарори имзоланди.

Yoshlar kundaligi

#Қарор_ва_ижро

⭕️ Бўстонлиқда халқаро болалар оромгоҳи қурилади

✅ Тошкент вилояти ҳокимининг тегишли қарорига асосан Бўстонлиқ тумани “Сарбоғ” МФЙдаги ер майдони Ўзбекистон касаба уюшмалари Федерацияси Жамғарма маблағлари ҳисобидан халқаро болалар соғломлаштириш оромгоҳини қуриш учун доимий фойдаланиш ҳуқуқи асосида ажратиб берилади.

Yoshlar kundaligi