#Спорт

ОЛИМПИЯ ЎЙИНЛАРИ ВА ЎЗБЕКИСТОН: ТАРИХГА НАЗАР

🏆 Бугун 26 июль, Париж шаҳрида XXXIII ёзги Олимпия ўйинларига старт берилди. Унда 90 нафар вакилларимиз иштирок этишмоқда. Шу муносабат билан Олимпия ўйинлари ҳақида сиз билган ва билмаган маълумотларни тақдим этмоқчимиз

❓ Бу қандай ўйин?

Олимпия ўйинлари милоддан аввалги 776 йилдан бошлаб, милодий 394 йилгача ҳар 4 йилда Олимпия шаҳрида юнонлар худоси Зевс шарафига ўтказилган. Ана шу 4 йиллик давр Олимпиада деб аталган. Замонавий олимпиада ўйинлар эса 1896 йилдан бошлаб, анъанавий тарзда ҳар тўрт йилда бир маротаба ташкил қилинадиган энг йирик халқаро комплекс спорт мусобақаларидир.

📌 Дастурдан қандай спорт турлари ўрин олган?

Унда Ёзги ва қишки ўйинлар мавжуд бўлиб, умумий ҳисобда 47 та спорт турини ўз ичига олади.

🇺🇿 Олимпия ўйинларида Ўзбекистонинг иштироки

Ўзбекистон спортчилари Олимпия ўйинларида 1952 йилдан буён иштирок этиб келади. Ўтган даврда юртимиз спортчилари томонидан жами 41 та медаль (13 та олтин, 7 та кумуш, 21 та бронза) қўлга киритилган.

🥇 Энг биринчи медаль

1952 йил Хелсинки шаҳри мезбонлик қилган Олимпия ўйинларида ўзбекистонлик Галина Шамрай спорт гимнастикасининг кўпкураш баҳсларида жамоавий беллашувларда олтин, предмет билан машқда эса кумуш медални қўлга киритган ва бу натижаси орқали Шамрай ўзбекистонлик спортчилар орасида Олимпиада медалини қўлга киритган биринчи атлет сифатида тарихдан жой олган.

📊 Энг яхши натижа

Умумий рейтингдаги энг яхши натижалар 2016 йилда Рио де Жанейрода ўтказилган Олимпия ўйинларида қайд этилган. Бунда вакилларимиз 4 та олтин, 2 та кумуш ва 7 та бронза медалига эгалик қилишган.

П.С.: Ўзбекистонлик вакилларимизга Олимпия ўйинларида омад тилаб қоламиз.

Yoshlar kundaligi

#Спорт

89–дақиқа аламлари.
Ўзбекистон Миср билан орани очиқ қилоладими?

🏆 Бугун дунё нигоҳи Парижга қадалган. Муҳаббат шаҳри ўз тарихида 3-бор Олимпия ўйинларига мезбонлик қилмоқда. Бундан роппа-роса 100 йил олдин ҳам Олимпия машъаласи айнан Парижни ёритган эди.

🌐 Олимпиада ҳар 4 йилда ўтказилса ҳам, бу йилги мавсумни биз учун тарихий дейиш мумкин. Негаки, футбол бўйича Ўзбекистон олимпия терма жамоаси илк бор бу нуфузли мусобақада қатнашмоқда. Илк ўйинда ғалаба қозонилмаган бўлса-да, жамоамиз испанларга қарши мардонавор ўйин олиб борди. Буни муносиб дебют дейиш адолатли бўлади.

⏰ Бугун эса Тошкент вақти билан соат 20:00 да вакилларимиз Миср олимпия терма жамоасига қарши майдонга тушади. Мисрликлар ҳам ўз ўрнида Африка қитъаси тарихида Олимпия ўйинларидаги иштирок жиҳатдан пешқадамлардан ҳисобланади. Қолаверса, Ўзбекистон U-23 таркибининг мисрликлар билан боғлиқ аччиқ тажрибаси ҳам бор. Ўтган йили ўртоқлик учрашувида ўз майдонимизда 1:2 ҳисобда ўйинни бой берган эдик. 2-бўлимнинг 89-дақиқасидаги рақиб голини футболчиларимиз ҳанузгача унутмаган бўлишса керак.

✅ Бугун Олимпия терма жамоамиз орани очиқ қилишига ишонамиз. Бу ғалаба бизга керак, жуда ҳам керак.

🇺🇿🇺🇿Олға, Ўзбекистон! Олға, йигитлар!

Yoshlar kundaligi

#Спорт

ПАРИЖ-2024: ЧИНОЗ ФАРЗАНДИ ФИЛИППИНЛИК БОКСЧИГА ҚАРШИ

🌐Парижда ўтаётган Олимпиадада Тошкент вилояти фарзандлари ҳам иштирок этишмоқда. Хусусан, Ўзбекистон делегацияси таркибида чинозлик чарм қўлқоп устаси Тўрабек Ҳабибуллаевнинг борлиги барчамизни қувонтиради.

⌛Тўрабек ҳақида қисқача маълумот: Ҳабибуллаев Тўрабек Шукрилло ўғли 2004 йил 9 апрель куни Чиноз туманида таваллуд топган. 2022 йил Испанияда ўтган ёшлар ўртасидаги жаҳон чемпионатида ғалаба қозонгач, Ўзбекистон миллий терма жамоасига жалб этилган. Ёш истеъдодли боксчи Ханчжоу-2022 Осиё ўйинларида -80 кг вазн тоифасида бронза медалини қўлга киритган. 2023 йил катталар ўртасидаги мамлакат чемпионатида ушбу вазн тоифасида тенги йўқ эканини яна бир карра кўрсатди.

🕓Жорий йилнинг 3-11 март кунлари Италияда ўтган жаҳон лицензион турниридаги муваффақиятли иштироки орқали -80 кг вазн тоифасида Париж-2024 ёзги Олимпия ўйинлари йўлланмасига сазовор бўлган.

🌐Тўрабек бугун филиппинлик Эумир Марсьялга қарши рингга тушади. Спортчимизга бу жангда омад тилаймиз ва вилоятимиз, юртимиз шаънини янада юқорига кўтаришига ишонамиз.

Олға, Тўрабек! Олға, Ўзбекистон!✊✊

Yoshlar kundaligi

#Спорт #parij2024

👍 Бугундан Париж-2024 ёзги Олимпия ўйинлари доирасида енгил атлетикачиларимиз баҳсларга киришишади. Кун давомида 4 спорт турида 9 нафар атлетимиз иштирок этишади.

Yoshlar kundaligi