​#Орамиздаги_машҳурлар

Тарихга айланган спортчи

❓Тошкент вилоятининг тирик афсонаси, ўзбек футболи ривожига катта ҳисса қўшган Шамиль Яфаров ҳақида биласизми?

⚽️Асли нурафшонлик бўлган бу инсоннинг болалигидан футболга қизиқиши катта бўлган. Айниқса, ўртоқлари билан кўчада тўп тепиб юрган Шамилнинг тўп билан кўрсатган алдамчи ҳаракатларини спорт мураббийси Идгай Тазетдинов пайқаб қолади. Айнан унинг саъй-ҳаракатлари туфайли ўша пайтлар яна бир футбол юлдузи кашф қилинади.

🔰Болакайни ота-онаси спорт интернатига ўқишга берди. У ерда кўплаб дўстлар орттирган Шамил айнан футбол ҳаётининг мазмуни эканини тушунганди. Машғулотларда у бошқалардан ажралиб турарди, тўп билан ишлашда маҳорати ҳам ошиб борди.

❗️Бир неча йиллик тайёргарлик ва интилишлар сабабли у 1973 йили афсонавий “Пахтакор” футбол клубига қабул қилинди. Ўша пайтлар бу жамоа таркибида беш мавсум тўп тепган Яфаров жами 76 та расмий учрашувда майдонга тушди. Унинг майдондаги позицияси ҳимоя ва ярим ҳимояда эди. Бироқ вазиятга қараб дарвозабон сифатида ҳам жамоадошларига катта ёрдами тегарди. Ҳатто айрим ўйинларда рақиб ўйинчилар унга гол уролмасди. У чиндан ҳам яшил майдонда рақибларига катта хавф туғдирарди.

Унинг энг яқин дўстлари Михаил Ан, Владимир Фёдоров ва Олим Аширов эди.

😔1979 йилнинг 8 августи куни Тошкентда ўтказилган “Пахтакор” ва “Заря” клублари ўртасидаги ўйин 3:1 ҳисобида якунланди. Шу йилнинг 11 августида Минскда “Динамо”га қарши белгиланган ўйин Украинанинг Днепродзежинск шаҳри яқинида рўй берган ҳалокат сабабли қолдирилди. Афсуски, шу ҳалокат "Пахтакор"нинг ўша пайтдаги 17 юлдузини ҳаётдан олиб кетди.

😥Бу воқеани ҳанузгача Шамиль Яфаров кўзида ёш билан хотирлайди. Бу унинг учун катта йўқотиш эди.

❗️Яфаров ҳаёти давомида ўзбек футболини ривожлантириш, янги талантларни олиб чиқишга ҳаракат қилди. Давлатимиз томонидан унинг соҳадаги меҳнатлари алоҳида эътироф этилиб, 2021 йилда Призидент фармонига асосан “Соғлом авлод” ордени билан тақдирланди.

🔰Ҳозир айрим ёшлар билмас, лекин катта авлод футбол мухлислари унинг жамоаси ғалабаларига қўшган ҳиссасини яхши эслайди.

Моҳларойим Қурбонова,
“Ёшлар кундалиги” мухбири.

Каналга уланиш:
https://t.iss.one/+tcc8Accr_k80OGNi

​#Даҳонинг_болалиги

Маънолар отаси

🔰У 1644 йилда Ҳиндистонда, Банголиянинг Азимобод шаҳрида хизматчилар оиласида туғилган. Ота-боболари асли кешлик бўлиб Бобур даврида Ҳиндистонга кўчиб ўтган. Унинг отаси Мирзо Абдулҳолиқ барлослар оиласидан бўлиб ўз даврининг билимдон кишиси сифатида танилган эди.

📜У 3-4 ёшларида отасидан етим қолиб онасининг қамоғида камол топади. Бошланғич таълимни тоғасидан олади ва ўша вақтнинг ўзида шеъриятга ошнолик унинг қалбига кириб келади. Унинг тинимсиз интилишлари ва изланишлари ҳатто ўн ёшида ёзган илк рубоийларида яққол сезилиб, атрофидагиларни ҳайратга солди. Араб, форс, ҳинд, урду тилларини мукаммал ўрганишга киришди.

❗️Йигирма ёшида илк шеърларини жам этди. Ҳиндистон бўйлаб саёҳат қилди. Тилларни мукаммал билганлиги боис шарқ адабиёти, юнон фалсафаси, хусусан, Арасту фалсафасини ўрганди. У ўз асарларида шоҳларни улуғламаган, шаҳзодалар ҳақида ёзмаган. У ҳунармандлар, деҳқонлар ҳақида катта ҳурмат ила ёзди. Бошқа шоирлардан фарқли ўлароқ у доим реал ҳаёт ҳақида ўйлаган ва шу сабаб ўз асарларини диний масалаларга бағишламади.

🖋Ўз даврининг энг долзарб жанри бўлмиш рубоийга кўп вақт ва меҳнат сарфлади. Ўзидан сўнг 3861 та рубоий қолдирди. У халқ ҳаётини яқиндан ўрганди, замон эврилишлари ва мунофиқликларини кўрди, буларни ўз ижодида акс эттиришга, инсонларни доимо юксакликда, иттифоқлик ва меҳр-мурувватлиликда бўлишга чақирди, бу туйғуларни гоҳ ошкор, гоҳ кинояли, гоҳ ташбеҳлар воситасида қалбларга етказишга ҳаракат қилди…

❗️Уни ўз даврида «Абулмаъоний» (маънолар отаси) деб аташар эди. Унинг шеъриятини тафсирсиз тушуниш - амри маҳол. Чунки шоирнинг ғазалларидаги ҳар бир байт бир неча хил маъно қатламларига эга. У ҳақиқий маънода чексиз мажозлар шоиридир.

🔰1721 йилнинг 5 декабрь куни ҳаётдан кўз юмди ва Ҳиндистон халқи анъаналарига кўра, буюк арбоб сифатида ўз уйига дафн этилди.

📜«Тилсими ҳайрат», «Таркибот ва таржеот», «Муҳити аъзам», «Тури маърифат», «Ишорат ва ҳикоят», «Руқаъот», «Чор унсур», «Ирфон», «Нукот», «Ғазалиёт», «Рубоиёт» каби бир қанча асарлар, 3861 рубоий муаллифи бўлган буюк мутафаккир

Бедил эди. Мирзо Абдулқодир Бедил эди...

Каналга уланиш:
https://t.iss.one/+tcc8Accr_k80OGNi

Диққат, сўровнома!

🔘Бугун - Халқаро талабалар куни. Шу боис бугун вилоятдаги олий таълим муассасаларининг энг фаол таҳсил олувчиларига эътибор қаратдик. Суратдаги талабалар йил давомида турли ютуқларни қўлга киритишиб, тенгдошларига ўрнак бўлишмоқда.

🤔Ким "Йил талабаси" бўла олади? Овоз беринг.

⏰Сўровнома эртага соат 20:00 гача давом этади.

⚠️Эслатиб ўтамиз, турли ботлар орқали сунъий овоз жамғаришга интилганлар сўровномадан четлаштирилади.

🔘 Иштирокчилар талабалар таҳсил олаётган олийгоҳлар томонидан тавсия этилган.

🎁 Ғолиблар йил якунида тантанали тақдирланади.

Овоз беришда иштирок этиш учун каналга уланинг:
https://t.iss.one/+tcc8Accr_k80OGNi