#Танқиддан_сўнг

ҲОКИМ ЎРИНБОСАРЛАРИНИНГ РАСМИЙ САҲИФАЛАРИГА "ЖОН" КИРДИ

📌"Ёшлар кундалиги" Тошкент вилояти ҳокимининг ўринбосарларини ижтимоий тармоқлардаги "ўлик" саҳифалари ҳақида танқидий пост эълон қилган эди. Бугунги кунга келиб, деярли барча расмийлар ўз саҳифаларини жонлантиришди, кундалик фаолияти ҳақида материаллар эълон қилиб боришмоқда.

🔘Шу ўринда икки оғиз изоҳ беришни жоиз кўрдик. Хўш, бу аслида нима беради? Нима учун расмий шахслар тармоқларда фаол бўлиши муҳим? Қандай натижага эришилади?

🌐Аввало, биз бугун ахборот асрида яшаётганимизни чуқур ҳис қилишимиз, шунга яраша мўлжал олишимиз лозим. Барча даражадаги раҳбарлар аҳолининг асосий қатлами, хусусан, ёшлар интернет орқали мулоқот қилаётгани, фикр алмашаётгани, воқеликларга муносабат билдираётгани, умуман, ижтимоий фикр шаклланаётганини унутишга ҳақи йўқ. Унутманг, давлат раҳбари олиб бораётган сиёсатнинг марказида сўз эркинлиги, очиқлик ва шаффофлик туради.

🔹Вилоят ҳокимининг ўринбосари – катта лавозим. У қатор вазифалари сирасида, ўзининг бевосита раҳбари, яъни вилоят ҳокимига тармоқларда ёғилаётган қатор-қатор савол-у мурожаатларга лаббай дейиши, тегишлилиги бўйича мунтазам шуғулланиши шарт. Акс ҳолда умумий иш юрмайди, нуқул танқидларга нишон бўлаётган давлат бошқаруви органларида ишлаётган бошқа ходимларнинг кайфияти тушиб бораверади.

⚡️Сўз эркинлиги, очиқлик сиёсати – монолог эмас, диалог дегани. Афсуски, аввалги ҳоким даврида бошланган монолог, бир ёқлама фикр айтиб, жим юравериш, туяқушга ўхшаб бошни қумга яшириб, беркиниб ўтириш ҳанузгача давом этаётган эди. Ҳартугул силжиш бўлди, ўзгариш бор.

🔍Айни пайтда вилоятдаги шаҳар ва туманлар ҳокимлари, бошқарма ва ташкилотлар раҳбарларининг ижтимоий тармоқлардаги саҳифалари, бунда аҳоли билан қандай мулоқот олиб борилаётгани, тезкорлик жиҳатлари бўйича танқидий материал тайёрланмоқда. Тез орада бу материални ҳам эълон қиламиз.

✊Ишонинг, ахборот майдонида барча раҳбарлар фаоллашса, фуқаролар улар тимсолида давлат билан мулоқот қилаётганини сезса, тушунса, воқеалар аслида қандайлигини билиб борса, турли мунозараларга ўрин қолмайди.

Каналга уланиш:
https://t.iss.one/+tcc8Accr_k80OGNi

#Танқиддан_сўнг

🏫 Қуйи Чирчиқда бостирмада ўқиётган мактаб ўқувчилари бугун бошқа бинога кўчирилди.

❗️Тезкорлик билан вазиятни бартараф этгани учун мутасаддиларга миннатдорлик билдирамиз. Қолган гап видеода. 👆

Каналга уланиш:
https://t.iss.one/+tcc8Accr_k80OGNi