#Илоқ #Ўрғоз

Афсонавий «Илоқ» этнофестивали тикланди. Эртага Ўрғозсойда сайил, майдон томошалари, дилкаш гурунглар бўлади.

«Илоқ» фестивали Тошкент вилоятининг бренди. Ўз вақтида «Ёшлар кундалиги» мавзуга эътибор қаратган, танқидий мақола эълон қилинган эди.

Масъулларга раҳмат! Энг зўр ва севимли, замирида илмий-амалий мантиғи бўлган йирик тадбир қайта тикланибди.

Келгусида «Илоқ» фестивали ўзбек давлатчилиги тарихига бағишланган йирик анжуман, анъанавий байрамга айланишига ишонаман.

Беҳзод Қобулов,
«Ёшлар кундалиги» муҳаррири.

P.S. Видеога изоҳ: фестивалнинг 2019 йилги манзаралари. Ўрғозсой ёнбағирлари. Эртага айнан шу жойда яна тарих ва келажак чорраҳасида кўришамиз.

Каналга уланиш:
https://t.iss.one/+tcc8Accr_k80OGNi

#Илоқ #Видео

🎉 Анъанавий "Илоқ" этнофестивали уч йиллик танаффусдан сўнг яна тикланди. Ўзбек давлатчилиги тарихида алоҳида ўрни бўлган қадимий Илоқ-Шош давлати таркиб топган ҳудуд, хусусан, унинг пойтахти – Тункат қалъаси яқинида ташкил этилган фестивалга қизиқиш юқори бўлди.

😊 Ҳудуд аҳолиси, меҳмонлар, санъаткорлар давра қуриб, қадимий ўланлар, термалар, лапарлар айтишиб, соз суҳбатлар қуришди, турли кўнгилочар тадбирлар ташкил этилди.

📯 Маданият бошқармаси, бадиий ва ҳаваскорлар жамоалари, фольклор-этнографик дасталар томонидан тайёрланган бадиий чиқишлар намойиш қилинди.

Каналга уланиш:
https://t.iss.one/+tcc8Accr_k80OGNi