​​#Шум_бола_дайжести

ХОРИЖДАГИ ЎЗБЕКЛАРИМ...

◽️АФҒОНИСТОН. Ёш жувон йиғлаяпти: бир қизини 250 долларга сотган, яна бири вафот қилди, қўлидаги боласи эса касал. Халқ ночор, болалар оғир аҳволда, таърифлаб бўлмас вазиятда катта бўлаяпти. Она: "Қизимни олиб кетганда жигаримни суғуриб кетди, йиғладим..." Ўзбек ўзбекни хор қилмайди. Сахий ўзбекистонликлар Афғонистон ўзбекларига хайрия юборибди.👍

◽️ЖАНУБИЙ КОРЕЯ. Корея фуқароси билан турмуш қурганлар учун яқинларига 90 кунгача ишга чақириш бўйича виза очилибди. Тахминан 20 минг атрофида ўзбек қизлари ўтган йиллар давомида корейс йигитларига турмушга чиқди. Бе, ёмон хаёлга борманг. Улар Ўзбекистонни ташлаб кетишмаган. Қайтага Кореяга Ўзбекистонни олиб боришган. Айтганча, оғзига кучи етмаганларга корейсга турмушга чиққан қиз бир йилча аввал зўр жавоб қайтарган эди. 👉Видео мамбeтда.👈

◽️КАНАДА. Уйдан чиқдингиз. Эшикка хат қистириб кетишибди. Очдингиз: "Жаноб, йўлнинг уйингиз олдидаги қисмига бўёқ суртилган, илтимос машинангизни у ерга қўйманг, асфальт янгиланади. Жараён 30 дақиқа вақт олади". Воқеа Канаданинг Калгари шаҳрида яшовчи ўзбек оиласи ҳаётида содир бўлаяпти. Дилимда эса саволлар... Негадир шу канални ўқигим келмайди. Бошқа дунёда яшаётгандек ҳис қиламан ўзимни.😭

◽️АҚШ. Қўшма штатлардан шум хабар. Нью Йоркдаги "Наврўз" номли ўзбек ресторанида ишловчи икки ўзбек йигити жанжаллашиб, бир-бирига пичоқ ўқталган. Ҳодиса натижасида бир киши вафот этган. Уларнинг ҳар иккиси ҳам ўзбек, бири Тожикистон фуқароси. АҚШда яшовчи ўзбеклар бу ҳолатдан қаттиқ ларзага тушиб, кенг муҳокама қилишаяпти. Америкага шунга борганмидинг, ўзбек боласи?🙈

◽️РОССИЯ. Ёзгим келмайдиган мавзулардан бири. Уёққа кетган ошна-оғайниларимни соғинаман, кўргим келади. Кейинроқ кўрганимда эса аллақачон бошқа-бошқа одамларга айланганимизни тушунаман. Россиядаги умумий вазият ҳақида нималар дейиш ва нималар демаслик – чексиз мавзу. Айниқса, уруш туфайли Россияга қўлланган санкциялар боис, ишчи қатламнинг даромадларида пасайиш кузатилган. Улар икки кўзини мўлтиратиб, Ватанга кўз тикиб, имдод кутиб ўлтирибди.😢

◽️ЖИДДИЙ РИТОРИКА. "Ёшлар келажагимиз" дастури орқали ер сотиб, соққасини санаганлар, бормисиз-омонмисиз? Санларнинг касрингга бу халқнинг болалари Ватанига қайтиб ишлаши керак бўлган иш ўринлари яратилмаяпти! Ёшлар сиёсатини рўкач қилиб, имтиёзлардан фойдаланиб кредит олган-у, пулини обнал қилиб еворганлар, сенларам одаммисан? Қанча ёшларни ҳужжатсиз ишлатиб, солиқдан қочиб, нақд пулда арзимас ойлик бераётган тадбиркорлар, сенлар ҳам шу халқнинг вакилимисан?😡

Менга энг таъсир қиладиган яна бир жиҳат бор. Айрим ҳудудлардан ўтаётганимда, шу ҳудудларни яхши биладиган жўраларим секин айтади: бу ошхона фалон собиқ амалдорники, бу дўкон фалон собиқ каттаконники, бу ҳашаматли виллада фалон ҳудуднинг собиқ раҳбари яшайди... Машина ичида жим кетаман-у, лекин бўғзимга нимадир тиқилади, алам қилади...

Ҳай, бўлар иш бўлди. Булар энди ўтган замон ҳангомалари. Бугунгиларга эса шу гап: Ватанни сотманглар, беш-тўрт танга пулга учиб, халққа хиёнат қилманглар. Ўз ресторанингиз, данғиллама ҳовлингиз, дўконингиз бўлмаса бўлмасин – бой ва қудратли давлатингиз, дунё оиласида энг ғурурли, ўктам халқингиз бўлсин! Ўзбекистонда бугун шу йўлда жиддий кураш кетаяпти, сафларни тўлдиринг! Қолгани бўладиган гаплар, ишонинг...

Бу гапларни мен – 100 йил аввал Тошкент атрофларини оч-наҳор кечиб, ўғри-ю муттаҳамлар қўлида ёшлиги увол бўлган Қоравой – Шум бола айтдим.

Каналга уланиш:
https://t.iss.one/+tcc8Accr_k80OGNi

#Туйғу

Мен бу майдон ичра юракни тикдим-
Ва тикдим энг тоза туйғуларимни.
Эҳтирослар мағлуб этмасин дея,
Йиғлаб ташладим бор кулгуларимни.

Фано наққошлари сиймлаган тан,
Фитратим зар бўлса, қисматим заргар.
Севмасимдан аввал Мажнун эдим ман -
СЕВГАНИМДАН КЕЙИН БЎЛДИМ САНОБАР....

✍️Санобар МЕҲМОН

Каналга уланиш:
https://t.iss.one/+tcc8Accr_k80OGNi

#Кайфият

Энг буюк мураббий она, деган гапга ишонмаганларга шу видеони юборамиз...

😂🏃‍♂🥇

Каналга уланиш:
https://t.iss.one/+tcc8Accr_k80OGNi

ҚУРТ ЖОНДИН КЕЧИБ ИПАК БЎЛДИ...

🔘Бу йил вилоятимизда 28 минг 701 қути ипак қурти парваришланмоқда.

📌Ипак қурти билан боғлиқ тасаввурларни бир ипга тизиб чиқсак, негадир каллакланган тутзорлар, шадалаб-шовқинлаб барг билан озиқланаётган ипак қурти ва ипак ўрашга келганда пўла бўлиб, аста-аста нобудгарчиликка учраган худонинг митти махлуқчалари кўз ўнгимга келаверади-келаверади.

⚠️Биз охирги 25-30 йилликда ипакчилик соҳасида камида учта жиҳатдан айрилдик...

‼️Журналист Нигора Ўролова пилла етиштиришдаги муаммолар, бу борада вилоятимиздаги вазиятга эътибор қаратади.

▶️МАҚОЛАНИ БАТАФСИЛ ЎҚИШ

Каналга уланиш:
https://t.iss.one/+tcc8Accr_k80OGNi

#ҳоким_қарори

Тошкент вилоятида 2 та ҳужжатли фильм суратга олинади

✅Вилоят ҳокимининг фармойишига кўра, маҳаллий бюджетнинг захира жамғармаси маблағлари ҳисобидан «Ўзбекистон Қаҳрамони» Тожибой Ризаев ҳақида ҳикоя қилувчи «Туганмас хазина» ҳамда Нурафшон шаҳрида амалга оширилаётган бунёдкорлик ишларини ёритиб борувчи «Нурафшон» ҳужжатли фильмларини ишлаб чиқариш учун 299 млн. 600,минг сўм маблағ ажратилади.

* * * *

Нурафшонда қўғирчоқ театри қурилади

✅Вилоят ҳокимининг қарорига кўра, Нурафшон шаҳар “Қумариқ” МФЙ ҳудудида жойлашган 0,50 гектар қишлоқ хўжалигида фойдаланилмайдиган ер майдони Тошкент вилояти маданият бошқармасига қўғирчоқ театри биноси қурилиши учун доимий фойдаланиш ҳуқуқи билан ажратиб берилди.

Каналга уланиш:
https://t.iss.one/+tcc8Accr_k80OGNi

#Кун_фотоси

Пишиқчиликка етдик, Ўзбекистонда тут ғарқ пишди. Сурат Ўрта Чирчиқ туманида олинган.

Photo: Суҳроб Боймирзаев

Каналга уланиш:
https://t.iss.one/+tcc8Accr_k80OGNi

#Форум #Юқори_Чирчиқ

Марказий Осиё Ёшларининг лидерлари Тошкент вилоятида учрашди

Каналга уланиш:
https://t.iss.one/+tcc8Accr_k80OGNi

Профессор: «СССР – пуч хаёллар дунёси»

❎ СССРни қайта тиклаш бўйича хаёлий иддаолар шунчаки ўз-ўзидан пайдо бўлмайди

🌐 Режалар кишилар ҳаётини яхшилашга эмас, аксинча муайян сиёсий кучларнинг манфатига қаратилган

❗️Собиқ СССР тиклаш хом хаёлдан ўзга нарса эмас

🇺🇿 Бугунги халқимиз – кечаги халқ эмас, бугунги Ўзбекистон ҳам – кечаги Ўзбекистон эмас

Батафсил ўқиш учун 👉 https://bit.ly/3FXBSYx