Бүгүн Кэнтик нэһилиэгэр "Тыа сирэ кэлимник сайдыыта" Российскай Федерация судаарыстыбынай бырагыраамматын чэрчитинэн саҥа фельдшерско-акушерскай пункт тутуута саҕаланна.
ФАП дьиэтэ уопсайа 110 квадраттаах иэннээх. Быйыл күһүн тутуута бүтэн үлэҕэ киирэрэ былааннанар.

Кэнтиккэ бырагыраамма чэрчитинэн нэһилиэк дьиэтин аайы сайыҥҥы водопровод холбоноругар тутуу үлэтэ бара турар. Билиҥҥи туругунан турба тардааһына нэһилиэккэ чугаһаата.

Бэлиэтээн этэр буоллахха, "Тыа сирэ кэлимник сайдыыта" судаарыстыбынай бырагырааммаҕа ситиһиилээхтик кыттан, Кэнтик нэһилиэгэр уулуссалары сырдатар уот баҕаналара тураннар, үлэлэрэ былырыын түмүктэммитэ.

Билигин бырагыраамма көмөтүнэн элбэх хайысхалаах култуура уонна успуорт киинин хапытаалынай өрөмүөнэ оҥоһулларын уонна универсальнай спорт балаһааккатын тутуутун үлэтэ түмүктэнэрин күүтэбит.

Салҕыы Үөһээ Бүлүү улууһа судаарыстыбыннай бырагырааммаларга, национальнай бырайыактарга ситиһиилээхтик кыттарыгар дьулуһабыт, тыа сиригэр олорор олохтоох нэһилиэнньэ олоҕун тупсарарга үлэ киэҥник тэриллэрин ситиһэбит.


#НациональныеПрограммы
#КомплексноеРазвитиеСельскихТерриторий
#ҮөһээБүлүү

t.iss.one/ValeriNikolaev