Борбуев Спиридон Олегович освобождается с занимаемой должности начальника муниципального казённого учреждения "Управление образования" муниципального района "Верхневилюйский улус (район)" Республики Саха (Якутия)

t.iss.one/ValeriNikolaev

11 сыл устата баһылыктаабыт, төрөөбүт дойдум Кэнтик нэһилиэгэ тэриллибитэ быйыл 125 сылын бэлиэтиир.

Үөрүүлээх үбүлүөй тэрээһинин үрдүк таһымнаахтык ыытарга бэлэмнэнии үлэтин саҕалыыр туһунан тэрийэр хамыыһыйа мунньаҕын ыыттыбыт.

Кэнтик нэһилиэгин күннэрэ Дьокуускай куоракка кулун тутар 29-30 күнүгэр ыытыллара былааннанар. Сүрүн болҕомтону тардар тэрээһиммит - кулун тутар 29 күнүгэр ыытыллар өрөспүүбүлүкэтээҕи тимир уустарын күрэҕэ. Кэнтик нэһилиэгэ Чап уустарынан Аар саарга аатырар. Чап уустара хас да көлүөнэ тимири чапчайан, уһааран бүгүҥҥү күҥҥэ диэри сыдьааннара тимири уһаналларыттан киэн туттабыт.

Кулун тутар 30-с күнүгэр А.Е. Кулаковскай аатынан "Норуоттар доҕордоһууларын дьиэтигэр" үбүлүөй бырааһынньыгар үөрүүбүтүн үллэстэрэгэ биир дойдулаахтарбытын ыҥырабыт.

#Кэнтик125
#ИннибитХотуБарыБииргэ

t.iss.one/ValeriNikolaev

Бүгүн биир дойдулаахпыт, Кэнтик нэһилиэгин бочуоттаах олохтооҕо, өрөспүүбүлүкэҕэ биллэр норуот бөлөһүөгэ, "Гражданскай килбиэн" бэлиэ хаһаайына, Үөһээ Бүлүү улууһун бочуоттаах олохтооҕо, саха рок хамсааһынын аҕата, саха ВИА группалара сайдыыларыгар, сахалыы доҕуһуолга олорууларыгар, сүҥкэн кылааты киллэрбит Тумусов Михаил Сысоевич, норуотка биллэр аатынан Тумус Мэхээлэ ыарахан ыарыыга ылларан, бүгүн күн сириттэн туораата.🕯️

Кини Чороон, Чолбон, Айтал, Дапсы рок группалар олохтонууларыгар, сайдыыларыгар улахан сабыдыаллаах. Маны таһынан кини суруйбут, чочуйбут ырыаларын саха эстрадатын чаҕылхай артыыстара ыллыыллар. Саха академическай тыйаатырыгар “Ойуун түүлэ” испэктээкили туруорууга үлэлэспитэ. “Табык”  рок фестивалын 1989 с төрүттээбит, иилээбит-саҕалаабыт умнуллубат улахан өҥөлөөх.

Тумус Мэхээлэ Чап уустарыттан удьуордаах, саха сиэрин, култууратын өрө туппут, туохха барытыгар бигэ сахалыы көрүүлээх, истиилээх ураты дьоҕурдаах киһибит биһиги кэккэбититтэн суох буолбута саха норуотугар улахан сүтэрии буолар.

Кэлиҥҥи кэмҥэ, аҕыйах сыл иһигэр саха төрүт билиитин-үөрэҕин сурукка хаалларарга дьаныардаахтык үлэлээбитэ, элбэх кинигэни таһаарбыта.

Үөһээ Бүлүү улууһун дьаһалтатын аатыттан, уонна тус бэйэм Михаил Сысоевич чугас дьонугар, аймахтарыгар дириҥ кутурҕаммын тиэрдэбин.

Кини сырдык аата, чаҕылхай үлэлэрэ, хаалларбыт суола үйэлэри уҥуордаан өрүү тыыннаах буолуо!

Быдан дьылларга быраһаай, убайбыт Тумус Мэхээлэ 🕯️

t.iss.one/ValeriNikolaev

Кынатов Юрий Васильевич назначается на должность начальника муниципального казённого учреждения "Управление образования" муниципального района "Верхневилюйский улус (район)" Республики Саха (Якутия)

t.iss.one/ValeriNikolaev

Биир дойдулаахпытын, ГУП ЖКХ РС(Я) Үөһээ Бүлүүтээҕи филиалын Тамалакааннааҕы участок котельнайын оператора Т.Евгений IV истиэпэннээх «Георгиевский крест» бэлиэннэн наҕараадаламмытын дойдутун дьоно-сэргэтэ үөрэ, киэн тутта иһиттибит.
Үөһээ Бүлүү улууһун дьаһалтатын аатыттан уонна тус бэйэм истиҥ эҕэрдэбитин тиэрдэбит!
 
Бу үрдүк наҕарааданы биһиги уолбутугар Донецк норуоднай өрөспүүбүлүкэтин Баһылыга Денис Пушилин туттарда.

Анал байыаннай дьайыыга быһый санааҕынан ситиһиилээхтик, хорсуннук дойдугун көмүскүү сылдьаргынан киэн туттабыт, этэҥҥэ дойдугар кыайыы кынаттаах эргиллэн кэлэргин кэтэһэбит.

#ПобедаБудетЗаНами
#ИннибитХотуБарыБииргэ

t.iss.one/ValeriNikolaev

Дойду Президиэнэ Владимир Владимирович Путин ыйааҕынан 2024 сыл Дьиэ кэргэн сылынан биллэриллэн элбэх оҕолоох тыа сирин ыалыгар өрөспүүбүлүкэ да, улуус да салалтата күүстээх болҕомто уурар. Онон сиэттэрэн бүгүн эдэр ыалларга алаһа дьиэни тэринэллэригэр көмө буоларга анаммыт туоһу суругу туттардыбыт.

Үөһээ Бүлүү улууһугар барыта 78 ыал уочаракка турар буоллаҕына, бүгүн 14 эдэр ыал дьиэлэрин тупсарарга судаарыстыбаттан көмө ылалларын туһунан туоһу суругу туттулар.

Бу сыалга 2024 сылга 20 793 250,80 солк көрүлүннэ. Ол иһигэр 378.048,90 солк өрөспүүбүлүкэ бюджетыттан, 5.922.766,12 солк федеральнай үптэн уонна 15 133 516,11 солк оройуон бюджетыттан көрүлүннүлэр.

Ол курдук, бүгүн туоһу суругу туттулар:
Далыр нэһилиэгиттэн 3 оҕолоох Николай уонна Иванна Брызгаловтар
Ороһу нэһилиэгиттэн 3 оҕолоох Иван уонна Анисия Уаровтар
Үөһээ Бүлүү нэһилиэгиттэн 5 оҕолоох Дмитрий уонна Варвара Петровтар
Ороһу нэһилиэгиттэн 3 оҕолоох Дьулус уонна Раиса Петровтар
Хоро нэһилиэгиттэн 3 оҕолоох Сергей уонна Алла Чоросовтар
Үөһээ Бүлүү нэһилиэгиттэн 3 оҕолоох Айаал уонна Мария Кононовтар
Быракаан нэһилиэгиттэн 3 оҕолоох Эдуард уонна Елизавета Саввиновтар
Нам нэһилиэгиттэн 3 оҕолоох Владимир уонна Алина Саввиновтар
Дүллүкү нэһилиэгиттэн 3 оҕолоох Дьулустан уонна Нарыйа Ивановтар
Тамалакаан нэһилиэгиттэн 2 оҕолоох Иннокентий уонна Матрена Винокуровтар
Үөһээ Бүлүү нэһилиэгиттэн 2 оҕолоох Алексей уонна Виктория Егоровтар
Үөһээ Бүлүү нэһилиэгиттэн 2 оҕолоох Геннадий уонна Жанна Сергеевтар
Мэйик нэһилиэгиттэн 2 оҕолоох Анатолий уонна Сардаана Федоровтар.

2 оҕолоохторго көрүллэр көмө харчыта - 1 223 132 солк, 3 оҕолоохторго -1 528 915 солк, 5 оҕолоохторго - 2 140 481 солк.

Бу үөрүүлээх түгэн Дойду Президиэнэ Владимир Путин бигэргэппит «Обеспечение доступным и комфортным жильём и коммунальными услугами граждан Российской Федерации» диэн судаарыстыбынай бырагыраамма чэрчитинэн тэрилиннэ.

Эдэр ыалларга олохторугар дьолу, уостубат тапталы, чэгиэни, өйдөһүүнү-өйөһүүнү баҕарабын. Үөһээ Бүлүү улууһа кэҥиирэ, сайдара, кэскиллэнэрэ эдэр ыаллар илиилэригэр баар. Онон инникитин дьиэ кргэҥҥит өссө кэҥээтин, кэнэҕэски кэскиллээх, кэрэ ыччаттардаах, күүстээх силистээх-мутуктаах, саханы ааттатар, сайыннарар дьоллоох буоллун диэн баҕа санаабын этэбин.

#ДьоллоохДьиэКэргэн
#ИннибитХотуБарыБииргэ

t.iss.one/ValeriNikolaev