Бүгүн улууспутугар "Молодёжный десант. Движение Путина" диэн волонтёрскай хамсааһын эдэр ыччата үлэтин саҕалаата. Ол курдук, Үөдүгэй, Харбалаах, Тамалакаан, Мэйик, Кэнтик, Дүллүкү, Ороһу, Нам нэһилиэктэригэр Аҕа дойду сэриитин кырдьаҕастарыгар, анал байыаннай дьайыыга сылдьар буойуттар дьиэ кэргэннэригэр сылдьан хаһаайыстыба үлэтигэр көмөлөһөллөр. Сааскы үлэни оҥорон, хаар түһэрэн, хаар күрдьэн, муус таһан соҕотох хаалбыт ийэлэргэ, кэргэннэргэ төһүү күүс буоллулар.

Кэнтик нэһилиэгэр бастакы отряд үлэтин түмүктээтэ:
Николаева Кэскилээнэ, Маҥаас, медколледж устудьуона, Стручкова Аина, Булун улууһуттан, Нам педколледжын устудьуона, Лукин Эрхан Горнай улууһуттан автодорожнай техникум устудьуона, Алексеев Валентин, Үөһээ Бүлүү, АГАТУ устудьуона, Дмитриев Оскар, Кэнтик, АГАТУ устудьуона, Чымыева Саргылана, Кэнтик, медколледж устудьуона кэлэннэр 3 ыалга үлэлээн, оскуола оҕолорун кытта көрсөн, профориентационнай кэпсэтиини ыытан бардылар.

Эдэр ыччаттар маннык үлэни ыыталлара, көхтөөхтөрө хайҕабыллаах. Киэн туттабыт сахабыт эдэр ыччатынан.

#Zema
#ДвижениеПутина
#Волонтеры
#ИннибитХотуБарыБииргэ

t.iss.one/ValeriNikolaev

Үөһээ Бүлүү волонтёра Васма Васильевна салайар "Дойдум тыына" иистэнэр хоско анал байыаннай дьайыыга сылдьар уолаттарбытыгар анаан плащ-палаткалар, суумкалар тигиллиилэрин Джулустан Анатольевиһы кытта көрдүбүт.

Ыам ыйыгар улуус салалтата биир дойдулаах уолаттарбытын анал байыаннай дьайыы сиригэр баран көрсөрбүт былааннанар. Бастакы сырыыбытыгар "Дойдум тыына" волонтерскай хамсааһын тикпит суумкаларын, плащ-палааткаларын уонна бэлэмнээбит харысхалларын илдьэ баран уолаттарбытыгар тиксэриэхпит.

Васма Васильевна тигиллибит плащ-палаткалары тепловизорга көстүбэт гына ис өттүн фольганнан тигэри толкуйдуурун кэпсээтэ.

Иис үлэтэ күн ахсын күөстүү оргуйар, эдьиийдэрбит сылаас илиилэринэн тикпит алгыстаах баһыылкалара уолаттарбытыгар харысхал, көмө буоллуннар.

#ҮөһээБүлүү
#Волонтеры

t.iss.one/ValeriNikolaev