🔴Биомедицина ва тиббий ускуналар ишлаб чиқариш масалаларига бағишланган тадбир

❗️Хитойнинг Уси шаҳри Савдо-саноат палатаси ва Фармацевтика тармоғини ривожлантириш агентлиги ҳамкорлигида Биомедицина ва тиббий ускуналар ишлаб чиқариш соҳасида ҳамкорлик масалаларига бағишланган тадбир бўлиб ўтди.

✅Тадбир давомида Фармацевтика тармоғини ривожлантириш агентлиги директори А.Азизов томонидан Ўзбекистонда инвесторлар учун яратилган шароитлар, солиқ ва божхона имтиёзлари ва фармацевтика бўйича саноат зоналари, жумладан Tashkent Pharma Park тўғрисида батафсил маълумот берилди.

✅Хитой томонидан, тиббий ускуналар ишлаб чиқаришга ихтисослашган - Welkin Industry System Engineering, биотехнологияларга ихтисослашган - NEST Biotechnology, тиббий диагностика ускуналари ишлаб чиқарувчи - Wuxi BioHermes Bio&Medical Technology, тиббий техника ишлаб чиқарувчи - Wuxi Cansonic Medical Science&Technology, Ультратувушли диагностика ускуналари ишлаб чиқарувчи - Chison Medical Technologies компаниялари ўзларининг технологик ечимлари тўғрисида маълумот алмашишди.

✅Тадбир давомида Ўзбекистонда маҳсулотларни рўйхатдан ўтказиш, технологиялар трансфери ва логистика занжирлари яратиш бўйича ҳамкорликни ривожлантириш масалалари муҳокама этилди.

Website | Telegram | Instagram | Facebook | Youtube | linkedin

🔴Халқаро ҳамкорлик йўлида муҳим учрашувлар

❗️Хитойдаги хизмат сафарининг навбатдаги кунида ҳам муҳим учрашувлар бўлиб ўтди.

✅Фармацевтика тармоғини ривожлантириш агентлиги делегацияси дастлаб БРИКС мамлакатларидаги махсус иқтисодий зоналар бўйича ҳамкорлик марказига ташриф буюрди. Учрашувда марказ фаолияти, резидентлар учун яратилган шарт-шароитлар билан танишилди. Агентлик директори Абдулла Азизов Tashkent Pharma Park лойиҳаси, инвесторлар учун имкониятлар ва имтиёзлар ҳақида маълумот берди. Томонлар марказ ишчи гуруҳининг Ўзбекистонга ташрифини ташкил этиш, фармацевтика соҳасида қўшма лойиҳалар ва инвесторларни жалб этиш масалаларини муҳокама қилдилар.

✅Делегация Ханчжоу шаҳридаги Хитойнинг энг йирик биофармацевтика марказларидан бири — China Biopharma Town фаолияти билан танишди. Бу ерда илмий тадқиқотлар, клиник синовлар учун яратилган шароитлар ва ишлаб чиқариш учун яратилган замонавий инфратузилма ўрганилди.

✅Hangzhou Jiuyuan Gene Engineering компаниясида ҳам учрашув ўтказилиб, Tashkent Pharma Park тақдимоти ўтказилди. Хитой томон лаборатория ва технологияларини яқиндан таништиришди. Музокараларда икки томонлама ҳамкорлик, стандартларни ўзаро тан олиш ва Ўзбекистонда semaglutide biosimilars ишлаб чиқариш истиқболлари муҳокама қилинди.

✅ Навбатдаги учрашув — Zhejiang Institute for Medical Device Testing раҳбарияти билан бўлиб ўтди. Бу ерда Хитойнинг миллий тиббий рўйхатга олиш тизими, оптик технологиялар соҳасидаги махсус ихтисослашган тиббий буюмларни рўйхатдан ўтказиш тажрибаси билан танишилди. Томонлар тиббий буюмлар ишлаб чиқаршни тартибга солиш соҳасида тажриба алмашиш ва ҳамкорликни ривожлантиришга келишиб олдилар.

Website | Telegram | Instagram | Facebook | Youtube | linkedin

🇺🇿🇨🇳Ҳамкорликнинг янги саҳифалари

🔴Фармацевтика тармоғини ривожлантириш агентлиги делегацияси Хитойга хизмат сафари доирасида яна бир қатор учрашувларни амалга оширди.

✅Веньчжоу тиббиёт университети раҳбарияти билан учрашувда таълим ва илмий тадқиқотлар соҳасида ҳамкорлик, технологиялар трансфери, клиник амалиётларни жорий этиш ва Ўзбекистонлик талабалар ва шифокорлар учун тажриба алмашиш ва малака ошириш имкониятларини тақдим этиш масалалари юзасидан келишувга эришилди.

✅Шунингдек, Веньчжоу шаҳридаги "Eye Valley" инновацион кластерининг тадқиқот марказлари ва лабораториялари билан танишилди. Учрашувлар якунида Веньчжоу тиббиёт университети, Eye Valley инновацион кластери ва Фармацевтика тармоғини ривожлантириш агентлиги ўртасида уч томонлама англашув меморандуми имзоланди.

✅Ухан шаҳрида Langtian Pharma Group ишлаб чиқариш майдонига ташриф буюрилди. Ташриф давомида “Tashkent Pharma Park” лойиҳаси ва Ўзбекистондаги инвесторлар учун яратилган имкониятлар билан таништирилди. Компания вакиллари томонидан Ўзбекистонда ишлаб чиқариш йўлга қўйишга қизиқиш билдирилди. Учрашув якунида ўзаро англашув меморандуми имзоланди.

✅Шунингдек, Zhendong Health Industry Group раҳбарияти билан учрашувда ҳамкорлик ва инвестиция киритиш масалалари муҳокама этилди. Учрашув давомида Zhendong Health Industry Group ҳамда Ozwell Biopharm (Ўзбекистон) компаниялари ўртасида англашув меморандуми имзоланиб, Ўзбекистонда замонавий лаборатория барпо этиш лойиҳасини ҳамкорликда амалга ошириш бўйича келишувга эришилди.

❗️Маълумот учун: Фармацевтика тармоғини ривожлантириш агентлиги делегацияси томонидан Хитойга хизмат сафари давомида фармацевтика, биотехнология, илмий-тадқиқот ва ишлаб чиқариш йўналишида 25 дан ортиқ компания вакиллари билан музокаралар ўтказилди ва 5 та англашув меморандуми имзоланди.

Website | Telegram | Instagram | Facebook | Youtube | linkedin