#Davlat_tilida_ish_yuritish

Sana

✔️Imzo chekilish sanasi, tasdiqlash sanasi, rozilik sanasi, shuningdek, matn ichidagi sanalar so‘z bilan ifodalangan sana usulida rasmiylashtiriladi. Sanalar arab raqamlarida alohida satrda ko‘rsatiladi.
Masalan: 2024-yil 17-iyul; 1989-yil 21-oktabr.

✔️Moliyaviy ma’lumotlardan iborat bo‘lgan hujjatlar matnida sana ko‘rsatilganda ham so‘z bilan ifodalangan sana qo‘yiladi.
Masalan: 2020-yil 10-aprel; 2024-yil 21-oktabr.

Kanalga ulanish 👉 https://t.iss.one/dtrdep

#Davlat_tilida_ish_yuritish

Imzo

Imzo rekviziti tarkibiga hujjatni imzolayotgan shaxsning amaldagi lavozimi nomi, uning shaxsiy imzosi va imzoning yoyilmasi (ismi, otaismi bosh harflari va familiyasi) kiradi.

Masalan:
O‘zbekiston Respublikasi «El-yurt umidi» jamg‘armasi
direktori (imzo) A. Bekmurodov


Hujjatlarni «uning o‘rniga» degan ibora, shuningdek,
lavozim nomi oldiga qiya chiziq bilan imzolashga yo‘l
qo‘yilmaydi.


Hujjat turlari va xususiyatlari Ikki mansabdor shaxsning imzolari kollegial organlar hujjatlariga qo‘yiladi.

Qarorlar va bayonnomalar kollegial organning rahbari va kotibi tomonidan imzolanishi tavsiya etiladi.

Kollegial organlarda yakkaboshchilik tartibi asosida qabul qilinadigan farmoyishlarda bitta imzo bo‘ladi.

Hujjatlar (dalolatnomalar, moliya hujjatlari va sh.k.) mazmuni uchun bir necha shaxslar javobgar bo‘lgan taqdirda, ikki
yoki undan ortiq imzolar qo‘yiladi.

Kanalga ulanish 👉https://t.iss.one/UZTRJ

#Davlat_tilida_ish_yuritish

Komissiya tomonidan tayyorlangan hujjatlarda uni tayyorlagan shaxslar lavozimi emas, balki komissiya tarkibidagi taqsimlangan vazifalari ko‘rsatiladi.

Masalan:
Komissiya raisi (imzo) V. Mahmudov
Komissiya a’zolari (imzolar) A. Hakimov
R. Abrorov
B. Nabiyev

Hujjat bir necha mansabdor shaxslar tomonidan imzolanganda, ularning imzolari egallab turgan lavozimlariga muvofiq ustma-ust navbat bilan joylashtiriladi.

Masalan:
Institut direktori (imzo) Z. Hoshimov
Bosh hisobchi (imzo) V. Sobirov

Hujjat lavozimlari teng bir necha shaxslar tomonidan
imzolanganda, ularning imzolari egallab turgan lavozimlariga
muvofiq ketma-ket navbat bilan joylashtiriladi.

Masalan:
O‘zbekiston Respublikasi Alisher Navoiy nomidagi
Moliya vaziri O‘zbekiston milliy
kutubxonasi direktori
______O. Nasriddinxo‘jayev _______ U. Teshaboyeva
(imzo) (imzo)

Kanalga ulanish 👉https://t.iss.one/UZTRJ

#Davlat_tilida_ish_yuritish

Hujjat turining nomi

Hujjat turining nomi (buyruq, dalolatnoma, ma’lumotnoma va b.) xatlardan tashqari barcha xizmat hujjatlarida ko‘rsatiladi, blanka rekvizitlaridan so‘ng katta harflar bilan yoziladi va matn sarlavhasi bilan bir ibora sifatida o‘qiladi.

Kanalga ulanish 👉https://t.iss.one/UZTRJ

#Davlat_tilida_ish_yuritish

Tashkilotning manzil ma’lumotlari

"Tashkilotning manzil ma’lumotlari"dan faqat yozishmalarda foydalaniladi, ichki hujjatlarda umuman qo‘yilmaydi.

Tashkilotning manzil ma’lumotlari korxonalar bilan pochta, telegraf, telefon aloqalari uchun, shuningdek, banklarda pul-hisob muomalalari (hujjatda hisobraqami ko‘rsatilgan bo‘ladi) o‘tkazish, moliyaviy va statistik kodlar uchun zarur bo‘ladi.

Pochta va telegraf manzili O‘zbekiston Respublikasi Aloqa vazirligining pochta qoidalari talablariga muvofiq rasmiylashtiriladi, ya’ni pochta aloqa bo‘limi raqami, respublika, o‘lka, viloyat, tuman, shahar, ko‘cha, uy va ofis raqami qo‘yiladi.

Tezkor aloqalar uchun telefon, telefaks, teleks, veb-sayt, elektron pochtalardan foydalaniladi.

Bank rekvizitlari, moliyaviy va statistik kodlari faqat pulhisob muomalalari masalalari bo‘yicha xatlarda, masalan, kafolat xatlarida qo‘yiladi.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Matn sarlavhasi».

✔️Aksariyat hujjatlar uchun uning mazmunini aks ettiruvchi qisqa va aniq sarlavha bo‘lishi kerak.

✔️Tashkilot nomidan so‘ng katta harflar bilan yoziladi. Masalan: «QOMUSLAR BOSH TAHRIRIYATI» NOMINI VA TUZILMASINI QAYTA TASHKIL ETISH HAQIDA». Hujjatning chap tomonidagi yuqori burchakda (ba’zi hollarda o‘rtaga) blanka rekvizitlaridan so‘ng qo‘yiladi.

✔️A 5 (148x210) o‘lchamidagi hujjatlarda va telegrammalarda matnga sarlavha qo‘yilmasligi mumkin.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Shartli raqam» («Indeks») qaydlov raqami bo‘lib, har bir kelayotgan yoki chiqayotgan hujjat rasmiy indekslash tizimiga muvofiq ro‘yxatga olinganda qo‘yiladi.


«Keladigan hujjatlarning sanasi va shartli raqamiga havola». Bu rekvizit faqat yuborilayotgan javob xatlarida bo‘ladi; «sana» va «shartli raqam»dan pastga qo‘yiladi.


«Tuzilgan yoki nashr qilingan joyi». Bu zaruriy qism pochta manzili qo‘yilgan xatdan tashqari har bir hujjatda bo‘ladi; «sana» va «shartli raqam»dan pastga joylashtiriladi.

Uni yozishda mamlakatning ma’muriy-hududiy bo‘linishi
e’tiborga olinadi.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Hujjatni oluvchi» zaruriy qismi hujjatning O‘NG BURCHAGI YUQORISIGA qo‘yiladi.

✔️Hujjat tashkilot, uning tarkibiy bo‘linmasiga yoki aniq mansabdor shaxsga yo‘naltiriladi.

Bunda tashkilot nomi, tarkibiy bo‘linma va mansabdor shaxs
lavozimi bosh kelishikda, familiyasi esa jo‘nalish kelishigida
ko‘rsatiladi.

Masalan:
Dehqonobod kaliy zavodi
Axborot va kommunikatsiya
texnologiyalari bo‘limi boshlig‘i
Omon Hamroyevga


✔️Hujjat tashkilot rahbariga jo‘natilganda, tashkilot nomi oluvchi lavozimi tarkibiga kiradi.

Masalan:
«O‘zdavyerloyiha»
instituti direktori
S. Qayumovga

✔️Yuqorida ko‘rsatilgan tartib tashkilot ichidagi yozishmalarda, xususan, tashkilot yoki bo‘linma rahbari nomiga bildirishnoma, tushuntirish xati va sh.k. tayyorlanayotganda ham qo‘llanadi.
Agar hujjat bir turdagi bir necha tashkilotlarga jo‘natilayotgan bo‘lsa, ularni umumlashgan holda ko‘rsatish lozim.

Masalan:
Bosh boshqarmalar,
boshqarmalar va bo‘limlar
boshliqlariga

✔️Hujjat turli tashkilotlarga jo‘natilayotganda, «Oluvchilar» rekviziti to‘rttadan oshmasligi kerak. «Nusxa» so‘zi ikkinchi, uchinchi, to‘rtinchi oluvchilar oldida ko‘rsatilmaydi. Hujjatni to‘rttadan ko‘p manzilga jo‘natganda, tarqatish (yuborish) ro‘yxati tuziladi va har qaysi hujjatda faqat bitta oluvchi
ko‘rsatiladi.

Hujjatni xususiy shaxsga jo‘natayotganda, avval pochta manzili, keyin ismi va otaismi (bosh harflari), familiyasi yoziladi.

Masalan:
100000. Toshkent sh.,
Hamid Olimjon ko‘chasi,
5-uy,18-xonadon,
T. Ahmedovga

Kanalga ulanish 👉https://t.iss.one/UZTRJ

#Davlat_tilida_ish_yuritish

Tasdiqlash ustxati

Ushbu zaruriy qism «Tasdiqlayman» so‘zidan, hujjatni tasdiqlayotgan shaxs lavozimining nomi, shaxsiy imzosi, imzosining yoyilmasi va sanadan iborat bo‘ladi. Masalan:

Tasdiqlayman
Institut direktori
_________S. Rahimov
(imzo)

2018-yil 16-dekabr

Agar hujjat blankaga yozilmasa, lavozim oldiga tashkilot
nomi qo‘yiladi. Hujjat yuqori yoki begona tashkilot rahbari
tomonidan tasdiqlanganda ham, lavozim nomiga tashkilot
nomi qo‘yiladi. Masalan:

Tasdiqlayman
O‘zbekiston Respublikasi
Fanlar akademiyasi
O‘zbek tili, adabiyoti va
folklori instituti direktori
____________ N. Mahmudov
(imzo)
2018-yil 19-dekabr

Agar hujjat qaror, buyruq yoki bayonnoma bilan tasdiqlanayotgan bo‘lsa, u holda tasdiqlash ustxati: «TASDIQLANDI» so‘zidan, bosh kelishikdagi hujjat nomidan, uning sana va tartib raqamidan iborat bo‘ladi.

Masalan:
Institut direktorining
2018-yil 27-dekabrdagi 5-sonli
buyrug‘i bilan
Tasdiqlandi

yoki
Mehnat jamoasi yig‘ilishining
2018-yil 26-dekabrdagi
3-son bayonnomasi bilan
Tasdiqlandi

Tasdiqlash ustxati hujjatning yuqori o‘ng burchagiga
qo‘yiladi. Shtat tuzilmasi va soni, shtat jadvali hujjatlarida
tasdiqlash ustxati ustiga muhr qo‘yiladi.

Ayrim hujjat turlari (dalolatnoma, shartnoma, ustav, yo‘riqnoma, hisobotlar, rejalar va b.) uchun tasdiqlash ustxati
majburiy zaruriy qism hisoblanadi.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Munosabat belgisi»

Munosabat belgisi xizmat hujjatlari ustiga mansabdor shaxslar tomonidan muayyan fikr bildirib yoziladigan qaydlardir.

Bunday qaydlar, odatda, nihoyatda qisqa, lo‘nda shaklda, ko‘rsatma tarzida yoziladi; biror qog‘ozga, u xoh yuqori tashkilotdan kelgan yo‘riqnoma yoki buyruq bo‘lsin, xoh muayyan xodimning talabi yoki shikoyati bo‘lsin, munosabat belgisini yozishdan oldin, rahbar u bilan yaxshilab tanishib chiqishi, mohiyatini chuqur anglashi va ijrosini to‘g‘ri belgilashi, vaqti-vaqti bilan nazorat qilib turishga ham e’tibor berishi lozim.

Munosabat belgisining asosiy tarkibiga quyidagilar kiradi:
– ijrochi yoki ijrochilar familiyasi;
– qisqa ko‘rsatma – mazmuni;
– ijro muddati (zaruriyat bo‘lsa);
– rahbar imzosi (elektron raqamli imzo, QR kod);
– sana.

Ko‘p hollarda hujjatda yakka munosabat belgisi bo‘ladi. Hujjat ijrosi tartibiga yoki uning ijrochilari tarkibiga aniqlik kiritish lozim bo‘lsa, boshqa shaxslarning munosabat belgisi ham qo‘yiladi. Munosabat belgisi umumiy va aniq mazmunga ega bo‘lishi mumkin.

Umumiy munosabat belgilari:

Rahbarlik uchun inobatga olinsin.

Ijro uchun inobatga olinsin.

Ma’lumot uchun inobatga olinsin.

Aniq munosabat belgisida rahbar hujjatning mazmunidan kelib chiqib, bo‘ysunuvchi lavozimdagi shaxslarga tegishli topshiriqlar yozadi.

Ularda, odatda, lavozimlari qayd etilgani holda (kichik tashkilotlarda shart emas) aniq shaxslar ismi va familiyasi ko‘rsatiladi:

Kasaba uyushmasi qo‘mita raisi E. Zokirovga
Qo‘mita yig‘ilishida ko‘rib chiqing va shikoyatga javob xati
tayyorlang.
________________
(shaxsiy imzo, sana)

Kanalga ulanish 👉https://t.iss.one/UZTRJ

#Davlat_tilida_ish_yuritish

Nazorat haqida qayd

✔️«Nazorat haqida qayd» faqat ijrosi nazorat ostiga olingan hujjatlarga qo‘yiladi. Ushbu qayd rangli qalam yoki maxsus shtamp bilan «N» harfi yoki «nazorat» so‘zi orqali ifodalanadi.

✔️Ushbu belgi hujjatning chap chekkasiga, «Matn sarlavhasi» qismi qarshisiga qo‘yiladi.

✔️Agar hujjat elektron hujjat aylanish tizimi orqali qabul qilingan bo‘lsa, «Nazoratdagi hujjatlar» yig‘majildiga joylashtiriladi va «nazorat» belgisi bilan toifalanadi.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Matn».

✔️Hujjat matni mazmuni imkoni boricha lo‘nda, qisqa iboralar bilan, zarur hollarda, jadval shaklida, qiyin bo‘lmagan gap tuzilishida bayon etiladi.

✔️Agar matnda familiyalar, geografik nomlar yoki ayrim teng ma’muriy-hududiy birliklar sanab o‘tilsa, ular alifbo tartibida joylashtiriladi.

✔️Agar uzluksiz bog‘langan matn bir nechta qaror, xulosalardan iborat bo‘lsa, ular arab raqamlari bilan raqamlanadigan bo‘limlarga, kichik bo‘limlarga, bandlarga ajratilishi lozim.

✔️Hujjatlar matnlarini ikki qismga ajratish tavsiya etiladi. Birinchi qismda hujjat tuzishning asoslari yoki sabablari ko‘rsatiladi; ikkinchi qismda taklif, fikrlar, xulosalar, iltimoslar bayon etiladi.

✔️Agar hujjat mazmunini tushuntirish va asoslash zarurati
bo‘lmasa, matn faqat xulosa qismdan iborat bo‘lishi mumkin.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Ilova mavjudligi haqidagi qayd».

Agar hujjatda matnda ko‘rsatilgan ilova bo‘lsa, u holda ilovalar borligi to‘g‘risidagi belgi quyidagi shakl bo‘yicha rasmiylashtiriladi:
Ilova 10 varaqda, 2 nusxada.

Agar hujjatda matnda ko‘rsatilmagan ilova bo‘lsa, ularning nomi, har bir ilovadagi varaqlar soni va nusxalar soni ko‘rsatilgan holda sanab o‘tilishi kerak.

Masalan:

Ilova: 1. Yangi o‘quv yiliga maktablarning tayyorgarligi to‘g‘risida ma’lumotnoma – 8 varaqda, 2 nusxada.
2. Maktablar ro‘yxati – 3 varaqda, 2 nusxada.

Agar ilova hujjatda ko‘rsatilgan barcha manzillarga jo‘natilmayotgan bo‘lsa, u holda ilovalarning borligi to‘g‘risidagi belgi quyidagi shaklda rasmiylashtiriladi:

Ilova: 5 varaqda, 2 nusxada birinchi manzilga.

Agar hujjatga ilovasi bor boshqa bir hujjat ilova qilinsa,
u holda ilovaning borligi to‘g‘risidagi boshqa belgi quyidagi
shakl bo‘yicha rasmiylashtiriladi:

Ilova: Millatlararo munosabatlar masalalari bo‘yicha doimiy
komissiyasining 2015.18.03. dagi xulosasi va unga ilova – jami
21 varaqda, 2 nusxada.

Basharti ilova tikilgan (broshyuralangan) tarzda bo‘lsa, u
holda varaqlar soni ko‘rsatilmaydi.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Kelishuv ustxati»

✔️Kelishish hujjat loyihasini dastlabki ko‘rib chiqish va baholash usulidir.

Kelishish tashkilot ichida ham (turli tarkibiy bo‘linmalar va mansabdor shaxslar bilan), uning tashqarisida ham (hujjat loyihasidagi masalalarga o‘z vakolatlariga muvofiq bevosita munosabati bo‘lgan bo‘ysunuvchi va bo‘ysunmaydigan tashkilotlar bilan) amalga oshirilishi mumkin.

Hujjat loyihasini ichki kelishish imzolovchining shaxsiy imzosi va imzolash sanasini o‘z ichiga olgan viza bilan rasmiylashtiriladi. Zarur bo‘lgan hollarda imzolovchining lavozimi ko‘rsatilishi mumkin. Uning imzosini ismi va otaismining bosh harflari, familiyasi bilan ko‘rsatib yozish shart.
Masalan:
—————————————————————————
KELISHILDI
O‘zR Moliya vazirligi reja bo‘limi boshlig‘i
(imzo) A. Usmonov
—————————————————————————

✔️Hujjat kollegial organ bilan kelishilishi lozim bo‘lgan hollarda «Kelishuv ustxati»da hujjat nomi bosh kelishikda ko‘rsatilib, sana va tartib raqami qo‘yiladi.
Masalan:
—————————————————————————-
KELISHILDI
«O‘zbekturizm» milliy kompaniyasi mehnat jamoasi kengashi yig‘ilishi bayonnomasi. 2019-yil 11-fevral. 3-son.
—————————————————————————-

✔️Agar hujjat kelishuvi boshqa hujjat vositasida amalga oshirilsa, «Kelishuv ustxati»da o‘sha hujjatning turi, muallifi (tashkilot nomi), sanasi, shartli raqami ko‘rsatiladi.
Masalan:
—————————————————————————
KELISHILDI
«O‘zstandart» agentligi xati. 2019-yil 15-mart. 7/05-09-son
————————————————-—————————
✔️Hujjat loyihasi bo‘yicha mulohazalar va qo‘shimchalar alohida varaqda bayon qilinadi va bu haqda loyihada tegishli belgi qo‘yiladi.

Ustxat belgisi hujjatlarning tashkilotda qoldirilayotgan nusxalariga – old tomoniga, «imzo» rekviziti ostiga qo‘yiladi.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Nusxaning tasdiqlanishi haqidagi qayd».

Hujjatning ikkinchi yoki keyingi boshqa nusxalarini tasdiqlash belgisidir. Odatda, hujjat nusxasi qo‘lda yoki kompyuterda yoziladi, shuningdek, tezkor matbaa vositalari bilan tayyorlanadi.

Hujjat nusxasining birinchi varag‘iga «nusxa» belgisi qo‘yiladi. Tashkilot faqat o‘zida tayyorlangan hujjatlardan nusxa
berishi mumkin (bu qoida arxiv muassasalari va notariusga
nisbatan qo‘llanmaydi).

Fuqarolarni ishga, o‘qishga qabul qilish, ularning mehnat,
turarjoy va boshqa huquqlarini qondirishga taalluqli ishlarni hal qilishda, shaxsiy hujjat yig‘majildlarini shakllantirishda tashkilot boshqa tashkilotlar tomonidan berilgan amaldagi qonun hujjatlariga muvofiq masalalarni hal qilish uchun zarur hujjatlar (ma’lumot to‘g‘risidagi diplomlar, guvohnomalar) nusxalari tayyorlanadi. Hujjat nusxasi tashkilot rahbari yoki tarkibiy bo‘linma rahbari ruxsati bilan beriladi.

Nusxaning tasdiqlanishi haqidagi qayd «Imzo» rekvizitining ostiga qo‘yilib, «To‘g‘ri» deb yozilgan tasdiqlovchi so‘z, tasdiqlovchi shaxsning lavozimi nomi, shaxsiy imzosi, uning ismi va otaismi bosh harflari, familiyasi, nusxa tasdiqlangan sanadan iborat bo‘ladi.

Masalan:
—————————————
To‘g‘ri
Kadrlar bo‘limi
noziri ____________ G. Isroilova
(imzo)
2019-yil 18-iyun
—————————————
Hujjatdan olingan nusxalarni boshqa tashkilotlarga jo‘natishda yoki biror mas’ul shaxsning o‘ziga berishda tasdiqlovchi imzo muhr bilan tasdiqlanishi lozim.

Jo‘natma hujjatlarning tashkilotda qoladigan nusxalari soddalashtirilgan ko‘rinishda tasdiqlovchining lavozimi, tasdiqlangan sanasi ko‘rsatilmay ham tasdiqlangani qayd etilishi mumkin.

Kanalga ulanish 👉https://t.iss.one/UZTRJ

#davlat_tilida_ish_yuritish

Davlat tilida ish yuritish qoidalarini o‘rgatishga qaratilgan navbatdagi 3-video qo‘llanma bu – Ariza haqida.

Qanday hujjat yozmang, unda sizning savodxonligingiz va salohiyatingiz aks etishini unutmang! O‘zbek tilida bexato va uslubiy jihatdan to‘g‘ri yozishga harakat qiling!

1-video qo‘llanma. Asosiy faoliyatga oid buyruq tayyorlash qoidalari haqida edi.
2-video qo‘llanma. Kadrlar shaxsiy tarkibiga oid buyruq

https://t.iss.one/ozbekcha_gapiramiz

#Davlat_tilida_ish_yuritish

«Hujjatning bajarilganligi va uni hujjatlar yig‘majildiga yo‘naltirilganligi haqidagi qayd».

Bunday belgi hisobdan chiqarilib, hujjatlar yig‘majildida saqlash va ma’lumotnoma maqsadida foydalanishga taalluqli hujjatlarga, ijrosi bajarilganligi qayd etilgan holda qo‘yiladi.

Bunday qaydlar quyidagilarni o‘z ichiga oladi: ijrosi haqida qisqacha ma’lumot; «Hujjatlar yig‘majildiga» yozuvi; hujjat saqlanadigan yig‘majildning raqami.

Qaydlar bajaruvchi yoki hujjat bajarilgan tashkilot tarkibiy
bo‘linmasi rahbari imzosi bilan tasdiqlanadi va bajarilgan
sana qo‘yiladi. Masalan:
—————————————-
18–12 hujjatlar yig‘majildiga
(imzo) 2019-yil 24-iyul

«Mash’al» firmasi bosh hisobchisi
bilan telefon orqali gaplashilib,
masala hal etildi.

(imzo) 2019-yil 22-iyul
——————————————-

Hujjat bajarilganligi va yig‘majildga yo‘naltirilganligi haqidagi qayd hujjatning oxirgi varag‘i old sahifasining chap quyi burchagiga qo‘yiladi.

Kanalga ulanish 👉https://t.iss.one/UZTRJ

#Davlat_tilida_ish_yuritish

«Axborot kompyuterda ko‘chirilganligi haqidagi qayd».

Ma’lumotlarning kompyuterga o‘tkazilganligi to‘g‘risidagi belgi «Axborot kompyuterga ko‘chirildi» yozuvi, ma’lumotlarni kompyuterga o‘tkazish uchun mas’ul shaxs imzosi va ko‘chirish sanasidan iboratdir.

Bunday qayd hujjatning quyi qismidagi bo‘sh joyga qo‘yiladi.

Kanalga ulanish 👉  https://t.iss.one/dtrdep

Bizning manzil
Veb-sahifa | Telegram | Facebook

#Davlat_tilida_ish_yuritish

«Hujjat kelib tushganligi haqidagi qayd».

Bunday rekvizit kelgan hujjatlarga maxsus qaydlov shtampi (to‘rtburchak muhr) orqali yoki qo‘l bilan yozib qayd etiladi.
Qaydlov shtampida hujjat oluvchi tashkilot nomi, sana va qaydlov ko‘rsatkichi uchun joy ajratilgan bo‘ladi.

Qaydlov shtampining namunaviy shakli:
—————————————————————
«Mash’al» firmasi
sanasi _________________
___-son
—————————————————————-

Eslatish joizki, hujjatlarni ro‘yxatga olish, ish yuritish talablari idora yoki tashkilotda buyruq bilan tasdiqlangan tartib, nizom va qoidalar asosida amalga oshiriladi.

Shunday shtamp bo‘lmagan holda hujjat olingan sana va hujjat ko‘rsatkichi qo‘lda yoziladi. Bunday belgi hujjatning
birinchi varag‘i old tomonining o‘ngdagi quyi burchagidan joy oladi.

Kanalga ulanish 👉https://t.iss.one/UZTRJ

#Davlat_tilida_ish_yuritish

BLANKALAR – BOSMA ISH QOG‘OZLARI
QANDAY BO‘LISHI KERAK?

O‘zbekiston Respublikasida amaldagi davlat standartiga
muvofiq, tashkiliy-farmoyish hujjatlari uchun zaruriy qismlar
tarkibidan kelib chiqib, xizmat blankalarining 2 turi joriy etilgan:

Xatlar blankasi va Umumiy blanka.

XATLAR BLANKASIGAga quyidagi zaruriy qismlar kiradi:

✔️Tashkilotning ramziy belgisi (agar mavjud bo‘lsa),
✔️ Vazirlik yoki yuqori idoraning nomi (shunday bo‘ysunish mavjud bo‘lsa)
✔️Tashkilot nomi
✔️ Aloqa bo‘linmasining ko‘rsatkichi, pochta va telegraf manzili, faks, telefon raqami, bank hisobraqami
✔️ Sanasi
✔️Indeksi
✔️Hujjat kelib tushganligi haqida qayd.

Kanalga ulanish 👉https://t.iss.one/UZTRJ

Bizning manzil:
Veb-sahifa | Telegram