JIZZAXDA KITOB TAQDIMOTI

Oʻzbekiston Respublikasi Prezidentining 2019-yil 21-oktabrdagi “Oʻzbek tilining davlat tili sifatidagi nufuzi va mavqeini tubdan oshirish chora-tadbirlari toʻgʻrisida”gi PF-5850-sonli va 2020-yil 20-oktabrdagi “Mamlakatimizda oʻzbek tilini yanada rivojlantirish va til siyosatini takomillashtirish chora-tadbirlari toʻgʻrisida”gi PF-6084-sonli Farmoni ijrosi yuzasidan “Qadring baland bo‘lsin, ona tilim” shiori ostida 2024-yil 2-avgust kuni soat 10-00 da Jizzax viloyati Sharof Rashidov nomli Axborot-kutubxona markazida Oʻzbekiston Respublikasi Vazirlar Mahkamasi huzuridagi Oʻzbek tilini rivojlantirish jamgʻarmasi direktori Azizjon Eminov va “Ona tilim – mangu makonim” she’riy to‘plami mas’ul muharriri, Yozuvchilar uyushmasi a’zosi, O‘zbekiston Respublikasi Kambag‘allikni qisqartirish va bandlik vazirining Ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchisi - Faxriddin Xayitov hamda Jizzax viloyati hokimining maʼnaviy-maʼrifiy ishlar samaradorligini oshirish, davlat tili toʻgʻrisidagi qonun hujjatlariga rioya etilishini taʼminlash masalalari boʻyicha maslahatchisi Baxodir Mavlyanov rahbarligida Oʻzbekiston Respublikasi Vazirlar Mahkamasi huzuridagi Oʻzbek tilini rivojlantirish jamgʻarmasi tomonidan nashr etilgan “Oʻzbek tili sinonimlarining katta izohli lugʻati”, “Oʻzbek tilining izohli lugʻati”. “Ona tilim mangu makonim”, “Davlat tilida ish yuritish” kitoblarining taqdimot marosimi bo‘lib o‘tdi.
Taqdimot marosimida Jizzax viloyatidagi shahar va tumanlar hokimlarining Ma’naviy-ma’rifiy ishlar samaradorligini oshirish, davlat tili to‘g‘risidagi qonun hujjatlariga rioya etilishini ta’minlash masalalari bo‘yicha maslahatchilari, Jizzax viloyati Sharof Rashidov nomli Axborot-kutubxona markazi va uning tuman (shahr) bo‘limlari xodimlari, Oliy ta’lim muassasalari Axborot-resurs markazlarining rahbarlari va xodimlari hamda Hamid Olimjon va Zulfiya nomidagi ijod maktabining o‘qituvchilari ishtirok eishdi.

Qoraqalpog‘iston Respublikasi To‘rtko‘l tumani hokimligi va Respublika Ma’naviyat va ma’rifat markazi tuman bo‘linmasi tomonidan O‘zmilliybank tuman filialida targ‘ibot ishlari olib borildi.
Xodimlar bilan o‘tkazilgan yig‘ilishda O‘zbekiston Respublikasi Vazirlar Mahkamasining 2021-yil 10-fevraldagi “Lotin yozuviga asoslangan o‘zbek alifbosiga bosqichma-bosqich to‘liq o‘tishni ta’minlash chora-tadbirlari to‘g‘risida”gi 61-sonli qarorining talablari hamda Ona Vatanga muhabbat va sadoqat – ona tiliga muhabbat va sadoqatdan boshlanishi to‘g‘risida so‘z yuritildi.
Hujjatlar bilan ishlovchi xodimlar uchun yangi nashr etilgan “O‘zbek tilining katta imlo lug‘ati”, “O‘zbek tilining izohli lug‘ati” kitoblari ish jarayonida qo‘llash uchun tavsiya etildi.