#Пискент
#Миллатлараро_иноқлик

Ўзбекистонда 130дан ортиқ миллат ва элатлар аҳил яшайди. Ноябрь ойи мактабларда рус тили фани ойлиги сифатида эълон қилиниши муносабати билан таълим даргоҳларида халқларимиз ўртасидаги дўстона алоқаларни тарғиб этувчи кўплаб тадбирлар ташкил этилмоқда.

Пискентдаги 12-умумтаълим мактабида ўтказилган байрам тадбири ҳам шу мавзуга бағишланди. Мактабнинг устозлар ва ўқувчилар жамоаси биргаликда байрам дастури уюштирдилар. Рус халқи урф-одатлари, куй-қўшиқлари, пазандалик намуналари намойиш этилган тадбирга ўқувчиларнинг ота-оналари ҳамда русийзабон меҳмонлар таклиф этилдилар.

Фан ойлиги доирасидаги бундай тадбирлар Пискент туманидаги ҳар бир мактабда ўтказилмоқда.

Тошкент вилояти ҳокимлиги Ахборот хизмати