Навоий вилояти

НАВОИЙДА ТИЗИМ РАҲБАРЛАРИ ИШТИРОКИДА СУВ КОДЕКСИ ЛОЙИҲАСИ МУҲОКАМА ҚИЛИНДИ

Бугун Қуйи Зарафшон ирригация тизимлари ҳавза бошқармасида “Ўзбекистон Республикасининг Сув кодексини тасдиқлаш тўғрисида”ги қонун лойиҳаси иккинчи ўқишга тайёрлаш учун давра суҳбати ўтказилди.

Тадбирни Қуйи Зарафшон ирригация тизимлари ҳавза бошқармаси бошлиғи О.Садинов олиб борди.

Тадбирда бошқарма бўлим бошлиқлари, тизим ташкилотлари раҳбарлари иштирок эди.

Давра суҳбатини бошқарма бошлиғи О.Садинов кириш сўзи билан очар экан, Сув кодексининг аҳамияти, кўзда тутилаётган янгилик ва ўзгаришлар юзасидан тўхталиб ўтди.

Қорақалпоғистон: Семинарлар маҳаллий телеканалларда кенг ёритилмоқда

Ушбу лавҳада Беруний насос станциялари ва энергетика бошқармаси бошлиғи Жасур Халмуратов электр энергия ва сувни иқтисод қилиш борасида амалга оширилаётган тадбирлар ҳақида интервью берган.

Соҳага оид янгиликларни расмий тармоқларимизда кузатиб боринг!

https://t.iss.one/krminwater/
https://krminwater.uz/

#ОАВ_БИЗ_ҲАҚИМИЗДА

Навоий вилоятида қишлоқ хўжалиги экин майдонларида сув тежовчи технологияларни жорий қилиш бўйича амалга оширилаётган ишлар вилоят телерадиокомпаниясининг “Диёр 24” кўрсатувида эферга узатилди.

Қуйи Зарафшон ИТҲБ матбуот хизмати

https://t.iss.one/QuyiZarafshonITHB

МЕҲНАТДА ИЖОБИЙ НАТИЖАЛАР САЛМОҒИ ОШИРИЛАДИ

Сирдарё-Зарафшон ирригация тизимлари ҳавза бошқармаси (ИТҲБ) нинг автотранспорт хизматлари ва механизация ишлари бўлими иш режасига биноан Жиззах бош насос станциялари бошқармаси (ЖБНС)да семинар ташкил этилди.
Тадбирда мазкур бошқарма тасарруфидаги 20 дан ортиқ техника воситаларининг жорий ҳолати, уларни заҳира қисмлари ва ёнилғи-мойлаш маҳсулотлари билан таъминлаш, таъмирлаш ва тиклаш соҳасида амалга оширилаётган ишлар таҳлил қилинди.

ЖБНС жамоаси металлни қайта ишлаш корхоналарига иккиламчи қора ва рангли металл парчаларини етказиб бериш борасида жорий йилнинг январь-июль ойларига белгиланган режани ортиғи билан уддалади.
Семинарда ана шундай ижобий натижалар салмоғини ошириш, мавжуд техникаларнинг ишга шайлигини таъминлаш орқали вегитация мавсумининг кўнгилдагидек якунланишига муносиб ҳисса қўшиш ҳақида сўз борди.

Сирдарё-Зарафшон ИТҲБ матбуот хизмати.

ҲУҚУҚБУЗАРЛАР ОГОҲЛАНТИРИЛИБ, ЖАРИМАЛАР ҚЎЛЛАНМОҚДА
    
              Сув хўжалиги объектлари хавфсизлиги ва сувдан фойдаланишни назорат қилиш инспекцияси мутахассислари зиммасига сувдан фойдаланиш ва сув истеъмоли тартибига, шунингдек, сув олиш лимитларига барча сув истеъмолчилари, жумладан, фермер хўжаликлари қатъий риоя этиши бўйича тизимли назорат ўрнатиш ҳамда бу борада қонун бузилиш ҳолатларига йўл қўйган шахсларга нисбатан тегишли чоралар кўриб бориш юклатилган. «Сувхўжаликназорат» инспекцияси Сурхондарё вилоят бошқармаси ходимлари бурч ва мажбуриятларини бажариш йўлида сезиларли ишларни амалга оширишаяпти. Сувдан фойдаланиш тартибларига амал қилишда қатор хато-камчиликларни  содир этаётган хўжалик юритувчи субъектларга нисбатан суғориш мавсуми бошлангандан бери то 1 июлгача 129 ҳолатда ёзма кўрсатмалар тақдим этилиб, 88 ҳолатда огоҳлантиришлар берилди. Сув ва сув ресурсларидан фойдаланиш тартиб-қоидаларига амал қилмай қонун бузилиш ҳолатларини содир этаёган истеъмолчиларга маъмурий жарималар қўлланаяпти. Суғориш мавсуми бошлангандан бери то ҳозиргача 329 ҳолатда камчиликлар аниқланиб, айбдорларга 163,9 миллион сўмлик жарималар қўлланилди.
        Инспекциямиз мутахассислари тез-тез жойларга чиқиб, сув истеъмолчилар томонидан сув ва сув ресурсларидан қай даража фойдаланаётганини назорат қилиб боришаётир. Масалан, куни-кеча мутахассисларимиз Термиз тумани «Сув етказиб бериш хизмати» ДМ балансидаги «Термиз» каналидаги сувдан фойдаланиш ва сув истеъмоли тартиби ўрганилганда бир қатор хатолар аниқланди. Жумладан, Сурхондарё ўрмон хўжалигига қарашли ер майдонлари «Термиз» каналида оқаётган обиҳаёт ҳисобига суғорилади. Ўрмон хўжалиги бир қисми ерларини доимий ва вақтинча фойдаланувчи ижарачиларга берган.Бироқ каналдан сув олиш жойлари сувни бошқариш ва ўлчаш воситалари билан жиҳозланмаган, суғориш шохобчалари лойқадан тозаланмаган, сувдан фойдаланиш учун талабнома олинмаган, кунлик сув олди-берди журналларини юритиш ҳамда олинган сув бўйича ойлик далолатномаларни тузиш ва тўлғазишга риоя қилинмаган, сувдан оқилона фойдаланишда  ҳам эътиборсизлик ҳукм сурмоқда. Айрим далаларга каналдан очилган сув соатлаб оқиб ётгани, сувчилар сув назоратига эътибор бермаётгани ҳолатларига дуч келинди. Энг ачинарлиси, ўрмон ерларида деҳқончилик қилаётган ижарачилар сув истеъмоли учун белгиланган тартибда шартнома тузмасдан фойдаланаётгани ойдинлашди. Ушбу хато-камчиликларни зудлик билан бартараф этиш, шартнома ва далолатномаларни расмийлаштириш юзасидан Термиз тумани «Сув етказиб бериш хизмати» ДМ раҳбарияти огоҳлантирилди.
        Инспекторларимиз истеъмолчилар  мурожаатлар бўйича ҳам муаммоларни ҳал қилишмоқда. Яқинда истеъмолчилар талаби бўйича рейд уюштирилди ва бир неча каналларда тадбиркорлар ҳамда фуқаролар ўзбошимчалик билан насослар ўрнатиб, истеъмолчиларга лимит бўйича ажратилаётган сувдан ноқонуний фойдаланаётгани аниқланди. Уларга сув ва сувдан фойдаланиш тартибларига амал қилиш, томорқа ва деҳқон хўжалигигига қарашли ерларини суғориш учун тегишли ташкилотлардан рухсат олиш ва шартнома тузган ҳолда сувдан фойдаланиш тартиблари тушунтирилиб, ёзма огоҳлантириш тақдим этилди. Бундан ташқари, Музработ туманида фаолият кўрсатаётган «Scht Snolli kluster» МЧЖ раҳбарияти шикоят аризаси бўйича кластер деҳқонлари шолипояларини суғориш учун сув оладиган «Жайхун» каналига бир гуруҳ фуқаролар томонидан ноқонуний тўсиқлар қўйиб ташлангани ҳамда шоликорлар учун лимит бўйича ажратилган сувга ноқонуний шерик бўлаётгани аниқланиб, каналдаги бетон тўсиқлар олиб ташланди ва айбдорларга ушбу ҳол яна такрорланган тақдирда тегишли жазо чоралари қўлланилиши юзасидан огоҳлантириш берилди.
         Шунингдек, сув истеъмолчилар билан ўтказилаётган семинар ва муҳим мавзулардаги йиғилишларда инспекция ходимлар ваколатлари ўзгаргани, сув ва сув ресурсларидан оқилона фойдаланмай, қонун бузилиш ҳолатларига йўл қўядиган истеъмолчиларга нисбатан жазо чоралари янада кучайтирилиши юзасидан батафсил тушунча ва тавсиялар берилмоқда.
          
                  Отабек Қиличев,
       «Сувхўжаликназорат» инспекцияси Сурхондарё вилояти бошқармаси бош мутахассиси

СУВ ТЕКИН ЭМАС
Айрим тадбиркорлар онгида ҳали ҳам “ сув текин” деган тушунча сақланиб қолинган. Бўлмаса, Қуйичирчиқ тумани Абай ҳудудида фаолият юритиб келаётган “MOHLAROYIM AGRO” МЧЖ балиқчилик хўжалиги “Сувхўжаликназорат” инспекцияси Тошкент вилояти бошқармаси ходимлари олдида ноқулай ҳолатга тушмаган бўларди.
Жорий йилнинг 30 июль куни ўтказилган навбатдаги назорат текширувларига кўра балиқчилик хўжалиги 2024 йилда TCT GIDRO SERVIS МЧЖ ҳисобидаги РК-10 хўжаликлараро каналидан сунъий балиқ боқиш ҳавзаларини сув билан таъминлашда махсус руҳсатномасиз фойдаланиб келганлиги аниқланган. Корхона раҳбари Ж. Идрисовага нисбатан Ўзбекистон Республикаси Вазирлар Маҳкамасининг 2013 йил 19 мартдаги 82-сонли қарори талабларини бузганлиги аниқланиб молиявий санкция жарималари қўлланилди. Шунингдек, сувдан фойдаланиш қонун-қоидаларига риоя этиш юзасидан тушунтириш ишлари ҳам олиб борилди.
Чирчиқ-Оҳангарон ИТҲБ матбуот хизмати