АНГОРЛИК ИРРИГАТОРЛАР ЖОРИЙ ЙИЛДА 20 МИЛЛИОН МЕТР КУБ СУВНИ ТЕЖАМОҚЧИ

Ангор тумани «Сув етказиб бериш хизмати» ДМ мутахассислари декабрь ойидан бери биринчи навбатда канал ва бошқа суғориш тармоқларини лойқаю чиқиндилардан тозалаш чораларини кўришаяпти. Куз-қиш мавсумида 22,9 километр узунликдаги хўжаликлараро каналларни механизмлар билан тозалашни режалаштирган ирригаторлар экскаватор ва бошқа техникаларни жалб қилиб, каналларнинг 14 километрини тозалашди.
Туман ирригаторлари фермер хўжаликлари раҳбарлари ҳамда маҳаллалар оқсоқоллари билан ҳамкорликда ички суғориш тармоқларини лойқаю чиқиндилардан тозалашга уларнинг техникаси ҳамда аъзоларини сафарбар этишаяпти.
Ангор тумани ирригаторлари суғориш тармоқларидаги гидротехник иншоотлар ва гидропостлар таъмирини ҳам унутишмаяпти.

Батафсил

ХИТОЙЛИКЛАР «БОБОТОҒ» МАГИСТРАЛ КАНАЛИ РЕКОНСТРУКЦИЯСИДА ИШТИРОК ЭТАЯПТИ

Сурхондарё вилоятидаги йирик суғориш тармоқларидан бири – «Боботоғ» магистрал канали қарийб ярим асрдан буён Жарқўрғон ва Қумқўрғон туманларининг 18,6 минг гектар экин майдонларини обиҳаёт билан таъминлаб келади.
Ўзбекистон Республикаси Президентининг 2022 йил 27 сентябрдаги тегишли қарори асосида Осиё тараққиёт банки иштирокида «Оролбўйи ҳавзасида сув ресурсларини иқлим ўзгаришига мос ҳолда бошқариш» лойиҳаси доирасида ушбу магистрал канал реконструкция қилинаётир.
Лойиҳа қиймати 13,1 миллион доллардан иборат бўлиб, умумий узунлиги 43,1 километр бўлган «Боботоғ» магистрал каналининг 25,15 километр қисми бетонлаштирилади.

Батафсил

БУХОРОЛИК МЕЛИОРАТОРЛАР ИСТИҚБОЛДАГИ ВАЗИФАЛАРНИ БЕЛГИЛАБ ОЛИШДИ

Аму-Бухоро ирригация тизимлари ҳавза бошқармаси ҳузуридаги Мелиоратив экспедиция тасарруфидаги “Бухоро” коллекторининг бош иншоотида барча туманлар мелиораторлари иштирокида галдаги вазифалар, жумладан, ёрдамчи хўжаликларни ривожлантириш масалаларига бағишланган йиғилиш бўлиб ўтди.
Тадбирда шўр ювиш ишларини ташкил этиш, мелиоратив тармоқлар самарадорлигини ошириш, автоматика телемеханика қурилмалари ўрнатилган қудуқларда техник сервис кўрсатишни кенгайтириш, жойларда ёрдамчи хўжаликларни ривожлантириш, жумладан, имкониятдан келиб чиққан ҳолда чорвачилик, балиқчилик, ўрдакчилик ва боғдорчиликни кенгайтириш бўйича вазифалар белгилаб олинди.

Аму-Бухоро ИТҲБ матбуот хизмати

САМАРҚАНДЛИК СУВЧИЛАРГА ЯНГИ ТЕХНИКАЛАР ТОПШИРИЛДИ

Оқдарё ҳамда Самарқанд туманлари “Сув етказиб бериш хизмати” давлат муассасалари ихтиёрига янги техникалар олиб келинди.
Шу муносабат билан ўтказилган тадбирда харид қилинган ушбу техникалар соҳада иш самарадорлигини ошириш ва истеъмолчиларга сув етказиб бериш хизматларини янада такомиллаштиришга хизмат қилиши таъкидланди.
Бошқа туманлар “Сув етказиб бериш хизмати” давлат муассасаларининг ҳам моддий-техника базасини мустаҳкамлаш борасида кенг кўламли ишлар амалга оширилмоқда. Сув солиғидан тушган маблағлар ҳисобига зарур техника ва механизмлар сотиб олиниши режалаштирилмоқда.

Зарафшон ИТҲБ матбуот хизмати

Сирдарё вилояти

Оқолтин тумани “Сув етказиб бериш хизмати” томонидан кластер ва фермер хўжаликлари билан бирга куз-қиш мавсумида 21 км узунликдаги канал ва ички ариқлар бетонланди.

Шу кунларда 17 нафар ходим, 1 та бетонқориштиргич ва 1 та махсус техника жалб қилиниб ички ариқларни таъмирлаш ва бетонлаш давом эттирилмоқда.

Қуйи Сирдарё ИТҲБ матбуот хизмати