#antikorrupsiya

Korrupsiyaning oldini olish dolzarb vazifa

Korrupsiya har qanday davlat va jamiyatning siyosiy-iqtisodiy rivojlanishiga to‘siq bo‘lib, inson huquq va erkinliklarini poymol qiluvchi illatdir. Moddiy naf yo‘lida o‘z mansab va vakolatini suiiste’mol qilish, qarindoshlik, tanish-bilishchilik rishtalarini xizmat vazifasidan ustun qo‘yish mazkur illatning keng tomir yoyishiga sabab bo‘ladi. Viloyat soliq boshqarmasida “Korrupsiya – taraqqiyotga to‘siq” mavzusida o‘tgan uchrashuvda ayni shu haqda so‘z bordi.

Huquqni muhofaza qiluvchi organlar bilan hamkorlikda o‘tkazilgan tadbirda har bir davlat xizmatchisi berilgan vazifaga mas’uliyat bilan yondashishi, poraxo‘rlik va ta’magirlik kabi illatlardan yiroq bo‘lishi keragligi tushuntirildi.

Termiz shahridagi savdo va xizmat ko‘rsatish shoxobchalarida o‘tkazilgan manzilli uchrashuvlarda esa xususiy biznes vakillariga soliq xodimlari bilan bog‘liq korrupsion holatlar kuzatilganda murojaat qilish tartiblari tushuntirilib, maxsus flayer va broshyuralar tarqatildi.

👉 Telegram

#antikorrupsiya

Muzrabot va Denov tumanlarida korrupsiyaning olidini olishga qaratilgan profilaktik tadbirlar o‘tkazildi

Korrupsiyaga qarshi kurashish va uning oldini olish maqsadida viloyat soliq boshqarmasi Shaxsiy xavfsizlik bo‘limi hamda huquqni muhofaza qiluvchi organlar hamkorligida tashkil etilayotgan navbatdagi profilaktik tadbir Muzrabot va Denov tuman soliq inspeksiyalarida bo‘lib o‘tdi.

Unda soliq xodimlariga korrupsiyaga qarshi kurashish va uning oldini olish maqsadida qabul qilingan normativ-huquqiy hujjatlar mazmun-mohiyati tushuntirilib, mazkur illatga qarshi kurashish prinsiplari to‘g‘risida ma’lumotlar berildi.

Yaratilayotgan shart-sharoitlar va berilayotgan imkoniyatlardan unumli foydalangan holda xizmat vazifasiga mas’uliyat bilan yondashish, kasb etikasi va umumbelgilangan odob-axloq qoidalariga rioya etish kerakligi ta’kidlandi.

Shuningdek, mazkur tumanlardagi savdo va xizmat ko‘rsatish shoxobchalarida tadbirkorlar bilan bevosita muloqotlar o‘tkazilib, soliq xodimlari bilan bog‘liq poraxo‘rlik va ta’magirlik kabi holatlarga duch kelganda murojaat qilish lozim bo‘lgan “Ishonch telefon” raqamlari, maxsus bot va elektron pochta manzillari to‘g‘risida ma’lumotlar berildi.

👉 Telegram

#antikorrupsiya

Korrupsiya – taraqqiyotga to‘siq!

Korrupsiya har qanday davlat va jamiyatning siyosiy-iqtisodiy rivojlanishiga to‘siq bo‘lib, inson huquq va erkinliklarini poymol qiluvchi illatdir. Moddiy naf yo‘lida o‘z mansab va vakolatini suiiste’mol qilish, qarindoshlik, tanish-bilishchilik rishtalarini xizmat vazifasidan ustun qo‘yish mazkur illatning keng tomir yoyishiga sabab bo‘ladi. Sariosiyo tumani soliq inspeksiyasida “Korrupsiya – taraqqiyotga to‘siq” mavzusida o‘tkazilgan tadbirda ayni shu haqda so‘z bordi.

Viloyat soliq boshqarmasi Shaxsiy xavfsizlik bo’limi tomonidan tashkil etilgan profilaktik uchrashuvda soliq xodimlariga xizmat vazifasiga mas’uliyat bilan yondashish, poraxo‘rlik va ta’magirlik kabi illatlardan yiroq bo‘lish lozimligi tushuntirildi.

Tadbirkorlar bilan bevosita muloqotlarda esa soliq xodimlari tomonidan faoliyatlariga asossiz aralashish, to‘sqinlik qilish, huquq va qonuniy manfaatlarini cheklash kabi holatlarga duch kelganda murojaat qilish tartiblari tushuntirilib, maxsus buklet va flayerlar tarqatildi.

👉 Telegram

#antikorrupsiya

Korrupsiyaviy huquqbuzarliklarga yo‘l qo‘yilmaydi

Soliq tizimini “korrupsiyasiz soha”ga aylantirish borasidagi tizimli ishlar doirasida Uzun tumani soliq inspeksiyasida Surxondaryo viloyati soliq boshqarmasi Shaxsiy xavfsizlik bo‘limi hamda huquqni muhofaza qiluvchi organlar vakillari ishtirokida yig‘ilish bo‘lib o‘tdi.

Unda soliq xodimlariga O‘zbekiston Respublikasining “Korrupsiyaga qarshi kurashish to‘g‘risida”gi hamda “Davlat fuqarolik xizmati to‘g‘risida”gi qonunlari mazmun-mohiyati tushuntirildi.

Ta’kidlanganidek, korrupsiyaga oid huquqbuzarliklarning o‘z vaqtida oldi olinishi, aniqlanishi va ularga chek qo‘yilishini ta’minlashda har bir xodimning halollik mezonlariga amal qilishi, jamoada korrupsiyaga nisbatan murosasiz munosabatning shakllanishi muhim ahamiyatga ega.

Shuningdek tumandagi xususiy sektor vakillari bilan profilaktik suhbatlar o‘tkazilib, soliq xodimlari tomonidan faoliyatlariga asossiz to‘sqinlik qilish, poraxo‘rlik va ta’magirlik kabi noqonuniy xatti-harakatlar kuzatilganda murojaat qilish tartiblari to‘g‘risida ma’lumotlar berildi.

👉 Telegram

#antikorrupsiya

Korrupsiya taraqqiyot zavoli

Surxondaryo viloyati soliq boshqarmasi Shaxsiy xavfsizlik bo‘limi hamda huquq-tartibot organlari bilan hamkorlikda Oltinsoy hamda Qumqo‘rg‘on tumani soliq inspeksiyalarida korrupsiyaga qarshi kurashish va uning oldini olish masalalariga bag‘ishlangan navbatdagi profilaktik uchrashuvlar o‘tkazildi.

Unda shaxsiy tarkibga soliq to‘lovchilar bilan ishlash, murojaatlarni ko‘rib chiqish, berilgan vazifalarga mas’uliyat bilan yondashish kabi tartib-qoidalar yana bir bor eslatilib, korrupsiyaviy huquqbuzarliklarga yo‘l qo‘ymaslik kerakligi ta’kidlandi.

Shuningdek tumandagi tadbirkorlar bilan manzilli uchrashuvlar tashkil etilib, soliq xodimlari bilan bog‘liq har qanday korrupsiyaviy holatlar va noqonuniy harakatlar to‘g‘risidagi maʼlumotlarni @dsq_anticorrupciya_bot maxsus telegram boti, [email protected] elektron pochtasi orqali yuborish, shuningdek, Soliq qo‘mitasining 71-244-98-98 hamda Surxondaryo viloyati soliq boshqarmasining 76-228-03-49 raqamli «Ishonch telefon”lariga murojaat qilish tartiblari tushuntirildi.

👉 Telegram

#antikorrupsiya

Korrupsiyaga qarshi birgalikda kurashamiz!

Sherobod tumani soliq inspeksiyasida viloyat soliq boshqarmasi hamda huquqni muhofaza qiluvchi organlar hamkorligida korrupsiya xavf-xatarlarini aniqlash, korrupsiyaga imkon berayotgan shart-sharoitlarni bartaraf etish va uning oldini olishga qaratilgan navbatdagi profilaktik uchrashuv o‘tkazildi.

Shaxsiy tarkib bilan bevosita muloqotda har bir xodim belgilangan vazifani mas’uliyat bilan bajarishi, mahallalarga biriktirilgan soliq inspektorlari o‘z hududlaridagi soliqlarning yig‘iluvchanligini oshirish, soliq qarzini qisqartirish va soliq bazasini kengaytirish borasida tizimli ishlarni yo‘lga qo‘yishi kerakligi ta’kidlandi. Soliq to‘lovchilar bilan o‘zaro munosabatlarda manfaatlar to‘qnashuviga yo‘l qo‘ymaslik, korrupsion huquqbuzarliklarning oldini olish chora-tadbirlari to‘g‘risida so‘z yuritildi.

Tumandagi tadbirkorlar bilan uchrashuvlarda xususiy sektor vakillarining soliq xodimlari haqidagi fikr-mulohazalari tinglanib, korrupsiyaviy huquqbuzarliklarning salbiy oqibatlari va uning oldini olishda o‘zaro hamkorlikning muhim ahamiyati tushuntirildi.

Zero, aholining, xususan tadbirkorlik subyektlarining huquqiy ongi va huquqiy madaniyatini yuksaltirish, korrupsiyaga qarshi kurashishning asosiy yo‘nalishlaridan biridir.

👉 Telegram

#antikorrupsiya

Befarqlik  va loqaydlik huquqbuzarliklar asosidir

Termiz tumani soliq inspeksiyasida korrupsiyaga qarshi kurashish va uning oldini olish masalalariga bag‘ishlangan profilaktik tadbir bo‘lib o‘tdi.

Unda shaxsiy tarkibga korrupsiyaga qarshi kurashish to‘g‘risidagi normativ-huquqiy hujjatlar, xususan Soliq qo‘mitasining korrupsiyaga qarshi kurashish siyosati mazmun-mohiyati tushuntirildi.

Soliq organlari xodimlari ishtirokidagi salbiy holatlar tahlil qilinib, odob-ahloq va ichki mehnat tartib qoidalariga rioya qilmaslik, xizmat vazifasini suiiste’mol qilish, tanish-bilishchilik hamda manfaatlar to‘qnashuvining ustuvorligi korrupsion holatlarga sabab bo‘layotganligi ta’kidlandi.

Shuningdek, ishtirokchilarning korrupsion huquqbuzarliklar bilan bog‘liq fikr-mulohazalari tinglanib, unga qarshi kurashishda o‘zaro hamkorlik, ogohlik va jamoatchilik nazoratining muhim o‘rni tushuntirib o‘tildi.

Tadbirkorlar bilan manzilli uchrashuvlarda ham korrupsiyaga qarshi kurashish va uning oldini olish chora-tadbirlari to‘g‘risida suhbatlashildi.

👉 Telegram

#antikorrupsiya

Har bir xodim o‘zini taftish qilishi lozim

Korrupsiyaga qarshi kurashishning muhim shartlaridan biri xodimlarning huquqiy savodxonligini oshirish, huquq va majburiyatlarini eslatib turishdir. Ayni maqsadda viloyat soliq boshqarmasi Shaxsiy xavfsizlik bo‘limi xodimlari tomonidan Boysun tumani soliq inspeksiyasida shaxsiy tarkib ishtirokida profilaktik suhbat o‘tkazildi.

Unda har bir davlat xizmatchisi o‘ziga biriktirilgan vazifani vijdonan, odob-axloq va ichki mehnat tartib qoidalariga amal qilgan holda bajarishi, soliq to‘lovchilar bilan o‘zaro munosabatlarda hamda ish faoliyati davomida poraxo‘rlikka yo‘l qo‘ymaslik lozimligi tushuntirildi.

Samaradorlik ko‘rsatkichi yuqori bo‘lgan xodimlar belgilangan tartibda rag‘batlantirib borilayotganligi ta’kidlanib, korrupsion huquqbuzarliklardan yiroq bo‘lish, bor bilim va tajribani ishga solib samaradorlik ko‘rsatkichini oshirish kerakligi aytib o‘tildi.

Tadbirkorlarning huquq va manfaatlarini himoyalash hamda korrupsiyaviy huquqbuzarliklarning oldini olish maqsadida tumandagi savdo va xizmat ko‘rsatish nuqtalarida ham manzilli targ‘ibot tadbirlari o‘tkazildi.

Unda tadbirkorlarning soliq majburiyatlarini bajarish bilan bog‘liq muammolari o‘rganilib, soliq xodimlari tomonidan yo‘l qo‘yilgan noqonuniy xatti-harakatlar to‘g‘risida murojaat qilish tartibi ko‘rsatilgan maxsus flayer va bukletlar tarqatildi.


👉 Telegram

#antikorrupsiya

Ogohlik – davr talabi!

Surxondaryo viloyati soliq boshqarmasida huquqni muhofaza qiluvchi organlar vakillari ishtirokida “Ogohlik – davr talabi” mavzusida uchrashuv o‘tkazildi.

Dastlab korrupsiyaga oid huquqbuzarliklarni o‘z vaqtida aniqlash, ularga chek qo‘yish, imkon beruvchi sabablar va shart-sharoitlarni bartaraf etish choralari to‘g‘risida suhbatlashildi.

Soliq organlari xodimlari ishtirokidagi salbiy holatlar tahlil qilinib, odob-ahloq va ichki mehnat tartib qoidalariga rioya qilmaslik, xizmat vazifasini suiiste’mol qilish, tanish-bilishchilik hamda manfaatlar to‘qnashuvining ustuvorligi korrupsion holatlarga sabab bo‘lishi ta’kidlandi.

Mazkur illatga qarshi kurashishda jamoada korrupsiyaga nisbatan murosasiz munosabatni shakllantirish, atrofdagilarning noqonuniy xatti-harakatlariga befarq bo‘lmaslik kerakligi tushuntirildi.

Shuningdek, ijtimoiy tarmoqlardan foydalanganda e’tiborli bo‘lish, diniy aqidaparastlik yoki mutaassiblik bilan yo‘g‘rilgan g‘oyalarga ergashmaslik kerakligi qayd etilib, O‘zbekiston Respublikasida fuqarolarning vijdon erkinligini ta’minlash va diniy sohadagi davlat siyosati konsepsiyasi hamda O‘zbekiston Respublikasining “Manfaatlar to‘qnashuvi to‘g‘risida”gi qonuni mazmun-mohiyati tushuntirib o‘tildi.

👉 Telegram

#antikorrupsiya

Korrupsiyaga qarshi birgalikda kurashamiz!

Sho’rchi tumani soliq inspeksiyasida Surxondaryo viloyati soliq boshqarmasi Shaxsiy xavfsizlik bo‘limi xodimlari tomonidan korrupsion huquqbuzarliklarning oldini olish masalalariga bag‘ishlangan davra suhbati o‘tkazildi.
Bevosita muloqotda korrupsiyani keltirib chiqaruvchi sabab va omillar, yurtimizda unga qarshi kurash borasida olib borilayotgan izchil ishlar va bunda jamoatchilik nazoratining muhim o‘rni hususida so‘z bordi.
Viloyat soliq xizmati organlari xodimlari ishtirokidagi salbiy holatlar tahlil qilinib, har bir xodim eng avvalo odob-axloq, rejim va ichki mehnat tartib-qoidalariga rioya qilgan holda o‘z vazifasini sidqidildan bajarishi lozimligi takidlandi.
Darhaqiqat, har bir xodim, u qaysi sohada ishlashidan qat’iy nazar o‘z vazifasini vijdonan ado etishi, ishga mas’uliyat bilan yondashishi va har qanday holatda ham korrupsion holatlarga yo‘l qo‘ymasligi va unga qarshi kurashga o‘z hissasini qo‘shishi zarur. Zero, befarqlik va loqaydlik ham ushbu illat o‘chog‘ini alanga oldirishga zamin yaratadi. O‘zaro yakdillik, yurt taqdiriga dahldorlik esa har qanday illatning barham topishiga xizmat qiladi.

👉 Telegram