#uchrashuv

Soliq imtiyozlari tadbirkorlik rivojiga xizmat qilmoqda

Viloyatimizning Denov tumani kichik va o‘rta biznes yaxshi rivojlangan hamda vohamiz iqtisodiy salohiyatini yuksaltirishda yetakchi o‘ringa ega hudud sanaladi. Ayni paytda tumanda besh mingdan ortiq tadbirkorlar faoliyat yuritmoqda.

Surxondaryo viloyati soliq boshqarmasi boshlig‘i Erkin Narmanovning tumandagi kichik va o‘rta biznes vakillari bilan navbatdagi uchrashuvida tadbirkorlik subyektlarini qo‘llab-quvvatlash va faoliyatlarini kengaytirishga ko‘maklashish maqsadida berilayotgan soliq imtiyozlari to‘g‘risida so‘z yuritildi.

Qayd etildiki, joriy yilning yanvar-may oylarida denovlik tadbirkorlar 33 mlrd 622 mln so‘mlik soliq imtiyozlaridan foydalanish imkoniyatiga ega bo‘ldi. Xususan 36 nafar tadbirkorlik subyektiga 9 mlrd 742 mln so‘m qo‘shilgan qiymat solig‘idan hosil bo‘lgan salbiy farq summasi qaytarildi.

Ochiq muloqotda tadbirkorlarning soliq hisobotlarini topshirish, ortiqcha soliq to‘lovlarini qaytarish, noturar joylarga soliq hisoblash kabi masalalardagi murojaatlari tinglanib, ijobiy hal etish choralari ko‘rildi.

Shuningdek, ishtirokchilarga soliq majburiyatlarini o‘z vaqtida va to‘g‘ri bajarish, ishchi-xodimlar sonini yashirmaslik, onlayn nazorat-kassa texnikalaridan foydalanish, barqarorlik reytingidagi darajasini oshirish yuzasidan tushuntirish va tavsiyalar berildi.

👉 Telegram

#JShODS

Chernobil AES halokati oqibatlarini bartaraf etishda ishtirok etgan fuqarolar uchun soliq imtiyozlari

⚪️ Chernobil AESdagi halokat oqibatlarini tugatishda ishtirok etgan (shu jumladan vaqtincha yuborilgan yoki xizmat safariga yuborilgan) fuqarolarning, shuningdek ularning xotinining (erining) ish haqi va boshqa daromadlari toʻliq daromad soligʻidan ozod qilindi.

❗️Mazkur soliq imtiyozi tibbiy-ijtimoiy ekspert komissiyasining ma’lumotnomasiga, nogironlik to‘g‘risidagi ma’lumotnomaga, Chernobil AESdagi halokat oqibatlarini tugatish ishtirokchisining guvohnomasiga, shuningdek vakolatli organlar tomonidan berilgan va imtiyozlar berish uchun asos bo‘ladigan boshqa hujjatlarga asosan beriladi.

👉 Telegram

#qonunchilikdagi_yangiliklar

Bolalar kontentini rivojlantirish uchun soliq imtiyozlari

O‘zbekiston Respublikasi Prezidentining "Bolalar uchun mo‘ljallangan milliy kontentlar yaratish va ularni ommalashtirishni qo‘llab-quvvatlash chora-tadbirlari to‘g‘risida"gi Qaroriga muvofiq:

⚪️ 2025-yil 1-iyuldan 2030-yil 1-yanvarga qadar bolalar uchun mo‘ljallangan kontentlar yaratishdan olgan daromadi jami yillik daromadining kamida 80 foizini tashkil etgan yuridik shaxslar, shuningdek, Bolalar kontentini rivojlantirish markazi:

▫️ foyda solig‘i to‘lashdan ozod qilinadi;

▫️ ijtimoiy soliqni 1% miqdorida to‘laydi;

▫️ yuridik shaxslarga bolalar uchun mo‘ljallangan kontentlar yaratish bilan bog‘liq bo‘lgan xarajatlarini foyda solig‘ini hisoblashda chegirib tashlash huquqi beriladi;

▫️ yuridik shaxslar va Bolalar kontentini rivojlantirish markazi tomonidan bolalar uchun mo‘ljallangan kontentlar yaratish uchun budjetga to‘langan qo‘shilgan qiymat solig‘i soliq hisobotlari taqdim etilgandan keyin Davlat budjetidan ularga to‘liq miqdorda qaytariladi.

👉 Telegram

#bilasizmi

🔰 O‘zbekiston Respublikasining norezidenti bo‘lgan jismoniy shaxsning O‘zbekiston Respublikasidagi manbalardan olingan daromadlariga quyidagi soliq stavkalar bo‘yicha soliq solinadi:

1️⃣ Dividendlar va foizlar 10 %;

2️⃣ Soliq kodeksiga muvofiq aniqlanadigan, xalqaro tashishlarda transport xizmatlari taqdim etishdan olinadigan daromadlar (fraxtdan olinadigan daromadlar) 6 %;

3️⃣ Mehnat shartnomalari (kontraktlari) va fuqarolik-huquqiy xususiyatdagi shartnomalar bo‘yicha olingan daromadlar hamda 1 va 2-bandlarda ko‘rsatilmagan boshqa daromadlar 12 %.

👉 Telegram