#barqarorlik_reytingi

Tadbirkorlik subyektlari bilan bevosita muloqotlar davom etmoqda

Surxondaryo viloyati soliq boshqarmasi xodimlari barqararorlik reytingida toifasi qoniqarli va quyi bo‘lgan tadbirkorlik subyektlari bilan uchrashib, reytingdagi darajasini oshirish yuzasidan tushuntirish ishlarini olib borishmoqda.

"Xamedova Dilorom" hamda "Zohid Maryam" mas’uliyati cheklangan jamiyatlari mas’ullari bilan bevosita muloqotda xo‘jalik yurituvchi subyektlarga tadbirkorlik faoliyatini amalga oshirish davomiyligi, EBITDA bo‘yicha rentabellik darajasi, bir nafar xodimga to‘g‘ri keladigan ish haqi jamg‘armasi, soliq hisobotlarini belgilangan muddatlarda taqdim etilishi, elektron hisobvaraq-faktura (EHF)larni qonunchilikda belgilangan muddatlarda rasmiylashtirish holati hamda EHFlar orqali xarid qilingan tovarlar realizatsiyasi mezonlari bo‘yicha ball berilmaganligi tushuntirildi. Har ikkala korxonada ham yer uchastkalari va ko‘chmas mulk obyektlari mavjud bo‘lmaganligi sababli 5 ball chegirilganligi qayd etildi.

"Surxon Termiz Chinni" MCHJda ham hisoblangan soliqlar soliq organining inkasso topshiriqnomasi orqali undirilganligi hamda EHFlar qonunchilikda belgilangan muddatlarda rasmiylashtirilmaganligi tufayli ballar chegirilgan.

Korxona mas’ullariga soliq majburiyatlarini o‘z vaqtida va to‘g‘ri bajarish, ijtimoiy himoyaga muhtoj shaxslar bandligini ta’minlash va mehnatga haq to‘lashning eng kam miqdoridan ortiq ish haqi to‘lanayotgan xodimlar sonini ko‘paytirish kabi qo‘shimcha ball beruvchi mezonlardan samarali foydalanish yuzasidan tavsiyalar berildi.

👉 Telegram

#savol_javob

- Qanday hollarda soliq organlarining qarorlari asosida yuridik shaxslar va yakka tartibdagi tadbirkorlarning bankdagi hisobvaraqlari bo‘yicha operatsiyalari to‘xtatib turiladi?

🔴 Yuridik shaxslar va yakka tartibdagi tadbirkorlarning bankdagi hisobvaraqlari bo‘yicha operatsiyalarni to‘xtatib turish soliq organi tomonidan mazkur soliq to‘lovchilarning (soliq agentlarining) soliq majburiyatlari bajarilishini ta’minlash uchun quyidagi hollarda qo‘llanilishi mumkin:

🔻 ushbu soliq to‘lovchi (soliq agenti) tomonidan soliq organiga moliyaviy va (yoki) soliq hisoboti bunday hisobotni taqdim etishning belgilangan muddati tugaganidan keyin o‘n kun ichida taqdim etilmaganda;

🔻 soliq to‘lovchi (soliq agenti) tomonidan soliq organining kameral soliq tekshiruvi natijalari bo‘yicha talabnomasiga tushuntirishlar va (yoki) tuzatishlar belgilangan muddatda taqdim etilmaganda, shuningdek soliq to‘lovchi tomonidan soliq organi talab qilgan hujjatlar taqdim etilmaganda;

🔻soliq tekshiruvini o‘tkazayotgan soliq organlarining mansabdor shaxslarini ko‘rsatilgan hududga yoki binoga (bundan turar joylar mustasno) kirishiga to‘sqinlik qilishda. Soliq organi mansabdor shaxsining kirishiga to‘sqinlik qilinishi uning o‘zi va tekshirilayotgan shaxs tomonidan imzolanadigan dalolatnoma bilan rasmiylashtiriladi. Bunday dalolatnoma asosida soliq organi bankdagi hisobvaraqlar bo‘yicha operatsiyalarni to‘xtatib turadi;

🔻 soliq to‘lovchining (soliq agentining) o‘zi ko‘rsatgan manzilda yo‘qligida.

👉 Telegram

🔵 "SURXONDARYO" TV

Surxondaryoda soliq qarzi mavjud korxonalarning noturar obyektlari va transport vositalari xatlanmoqda.

👉Telegram Facebook Youtube Instagram

🔵"ISHONCH" TV

Termiz shahrida o‘tkazilgan Surxondaryo viloyati huquqni muhofaza qiluvchi organlari  va  viloyat sektor rahbarlarining navbatdagi sayyor qabulida viloyat soliq boshqarmasi boshlig‘i Erkin Narmanov  tadbirkorlar va fuqarolarning soliq sohasi bilan bog‘liq murojaatlarini tingladi.

👉Telegram facebook youtube instagram

#suv_resurslaridan_foydalanganlik_uchun_soliq

Qishloq xo‘jaligi korxonalariga eslatma❗️

16-dekabrga qadar suv resurslaridan foydalanganlik uchun soliqni to‘lash va hisobotni taqdim etishni unutmang.

Qishloq xoʻjaligi korxonalari suv resurslaridan foydalanganlik uchun soliq hisobotini yilda bir marta -15-dekabrdan kechiktirmay taqdim etadi

👉 Soliq kodeksi 447-modda

2024-yil uchun 10601_14-sonli hisobot shakli my.soliq.uz portaliga joylashtirilgan.
📑 Hisobot shaklini to‘ldirish bo‘yicha qo‘llanma

Soliq toʻlash muddati:
▫️1-oktabrga qadar — yillik soliq summasining 70 foizi;
▫️15-dekabrga qadar — soliqning qolgan summasi.
👉Soliq kodeksi 448-modda

Ushbu soliq hisoboti suv iste'moli sohasidagi vakolatli organ tomonidan taqdim etilgan ma'lumotlar asosida shakllanadi.

15-dekabr dam olish kuni (ishlanmaydigan kun) bo‘lgani uchun hisobot taqdim etish va soliq to‘lash muddati 16-dekabrga ko‘chiriladi.
__________
#налог_за_пользование_водными_ресурсами

Памятка сельхозпредприятиям❗️

До 16 декабря сдайте отчетность и уплатите налог за пользование водными ресурсами.

Сельскохозяйственные предприятия сдают отчетность по налогу за пользование водными ресурсами 1 раз в год - не позднее 15 декабря.
👉ст.447 НК

Форма отчетности №10601_14 за 2024 год размещена на портале my.soliq.uz.
📑Инструкция по заполнению отчетности

Сроки уплаты налога:
▫️до 1 октября — 70% от годовой суммы налога;
▫️до 15 декабря — оставшуюся сумму налога.
👉ст.448 НК

Данная налоговая отчетность формируется на основе данных, предоставленных уполномоченным органом в области водопотребления.

Так как 15 декабря - выходной (нерабочий) день, крайний срок представления отчетности и уплаты налога переносится на 16 декабря.

Тelegram |Facebook |Youtube| Instagram |X| Threads

#antikorrupsiya

Halollik - ishlash prinsipining asosiy tamoyili bo‘lishi lozim!

Har bir soliq xodimi egallab turgan lavozimi va yuklatilgan vazifalaridan qat’i nazar, o‘z xizmat vazifasini sidqidildan bajarishi, kasbiy va axloqiy tartib-qoidalarga rioya etishi va har doim hisobdorlik hissini tuyishi lozim! Muzrabot tuman soliq inspeksiyasi xodimlari ishtirokida o‘tkazilgan yig‘ilish ayni shu mavzuda bo‘ldi.

Viloyat soliq boshqarmasi Shaxsiy xavfsizlik bo‘limi xodimlari tomonidan korrupsion huquqbuzarliklarning oldini olish maqsadida o‘tkazilgan navbatdagi profilaktik yig‘ilishda korrupsion xatti-harakatlar sodir etilishi va korrupsion xavf vujudga kelishiga sabab bo‘ladigan shart-sharoitlar hamda omillarni bartaraf etish masalalari ko‘rib chiqildi.

Shaxsiy tarkibga soliq to‘lovchilar bilan munosabatlarda halollik va adolatlilik prinsipiga amal qilish, manfaatlar to‘qnashuviga yo‘l qo‘ymaslik kerakligi tushuntirildi.

Soliq xodimlarining xatti-harakatlari yuzasidan soliq to‘lovchilarning har bir murojaatlari to‘laqonli o‘rganilib, tasdiqlangan holatlar bo‘yicha mas’ul xodimlarga nisbatan belgilangan tartibda jazo choralari qo‘llanilishi aytib o‘tildi.

👉 Telegram

#qonunchilikdagi_yangiliklar

Endi ishlamagan* korxona hisobot topshirmagani uchun jarimaga tortilmaydi

Xususan, quyidagi mezonlar bo‘yicha korxonani moliya-xo‘jalik faoliyatini amalga oshirmayotgan deb hisoblash belgilanmoqda:

🔸davlat ro‘yxatidan o‘tgan sanadan boshlab 3 oy mobaynida bank hisobvaraqlari ochilmaganligi (amalda ushbu mezon mavjud emas);

🔸davlat ro‘yxatidan o‘tgan sanadan boshlab 3 oy mobaynida bank hisobvaraqlari ochilgan, lekin 6 oy mobaynida (amalda 9 oy):
▫️pul aylanmasi amalga oshirilmaganligi;
▫️EHF rasmiylashtirmaganligi, onlayn nazorat-kassa mashinalari, virtual kassa hamda marketpleys to‘lov tizimidan foydalanilmaganligi;
▫️tashqi savdo operatsiyalarini amalga oshirilmaganligi.

Bunda korxonalar:
▪️soliq organining taqdimnomasiga asosan ro‘yxatdan o‘tkazuvchi organ tomonidan 1 yil muddatga harakatsiz rejimga o‘tkazilishi;
▪️1 yil davomida (amalda 3 yil) faoliyati tiklanmasa, ular davlat reyestridan avtomatik chiqarilishi belgilanmoqda.

*davlat ro‘yxatidan o‘tkazilgan vaqtdan boshlab faoliyat yuritmagan va egaligida mulki bo‘lmagan tadbirkor

Hududlarning ijtimoiy-iqtisodiy rivojlanish darajasini baholashda reyting ko‘rsatkichlari tadbirkorlik subyektlari soniga nisbatan emas tovar aylanmasini amalga oshirgan tadbirkorlarning ulushiga nisbatan belgilanadi.

“BBB” va undan yuqori toifadagi tadbirkorlarga tovarlarni import qilishda va realizatsiya qilishda to‘lanadigan qo‘shilgan qiymat solig‘i summalarini o‘zaro hisobga olish tartibi joriy etiladi.
Amalda “A” va undan yuqori toifadagilarga tatbiq etilardi.

👉PF-214-son, 10.12.2024-y.

Тelegram |Facebook |Youtube| Instagram |X| Threads

#bilasizmi

✍️ Vazirlar Mahkamasining “Umumiy ovqatlanish, mehmonxona va turoperatorlik xizmatlarini ko‘rsatuvchi tadbirkorlik subyektlarini rag‘batlashtirish va ularning qonuniy ishlashi uchun qo‘shimcha shart-sharoit yaratish chora-tadbirlari to‘g‘risida”gi qaroriga muvofiq 2024-yil 1-dekabrdan boshlab umumiy ovqatlanish korxonalari jismoniy shaxslardan naqd pulga xarid qilgan qishloq xo‘jaligi mahsulotlari to‘g‘risidagi ma’lumotlar elektron shaklda soliq organlari ma’lumotlar bazasida aks ettirilishi soliq solish maqsadlarida kirim hujjatlariga tenglashtiriladi.

📲 Dalolatnomani onlayn rasmiylashtirish!

👉 Telegram