#Семинар

“Илм, маърифат ва рақамли иқтисодиётни ривожлантириш йили” Давлат дастури ҳамда Президентнинг “Давлат ҳуқуқий сиёсатини амалга оширишда адлия органлари ва муассасалари фаолиятини янада такомиллаштириш чора-тадбирлари тўғрисида”ги Фармони ижросини таъминлаш мақсадида идоравий норматив-ҳуқуқий ҳужжатлар лойиҳаларини қабул қилиш, ҳуқуқий экспертиза ва давлат рўйхатидан ўтказиш жараёнларини электрон шаклда амалга ошириш механизмини ҳаётга татбиқ этиш бўйича Адлия вазирлиги томонидан тайёргарлик кўрилмоқда.

Хусусан, жорий йилнинг 26 июнь куни вазирлик, давлат қўмиталари ва идораларининг юридик хизмати ходимлари учун видеоконференцалоқа режимида онлайн семинар ташкил этилди.

Тадбир давомида идоравий норматив-ҳуқуқий ҳужжатлар лойиҳаларини қабул қилиш, ҳуқуқий экспертиза ва давлат рўйхатидан ўтказиш жараёнларини электрон шаклда амалга оширишнинг жиҳатларини муҳокама қилиш билан биргаликда, иштирокчиларни қизиқтирган масалалар юзасидан атрофлича тушунтириш ва тавсиялар берилди.

@adliyangiliklari