Давлат хизматлари марказларига бормасдан ҳам ушбу хизматлардан фойдаланиш имконингиз бор. Бунинг тартиби қандай? Батафсил ушбу ролик орқали танишинг!

#Adliya_hudud

Қариси бор уйнинг париси бор

https://telegra.ph/%D2%9Aarisi-bor-ujning-parisi-bor-03-13

Билиб қўйсак фойдадан холи бўлмайди👇🏻👇🏻👇🏻

Шанба ва якшанба куни ишлайдиган нотариуслар

https://teletype.in/@huquqiy_axborot/3_UMyEEU

❗️Эслатма

Коронавирусдан сақланиш учун ҳар бир фуқаро қуйидаги тавсияларга амал қилиши керак:

✅ аввало чет элга боришни режалаштиришда дунёдаги эпидемик вазият бўйича тўлиқ маълумотлардан хабардор бўлинг!

✅ зарурат бўлмаган тақдирда оммавий тадбирларда иштирок этишдан имкон қадар чекланинг!

✅ қўлларни тез-тез, яхшилаб совун билан ювинг ва спиртли дезинфекцияловчи воситалардан фойдаланинг!

✅ фаразандларингизнинг қўл ювишини доимий назоратга олинг!

✅ юз-кўзингизни нотоза қўл билан ушламанг!

✅ уй ҳайвонларини боқишда, асрашда гигиена қоидаларига қатъий риоя қилинг!

✅ одамлар олдида йўталганингизда ёки аксирганингизда оғзингиз ва бурнингизни дастрўмол, салфетка ёки букилган тирсагингиз билан тўсинг!

✅ шамоллаш ёки грипп аломатлари бор одамлар билан яқин, юзма-юз мулоқот қилишдан чекланинг!

✅ овқатланишда яхшилаб пиширилган, асосан қайнатилган ва қовурулган таомлардан истеъмол қилинг, истеъмол қилинаётган гўшт ва сут маҳсулотларининг яхшилаб пишганлигига ишонч ҳосил қилинг!

✅ иситма, йўтал ва нафас қисиши ҳолатлари пайдо бўлганда дарҳол шифокорга мурожаат қилинг!

‼️Энг асосийси шахсий гигиена қоидаларига қатъий риоя қилинг!

Агарда сизда COVID-19 коронавирус инфекцияси ва у билан боғлиқ вазият юзасидан қўшимча савол туғилса, Ўзбекистон Республикаси Соғлиқни сақлаш вазирлиги ҳузуридаги Санитария-эпидемиологик осойишталик агентлигининг 71 276-49-66 телефон рақамига мурожаат қилишингиз мумкин.

Санитария-эпидемиологик осойишталик агентлиги (@seo_agentligi)

➖ @gazetauz_uzb ➖

#15 март- Халқаро истеъмолчилар ҳуқуқларини ҳимоя қилиш куни

#Адлия_хабари

Коронавирус сабаб айрим чекловлар ўрнатилди

Бугун, 15 март куни Ўзбекистон Бош вазири Абдулла Арипов коронавирус инфекцияси кириб келишининг олдини олиш чора-тадбирларини кучайтириш мақсадида шошилинч йиғилиш ўтказди.

Йиғилишда белгиланишича, коронавирус сабаб Ўзбекистондаги барча ОТМ талабалари, мактаб ўқувчилари ва мактабгача таълим ташкилотлари тарбияланувчиларига 16 мартдан таътил берилади.

Бундан ташқари, Наврўз умумхалқ сайллари ўтказилмайди. Шунингдек, оммавий маросимлар, жумладан, улоқ-кўпкари, кураш ва бошқа одамлар кўп тўпланадиган тадбирлар вақтинча бекор қилинади.

Шу билан бирга 16 мартдан Ўзбекистоннинг чет эл давлатлари билан авиа ва автомобиль қатновлари тўхтатилади.

Ўзбекистон фуқаролари чет элга чиқишлари, чет эл фуқаролари Ўзбекистонга кириши вақтинча тўхтатилади. Ўзбекистон фуқаролари мамлакатга қайтишлари мумкин бўлади, қайтгандан кейин 14 кунлик карантинда бўлишлари талаб этилади.

Каналга уланиш👇👇👇
https://t.iss.one/huquqiyaxborot

#Адлия_хабари

Фуқаролар саволларига жавоб бериш учун call-марказ ташкил қилинади

✅ Коронавирус инфекцияси кириб келишининг олдини олиш чора-тадбирларини кучайтириш мақсадида Бош вазир томонидан ўтказилган шошилинч йиғилишда белгиланишича:

• Тошкентдан вилоятларга қайтадиган талабаларга темир йўллари ва самолётларда 50% чегирма берилади;

• коронавирус вақтида фуқаролар саволларига жавоб бериш учун (эртадан) ягона call-марказ ташкил қилинади;

• барча давлат ва нодавлат ташкилотлари томонидан мажлис ҳамда бошқа тадбирлар ўтказиш вақтинчалик тўхтатилади;

• тиббиёт ниқобларини хорижга экспорт қилиш тўхтатилади;

• карантин вақтида ёлғон ва текширилмаган ҳамда одамларда ваҳима яратадиган хабарлар тарқатадиган шахсларга нисбатан амалдаги қонунчилик доирасида жиноий жавобгарликкача бўлган чоралар кўрилади.

Каналга уланиш👇👇👇
https://t.iss.one/huquqiyaxborot

Ҳурматли ота-оналар, ўқувчилар ва ўқитувчилар!
2020 йилнинг 16 март кунидан Ўзбекистон Республикасидаги барча умумтаълим мактаблари ўқувчилари учун таътил эълон қилинди.
Ўзбекистон Республикаси Халқ таълими вазирлиги ҳузуридаги Республика таълим маркази томонидан таътилни мазмунли ўтказиш бўйича қуйидагилар тавсия қилинади.
Ҳар бир синфда ўтиладиган фанлар бўйича ўқитувчилар ўзларининг тақвим мавзу режаларини кўриб чиқади ва таътилга қадар ўтилиши керак бўлган янги мавзулар қолган бўлса, уларни ўқувчилар уйларида дарсликлардан мустақил равишда ўрганиб олишлари бўйича тушунтириш берилади.
Ўқувчиларга таътил вақтида:
математика, физика, химия каби асосий фанлардан мустақил равишда мисол ва масалалар ечиш;
ўқиш, одобнома, адабиёт ва тарих фанларидан мавзуларни мустақил равишда ва ота-оналари билан биргаликда ўқиш, мавзулар ҳақида оилада ўзаро суҳбатлашиш ва фикр алмашиш;
хорижий тиллардан мустақил равишда луғатлар ёдлаш;
қўшимча равишда бадиий китоблар ўқиш;
10-11-синф ўқувчиларига келгусида кирмоқчи бўлган олий ўқув юртининг йўналишига қараб тегишли фанлардан қўшимча тайёрланиш, айниқса барча ОТМларга киришда мажбурий бўлган Ўзбекистон тарихи, математика ва она тили фанларини такрорлаш;
таълимий электрон ресурслардан (Khan Academy, Edu Market каби ресурслар) кўпроқ ўрганиш тавсия этилади.
Ўқувчилар қўшимча таътилга чиққан муддатларда мактаб педагогика жамоаси ўз фаолиятини давом эттиради.
Синф раҳбарлари ва фан ўқитувчиларига қўшимча таътил вақтида ўқувчилар ва уларнинг ота-оналари билан телефон орқали ёки мессенжерлар ёрдамида боғланиш, уларга қўшимча тавсиялар бериб туриш вазифаси юклатилади.
Ўқувчиларни қўшимча таътилга кузатишда уларга доимо соғлом турмуш тарзига ва санитария-гигиена қоидаларига риоя қилиши, қўлларни тез-тез совунлаб ювиб туриши, имкон даражасида одамлар кўп тўпланган жойларга бормаслик ҳақида тушунтириш ишлари олиб борилиши тавсия этилади.
Халқ таълими вазирлиги
Матбуот хизмати

Ҳурматли журналистлар, азиз юртдошлар!

Сизлардан савдо дўконларида васвасага тушган, қўлига илинган нарсани уйига ташиётган одамларни суратга, видеотасвирга олиб, телеграм ва ижтимоий тармоқлар орқали тарқатмаслингизни сўраймиз. Боиси, бу ҳаракат акс таъсир қилиши ва эълон қилган нарсангиз сиз кутмаган ёмонликка хизмат қилиши мумкин.

👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻👇🏻
#Биласизми

Ваҳима тарқатганлик учун жиноий жавобгарлик мавжуд

Аҳоли орасида ваҳима чиқаришга қаратилган материалларни тайёрлаш ёки уларни тарқатиш мақсадида сақлаш 44 млн 600 минг сўмдан 89 млн 200 минг сўмгача миқдорда жарима ёки 3 йилгача ахлоқ тузатиш ишлари ёхуд 1 йилдан 3 йилгача озодликни чеклаш ёки 3 йилгача озодликдан маҳрум қилиш билан жазоланади.

Аҳоли орасида ваҳима чиқаришга қаратилган маълумотлар ва материалларни ҳар қандай шаклда тарқатиш 66 млн 900 минг сўмдан 89 млн 200 минг сўмгача миқдорда жарима ёки 3 йилдан 5 йилгача озодликни чеклаш ёхуд 3 йилдан 5 йилгача озодликдан маҳрум қилиш билан жазоланади.

✅ Юқоридаги ҳаракатлар:

🔹 олдиндан тил бириктириб ёки бир гуруҳ шахслар томонидан;

🔹 хизмат мавқеидан фойдаланиб;

🔹 диний ташкилотлардан, шунингдек чет эл давлатлари, ташкилотлари ва фуқароларидан олинган молиявий ёки бошқа моддий ёрдамдан фойдаланиб;

🔹 оммавий ахборот воситаларидан ёхуд телекоммуникация тармоқларидан, шунингдек Интернет жаҳон ахборот тармоғидан фойдаланиб содир этилган бўлса, 5 йилдан 8 йилгача озодликдан маҳрум қилиш билан жазоланади.

Каналга уланиш👇👇👇
https://t.iss.one/huquqiyaxborot

#Биласизми #vahimasizkarantin
Коронавирусни антибиотиклар билан даволаш мумкинми?

1. Тожсимон (коронавирус) вирус қандай пайдо бўлади?

– Бу вирус юққан одамдан соғлом одамга қуйидаги ҳолатларда юқади:
- Аксириш, йўтал ва нафас чиқариш пайтида оғиз ва бурундаги томчилар орқали;
- Томчилар билан микробланган кишининг юзаларини ёки жисмни ушлаб, кейин ўша қўл билан кўз, бурун ёки оғизни ушлаш;

2. Тожсимон вирусга қарши зардоб (вакцина) борми?

Ҳозирча бу вирусга қарши зардоб йўқ, чунки бу янги вирус бўлиб, шу пайтгача фанга маълум эмас эди. Ҳозирги кунда вакцина ишлаб чиқиш бўйича тадқиқотлар олиб борилмоқда.


3.Тожсимон вирусга қарши муолажа борми?

Тожсимон вирус сабабли юзага келаётган касалликка қарши бирор муайян муолажа йўқ. Лекин унинг баъзи аломатларини (симптомларини) муолажа қилиш мумкин. Шунингдек, беморга клиник муолажа қўлланилади.


4.Тожсимон вирусни антибиотиклар билан даволаш мумкинми?

Йўқ, антибиотиклар вирусларга қарши қўлланилмайди. Улар фақат бактериал инфекцияларга қарши фойда беради. Антибиотиклар тожсимон вирусдан сақланиш ёки даволаниш учун восита сифатида ишлатилмаслиги керак.

#Биласизми #Сўраган_эдингиз

Карантин даврида ишдан четлатилган ходимга нафақа тўланадими?

Қонунчиликка кўра, агарда ходим карантин вақтида санитария-эпидемиология органлари томонидан атрофидаги шахслар орқали юқумли касалликка чалиниш хавфини олдини олиш мақсадида ишдан четлатилган бўлса давлат ижтимоий суғуртаси бўйича нафақа берилади.

Вақтинча меҳнатга қобилиятсизлик нафақаси меҳнатда майиб бўлган ва касб касаллигига чалинганда иш ҳақининг тўлиқ миқдорида, бошқа ҳолларда эса иш ҳақининг 60 фоизидан 100 фоизигача миқдорда тўланади .

Бундай нафақанинг энг кам миқдори меҳнатга ҳақ тўлаш энг кам миқдори (679 минг 330 сўм)нинг 35,2 фоизидан, яъни 239 минг 124 сўмдан оз бўлмаслиги ва нафақа ҳисоблаб чиқариладиган иш ҳақи миқдоридан ортиб кетмаслиги лозим.

Каналга уланиш👇👇👇
https://t.iss.one/huquqiyaxborot

#Қонунчиликдаги_янгиликлар

⚡️ Юридик шахс ташкил этмасдан хусусий нотариус бўлиш мумкин

“Нодавлат нотариал фаолиятни тартибга солувчи норматив-ҳуқуқий ҳужжатларни тасдиқлаш тўғрисида” Ҳукумат қарори (156-сон, 16.03.2020 й.) қабул қилинди.

Қарор билан Хусусий амалиёт билан шуғулланувчи нотариуслар фаолиятини ташкил этиш тартиби тўғрисидаги низом тасдиқланди.

Унга кўра, хусусий нотариус фаолиятини лицензиялаш, уларни ҳисобга қўйиш ва ҳисобдан чиқариш Қорақалпоғистон Адлия вазирлиги, ҳудудий адлия бошқармалари томонидан амалга оширилади.

Хусусий нотариус юридик шахс ташкил этмасдан фаолият юритади, банкда ҳисобварақ очади, ходимлар билан меҳнат шартномаси тузади, иш фаолиятини ташкил этиш учун мутахассислар ва юридик шахслар билан фуқаролик-ҳуқуқий шартномалар тузиш ҳуқуқига эга.

Хусусий нотариус ўз фаолиятини бошлашдан олдин фуқаролик жавобгарлигини мажбурий суғурта қилдириши шарт.

Нотариуснинг номида “хусусий амалиёт билан шуғулланувчи нотариус” сўзлари бўлиши, тегишли туман, шаҳар кўрсатилиши лозим.

Хусусий нотариуснинг муҳри Адлия вазирлиги томонидан тасдиқланган ягона намунага мувофиқ тайёрланади.

Хусусий нотариус стажёр, ёрдамчи, котиб, нотариал фаолиятни ташкил этиш билан боғлиқ бошқа ходимларга (таржимон, курьер ва б.) эга бўлиши мумкин.

Хусусий нотариус ўзининг иш ва дам олиш вақтини мустақил белгилайди.

Нотариал ҳаракатлар “Нотариус” автоматлаштирилган ахборот тизими орқали амалга оширилади.

Хусусий нотариус томонидан ундириладиган тушумлар давлат бюджетига солиқлар ва бошқа тўловлар тўлангандан сўнг нотариуснинг тасарруфига ўтади.

Каналга уланиш👇👇👇
https://t.iss.one/huquqiyaxborot

#Адлия_хабари
Адлия органлари коронавирусга қарши қандай курашмоқда?

Мамлакатимизда коронавирусдан огоҳлик эълон қилинган ушбу кунларда адлия органлари ва муассасаларида ҳам вирусга қарши кураш бўйича қатор чора-тадбирлар амалга оширилмоқда.

Чунки адлия ташкилотлари аҳоли билан фаол мулоқот қиладиган органлардан ҳисобланиб, айрим таркибий тизимлар, хусусан, давлат хизматлари марказлари, нотариат идораларида аҳоли кўп тўпланиши, шунингдек, адлия бўлимларида фуқаролар мурожаатлари билан ишлашда бевосита мулоқот қилиш эҳтиёжи мавжудлиги ушбу чора-тадбирларни тақозо қилмоқда.

Биринчи навбатда, одам кўп тўпланадиган жойларда вирусдан ҳимояланиш тадбирлари ишлаб чиқилди. Хусусан, Тошкент шаҳридаги 11 та Давлат хизматлари марказларида Давлат санитария-эпидемиология назорати маркази мутахассисларини жалб қилган ҳолда профилактик дизинфекция ишлари амалга оширилди. Ходимлар тиббиёт ниқоблари ва зарур гигиена воситалари билан таъминланди, келувчиларга ҳам дезинфекцияловчи гел, спирт ва тиббиёт ниқоблари таклиф қилинмоқда.

ДХМларга бевосита мурожаат қилувчилар сонини камайтириш учун хизматларни онлайн олиш мумкинлиги фуқароларга тавсия қилинмоқда. Бунинг учун my.gov.uz сайтидан фойдаланиш мумкин. Айрим хизматларни олишда (масалан, СТИР рақами ҳақидаги маълумотномани) электрон рақамли имзо ҳам талаб қилинмайди.

Бундан ташқари, адлия органларига фуқаролар мурожаатини “call-center” ёки виртуал тарзда, яъни сайт орқали амалга ошириш мумкинлиги эслатилмоқда. Бевосита ўзи мурожаат қилган фуқаролар билан тиббий ниқоб таққан ҳолда мулоқот қилинмоқда.

Шунингдек:
- вирусга қарши тарғибот чоралари кучайтирилди. Хусусан, бу борадаги тавсияларни, инфекция аломатлари ва унга қарши чоралар ҳақидаги инфографикаларни алоҳида плакатларда иш жойларида кўзга кўринарли жойларда осиб қўйилди;

- адлия органлари ва муассасалари томонидан мажлис ҳамда бошқа тадбирлар ўтказилиши вақтинчалик тўхтатилди;

- ҳужжатлар билан ишлашда имкон қадар масофадан туриб (локал тармоқ, ижтимоий тармоқ орқали) ишлаш йўлга қўйилди;

- карантин вақтида ёлғон ва текширилмаган, одамларда ваҳима яратадиган хабарлар тарқатадиган шахсларга нисбатан қонунчилик доирасида жиноий жавобгарликкача бўлган чоралар борлиги ҳақида тарғибот қилиш йўлга қўйилди;

- иш жойлари, шу жумладан давлат хизматлари марказларида биноларни дезинфекция қилиш чора-тадбирлари амалга оширилди.

Бундан ташқари,
- ходимларнинг меҳнат қилиш, дам олиш тартибига доир санитария ва гигиена нормативларига риоя этиш ишлари қаттиқ назорат остига олинди;
- айрим шахслар вақтинча ишдан четлаштирилди (больничний);
- меҳнатни муҳофаза қилишга оид талабларни бузганликда айбдор ходимлар интизомий жавобгарликка тортилиши ҳақида огоҳлантирилди.

Адлия органлари ва муассасаларида коронавирусга қарши юқори даражада огоҳлик режими давом этмоқда.

Адлия вазирлиги
Жамоатчилик билан алоқалар бўлими