#Diqqat_tanlov

📣📣📣ДИҚҚАТ: "The World Justice Challenge" танлови ўтказилади📣📣📣

Ҳар йили анъанавий равишда "The World Justice Challenge" танлови АҚШнинг "The World Justice Project" ташкилоти томонидан ўтказилади.

Навбатдаги танловга тайёргарлик кўриш учун Адлия вазирлиги томонидан ишлаб чиқилган танловда иштирок этиш шартларига бағишланган инфографика эътиборингизга ҳавола этилмоқда.

📌Декабр ойига қадар одамларнинг оғирини енгил қилишга қаратилган ташаббуслар ҳақида маълумотлар тайёрланг ва танловда иштирок этинг!

💵Ҳар бир ғолиб ташаббусга 20.000 АҚШ доллари миқдорида пул мукофоти тақдим этилади.

Фурсатни қўлдан бой берманг.

Батафсил инфографикада👆🏻

👉🏻https://t.iss.one/SevaraJournalist

Президент фармони билан афв этилган шахслар сони – 5555 нафарга етган

2017 йилдан бери афв этиш билан боғлиқ 21 та фармон эълон қилинди. Мазкур фармонлар асосида 5555 нафар жазо муддатини ўтаётган шахслар афв этилди.

2017 йилда – битта фармон билан 2700 нафар шахс;
2018 йилда учта фармон билан 621 нафар шахс;
2019 йилда – тўртта фармон билан 771 нафар шахс;
2020 йолда – бешта фармон билан 616 нафар шахс;
2021 йилда – тўртта фармон билан 637 нафар шахс;
2022 йилда – учта фармон билан 203 нафар шахс афв этилди.

https://t.iss.one/Rasmiy_xabarlar_Official

#Қонунчиликдаги_янгиликлар

❗️422 та Ҳукумат қарори бекор қилинди

“Қонунчилик базасини янада тизимлаштириш чора-тадбирлари тўғрисида”ги Ҳукумат қарори (396-сон, 21.07.2022 й.) қабул қилинди

🔰 Қарор билан норматив-ҳуқуқий ҳужжатларни “тартибга солувчи гильотина” усули орқали тизимлаштириш натижасида 422 та Ҳукумат қарори ўз кучини йўқотди.

📝 Ўз кучини йўқотган ҳужжатларнинг 90 фоизи (331 та)ни яхлит қарорлар, 10 фоизи (91 та)ни эса ҳужжатларнинг айрим бандлари ташкил қилади.

🔘 Мазкур ҳужжатларнинг бекор қилинишига қуйидагилар асос бўлди:

▫️кейинроқ қабул қилинган ҳужжатлар билан бир хил нормаларнинг мавжудлиги;
▫️нормаларнинг кейинроқ қабул қилинган ҳужжатлар нормаларига зид келиб қолганлиги;
▫️қарорларнинг қабул қилинишига асос бўлган юқори юридик кучга эга бўлган ҳужжатларининг бекор қилинганлиги натижасида ўз долзарблигини йўқотганлиги;
▫️қарорлар билан ўзгартириш ва қўшимчалар киритилган бошқа қарорларнинг ўз кучини йўқотган деб топилганлиги;
▫️қарорларда белгиланган бир марталик, вақтинчалик бажарилиши лозим бўлган топшириқларнинг ижроси таъминланганлиги.

📌 Ҳужжат Адлия вазирлиги ташаббуси билан ишлаб чиқилган.

#daydjest

Adliya vazirligi faoliyatining haftalik daydjesti

19-iyul
▪️AOKAda Adliya vazirligi matbuot xizmati rahbari Sevara Urinbaeva ishtirokida navbatdagi brifing o‘tkazildi. Uning davomida aholi murojaatlari bilan ishlash bo‘yicha faoliyat haqida ma'lumot berildi.

▪️Vazirlik vakillari hamda BMTning qochqinlar bo‘yicha Oliy komissar boshqarmasi Osiyo va Tinch Okeani mintaqaviy byurosi vakillari o‘rtasida uchrashuv bo‘lib o‘tdi.

20-iyul
▪️ Oliy Majlis Qonunchilik palatasining navbatdagi “Hukumat soati” da adliya vaziri Ruslanbek Davletov fuqarolar va tadbirkorlarga davlat xizmatlarini ko‘rsatish, ortiqcha byurokratik to‘siqlarni bartaraf etish hamda davlat xizmatlarini ko‘rsatish darajasini yanada takomillashtirish borasida olib borilayotgan ishlar to‘g‘risida axborot berdi.

▪️ Keng jamoatchilikni huquqiy xizmat ko‘rsatish sohasidagi yangiliklar bilan tanishtirish maqsadida OAV vakillari uchun Toshkent shahrida media-tur tashkil etildi. Media-tur davomida jurnalistlar va blogerlar Chilonzor tumanidagi davlat xizmatlari markazida aholiga yaratilgan sharoitlar va ko‘rsatilayotgan davlat xizmatlarining turlari bilan tanishdi.

21-iyul
▪️ Adliya vazirligi va BMT Giyohvand moddalar va jinoyatchilik bo‘yicha boshqarmasining Markaziy Osiyodagi mintaqaviy vakolatxonasi tomonidan “Qonunchilik hujjatlari va ularning loyihalarini korrupsiyaga qarshi ekspertizadan o‘tkazish” mavzusida trening o‘tkazildi.

▪️ “Madad” NNT tomonidan 2022-yilning birinchi yarim yilligida ko‘rib chiqilgan murojaatlar tahlil qilindi.

22-iyul
▪️ "Ekologiya sohasidagi muammolar va ularning huquqiy yechimlari" mavzusida ovozli chat boshlandi.

▪️ Navbatdagi hay'at majlisida 6 oylik faoliyat sarhisob qilindi.
______________

#Adliya_tahlil

▫️ Xorijiy davlatlarda bankomatdan naqd pul olishda komissiya to‘lovlari miqdori qancha?

Бир ҳафтача олдин мурожаат тушганди. Кейинроқ ташкилот муносабат ҳам берди. Бугун мурожаатчи муаммоси ҳал бўлганидан хурсанд ёзди. Адлия органлари ҳақидаги фикрим скринда ёзилган. Бошқа гаплар ортиқча. Ҳаммамиз келишиб ўз йўлимизда давом этяпмиз. Фитна ва бошқалар ортиқча. Бўлиб ҳам бошқа ташкилотларга нисбатан энг фаол ишлайдиган вазирликка.

👉 @Zafarbek_Solijonov

#Адлия_хабари

Манфаатлар тўқнашуви тўғрисида хабар бериш тизими жорий этилади

Олий Мажлиси Қонунчилик палатасининг навбатдаги мажлиси бўлиб ўтмоқда. Унда Адлия вазирлиги томонидан ишлаб чиқилган “Манфаатлар тўқнашувининг олдини олиш тўғрисида”ги қонун лойиҳаси биринчи ўқишда кўриб чиқилди.

Муҳокамада адлия вазири Р. Давлетов сўзга чиқиб, қонун лойиҳасини тақдим этди.

🔰 Таъкидланганидек, қонун лойиҳаси 5 та боб, 32 та моддадан иборат. Мазкур ҳужжат билан манфаатлар тўқнашуви тушунчаси, давлат хизматчиларининг мажбуриятлари ҳамда уни тартибга солиш бўйича аниқ механизмлар назарда тутилмоқда.

Батафсил: https://www.youtube.com/watch?v=FRTh5cbXGdY (1.49.08 дан маъруза бошланади)

#Бу_муҳим

Юридик техникумларга қабул 1 августдан бошланади

🏛 Республикамизда 14 та юридик техникум ташкил этилган.

🔰 Уларда қуйидаги мутахассисликлар бўйича кадрлар тайёрланади:

➖ давлат ҳуқуқий фаолият;
➖ юридик хизмат;
➖ суд-ҳуқуқий фаолият.

➡️ Юридик техникумларга умумий ўрта таълим (11-синфни) ёки ўрта махсус, касб-ҳунар таълими муассасасини битирганлар ҳужжат топшириши мумкин.

🌐 Ўқишга кириш учун абитуриентлар ҳужжатлари Ягона интерактив давлат хизматлари портали (my.gov.uz) ёки Давлат тест марказининг расмий веб-сайти (www.texnikum.dtm.uz) орқали онлайн қабул қилинади.

🗂 Ҳужжатлар қабул қилиш жорий йилнинг 1 августидан 20 августгача (шу куни ҳам) бўлиб ўтади.

🔖 Юридик техникумларга Ўзбекистон фуқароларини қабул қилиш Давлат тест маркази томонидан ўтказиладиган тест синовлари орқали амалга оширилади.

📚 Тест синовлари тест синови топшириладиган фанлар мажмуаси, баҳолаш мезонлари, тест топшириқлари сони ТДЮУ бакалавриатига кириш учун белгиланган талабларга мувофиқ бўлиб ўтади.

🌐 Хорижий фуқаролар юридик техникумлар томонидан ташкил этиладиган суҳбат натижасида қабул қилинади.

🧾 Абитуриентлар ўқишга давлат буюртмаси, тўлов-контракт, шу жумладан, табақалаштирилган тўлов-контракт асосида қабул қилинади.

🗓 Ўқиш муддати 2 йилни ташкил этади.

#Эълон

Жорий йилнинг 27 июль куни соат 16:00 да Адлия вазирлиги томонидан Ахборот ва оммавий коммуникациялар агентлигида қуйидаги матбуот анжумани ўтказилади.

Мавзу: Президент ҳужжатлари ижросини таъминлашда кўрилаётган чоралар. Давлат органларида Президент ҳужжатлари ижро ҳолати.

📲 Матбуот анжумани трансляциясини УзРепорт ТВ телеканали ва телеканалнинг YouTube ва Файсбукдаги саҳифалари орқали ЖОНЛИ томоша қилинг.

👉 Ушбу матбуот анжуманига журналистларни, мустақил журналист ва блогерларни таклиф қиламиз.

#Adliya_nazorat

⚡️Давлат хизматлари кўрсатиш тартибини бузганлик бўйича 72 717 та ҳолат аниқланди!

📌Давлат хизматларини кўрсатишда ўз вазифасини сидқидилдан бажараётган давлат идораларидан ташқари давлат хизматларини ўз вақтида кўрсатмасдан, фуқароларни сарсон қилаётган, уларнинг мурожаатларини эътиборсиз қолдираётган айрим давлат идоралари ҳам учраб турибди.

🔹Давлат хизматлари кўрсатилиши соҳасида жорий йилнинг 1-ярим йиллиги мобайнида жами 72 717 та қонун бузилиш ҳолати аниқланди.

Шундан, 56 059 таси муддат бузилиши, 7 012 таси ортиқча ҳужжат талаб қилиш, 4 522 таси тўғридан-тўғри давлат хизмати кўрсатиш, 1 245 таси асоссиз рад этиш, 10 таси ваколатли органнинг қонуний талабини бажармаганлик ҳамда 3 869 таси бошқа турдаги қонун бузилишларни ташкил этади.

🔹Аниқланган қонунбузилиш ҳолатлари юзасидан ваколатли идораларга 476 та тақдимнома киритилди, 114 та профилактик суҳбат ўтказилди ҳамда 720 та маъмурий ҳуқуқбузарлик тўғрисидаги баённома расмийлаштирилди.

🔹Қўлланилган таъсир чоралари натижасида 496 нафар шахс интизомий жавобгарликка тортилиб, улардан 10 нафар шахс эгаллаб турган лавозимидан озод этилди, шунингдек 720 нафар шахсга нисбатан маъмурий жарима қўлланилди.