#ОАВ_биз_ҳақимизда

Адлия вазирлиги: 116 минг нафардан ортиқ шахснинг ҳужжатлар билан боғлиқ муаммолари ижобий ҳал этилди

Фуқароларнинг шахсига доир ҳужжатларининг мавжуд эмаслиги уларнинг жамият билан тўлақонли муносабатга кириша олмаслигига, ўзининг қонун билан белгиланган ҳуқуқ ва эркинликларидан тўла даражада фойдаланиш имкониятининг чекланишига сабаб бўлади.

Шахсга доир ҳужжатлар билан боғлиқ аҳоли муаммоларини ҳал этиш мақсадида адлия органлари томонидан жорий йилнинг 20 мартидан-1 апрелига қадар «Ҳеч бир шахс ҳужжатсиз қолмайди» ҳуқуқий акцияси ўтказилди. 

– Ҳуқуқий акция доирасида республика миқёсида кенг қамровли ишлар амалга оширилди, – деди Адлия вазирлиги Жамоатчилик билан алоқалар бўлими бошлиғи Севара Ўринбоева. – Нафақат адлия органлари томонидан бериладиган ҳужжатлар, балки бошқа давлат органлари томонидан кўрсатиладиган хизматлар юзасидан ҳам амалий ёрдам бериш орқали 116 мингдан ортиқ шахснинг ҳужжатлар билан боғлиқ муаммолари ижобий ҳал этилди. 

3 минг 246 нафар бугунги кунга қадар ўлими рўйхатга олинмаган шахсларнинг ўлими қайд этилиб, яқин қариндошларига гувоҳномалари тақдим этилди. 11 минг 357 нафар фуқарога ID-карталар берилди. 

29 минг 118 нафар фуқаронинг тадбиркорлик субъектлари давлат рўйхатидан ўтказилди. 15 минг 312 нафар фуқаронинг тадбиркорлик субъектлари қайта давлат рўйхатидан ўтказилди. 24 минг 480 нафар фуқаронинг кўчмас мулк объектлари давлат рўйхатидан ўтказилди. 

15 минг 817 нафар фуқарога йўқотилган ҳужжатлари ўрнига такрорий гувоҳномалар берилди. 1 минг 49 нафар фуқаронинг туғилиш ва ўлими ҳақидаги юридик фактларни тасдиқлаш юзасидан судларга аризалар киритилди. 

Мисоллар билан айтганда, ҳужжати йўқлиги сабабли 10-13 ёшида ҳам умумтаълим мактабига чиқа олмаётган болалар акция натижасида бу йил 1-синфга қабул қилинди. 20, 30, 40 ва ҳаттоки 90 ёшга кирганда ҳам туғилиши қайд қилинмаган ва фуқаролик паспорти ёки ID-карта олмаган шахслар эндиликда тегишли ҳужжатларга эга бўлди. 

Президентимиз таъкидлаганидек, фуқароларнинг ҳар қандай муаммоларини ҳал этиш давлатнинг халққа нисбатан асосий мажбуриятларидан бири эканини унутишга ҳеч кимнинг ҳаққи йўқ. 

Шу боис, акция тугаган бўлса ҳам адлия органлари бу борадаги ишларни давом эттиради. Аҳоли орасида тегишли ҳужжатга эга бўлмаган шахслар мавжуд бўлса, бевосита туман (шаҳар) адлия бўлимлари ёки Адлия вазирлигининг «1008» ва «1148» қисқа рақамли ишонч телефонлари орқали мурожаат қилиши мумкин.

#Бу_қизиқ

Соҳибқирон билан бир хил кунда туғилган Темурлар

#Адлия_табриги

Азиз юртдошлар!

Барчангизни шукроналик, саховат ва меҳр-оқибат айёми – Рамазон ҳайити билан самимий муборакбод этамиз.

Юртимизда тинчлик ва хотиржамлик бардавом, адолат ҳамиша барқарор бўлсин!

Ҳурмат билан Адлия вазирлиги жамоаси

#Биласизми

✅ Дам олиш кунлари ёки ишланмайдиган байрам кунлари учун камида икки ҳисса ҳақ тўланади.

❕Ички ҳужжатларда икки ҳиссадан кўпроқ ҳақ тўланиши белгиланиши мумкин.

➡️ Дам олиш кунидаги ёки ишланмайдиган байрам кунидаги иш ходимнинг хоҳишига кўра бошқа дам олиш кунини бериш билан компенсация қилиниши мумкин.

📌 Дам олиш ёки ишланмайдиган байрам кунидаги иш учун ходимга ўзининг хоҳишига кўра бошқа дам олиш куни берилиши мумкин. Бунда ходимга бир ҳисса ҳақ тўланади.

⚠️ Ходим жадвалга ёки меҳнат шартномасига мувофиқ умумий белгиланган дам олиш кунларида (беш кунлик иш ҳафтасида шанба ёки якшанба кунлари ёки олти кунлик иш ҳафтасида якшанба куни) ишласа, дам олиш кунлари эса унга бошқа кунда берилса, умумий дам олиш кунларидаги иш учун бир ҳисса ҳақ тўланади.

Каналга уланиш👇👇👇
https://t.iss.one/huquqiyaxborot

#Адлия_сўровнома

🔉Азизлар! Сизнинг фикрингиз биз учун муҳим.

❗️Адлия вазирлиги тизимида коррупцион омилларни аниқлаш юзасидан навбатдаги онлайн сўровнома ўтказилмоқда

📝Барчани ушбу сўровномада фаол иштирок этиб, коррупциянинг олдини олишда ўз ҳиссангизни қўшишга чорлаймиз.

✅СЎРОВНОМА ТЎЛДИРИШ👈🏻

#Адлия_эълон

📣Журналистлар ва фаол жамоатчилик вакиллари диққатига!!!

📣15 апрель куни соат 15:00 да Ўзбекистон миллий матбуот маркази биносида “Қонунчиликдаги янгиликлар” мавзусида матбуот анжумани ташкил этилмоқда.

Мавзу: Меҳнат миграцияси, хорижда қонуний ишлаш тартиби ва меҳнат мигрантларини ҳуқуқий ҳимоя қилиш масалалари

Тадбирда Адлия вазирлиги, Ташқи меҳнат миграцияси агентлиги бошқа тегишли ташкилот масъуллари иштирок этиб, журналистларнинг саволларига жавоб беради.

ОАВ ходимлари ва блогерларни матбуот анжуманига таклиф қиламиз.

Савол, мурожаат, ариза ёки шикоятларингизни @MARKAZ16Uz. га юборинг.

📲 Матбуот анжумани трансляциясини UzReport TV телеканали ва телеканалнинг Facebook ҳамда YouTubeдаги саҳифаси орқали ЖОНЛИ томоша қилинг.

#ОАВ_биз_ҳақимизда

Адлия: барча ҳужжатлари ёниб кетган оилалар аниқланди ва уларга ёрдам кўрсатилди

Самарқанд ва Тошкент вилоятларида уйида содир бўлган ёнғин натижасида барча ҳужжатлари ёниб кетган оилалар аниқланди. Адлия органлари уларга тегишли ҳужжатлар расмийлаштиришда ёрдам кўрсатди.

Масалан, Зангиота туманидаги бир оилага жами 8 ҳужжат, жумладан, 4 нафар фарзандига ва ота-онанинг ўзига туғилганлик, никоҳ, кадастр ҳужжатлари расмийлаштирилди.

Адлия вазирлиги томонидан 2024 йил 20 январдан 1 апрелга қадар «Ҳеч бир шахс ҳужжатсиз қолмайди» ҳуқуқий акциясида ана шундай хайрли ишлар амалга оширилди.

Адлия вазири ўринбосари Худоёр Мелиев акциядан халқимиз миннатдор бўлгани ҳақида сўзлаб берди.

– Тошкент шаҳрида шундай ҳолат бўлдики, оғир касал бўлган бемор ҳужжати йўқлиги сабабли даволаниш учун хорижга чиқа олмаган. 2019 йилда туғилган О.А. онкологик касалликка чалинган. Ота-онаси уни зудлик билан хорижга даволатиш учун олиб бориши керак бўлган пайтда унинг хорижга чиқиш паспорти бўлмаган. Қийин вазиятда турган оилага адлия ходимлари зудлик билан ёрдам кўрсатди, яъни ҳужжат тезкор равишда расмийлаштириб берилди.

Нурота туманининг олис Қизилча қишлоғида истиқомат қилаётган 94 ёшли онахоннинг туғилганлик ҳақидаги гувоҳномага эга эмаслиги аниқланди. Маълум бўлишича, фуқаро 1930 йил 1 июлда туғилган, аммо ҳаёт ташвишлари билан бўлиб, туғилганлик ҳақидаги гувоҳнома олмаган.

Адлия ва ФҲДЁ бўлими ходимлари томонидан туғилганлик фактини белгилаш юзасидан судга ариза киритиш орқали фуқаронинг туғилиши қайд этилди. Эндиликда онахонга шахсини тасдиқловчи ҳужжат расмийлаштириш чоралари кўрилмоқда.

Батафсил👉🏻https://uza.uz/uz/posts/adliya-barcha-huzhzhatlari-yonib-ketgan-oilalar-aniqlandi-va-ularga-yordam-korsatildi_588213

#Биласизми

🔰 Қонунчиликка кўра, қуйидаги жойларда тамаки маҳсулотини истеъмол қилиш БҲМ нинг учдан бир қисми (113 минг сўм) миқдорида жарима солинишига сабаб бўлади:

🔹иш жойларида;

🔹соғлиқни сақлаш, таълим, спорт-соғломлаштириш муассасаларида;

🔹ёнғин чиқиш хавфи бўлган жойларда;

🔹автомобилларга ёқилғи қуйиш шохобчаларида ва бошқа жамоат жойларида.

❗️ Тамаки маҳсулотини махсус ажратилган жойлар ёки хоналарда истеъмол қилиш лозим.

#Адлия_эълон

📣Журналистлар ва фаол жамоатчилик вакиллари диққатига!!!

📣Бугун,15 апрель куни соат 15:00 да Ўзбекистон миллий матбуот маркази биносида “Қонунчиликдаги янгиликлар” мавзусида матбуот анжумани ташкил этилмоқда.

Мавзу: Меҳнат миграцияси, хорижда қонуний ишлаш тартиби ва меҳнат мигрантларини ҳуқуқий ҳимоя қилиш масалалари

Тадбирда Адлия вазирлиги, Ташқи меҳнат миграцияси агентлиги бошқа тегишли ташкилот масъуллари иштирок этиб, журналистларнинг саволларига жавоб беради.

ОАВ ходимлари ва блогерларни матбуот анжуманига таклиф қиламиз.

Савол, мурожаат, ариза ёки шикоятларингизни @MARKAZ16Uz. га юборинг.

📲 Матбуот анжумани трансляциясини UzReport TV телеканали ва телеканалнинг Facebook ҳамда YouTubeдаги саҳифаси орқали ЖОНЛИ томоша қилинг.

#Амал_қилинг

🔰 Қимор ва таваккалчиликка асосланган бошқа ўйинларда қонунга хилоф равишда иштирок этиш БҲМининг 3 бараваридан 5 бараваригача (1 млн 20 минг сўмдан 1 млн 700 минг сўмгача) миқдорда жарима солишга сабаб бўлади.

‼️Қонунни билмаслик жавобгарликдан озод қилмайди...

#Биласизми

❗️ Давлат хизматчилари хизмат фаолияти давомида ижтимоий тармоқларда давлат органлари ва ташкилотлари ҳамда мансабдор шахслар фаолиятини муҳокама қилмаслик, ахлоққа зид ибораларни ишлатмаслик, мамлакатда амалга оширилаётган ислоҳотларга нисбатан одамларда ишончсизлик кайфиятини юзага келтириши мумкин бўлган материалларни жойлаштирмасликка мажбур.

⚠️ Шунингдек, фуқаролар ва ҳамкасбларининг шаъни ва қадр-қимматига доғ туширувчи маълумотлар, туҳмат, иғво ва уйдирмаларни тарқатмаслиги керак.

#Adliya_onlayn

⚡️Ўзбекистон Миллий матбуот марказида   Ўзбекистон Республикаси Адлия вазирлигининг  матбуот анжумани бошланди.

✅ Мавзу:  “Меҳнат миграцияси жараёнларини такомиллаштириш ҳамда хорижда вақтинча меҳнат фаолиятини амалга ошираётган шахсларни қўллаб-қувватлашга доир қўшимча чора-тадбирлар”.

📲 Матбуот анжумани трансляциясини UzReport TV телеканали ва телеканалнинг Facebook ҳамда YouTubeдаги саҳифаси орқали ЖОНЛИ томоша қилинг.

https://www.youtube.com/live/dz1ipZ28zSI?si=OMvYv2KFRFXWKz-6

👉 Савол, мурожаат, ариза ёки шикоятларингизни @MARKAZ16Uz. га юборинг.