#Бу_муҳим #Тушунтириш

✅ Йўл ҳаракати қоидаларига кўра, йўлнинг қатнов қисмида ҳаракатланаётган велосипедчилар ҳамда йўлни таъмирлашга масъул ходимлар қоронғида нур қайтаргичли камзулда бўлиши кераклиги белгиланган.

❗️Мазкур талаб бошқа шахсларга, шу жумладан пиёдалар учун мажбурий эмас.

➡️ Шунингдек, қонунчиликда пиёдалар қоронғида ҳаракатланаётганда нур қайтарувчи устки кийимда бўлишини тарғиб қилиш назарда тутилган.

#Бу_муҳим

2023 йил 08 март -   чоршанба  куни республика бўйича ишлайдиган нотариуслар рўйхати:

🌐  e-notarius.uz сайтига киринг ва ўзингизга қулай вақтда, сиз истаган нотариус қабулига ёзилинг.                                                    
    Батафсил: https://telegra.ph/palata-03-07-3

#Бу_муҳим

Тадбиркорлик фаолиятида тўсиқларга дуч келяпсизми?
b-advice.uz порталига мурожаат қилинг!

🌐 Адлия вазирлиги томонидан аҳолининг тадбиркорлик фаолиятига ҳар томонлама кўмак беришга мўлжалланган “Biznesga maslahat” (b-advice.uz) интерфаол ахборот портали ишлаб чиқилган.

❕ Мазкур портални яратишда Буюк Британия, Сингапур, Австралия ва Янги Зеландия каби илғор хорижий давлатлар тажрибаси ўрганилган.

🔰 Мазкур портал орқали қуйидаги масалалар бўйича маълумотларга эга бўлиш мумкин:

▫️тадбиркорликка оид қонунчилик ҳужжатлари ва янгиликлар;
▫️бизнесни бошлаш ва юритиш тартиб-таомиллари;
▫️лицензиялаш ва рухсатнома олиш тартиблари;
▫️солиқ, банк ва божхона органларининг тадбиркорлик билан боғлиқ хизматлари;
▫️кредит ва ссуда олиш тартиблари.

📲 Шунингдек, портал орқали тадбиркорларнинг онлайн мурожаатлари қабул қилинади.

Тадбиркорлик фаолиятингизни b-advice.uz портали билан янада ривожлантиринг!

#Бу_муҳим

⚡️ Қимор ва таваккалчиликка асосланган бошқа ўйинлар

Қимор ва таваккалчиликка асосланган бошқа ўйинларда қонунга хилоф равишда иштирок этиш —ана шу ўйинлар буюмларини, шунингдек ўйинга тикилган ҳамда ўйиндаги ютуқ бўлган пуллар, ашёлар ва бошқа қимматбаҳо буюмларни мусодара қилиб, базавий ҳисоблаш миқдорининг 3 бараваридан 5 бараваригача миқдорда жарима солишга сабаб бўлади.

#Бу_муҳим

Ортиқча ҳужжат талаб қилганлик учун жавобгарлик муқаррар!

Ижтимоий тармоқларда Олий таълим муассасалари томонидан талабалардан қонунчилик ҳужжатларига кўра талаб қилиш тақиқланган ҳужжатлар талаб қилинаётганлиги ҳақида маълумотлар тарқалмоқда.

📄Ўзбекистон Республикаси Президентининг 2021 йил 23 мартдаги ПФ–6191-сон ва 2021 йил 24 июлдаги ПФ–6269-сон фармонларига асосан аҳолидан:

🔹шахсни тасдиқловчи ҳужжатнинг нусхасини;

🔹шахснинг белгиланган шаклдаги фотосуратини;

🔹жисмоний шахс томонидан ўрта махсус, профессионал (касб-ҳунар) таълим муассасаси ёки умумий ўрта таълим муассасаси (11-синф негизида) тугатилганлигини тасдиқловчи маълумотларни (ҳужжатларни);

🔹кам таъминланган оила ёки оила аъзоси сифатида рўйхатга олинганлигини тасдиқловчи маълумотларни (ҳужжатларни);

🔹солиқ тўловчи жисмоний шахсларнинг давлат солиқ хизмати органларида ҳисобга қўйилганлигини тасдиқловчи маълумотларни (СТИР);

🔹олий таълим муассасаларига ўқишга кириш учун имтиёзга эга бўлган абитуриентларнинг имтиёз ҳуқуқини тасдиқловчи ҳужжат тўғрисида маълумотларни талаб қилиш бекор қилинган.

❗️Шунингдек, ушбу ҳужжат ва маълумотларнинг талаб қилиниши давлат хизматлари кўрсатиш соҳасидаги қонунчилик ҳужжатлари талабларини бузиш деб ҳисобланиб, ушбу ҳужжатларни талаб этган давлат идоралари жавобгарликка тортилади!

⚡️Ҳурматли фуқаролар, агарда Сиздан ушбу ҳужжатларни талаб қилиш ҳолатлари кузатилса, Адлия вазирлиги ва ҳудудий адлия органларининг ишонч рақамлари 1008 ва 1148, шунингдек қуйидаги телефон рақамлари орқали мурожаат қилишингизни сўраймиз👈.

#Бу_муҳим

🇺🇿 Давлат байроғига нисбатан ҳурматни таъминлаган ҳолда унинг тасвири туширилган белгилардан жамоат жойларида, бинолар ва бошқа объектларда, яшаш ёки иш жойларида, шунингдек уларга туташ бўлган ҳудудларда, транспорт воситаларининг салонида фойдаланилиши мумкин.

☑️ Давлат байроғининг тасвири туширилган белгилардан ишлаб чиқарилаётган ёки реализация қилинаётган товарларни (ишларни, хизматларни) ўтказиш учун тижорат мақсадларида фойдаланиш мумкин эмас, бундан Давлат байроғига нисбатан ҳурматни таъминлаган ҳолда унинг тасвири туширилган белгилардан устки кийим-бошни безатиш ёки Ўзбекистонга тегишлиликни белгилаш мақсадида фойдаланиш мустасно.

#Бу_муҳим

🔰 Ўзбекистон Республикаси қонун билан тасдиқланадиган ўз давлат рамзлари – байроғи, герби ва мадҳиясига эга. Давлат рамзлари давлат ҳимоясидадир.

🇺🇿 Давлат байроғи Ўзбекистон давлат суверенитетининг рамзидир.

❗️ Ўзбекистон фуқаролари, шунингдек Ўзбекистонда турган бошқа шахслар Давлат байроғини ҳурмат қилишлари шарт.

⚠️ Давлат рамзларининг ҳимоясини таъминлаш мақсадида уларга нисбатан ҳурматсизлик қилганлик учун маъмурий ва жиноий жавобгарлик белгиланган.

#Бу_муҳим

☑️ Давлат болани зўравонликнинг барча шаклларидан, шу жумладан жисмоний, руҳий зўравонликдан, қийноқларга солишдан ёки шафқатсиз, қўпол, инсон қадр-қимматини камситувчи бошқа шаклдаги муомаладан ҳимоя қилади.

➡️ Болаларга нисбатан зўравонлик қилиш унинг ҳуқуқий оқибатларига кўра маъмурий ёки жиноий жавобгарликка сабаб бўлади.

❗️Шунингдек, болаларни муттасил равишда қийнаш 5 йилгача озодликдан маҳрум қилиш билан жазоланади.

#Бу_муҳим

❗️Меҳнат таътилларига оид бўлган қоидага барчанинг амал қилиши шарт!

👉Меҳнат кодексининг 216-моддага асосан, ҳар йилги меҳнат таътили дам олиш ва ишлаш қобилиятини тиклаш учун иш ўрни (лавозими) ҳамда ўртача иш ҳақи сақлаб қолинган ҳолда ходим ишдан озод этиладиган, ходимга ҳар йили иш йили давомида бериладиган вақт давридир.

❓Меҳнат таътилини йил давомида хоҳлаган вақтимга ололмайманми?

👉Олсангиз бўлади, лекин иш йили доирасида иш берувчи билан ўзаро келишувга асосан. Сабаби иш берувчи ташкилот иш хусусиятидан келиб чиқиб келишмаслиги мумкин. Истисно ҳолатлар бўйича исталган вақтда кимлар таътил олиши мумкинлиги эса МКнинг 227-228-моддаларида белгиланган.

🗓Иш йили - ходимнинг муайян иш берувчида 12 ойга тенг бўлган ва ҳақиқатда иш бошланган санадан эътиборан ҳисоблаб чиқариладиган иш даври тушунилади.

⚠️ МК 228-модданинг 1-қисмига кўра, иккинчи ва кейинги иш йиллари учун ҳар йилги меҳнат таътили иш берувчи ва ходим учун мажбурий бўлган таътиллар жадвали билан белгиланадиган ҳар йилги меҳнат таътилларини бериш навбатига мувофиқ берилади. Бунда, ҳар йилги меҳнат таътили ушбу таътил берилаётган иш йили тугагунига қадар берилиши шарт деган қоидадан келиб чиқиб шакллантирилади (МК 230-моддаси).

‼️Масалан: 15.03.2022 йил ишга қабул қилинган ходим 15.03.2023 йилгача таътил кунларини белгилай оладилар, мен августда, сентябрда ва ҳ.к.ларда ўзимга қулай вақтда чиқаман деган нарса бўлмайди.

👉Ходим иш берувчи билан келишган ҳолда:
➖таътилни узайтириш ёки уни бошқа муддатга кўчириш - 229-м.;
➖таътилнинг бир қисмини кейинги иш йилига кўчириш - 230-м.;
➖таътилни қисмларга бўлиш - 231-м.

⚠️Бу моддалар ходимга ҳуқуқ беради, лекин иш берувчига мажбурият дегани тушунчага бормаслигимиз керак, ҳудди шундек, МК 234-модда бўйича компенсацияга алмаштириш масаласи ҳам иш берувчига мажбурият юкламайди.

#Бу_муҳим

Бепул юридик ёрдам кўрсатувчилар учун танлов

Сиз нодавлат нотижорат ташкилоти ёки юридик клиника сифатида фаолият юритасизми?
Аҳолига бепул юридик ёрдам кўрсатасизми?
2023 йилдаги фаолиятингиз эътироф этилиши ва рағбатлантирилишини истайсизми?

Адлия вазирлиги ва Ўзбекистондаги Бирлашган Миллатлар Ташкилотининг Тараққиёт дастури Финляндия Ташқи ишлар вазирлиги молиявий кўмагида “Ўзбекистонда қонун устуворлиги ва инсон ҳуқуқларини ҳимоя қилишни мустаҳкамлаш” лойиҳаси доирасида бепул юридик ёрдам кўрсатувчи нодавлат нотижорат ташкилотлари ва юридик клиникалар учун танлов эълон қилади.

Танловнинг мақсади:
Танлов Ўзбекистонда ижтимоий ҳимояга муҳтож аҳолига (шу жумладан аёллар, ногиронлиги боʻлган шахслар ва ёшларга) ННТ ва юридик клиникалар томонидан бирламчи юридик ёрдам кўрсатиш тизимини янада ривожлантириш, ушбу соҳада кўрсатган самарали фаолияти учун ННТ ва юридик клиникаларни рағбатлантириш мақсадида амалга оширилмоқда.

Танлов ғолибларини тақдирлаш:
Танлов ғолибларини тақдирлаш учун умумий бюджет 9 900 (тўққиз минг тўққиз юз) АҚШ долларини ташкил этади.
Мазкур маблағлар ҳисобидан учта ННТ “Йилнинг энг фаол бепул юридик ёрдам кўрсатган нодавлат нотижорат ташкилоти” номинатсияси бўйича 1, 2 ва 3-ўринлар учун, учта юридик клиника “Йилнинг энг фаол юридик клиникаси” номинатсияси бўйича 1, 2 ва 3-ўринлар учун АКТ жиҳозлари билан тақдирланади.

Танловда иштирок этиш:
Танлов қоидалари ҳақида батафсил маълумотни бу ердан топишингиз мумкин. Қизиқиш билдирган ННТ ва юридик клиникалар 2023 йил 15 январь кунидан кечиктирмай ўз аризаларини ушбу ҳаволанинг иловаларида келтирилган намунадан фойдаланган ҳолда зарур иловалар билан биргаликда [email protected] электрон манзилига юборишлари керак.

Мурожаат учун: (71) 207-04-51 ички 1156

#Бу_муҳим

АВТОМОБИЛЛАР СОТИБ ОЛИШГА ИМТИЁЗЛАР БЕЛГИЛАНДИ!

☝🏻Ишлаб чиқарилганига 1 йилдан ошмаган янги енгил автотранспортларни олиб киришда божхона божларининг қуйидаги ставкалари қўлланилиши белгиланган:

🔹 двигатель цилиндрларининг иш ҳажми 1 000 см кубдан ошмайдиган янги енгил автотранспортлар учун - ноль ставкаси;

🔹 двигатель цилиндрларининг иш ҳажми 1 200 см кубдан ошмайдиган янги енгил автотранспортлар учун - 5 фоизли ставкаси.

Диққат имтиёз 2026 йил 1 январгача амал қилади !

Батафсил танишиш учун 👉🏻https://lex.uz/docs/6502523

Бу муҳим янгиликни танишларингизга юборинг!

#2024_йил_1_мартдан #Бу_муҳим

📜 Қонунчиликка кўра, нотариал идорага келмасдан, шу жумладан чет элдан туриб мол-мулкдан фойдаланиш билан боғлиқ битимларни (мулк ҳуқуқини бошқа шахсга ўтказишдан ташқари) электрон рақамли имзодан фойдаланиб, видеоконференцалоқа орқали расмийлаштириш тартиби йўлга қўйилади.