Онлайн мулоқот бошланди.Кузатиб бориш учун ҳавола 👉https://www.youtube.com/embed/JuqxAvXhZtk

#Adliya_муносабат

Қандай ҳужжатлар Адлия вазирлиги томонидан давлат рўйхатдан ўтказилмайди?

Ижтимоий тармоқларда тавсиявий ҳужжатлар ижрога қаратилаётгани ва Адлия вазирлигидан рўйхатдан ўтмаган ҳужжатлар қандай ҳуқуқий оқибатлар келтириб чиқариши мумлигини ҳақидаги хабарлар дуч келинмоқда.

Мазкур ҳолат бўйича Адлия вазирлиги қуйидагиларни маълум қилади:

Биринчидан, Вазирлар Маҳкамасининг “Вазирликлар, давлат қўмиталари ва идоралар меъёрий ҳужжатларининг қонунийлигини таъминлаш чора-тадбирлари тўғрисида” 1997-йил 9-октябрдаги 469-сон қарорига асосан қуйидаги ҳужжатлар Адлия вазирлигида давлат рўйхатидан ўтказилади:

умумий мажбурий тусдаги ҳужжатлар;
фуқароларнинг ҳуқуқлари, эркинликлари ва қонуний манфаатларига дахл қилувчи ҳужжатлар;
идоралараро тусга эга бўлган ҳужжатлар;
қабул қилувчи орган тизимига кирмайдиган ташкилотлар учун мажбурий кучга эга бўлган ҳужжатлар.

Иккинчидан, идоравий норматив-ҳуқуқий ҳужжатларни тайёрлаш ва қабул қилиш қоидаларига (рўйхат рақами 2565, 2014-йил 28-феврал) асосан қуйидагилар давлат рўйхатидан ўтказилмайди:

а) якка тартибдаги ҳужжатлар:
шахсий тусдаги (лавозимга тайинлаш, бошқа лавозимга ўтказиш ёки лавозимидан озод қилиш, комиссия ва бошқа коллегиал органлар таркибини тасдиқлаш, фахрий ёки ҳарбий унвонлар бериш, муайян шахсларга имтиёзлар бериш ва бошқа шу кабилар);
амал қилиши бир марта қўллаш билан тамом бўлувчи;
тезкор-фармойишли тусдаги (бир марталик топшириқлар);
б) муқаддам белгиланган тартибни ижро этишни ташкил этишга йўналтирилган ҳамда янги ҳуқуқий нормаларни ўз ичига олмаган ҳужжатлар (шу жумладан, бутун мазмуни бошқа органлар ва мансабдор шахсларнинг ҳужжатлари тўғрисида хабардор қилишдан иборат бўлган ҳужжатлар);
в) техник жиҳатдан тартибга солиш соҳасидаги норматив ҳужжатлар;
з) тавсия хусусиятига эга ҳужжатлар;
и) идоравий норматив-ҳуқуқий ҳужжатларга расмий шарҳ бериш тўғрисидаги ҳужжатлар;
к) умум мажбурий тусга эга бўлмаган бошқа ҳужжатлар.

Маълумот учун: Ўзбекистон Республикасининг «Норматив-ҳуқуқий ҳужжатлар тўғрисида»ги қонуннинг 37-моддасига кўра, Вазирликлар, давлат қўмиталари ва идораларнинг давлат рўйхатидан ўтказилмаган норматив-ҳуқуқий ҳужжатлари тегишли ижтимоий муносабатларни ҳуқуқий жиҳатдан тартибга солиш учун асос бўлиб хизмат қилиши мумкин эмас ҳамда ҳуқуқий оқибатларга олиб келмайди.

Адлия вазирлиги
Жамоатчилик билан алоқалар бўлими

#Адлия_хабари

Ўзбек ва хорижий тилларда “Янги Ўзбекистон Конституцияси” ягона миллий портали ўз фаолиятини бошлади.

Мазкур портал орқали қонунчиликни янги таҳрирдаги Конституцияга мувофиқлаштириш ҳамда уни амалга оширишда юзага келаётган муаммоларни бартараф этиш бўйича таклифлар қабул қилинади.

Шунга кўра, фуқаролар конституциядаги ҳар бир модда бўйича таклифларини қолдириши мумкин.

Жараёнда таклифларингиз билан фаол иштирок этинг ва қонунчилик мустаҳкамланишида ўз ҳиссангизни қўшинг.

Каналга уланиш 👇👇👇
https://t.iss.one/huquqiyaxborot

#Bilasizmi

Nogironlik, boquvchisini yo‘qotganlik va yoshga doir nafaqalar tayinlanishi uchun davlat xizmatlari markazlari yoki my.gov.uz orqali murojaat qilinadi.

📈Batafsil Infografikada👆👆👆

📎Mavzuga doir qo'shimcha ma'lumotlar:

🟣Barcha uchun muhim raqamlar
🟣Pensiya (nafaqa) haqida ma’lumot olish tartibini bilasizmi?
🟣Parvarishlash nafaqasi kimlarga beriladi?

#Муносабат

Коррупциявий ҳолатларга аралашган ходимларга сафимизда ўрин йўқ

Ижтимоий тармоқларда тарқалган Зангиота туман давлат хизматлари маркази ходими билан боғлиқ бўлган вазият ҳақидаги хабар юзасидан қуйидагилар маълум қилинади.

Мазкур ҳолат ўрганилганида Зангиота тумани Давлат хизматлари маркази ходими томонидан амалга оширилган қонунбузилиш ҳолати унинг бевосита иш фаолияти билан боғлиқ бўлмаган ва хизмат вазифаларини амалга ошириш жараёнида рўй бермаганлиги аниқланди.

Марказ ходими юқори лавозимда ишловчи танишлари орқали, Тошкент туманида жойлашган ва давлат захирасида бўлган суғориладиган ер майдонига нисбатан эгалик ҳуқуқини олиб беришни ваъда қилиб ўзганинг ишончига кирган.

Давлат фуқаролик хизматчилари одоб-ахлоқининг намунавий қоидаларини бузганлиги, давлат фуқаролик хизматчиларининг касбий маданияти ҳамда хизматдан ташқари вақтда давлат хизматчиларининг одоб-ахлоқ қоидаларига зид бўлган ҳатти-ҳаракатларни содир этган.

Ҳозирда ушбу ходим билан тузилган меҳнат шартномаси бекор қилинган.

Адлия тизимида коррупциявий ҳолатларга муросасиз муносабатда бўлишни, давлат хизматчисиининг обрўсига путур етказиши мумкин бўлган ҳатти-ҳаракатларни содир этган ҳар қандай ходимларга сафимизда ўрин йўқлигини эслатиб ўтади.

❗️Эслатиб ўтамиз, бундай нохуш ҳолатлар юз берса адлия бошқармасининг 70-201-05-15 телефон рақами ёки   @antikorbot телеграм-боти орқали тўғридан-тўғри мурожаат қилишингиз мумкин.

 Тошкент вилояти адлия бошқармаси

Каналга уланиш👇👇👇
https://t.iss.one/toshkentviladliya

#Ochiq_adliya

⚠️ Адлия органлари тизимида коррупцияга қарши муросасиз кураш эълон қилинган.

📲 Бунда Адлия вазирлиги тизимидаги, жумладан:

▫️адлия бошқармалари ва бўлимлари;
▫️юридик хизмат кўрсатиш марказлари;
▫️ФҲДЁ органлари;
▫️давлат хизматлари марказлари;
▫️"Ўзархив" агентлиги ва унинг ҳудудий тузилмалари;
▫️Х. Сулаймонова номидаги Республика суд-экспертиза маркази ва унинг ҳудудий бўлинмалари;
▫️“Адолат” миллий ҳуқуқий ахборот маркази;
▫️Персоналлаштириш агентлиги;
▫️Адлия органлари ва муассасаларида ахборот-коммуникация технологияларини ривожлантириш маркази;
▫️Давлат хизматларини ривожлантириш маркази;
▫️Интеллектуал мулк маркази;
▫️давлат нотариал идоралари ва архивлари;
▫️Юристлар малакасини ошириш маркази;
▫️Тошкент давлат юридик университети;
▫️Юридик техникумлар;
▫️ТДЮУ қошидаги академик лицейдаги коррупция ҳолатлари ҳақида маълумотларни телеграмдаги @antikorbot ботига, (71) 207-04-64 (1321 ёки 1322) телефон рақамига ёки вазирлик расмий веб-сайтидаги махсус платформага юбориш мумкин.

❗️Юборилган хабарлар белгиланган тартибда кўриб чиқилади ҳамда мурожаат қилувчининг шахси сир сақланиши кафолатланади.

#Adliya_xabari

2023 йил 23 июль - якшанба куни республика бўйича ишлайдиган нотариуслар рўйхати:
🌐 e-notarius.uz сайтига киринг ва ўзингизга қулай вақтда, сиз истаган нотариус қабулига ёзилинг.
Батафсил:👉https://telegra.ph/palata-07-21-8

⚡️⚡️⚡️⚡️⚡️

Список нотариусов, работающих в воскресенье, 23 июля 2023 г.
🌐 Войдите на сайт e-notarius.uz и записывайтесь на прием к нотариусу в удобное для вас время.
Подробно:👉https://telegra.ph/palata-07-21-8

Adliya vaziri Qashqadaryo viloyatida qurilayotgan adliya binolari bilan tanishdi

Adliya vaziri Akbar Toshqulov Qashqadaryo viloyatiga bo'lgan xizmat safari davomida 2023-2024- yillar o'quv yiliga mo'ljallangan Qashqadaryo viloyat yuridik texnikumini yangi binosini ko'zdan kechirdilar. Xozirgi kunda ichki va tashqi fasadlari tamirlanayotgan texnikum binosi 750 o'ringa mo'ljallangan bo'lib asosiy bino va 2 ta o'quv binosidan iborat. Shuningdek vazir texnikum binosining zamonaviy va sifatli bo'lishi yuzasidan tafsiyalar berdi.

Tashrif davomida adliya vaziri Akbar Toshqulov O'zbekiston Respublikasi adliya vazirligi huzuridagi X. Sulaymonova nomidagi Respublika sud-ekspertiza markazi Qashqadaryo viloyat bo'limi binosini ham ko'zdan kechirdilar.U yerda olib borilayotgan ishlar va ekspertizada foydalaniladigan xujjatlar bilan tanishdi.

Shu kuni vazir Qashqadaryo viloyat davlat arxiviga ham bo'ldi. Viloyat arxivida hujjatlar saqlanishi, elektronlashtirish jarayoni bilan yaqindan tanishdi. Kelgusida amalga oshiriladigan ishlar haqida tavsiyalar berdi.