#Ижтимоий_акция

❗️Огоҳлантириш муддати давомида ходимга бошқа иш топиши учун ҳафтада камида 1 кун вақт берилади ва бу кунга ҳақ тўланади

✅ Иш берувчи ходимни бир қатор асослар билан ишдан бўшатиши мумкин, мазкур ҳолатларда иш берувчи қуйидаги муддатларда ходимни ишдан бўшатиш ҳақида огоҳлантириши шарт:

🔸ташкилот тугатилганда, ходимлар сони ёки штатлар ўзгарганда – камида 2 ой олдин (яъни, 2 ойдан кўпроқ муддат 3, 4 ой, 2 ой-у 10 кун ва ҳ.к);

🔸ташкилот раҳбари, ўринбосарлари, бош бухгалтер ва алоҳида бўлинма раҳбари мулкдор ўзгарганлиги учун ишдан бўшатилганида – камида 2 ой олдин;

🔸ходим малакаси етарли бўлмаганлиги учун бажараётган ишига мувофиқ эмаслиги сабабли бўшатилганда – камида 2 ҳафта олдин;

🔸ходимнинг айбли ҳаракатлари (ҳаракатсизлиги) учун ишдан бўшатилганда – камида 3 кун олдин.

🔘 Айрим тоифадаги ходимлар учун огоҳлантириш муддатининг алоҳида муддати белгиланган:

🔸мавсумий ишда ишлайдиган ходимни ташкилот тугатилганда, штат ўзгарганда камида 7 кун олдин, малакаси етарли бўлмаганида камида 3 кун олдин, ўзининг айбли ҳаракати билан бўшатилганда 1 кун олдин;

Мавсумий ишлар – иқлим ва бошқа табиий шароитлар туфайли муайян давр (мавсум) давомида бажариладиган иш.

🔸вақтинчалик ходимлар корхона тугатилганда, штат ўзгарганда ходим малакаси етарли бўлмаганда камида 3 кун олдин, ўзининг айбли ҳаракати билан бўшатилганда камида 1 кун олдин.

⚠️ Икки ойгача бўлган муддатга ишга қабул қилинган шахслар вақтинчалик ишларда банд бўлган шахслардир.

📝 Огоҳлантириш ёзма шаклда, имзо қўйдириб амалга оширилади.

❕Огоҳлантириш муддати пулли компенсация билан алмаштирилиши мумкин.

☑️ Огоҳлантириш муддати ичида ходимга бошқа иш топиш учун ҳафтада камида 1 кун вақт берилади, бу кунда ходимнинг иш ҳақи сақланади. Ушбу имтиёз ходим ўзининг айби билан ишдан бўшатилганда берилмайди.

➡️ Огоҳлантириш муддатига ходимнинг касал бўлган вақти, давлат ёки жамоат мажбуриятларини бажарган вақти киритилмайди. Корхона тугатилганда эса ҳамма вақт киритилади, истисно йўқ.

📌 Давлат ёки жамоат мажбуриятларини бажарган вақтга сайлов ҳуқуқини амалга ошириш, депутатлик, Сенат аъзоси вазифаларини бажариш, ҳарбий мажбуриятни бажариш ва бошқа бир қатор ишларни бажарган вақт киради, бу ишлар билан батафсил бу ерда танишишингиз мумкин.

Каналга уланиш👇👇👇
https://t.iss.one/huquqiyaxborot

#Adliya_loyiha #infografika

Нодавлат ташкилотларининг хорижий грантларни амалга ошириш тартиби соддалаштирилмоқда

Адлия вазирлиги томонидан ишлаб чиқилган “Нодавлат нотижорат ташкилотлари томонидан ижтимоий фойдали дастурлар ва лойиҳалар амалга оширилишида ижтимоий шериклик ҳамда халқаро ҳамкорликни янада қўллаб-қувватлаш чора-тадбирлари тўғрисида”ги қарор лойиҳаси жамоатчилик муҳокамасига қўйилди.

Адлия вазирлиги лойиҳа юзасидан келиб тушадиган таклиф ва тавсияларни кўриб чиқишга ҳамда муҳокама қилишга тайёр!

1008да нима гаплар🗣?!

Бир мурожаат бўйича шу йўналишда ишловчи ҳамкасблар билан гаплашиб қолдим. “Ишонч телефони”га оид ОАВ ва жамоатчилик эътирозлари қанчалик ўринлилиги бўйича фикрлашдик. Суҳбатлашиш жараёнида “Ишонч телефони”ларига одамлардан қанчалик соҳага оид масалалар бўйича мурожаатлар келиб тушиши билан қизиқдим.

Адлия вазирлиги ишонч рақамига ҳуқуқий масалалардан ташқари айрим қизиқарли мурожаатлар ҳам бўлиб тураркан. Масалан, “кучугим йўқолиб қолди ёрдам беринглар тополмаяпман”, “уйимиздан каламуш чиқди ким қарайди буларга”, “Афросиёб поездига чипта топиб беринглар”, “экинларимга сув олиб келолмаяпман, кўчада аёллар сув беришмаяпти, ёрдам беринглар”, “сеҳр ишлатганларга чора кўриб беринглар”, “Қўшнимизни чорваси кўпайиб кетти экинларимни пайҳон қилиши мумкин, чора кўриб беринглар”.

Шунингдек, айрим фуқаролар ишонч рақамига танишув чати сифатида, айрим талабалар эса якуний ҳамда оралиқ назорат иши саволларига жавоб топиб беришни сўраб мурожаат қилиш ҳолатлари ҳам кузатилиб туради.

Уларни гап сўзларини эшитиб на кулишни, на йиғлашни биласиз. Бир ёқда “сизларга боғлана олмаяпман”деб жар солаётганлар, бир ёқда эса “ўз дарди” билан оввора бўлган гўшакдагилар.

Аслида қандай масалалар бўйича 1008 ишонч рақамига мурожаатлар қабул қилинади дерсиз?

Демак, Адлиянинг “Ишонч телефони”га қуйидаги масалалар бўйича мурожаат этиш мумкин:

1.Нотариуслар ва нотариал ҳаракатлар, адвокатлар ва ҳуқуқий хизматлар.
2.Давлат хизматлари ва ФҲДЁ органлари фаолияти бўйича.
3.Суд-ҳуқуқ соҳаси бўйича ҳуқуқий тушунтиришга оид масалалар.
4.Меҳнат муносабатларига оид масалалар.
5.Инсон ҳуқуқлари бузилиши бўйича масалалар.
6.Ижтимоий ҳимоя (пенсия, нафақа, моддий ёрдам, бола пули) масалалари бўйича ҳуқуқий тушунтириш.
7.Уй-жой соҳаси бўйича ҳуқуқий тушунтиришга оид масалалар.
8.Бошқа турдаги муаммолар (фуқаро талаблари ҳамда илтимослари бўйича) ҳуқуқий маслаҳатга оид масалалар.
бўйича қилинган мурожаатларга ҳуқуқий тушунтириш берилади, назоратга олинганлари бўйича вазирлик фаолияти доирасида кўмак берилади.

Амалдаги қонунчиликда ҳам “Ҳар ким бевосита ўзи ва бошқалар билан биргаликда давлат органларига ҳамда ташкилотларига, фуқароларнинг ўзини ўзи бошқариш органларига, мансабдор шахсларга ёки халқ вакилларига аризалар, таклифлар ва шикоятлар билан мурожаат қилиш ҳуқуқига эга”лиги белгиланган. Мурожаатларни кўриб чиқиш “Жисмоний ва юридик шахсларнинг мурожаатлари тўғрисида”ги Қонун билан тартибга солинади. Бу ҳуқуқдан фойдланиш чекланмаяпти. Фақатгина ўзаро ҳурмат билан бошқа ҳамюртларимизга ҳам муносабат бўлиш сўраляпти.
Эслатиб ўтамиз, мазкур “Ишонч телефони” орқали қўнғироқлар байрам кунларидан ташқари душанба кунидан жума кунигача (жума куни ҳам) соат 09.00 дан 13.00 гача ва 14.00 дан 18.00 гача қабул қилинади. Бундан ташқари, вазирликнинг давлат хизматлари соҳасидаги масалалар бўйича 1148 қисқа рақамли алоқа-ахборот маркази орқали маслаҳатлар берилиб, мурожаатлар қабул қилиниб келинмоқда.

#Diqqat_muhim

📢📢 Ertaga, 21-iyul kuni soat 17:00 da Adliya vazirligi yuridik texnikumlariga qabuliga oid muhim masalalar bo‘yicha onlayn muloqot bo‘lib o‘tadi.

Asosiy maqsad — yuridik texnikumlarga 2023/2024-o‘quv yili uchun qabul jarayonlarini yuqori saviyada tashkil etish masalalarini ommaviy axborot vositalari va keng jamoatchilikka yetkazish.

Muloqot vazirlikning Facebook dagi “Adliya bilan muloqot (https://www.facebook.com/groups/adliya/)” guruhi va YouTube dagi “Adliya vazirligi Ministry of Justice (https://www.youtube.com/c/Adliya)” kanali orqali to‘g‘ridan-to‘g‘ri efirga uzatildi.

Onlayn muloqotda Adliya vazirligi mas'ul xodimlari savollarga javob beradi.

Mavzu yuzasi bo‘yicha savollarni @adliyaga_savolbot manzili orqali yuborishingiz mumkin.

#Adliya_hisobot #Adliya_infografika📊

2023-yilning 1-yarim yilligida Adliya vazirligi tizimida murojaatlar bilan ishlash holati

Murojaatlar yuzasidan qoʻllanilgan taʼsir choralar:
Qoʻllanilgan taʼsir choralar soni – 11 875 ta
Shundan:
Daʼvo arizalar soni – 7 533 ta
Daʼvo arizalari summasi – 258 mlrd 341 mln 964 ming soʻm
Kiritilgan taqdimnomalar soni – 3 172 ta
Maʼmuriy takliflar soni – 868 ta
Jinoiy takliflar soni – 25 ta
Boshqa turdagi taʼsir choralari – 277 ta.

Murojaatlar yuzasidan qoʻllanilgan taʼsir choralari natijasida:
- 873 nafar xodim - intizomiy javobgarlikka tortilgan. (shundan, 69 nafari bilan mehnat shartnomasi bekor qilingan);
- 749 nafar xodim - maʼmuriy javobgarlikka tortilgan;
- 3 nafari - jinoiy javobgarlikka tortilgan;
- 12 425 ta hujjatlar bekor qilingan yoki ijrosi toʻxtatilgan;
- ta’sir choralar natijasida 473 836 367 000 soʻm undirilgan.

#Адлия_хабари #Адлия_ҳуқуқий_акция

Адлия вазирлиги: 148 нафар шахс маъмурий, 69 нафар шахс интизомий жавобгарликка тортилди

Акцияси давомида адлия органлари томонидан фуқароларнинг ҳуқуқларини таъминлаш юзасидан 2 500 га яқин ҳуқуқий таъсир чоралари қўлланилган.

Хусусан, тегишли ташкилотларга 379 та тақдимнома, судларга 21 млрд сўмга яқин миқдордаги 635 та даъво аризалари, тегишли органларга 178 та маъмурий таклифлар ҳамда 1 200 дан ортиқ огоҳномалар киритилган.

Кўрилган ҳуқуқий таъсир чоралар натижасида 111 млрд. сўмдан ортиқ (111 423 млн сўм) пул маблағлари тегишли шахсларга ундириб берилиб,
960 та ҳужжат (қарор)лар бекор қилиниши таъминланган. 148 нафар шахслар маъмурий жавобгарликка ҳамда 69 нафар шахслар интизомий жавобгарликка тортилган.

Онлайн мулоқот бошланди.Кузатиб бориш учун ҳавола 👉https://www.youtube.com/embed/JuqxAvXhZtk

#Adliya_муносабат

Қандай ҳужжатлар Адлия вазирлиги томонидан давлат рўйхатдан ўтказилмайди?

Ижтимоий тармоқларда тавсиявий ҳужжатлар ижрога қаратилаётгани ва Адлия вазирлигидан рўйхатдан ўтмаган ҳужжатлар қандай ҳуқуқий оқибатлар келтириб чиқариши мумлигини ҳақидаги хабарлар дуч келинмоқда.

Мазкур ҳолат бўйича Адлия вазирлиги қуйидагиларни маълум қилади:

Биринчидан, Вазирлар Маҳкамасининг “Вазирликлар, давлат қўмиталари ва идоралар меъёрий ҳужжатларининг қонунийлигини таъминлаш чора-тадбирлари тўғрисида” 1997-йил 9-октябрдаги 469-сон қарорига асосан қуйидаги ҳужжатлар Адлия вазирлигида давлат рўйхатидан ўтказилади:

умумий мажбурий тусдаги ҳужжатлар;
фуқароларнинг ҳуқуқлари, эркинликлари ва қонуний манфаатларига дахл қилувчи ҳужжатлар;
идоралараро тусга эга бўлган ҳужжатлар;
қабул қилувчи орган тизимига кирмайдиган ташкилотлар учун мажбурий кучга эга бўлган ҳужжатлар.

Иккинчидан, идоравий норматив-ҳуқуқий ҳужжатларни тайёрлаш ва қабул қилиш қоидаларига (рўйхат рақами 2565, 2014-йил 28-феврал) асосан қуйидагилар давлат рўйхатидан ўтказилмайди:

а) якка тартибдаги ҳужжатлар:
шахсий тусдаги (лавозимга тайинлаш, бошқа лавозимга ўтказиш ёки лавозимидан озод қилиш, комиссия ва бошқа коллегиал органлар таркибини тасдиқлаш, фахрий ёки ҳарбий унвонлар бериш, муайян шахсларга имтиёзлар бериш ва бошқа шу кабилар);
амал қилиши бир марта қўллаш билан тамом бўлувчи;
тезкор-фармойишли тусдаги (бир марталик топшириқлар);
б) муқаддам белгиланган тартибни ижро этишни ташкил этишга йўналтирилган ҳамда янги ҳуқуқий нормаларни ўз ичига олмаган ҳужжатлар (шу жумладан, бутун мазмуни бошқа органлар ва мансабдор шахсларнинг ҳужжатлари тўғрисида хабардор қилишдан иборат бўлган ҳужжатлар);
в) техник жиҳатдан тартибга солиш соҳасидаги норматив ҳужжатлар;
з) тавсия хусусиятига эга ҳужжатлар;
и) идоравий норматив-ҳуқуқий ҳужжатларга расмий шарҳ бериш тўғрисидаги ҳужжатлар;
к) умум мажбурий тусга эга бўлмаган бошқа ҳужжатлар.

Маълумот учун: Ўзбекистон Республикасининг «Норматив-ҳуқуқий ҳужжатлар тўғрисида»ги қонуннинг 37-моддасига кўра, Вазирликлар, давлат қўмиталари ва идораларнинг давлат рўйхатидан ўтказилмаган норматив-ҳуқуқий ҳужжатлари тегишли ижтимоий муносабатларни ҳуқуқий жиҳатдан тартибга солиш учун асос бўлиб хизмат қилиши мумкин эмас ҳамда ҳуқуқий оқибатларга олиб келмайди.

Адлия вазирлиги
Жамоатчилик билан алоқалар бўлими