#Конституцияни_ўрганамиз

Ўзбекистон Республикасининг янги таҳрирдаги Конституцияси жорий йилнинг 1 май кунидан расман кучга кирди.

Конституция 6 бўлим, 27 боб ва 155 та моддадан иборат.

Конституция мамлакатнинг бутун ҳудудида олий юридик кучга эга ва тўғридан-тўғри амал қилади.

Каналга уланиш👇👇👇
https://t.iss.one/huquqiyaxborot

#Конституцияни_ўрганамиз

❗️Ўзбекистон Республикаси Конституцияси: инсон ҳуқуқларига оид 10 та энг муҳим кафолат

1️⃣ Инсон ҳуқуқ ва эркинликлари ҳар кимга туғилганидан бошлаб тегишли бўлади.
2️⃣ Инсоннинг шаъни ва қадр-қиммати дахлсиздир.
3️⃣ Инсоннинг ҳуқуқ ва эркинликлари бевосита амал қилади ҳамда қонунларнинг, давлат органлари ва уларнинг мансабдор шахслари фаолиятининг моҳияти ва мазмунини белгилайди.
4️⃣ Ҳеч кимга унинг розилигисиз қонунчиликда белгиланмаган мажбурият юклатилиши мумкин эмас.
5️⃣ Инсонга нисбатан қўлланиладиган ҳуқуқий таъсир чоралари мутаносиблик принципига асосланиши ва қонунларда назарда тутилган мақсадларга эришиш учун етарли бўлиши керак.
6️⃣ Ҳар ким ўз шахсига доир маълумотларнинг ҳимоя қилиниши ҳуқуқига, шунингдек нотўғри маълумотларнинг тузатилишини, ўзи тўғрисида қонунга хилоф йўл билан тўпланган ёки ҳуқуқий асосларга эга бўлмай қолган маълумотларнинг йўқ қилинишини талаб қилиш ҳуқуқига эга.
7️⃣ Ҳар ким мамлакат бўйлаб эркин ҳаракатланиш, турар ва яшаш жойини танлаш ҳуқуқига эга.
8️⃣ Ҳар ким уй-жой дахлсизлиги ҳуқуқига эга.
9️⃣ Ҳар ким ўз ҳуқуқ ва эркинликларини қонунда тақиқланмаган барча усуллар билан ҳимоя қилишга ҳақли.
🔟 Шахснинг судланганлиги ва бундан келиб чиқадиган ҳуқуқий оқибатлар унинг қариндошлари ҳуқуқларини чеклаш учун асос бўлиши мумкин эмас.

#Конституцияни_ўрганамиз

Конституцияда оммавий ахборот воситаларига оид 5 та муҳим қоида

1. Давлат Интернет тармоғидан фойдаланишни таъминлаш учун шароитлар яратади.

2. Давлат оммавий ахборот воситалари фаолиятининг эркинлигини кафолатлайди.

3. Давлат оммавий ахборот воситаларининг ахборотни излаш, олиш, ундан фойдаланиш ва уни тарқатишга бўлган ҳуқуқлари амалга оширилишини кафолатлайди.

4. Оммавий ахборот воситаларининг фаолиятига тўсқинлик қилиш ёки аралашиш қонунга мувофиқ жавобгарликка сабаб бўлади.

5. Оммавий ахборот воситалари ўзи тақдим этадиган ахборотнинг ишончлилиги учун жавобгардир.

#Конституцияни_ўрганамиз

❗️Ўзбекистон Республикаси Конституция: давлат ўз зиммасига олаётган 10 та муҳим ижтимоий мажбурият

1️⃣ Давлат фуқароларнинг бандлигини таъминлаш ва камбағалликни қисқартириш чораларини кўради.

2️⃣ Давлат мактабгача таълим ва тарбияни ривожлантириш учун шарт-шароитлар яратади.

3️⃣ Давлат бепул умумий ўрта таълим ва бошланғич профессионал таълим олишни кафолатлайди.

4️⃣ Болалар учун инклюзив таълим ва тарбия таъминланади.

5️⃣ Фуқаролар давлат таълим ташкилотларида танлов асосида давлат ҳисобидан олий маълумот олишга ҳақли.

6️⃣ Меҳнатга ҳақ тўлашнинг энг кам миқдори инсоннинг муносиб турмуш даражасини таъминлаш зарурати ҳисобга олинган ҳолда белгиланади.

7️⃣ Пенсиялар, нафақалар ва бошқа турдаги ижтимоий ёрдамнинг миқдорлари энг кам истеъмол харажатларидан оз бўлиши мумкин эмас.

8️⃣ Давлат аҳолининг ижтимоий жиҳатдан эҳтиёжманд тоифаларининг турмуш сифатини оширишга, жамият ва давлат ҳаётида тўлақонли иштирок этиши учун уларга шарт-шароитлар яратишга қаратилган чораларни кўради.

9️⃣ Давлат ногиронлиги бўлган шахсларнинг ижтимоий, иқтисодий ва маданий соҳалар объектлари ва хизматларидан тўлақонли фойдаланиши учун шарт-шароитлар яратади.

🔟 Давлат ногиронлиги бўлган шахсларнинг ишга жойлашишига, таълим олишига кўмаклашади, уларга зарур бўлган ахборотни тўсқинликсиз олиш имкониятини таъминлайди.

Каналга уланиш👇👇👇
https://t.iss.one/huquqiyaxborot

#Конституцияни_ўрганамиз

Ўзбекистон ўз ҳудудида ҳам, унинг ташқарисида ҳам ўз фуқароларини ҳимоя қилиш ва уларга ҳомийлик кўрсатишни кафолатлайди.

Ўзбекистон фуқароси Ўзбекистондан ташқарига мажбурий чиқариб юборилиши ёки бошқа давлатга бериб юборилиши мумкин эмас.

Давлат хорижда яшаётган ватандошлар билан алоқаларни сақлаб қолиш ҳамда ривожлантириш тўғрисида халқаро ҳуқуқ нормаларига мувофиқ ғамхўрлик қилади.

Янги таҳрирдаги Конституция, 23-модда.

Каналга уланиш👇👇👇
https://t.iss.one/huquqiyaxborot

#Конституцияни_ўрганамиз

Konstitutsiyaviy huquqlar

Mazkur kursda Konstitutsiyada fuqarolarning ijtimoiy, siyosiy, iqtisodiy sohalarda huquq va erkinliklari, majburiyat hamda burchlariga oid huquqlari tushuntiriladi.

O‘zbekiston Respublikasi Konstitutsiyasi muqaddima, 6 bolim, 155 ta moddadan iborat.

Ushbu kurs fuqarolarning konstitutsiyaviy huquqlari boʻyicha axborot-tahlil tushuntirish materiallarini oʻz ichiga qamrab olgan 5 ta darsdan iborat. Kurs soʻngida olingan bilimlarni mustahkamlash uchun test sinovi keltirilgan.

Darslarni oʻzlashtirganlik uchun maxsus sertifikat taqdim etiladi.

#Конституцияни_ўрганамиз

📝 Адлия вазирлиги томонидан “Янги таҳрирдаги Ўзбекистон Республикаси Конституциясини ўрганамиз” мавзусида қисқа муддатли ўқув курси ташкил этилади.

❕Мазкур курс онлайн шаклда Юристлар малакасини ошириш маркази профессор-ўқитувчилари томонидан олиб борилади.

📋 Ўқув курслари якунида сертификат берилади.

📞 Қўшимча маълумотлар учун: +998 (71) 234 53 46,
+998 (71) 234-55-40

Каналга уланиш👇👇👇
https://t.iss.one/huquqiyaxborot

#Конституцияни_ўрганамиз

Конституциямизнинг 26-моддаси: “Инсоннинг шаъни ва қадр-қиммати дахлсиздир. Ҳеч нарса уларни камситиш учун асос бўлиши мумкин эмас.

Ҳеч ким қийноққа солиниши, зўравонликка, бошқа шафқатсиз, ғайриинсоний ёки инсон қадр-қимматини камситувчи муомалага ёхуд жазога дучор этилиши мумкин эмас.

Ҳеч кимда унинг розилигисиз тиббий ва илмий тажрибалар ўтказилиши мумкин эмас”.

Инсон шаъни – бу инсоннинг бошқа одамлар олдида ўз аҳамиятини англаши ёки инсоннинг маънавий обрўсидир.

Инсон қадр-қиммати – бу шахснинг ўзини ўзи ҳурмат қилиши, жамият аъзоси сифатида ўз мавқеи ва аҳамиятини англашидир.

Ҳар қандай ҳолатда ҳам ҳеч бир шахс қийноққа солиниши ва бошқа ғайриинсоний таъсирларга дучор этилиши мумкин эмаслигини Конституция тақиқламоқда.

Шунга кўра, давлат органлари, мансабдор шахслар, айниқса, суриштирувчи, терговчи, прокурор, судья ва бошқа ҳуқуқни муҳофаза қилувчи органлар ходимлари ўз фаолиятида ҳар қандай ҳолатда ҳам инсон шаъни, ор-номуси, ва қадр-қимматига дахл қилмаслиги, камситмаслиги, аксинча уларга инсоний муносабатда бўлишлари лозим.

Видео: https://www.youtube.com/watch?v=Hc2iFxZdJDg

Каналга уланиш👇👇👇
https://t.iss.one/huquqiyaxborot

#Конституцияни_ўрганамиз

Конституциямизнинг 35-моддасида “Ҳамма учун виждон эркинлиги кафолатланади. Ҳар ким хоҳлаган динга эътиқод қилиш ёки ҳеч қайси динга эътиқод қилмаслик ҳуқуқига эга. Диний қарашларни мажбуран сингдиришга йўл қўйилмайди”, деб белгиланган.

Виждон эркинлиги – бу фуқароларнинг хоҳлаган динга эътиқод қилиш ёки ҳеч қайси динга эътиқод қилмаслик бўйича кафолатланган ҳуқуқидир.

Фуқароларнинг мазкур конституциявий ҳуқуқларини рўёбга чиқаришга қаратилган “Виждон эркинлиги ва диний ташкилотлар тўғрисида”ги Қонун қабул қилинган.

Унга кўра, фуқаро динга, динга эътиқод қилишга ёки эътиқод қилмасликка, ибодатларда, диний расм-русумлар ва маросимларда иштирок этишга ёки иштирок этмасликка, диний таълим олишга нисбатан ўз муносабатини белгилаётганда уни у ёки бу тарзда мажбурлашга йўл қўйилмайди.

Шунингдек, Ўзбекистон фуқаролари, динга муносабатидан қатъи назар, қонун олдида тенглиги мустаҳкамланган.

Видео: https://youtu.be/VNOZElY3cMg

Каналга уланиш👇👇👇
https://t.iss.one/huquqiyaxborot

1008да нима гаплар🗣?!

Бир мурожаат бўйича шу йўналишда ишловчи ҳамкасблар билан гаплашиб қолдим. “Ишонч телефони”га оид ОАВ ва жамоатчилик эътирозлари қанчалик ўринлилиги бўйича фикрлашдик. Суҳбатлашиш жараёнида “Ишонч телефони”ларига одамлардан қанчалик соҳага оид масалалар бўйича мурожаатлар келиб тушиши билан қизиқдим.

Адлия вазирлиги ишонч рақамига ҳуқуқий масалалардан ташқари айрим қизиқарли мурожаатлар ҳам бўлиб тураркан. Масалан, “кучугим йўқолиб қолди ёрдам беринглар тополмаяпман”, “уйимиздан каламуш чиқди ким қарайди буларга”, “Афросиёб поездига чипта топиб беринглар”, “экинларимга сув олиб келолмаяпман, кўчада аёллар сув беришмаяпти, ёрдам беринглар”, “сеҳр ишлатганларга чора кўриб беринглар”, “Қўшнимизни чорваси кўпайиб кетти экинларимни пайҳон қилиши мумкин, чора кўриб беринглар”.

Шунингдек, айрим фуқаролар ишонч рақамига танишув чати сифатида, айрим талабалар эса якуний ҳамда оралиқ назорат иши саволларига жавоб топиб беришни сўраб мурожаат қилиш ҳолатлари ҳам кузатилиб туради.

Уларни гап сўзларини эшитиб на кулишни, на йиғлашни биласиз. Бир ёқда “сизларга боғлана олмаяпман”деб жар солаётганлар, бир ёқда эса “ўз дарди” билан оввора бўлган гўшакдагилар.

Аслида қандай масалалар бўйича 1008 ишонч рақамига мурожаатлар қабул қилинади дерсиз?

Демак, Адлиянинг “Ишонч телефони”га қуйидаги масалалар бўйича мурожаат этиш мумкин:

1.Нотариуслар ва нотариал ҳаракатлар, адвокатлар ва ҳуқуқий хизматлар.
2.Давлат хизматлари ва ФҲДЁ органлари фаолияти бўйича.
3.Суд-ҳуқуқ соҳаси бўйича ҳуқуқий тушунтиришга оид масалалар.
4.Меҳнат муносабатларига оид масалалар.
5.Инсон ҳуқуқлари бузилиши бўйича масалалар.
6.Ижтимоий ҳимоя (пенсия, нафақа, моддий ёрдам, бола пули) масалалари бўйича ҳуқуқий тушунтириш.
7.Уй-жой соҳаси бўйича ҳуқуқий тушунтиришга оид масалалар.
8.Бошқа турдаги муаммолар (фуқаро талаблари ҳамда илтимослари бўйича) ҳуқуқий маслаҳатга оид масалалар.
бўйича қилинган мурожаатларга ҳуқуқий тушунтириш берилади, назоратга олинганлари бўйича вазирлик фаолияти доирасида кўмак берилади.

Амалдаги қонунчиликда ҳам “Ҳар ким бевосита ўзи ва бошқалар билан биргаликда давлат органларига ҳамда ташкилотларига, фуқароларнинг ўзини ўзи бошқариш органларига, мансабдор шахсларга ёки халқ вакилларига аризалар, таклифлар ва шикоятлар билан мурожаат қилиш ҳуқуқига эга”лиги белгиланган. Мурожаатларни кўриб чиқиш “Жисмоний ва юридик шахсларнинг мурожаатлари тўғрисида”ги Қонун билан тартибга солинади. Бу ҳуқуқдан фойдланиш чекланмаяпти. Фақатгина ўзаро ҳурмат билан бошқа ҳамюртларимизга ҳам муносабат бўлиш сўраляпти.
Эслатиб ўтамиз, мазкур “Ишонч телефони” орқали қўнғироқлар байрам кунларидан ташқари душанба кунидан жума кунигача (жума куни ҳам) соат 09.00 дан 13.00 гача ва 14.00 дан 18.00 гача қабул қилинади. Бундан ташқари, вазирликнинг давлат хизматлари соҳасидаги масалалар бўйича 1148 қисқа рақамли алоқа-ахборот маркази орқали маслаҳатлар берилиб, мурожаатлар қабул қилиниб келинмоқда.