​#Adliya_hudud

Hududiy adliya organlari faoliyatidan

🔹 Jomboy tuman adliya bo‘limining aralashuvi bilan maktabgacha ta'lim xodimlariga 200 mln so‘mdan ortiq pul mablag‘lari undirib berildi.

🔹 Bulung‘ur tuman adliya bo‘limining sa'y-harakatlari bilan 53 nafar xodimlarga jami 112 mln so‘m o‘rtacha oylik ish haqi miqdorida ishdan bo‘shatish nafaqasi to‘lab berilishi ta'minlandi.

🔹 Qo‘shrabot tuman adliya bo‘limi tomonidan ta'lim tizimi xodimlariga 51 mln so‘mdan ortiq oylik ish haqlari va nafaqalar to‘lab berilishi ta'minlandi.

🔹 Baliqchi tuman adliya bo'limi aralashuvi bilan "Toza hudud" DUK tuman filialining 21 nafar xodimlariga to'lab berilmagan ish haqilari sud buyrug'iga asosan undirilishi ta'minlandi.

🔹 Marhamat tuman adliya bo‘limi tomonidan tibbiyot xodimlarining buzilgan huquqlari tiklandi.

🔹 Qoʻqon shahar adliya boʻlimi tomonidan “Sogʻliqni saqlash va taʼlim tizimi xodimlarining huquqlarini himoya qilish” huquqiy aksiyasi doirasida 30 nafar oʻqituvchilarning buzilgan huquqlari tiklandi.

🔹 Bo‘stonliq tumani adliya bo‘limi yordami bilan o‘qituvchilar ustama pullarini olishdi.

🔹 Chust tuman adliya bo‘limi tomonidan aksiya doirasida murojaatlar hal etildi.

🔹 Toʻraqoʻrgʻon tuman adliya boʻlimi tomonidan bir guruh tibbiyot xodimlarining qonuniy manfaati himoya qilindi.

🔹 Namanganda shifokorlar va o‘qituvchilar manfaati yuzasidan sudga 479 millionlik da'vo kiritildi.

🔹 Kosonsoyda 54 nafar xodimga 111 million so‘m ish haqi kam to‘langani aniqlandi.

🔹 Huquqiy aksiya doirasida Xorazm viloyat adliya boshqarmasi ko‘magi bilan 18 nafar xodimga 88 mln so‘m ustama pullari to‘lab berildi.

🔹 Navoiy viloyat adliya boshqarmasi tashabbusi bilan “Nuroniylar ardog‘imizda” loyihasi tashkil etildi.

🔹 Uchquduq tumanida adliya bo‘limi tomonidan tadbirkorga 119 mlndan ortiq kompensatsiya undirib berildi.

🔹 Navoiy viloyat adliya boshqarmasi tashabbusi bilan “Saylov qonunchiligi targ‘iboti dolzarb 30 kun” aksiyasi doirasida 100 dan ortiq xonadonlarga uyma-uy kirgan holda saylov qonunchiligi tushuntirildi.

🔹 Qiziltepa tumani hamda Zarafshon shahar adliya bo‘limlarining ta’sir choralari natijasida xalq ta’limi tizimi mas’ullariga mehnat qonunchiligida nazarda tutilgan 20 mlnga yaqin pul mablag’lari undirib berilidi.

🔹 G'ozg'onda xotin-qizlar uchun seminar tashkil etildi.

🔹 Boyovut tuman adliya bo'limi tomonidan “Markaz” mahalla fuqarolar yig‘inida sayyor qabul o'tkazildi.

🔹 Yangiyer shahar adliya bo‘limi ko‘magi bilan 17 yillik muammo yechim topdi.

🔹 Kadrlar bo‘yicha menejerga ish haqi kam to‘langan, holatga Boyovut tumani adliya bo'limi aralashdi.

🔹 Sirdaryo viloyati yuridik texnikumida "Rahbar va yoshlar" uchrashuvi o'tkazildi.

🔹 Toshkent shahar adliya boshqarmasi tomonidan “Mahallada duv-duv gap” loyihasi doirasida Chilonzor tumani “Beshqo'rg'on” mahallasida fuqarolarning huquqiy muammolarini hal qilish yuzasidan fuqarolar bilan uchrashuv hamda seminar o‘tkazildi.

@adliyangiliklari

#videodaydjest

📹 Adliya tizimidagi oʻtgan hafta davomida qanday muhim voqealar, o‘zgarishlar ro‘y berdi?

Ular haqida haftalik daydjesti.

#Adliya_online

Joriy etilayotgan Mobil-ID tizimi qachondan to‘liq ishga tushadi? Qulaylik va afzalliklari
▫️Bekor bo‘layotgan byurokratik talablar?!
▫️Davlat organlarida shaxsga doir ma'lumotlar bilan ishlashda qanday yangi tizimlar yaratilmoqda?

Adliya vazirligida tashkil etilgan matbuot anjumanida ushbu savollarga javoblar va boshqa eksklyuziv yangiliklarni olishingiz mumkin! Tadbir boshlandi.

📹 Onlayn translyatsiya
👉Facebook
👉 Youtube

@adliyangiliklari

​#Muhim

Fuqarolar yigʻini raisi (oqsoqoli) saylovi toʻgʻrisida bilasizmi?

▪️Fuqarolar yigʻini raisi (oqsoqloli) saylovida kimlar ishtirok eta oladi?
Fuqarolar yigʻini raisi saylovida saylov kuni oʻn sakkiz yoshga toʻlgan hamda shaharcha, qishloq, ovul, shuningdek shahardagi, shaharchadagi, qishloqdagi, ovuldagi mahalla hududida doimiy yashovchi fuqarolar ishtirok etishlari mumkin.

Sud tomonidan muomalaga layoqatsiz deb topilgan fuqarolar fuqarolar yigʻini raisi saylovida ishtirok etishi mumkin emas.

▪️Fuqarolar yigʻini raisi qancha muddatga saylanadi?
Fuqarolar yigʻini raisi fuqarolar yigʻini tomonidan, fuqarolar yigʻinini chaqirish imkoni boʻlmagan taqdirda esa, fuqarolar vakillarining yigʻilishi tomonidan uch yilga saylanadi.

▪️Bu yilgi fuqarolar yigʻini raisligiga saylovlar qachon boʻlib oʻtadi?
Fuqarolar yigʻini raisi saylovini oʻtkazish muddatlari saylov boshlanishidan kamida ikki oy oldin Oʻzbekiston Respublikasi Oliy Majlisi Senatining Kengashi tomonidan belgilanadi.

Bu yilgi fuqarolar yigʻini raisligiga saylovlar joriy yilning may oyida boʻlib oʻtishi rejalashtirilgan.

▪️Hududlarda fuqarolar yigʻini raisi saylovlarini tashkil etish va oʻtkazishga kim masʼul boʻladi?
Fuqarolar yigʻini raisi saylovini tashkil etish va oʻtkazish uchun fuqarolar yigʻini qarori bilan ishchi guruh tuziladi. Fuqarolar yigʻini raisining navbatdagi saylovi eʼlon qilinganidan keyin ishchi guruh oʻz faoliyatini tugatadi.

Ishchi guruh tarkibiga, qoida tariqasida, fuqarolar yigʻinining, tegishli hududda joylashgan nodavlat notijorat tashkilotlarining va boshqa tashkilotlarning vakillari, shuningdek tegishli xalq deputatlari tuman (shahar) Kengashining deputati kiritiladi. Fuqarolar yigʻini raisi, uning maslahatchilari, fuqarolar yigʻini organlarining boshqa xodimlari, shuningdek fuqarolar yigʻini raisi lavozimiga nomzodlarning, fuqarolar yigʻini organlari boshqa xodimlarining yaqin qarindoshlari ishchi guruh tarkibiga kiritilishi mumkin emas.

▪️Fuqarolar yigʻini raisi lavozimiga nomzodlar kim tomonidan koʻrsatiladi?
Fuqarolar yigʻini raisi lavozimiga nomzodlar koʻrsatish tegishli hududda doimiy yashovchi fuqarolarning fikri inobatga olingan holda ishchi guruh tomonidan amalga oshiriladi.

▪️Fuqarolar yigʻini raisi lavozimiga nomzodlarga qanday talablar belgilangan?
Fuqarolar yigʻini raisi lavozimiga nomzodlar Oʻzbekiston Respublikasi fuqarolari boʻlishi, qoida tariqasida, oliy maʼlumotga ega boʻlishi, bevosita saylovga qadar kamida besh yil tegishli hududda doimiy yashayotgan boʻlishi, tashkilotchilik qobiliyatiga, davlat organlarida yoki nodavlat notijorat tashkilotlarida yoxud tadbirkorlik va boshqa xoʻjalik faoliyati sohasida ish tajribasiga, shuningdek hayotiy tajribaga va aholi oʻrtasida obroʻ-eʼtiborga ega boʻlishi kerak.

Sud tomonidan muomalaga layoqatsiz deb topilgan, ogʻir yoxud oʻta ogʻir jinoyatlarni sodir etganlik uchun sudlanganlik holati tugallanmagan yoki sudlanganligi olib tashlanmagan shaxslar, shuningdek sudning hukmi bilan ozodlikdan mahrum etish joylarida saqlanayotgan, haqiqiy harbiy xizmatdagi shaxslar, diniy tashkilotlarning professional xizmatchilari fuqarolar yigʻini raisi lavozimiga saylanish uchun nomzod etib koʻrsatilishi mumkin emas.

▪️Qanday hollarda fuqarolar yigʻini raisi saylovi oʻtmagan deb topildi?
Agar fuqarolar yigʻini raisi saylovida fuqarolar yigʻinida ishtirok etuvchilar roʻyxatiga kiritilgan fuqarolarning yarmidan kamrogʻi ishtirok etgan boʻlsa, saylov oʻtmagan deb topiladi. Fuqarolar yigʻini raisi saylovi fuqarolar vakillarining yigʻilishlarida oʻtkazilgan taqdirda, agar yigʻilishda hovlilar, uylar, koʻchalardan fuqarolar vakillarining uchdan ikki qismidan kamrogʻi ishtirok etgan boʻlsa, saylov oʻtmagan deb topiladi.

▪️Fuqarolar yigʻini raisiga boʻlib oʻtgan saylovlar haqiqiy emas deb toplishi mumkinmi?
Fuqarolar yigʻini raisi saylovi davomida yoki ovozlarni sanab chiqishda yoʻl qoʻyilgan va ovoz berish yakunlariga taʼsir qilgan qoidabuzarliklar tufayli saylov sud tomonidan haqiqiy emas deb topilishi mumkin.

@adliyangiliklari

#Muhim

📢📢 O‘zbekiston Respublikasi fuqarolari hamda ilmiy tashkilotlar va oliy ta'lim muassasalari vakillari diqqatiga!

O‘zbekiston Respublikasi Prezidentining 2021-yil 22-oktabrdagi qarori bilan 2022–2026 yillarda amaldagi normativ-huquqiy hujjatlarni korrupsiyaga qarshi ekspertizadan o‘tkazish reja-grafigi tasdiqlangan. Shu bilan birga, Vazirlar Mahkamasining 2022-yil 26-martdagi qaroriga asosan 2022-yilda ijtimoiy himoya, moliya va kredit, tadbirkorlik, tashqi iqtisodiy faoliyat va bojxona ishi sohalariga oid qonunchilik hujjatlarini korrupsiyaga qarshi ekspertizadan o‘tkazish belgilangan.

Endilikda Siz mazkur jarayonlarda korrupsiyaga qarshi ekspertizadan o‘tkazish bo‘yicha mustaqil yoki ilmiy ekspert sifatida qatnashish imkoniyatiga egasiz.

📞Ma'lumot uchun: +998(71) 207-04-99.

👉Batafsil

@adliyangiliklari

#Adliya_aksiya

❕Adliya vazirligi tomonidan 2022-yil 15-martdan 15-maygacha “Sog‘liqni saqlash va ta'lim tizimi xodimlarining huquqlarini himoya qilish” huquqiy aksiyasi o‘tkazilmoqda.

📹 https://youtu.be/3J2QigI1Dnk

Huquqiy aksiyada faol ishtirok eting va huquqiy bilimlaringizni yanada oshiring!

@adliyangiliklari

#Adliya_xabari

Samarqand viloyatida ikki nafar xususiy amaliyot bilan shugʻullanuvchi notariusning litsenziyalari vaqtincha to‘xtatildi

“Notariat toʻgʻrisida”gi Qonunning 15-3-moddasiga asosan Samarqand viloyat adliya boshqarmasi huzuridagi malaka komissiyasining 2022-yil 12-aprel kunidagi 4-son majlisi bayonnomasiga asosan:

Samarqand shahrida xususiy amaliyot bilan shug‘ullanuvchi notarius L.Aliyevaga berilgan xususiy notarial faoliyat bilan shug‘ullanish huquqini beruvchi litsenziya (SA № 0004, 23.04.2020-y)ning amal qilish muddati 2022-yil 14-aprel kunidan 1 (bir) oy muddatga;

Payariq tumanida xususiy amaliyot bilan shug‘ullanuvchi notarius A.Tashtemirovga berilgan litsenziya (SA № 0062, 22.06.2020 y)ning amal qilish muddati 2022-yil 14-aprel kunidan 2 (ikki) oy muddatga to‘xtatildi.

Adliya vazirligi
Jamoatchilik bilan aloqalar bo'limi

#Сўраган_эдингиз

САВОЛ: Фарзанд туғилганда бериладиган бир марталик нафақа пулини олиш жараёнини электронлаштирилганлигими❓

‼️ЖАВОБ: Вазирлар Маҳкамасининг 2020 йил 10 ноябрдаги 704-сон қарори билан Туғилганликни қайд этиш билан боғлиқ комплекс давлат хизматларини кўрсатишнинг маъмурий регламенти тасдиқланган. Унга асосан бугунги кунда боланинг туғилганлигини қайд этиш, поликлиникага ҳисобга қўйиш, бир марталик нафақа пулини олиш, болани отаси ёки онаси ёҳуд васийси (ҳомийси), тутинган ота-онаси доимий рўйхатда турган манзили бўйича рўйхатга қўйиш ҳамда болани давлат мактабгача таълим ташкилотига навбатга қўйиш комплекс тарзда (бир вақтда) ФҲДЁ органига мурожаат қилиган вақтида кўрсатилади.

Фарзанди туғилган ота-онани идорама-идора юришига ҳожат йўқ.

Хатоки, ҳозирда бола туғилганда бериладиган бир марталик нафақа пулини Халқ банки филиалларига бормасдан ФҲДЁ органи орқали боланинг отаси ёки онасининг пластик картасига ўтказиб бериш амалиёти ҳам йўлга қўйилган.

Агар боланинг отаси ёки онасининг номида пластик картаси бўлмаса, улар шахсини тасдиқловчи ҳужжатларни кўрсатган ҳолда, бола туғилгандан бошлаб 6 ой муддат ичида экстериторал тамоий асосида ўзига қулай бўлган “Халқ банки”нинг исталган филиалига мурожаат қилиб, нафақа пулини олиши мумкин.

Нафақа пули расмийлаштирилганда ҳамда Халқ банки томонидан тўланганда бу ҳақида ариза берувчига СМС хабар ҳам юборилади.

#Adliya_xabari

Toshkent shaharidagi xususiy amaliyot bilan shugʻullanuvchi 3 nafar notariusning litsenziyasi vaqtincha toʻxtatildi

“Notariat toʻgʻrisida”gi Qonunning 15-2-moddasiga asosan Toshkent shahar adliya boshqarmasi huzuridagi malaka komissiyasining 2022-yil 22-apreldagi 3/2022-son majlis bayonnomasiga asosan:

1.Yakkasaroy tumanida xususiy amaliyot bilan shugʻullanuvchi notarius D.Gafurovaning litsenziyasi amal qilish muddati 2022-yilning 27-apreldan 3 oy muddatga;

2.Chilonzor tumanida xususiy amaliyot bilan shugʻullanuvchi notarius U.Mansurovaning litsenziyasi amal qilish muddati 2022-yilning 27-aprel kunidan 15 kun muddatga;

3.Yunusobod tumanida xususiy amaliyot bilan shugʻullanuvchi notarius Sh.Muratovaning litsenziyasi amal qilish muddati 2022-yilning 27-aprel kunidan 15 kun muddatga to‘xtatildi.

#Сўраган_эдингиз

САВОЛ:16 ёшгача бўлган болаларга ижтимоий нафақа тайинлаш жараёнида бюрократик тўсиқларни ҳам бартараф этиш, ушбу жараённи электронлаштириш бўйича ишлар амалга оширилябдими❓

‼️ЖАВОБ: Ўзбекистон Республикаси Президентининг “Аҳолига давлат ижтимоий хизматлари ва ёрдам тақдим этиш тартиб-таомилларини автоматлаштириш бўйича қўшимча чора-тадбирлар тўғрисида” 2020 йил
4 августдаги ПҚ–4797-сон қарорига асосан “Ижтимоий ҳимоя ягона реестри” ахборот тизими ишга туширилган.

Вазирлар Маҳкамасининг 2021 йил 5 мартдаги 122-сон қарорига мувофиқ
2021 йил 1 апрелдан бошлаб ижтимоий нафақа ва моддий ёрдам тайинлаш тўлиқ автоматлаштирилган тартибда “Ижтимоий ҳимоя ягона реестри” ахборот тизими орқали амалга оширилмоқда.

✅Маълумот учун, ижтимоий нафақа ва моддий ёрдам тайинлашда давлат органлари томонидан 11 турдаги ҳужжатлар ва маълумотларни фуқаролардан талаб қилиши бекор қилиниб, уларни идоралараро электрон ҳамкорлик орқали олиш йўлга қўйилди.

‼️Бу жараёнда фуқаролардан қўшимча ҳужжатлар талаб қилинмайди.

#Adliya_aksiya

Adliya vazirligi tomonidan 2022-yil 15-martdan 15-mayga qadar “Sogʻliqni saqlash va taʼlim tizimi xodimlarining huquqlarini himoya qilish” huquqiy aksiyasi oʻtkazilmoqda.

Aksiya doirasida adliya organlariga 5 727 ta murojaat kelib tushgan boʻlsa, shundan, 3 890 tasi (68 %) qanoatlantirildi, 453 ta murojaat boʻyicha huquqiy tushuntirish berildi hamda 26 ta murojaat tegishliligiga koʻra vakolatli organlarga yuborildi. Hozirda 1 358 ta murojaatlar ish yurituvida koʻrib chiqilmoqda.

👉Batafsil

@adliyangiliklari

Рамазон байрами муносабати неча кун дам олиш берилади?

Бугунги видеоселекторда келгуси ҳафтада Рамазон Ҳайити муносабати билан ҳам аҳолимизга яна 5 кунлик дам олиш берилиши маълум қилинди. Аслида бу янгилик эмас, ўтган йили декабрь ойидаги Президент фармонида бу назарда тутилган эди, бугун қайта эслатиб ўтилди холос.

Кўпчилик дам олиш қайси кунларга тўғри келишини сўрамоқда.

Бу ерда 2 та муҳим маълумотни билишингиз керак:

1️⃣ кетма-кет 5 кунлик дам олиш ҳаммага эмас, фақат ҳафтасига 5 кун ишловчиларга 5 кун дам олиш бўлади. Ҳафтасига 6 кун ишловчиларга эса 4 кун дам олиш берилади;

2️⃣ Президент фармонида 4 май (чоршанба) ва 5 май (пайшанба) кунлари дам олиш кунлари деб эълон қилинган. Лекин бу ерда Рамазон Ҳайити 3 майга тўғри келиши ҳисобга олинган. Ҳали Ҳайит қайси кунга тўғри келиши аниқ эмас, аммо 2 май куни бўлиши эҳтимоли жуда юқори. Шу сабабли дам олиш кунларида ўзгариш бўлиши мумкин.

Келинг, Ҳайит байрамини 2 майга тўғри келади деб тасаввур қиламиз. Шунда дам олиш кунлари қуйидагича бўлади:

✅ ҳафтасига 5 кун ишлайдиганлар учун:

1️⃣ 30 апрель (шанба);
2️⃣ 1 май (якшанба);
3️⃣ 2 май (душанба) – Рамазон ҳайити;
4️⃣ 3 май (сешанба) — кўчирилган дам олиш куни;
5️⃣ 4 май (чоршанба) — кўчирилган дам олиш куни.

Изоҳ: 5 кун ишловчилар кўчирилган дам олиш кунлари эвазига 7 май ва 14 май шанба кунлари ҳам ишга чиқиши керак бўлади.

✅ ҳафтасига 6 кун ишлайдиганлар учун:

1️⃣ 1 май (якшанба);
2️⃣ 2 май (душанба) – Рамазон ҳайити;
3️⃣ 3 май (сешанба) – қўшимча дам олиш куни;
4️⃣ 4 май (чоршанба) – қўшимча дам олиш куни;

🔻 ЎзАнинг телеграм каналларини кузатиб боринг

Ўзбекча | O`zbekcha | Русская | Илм-фан | Тезкоp