#Адлия_хабари #Лойиҳа

‼️Ўзбекистон Республикаси Вазирлар Маҳкамасининг
"Нотариуслар томонидан айрим нотариал ҳаракатларни амалга ошириш тартиби тўғрисидаги маъмурий регламентларни тасдиқлаш ҳақида" ги қарори лойиҳаси жамоатчилик (https://regulation.gov.uz/uz/document/20788) муҳокамасига қўйилди.

‼️Адлия вазирлиги томонидан ишлаб чиқилган қарор лойиҳаси жисмоний ва юридик шахслар учун нотариал хизматлардан фойдаланиш юзасидан шаффоф тизим яратишни кўзда тутмоқда.

✅Шунингдек, нотариуслар томонидан ҳар бир нотариал ҳаракатни амалга оширишнинг аниқ тартиб-таомиллари белгилаб берилади.

❗️Мазкур қарор лойиҳаси билан қуйидагилар белгиланмоқда:

✅биринчидан, ҳар бир нотариал ҳаракатни амалга ошириш тартибини белгиловчи алоҳида-алоҳида маъмурий регламентлар тасдиқланмоқда;

✅иккинчидан, жисмоний ва юридик шахсларнинг нотариал идорага мурожаат қилиши, навбатга ёзилиши ва нотариал хизматлардан фойдаланиш тартиби белгиланмоқда;

✅учинчидан, нотариусга ҳужжатларни тақдим этиш ва нотариал ҳаракатни амалга оширишда ортиқча бюрократия ва сансоларлик ҳолатларини олдини олиш бўйича қоидалар киритилмоқда;

✅тўртинчидан, нотариуслар томонидан нотариал ҳаракатларни амалга ошириш учун талаб этиладиган ҳужжатлар ва уларни кўриб чиқиш тартиби соддалаштирилмоқда.

✅бешинчидан, нотариал тасдиқланган битим, ариза ва бошқа ҳужжатларга ўзгартириш ва қўшимчалар киритиш, уларни бекор қилиш ҳамда нотариал ҳаракатни амалга оширишни рад этиш тартиби, нотариал ҳужжатлар йиғмажилдларини сақлаш ва архивларни юритиш қоидалари белгиланмоқда.

Муҳокама 27 август кунига қадар давом этади.

⚠️ Барча мутухассислар, экспертлар ва фуқароларимизни лойиҳаси юзасидан ўз фикр ва мулоҳазалари билан ўртоқлашишга чақирамиз:
https://regulation.gov.uz/uz/document/20788

#Лойиҳа_муҳокамада

Коррупцияга қарши курашишга ҳисса қўшган шахслар давлат мукофотига тавсия этилиши мумкин

📋 Норматив-ҳуқуқий ҳужжатлар лойиҳалари муҳокамаси порталида Коррупцияга оид ҳуқуқбузарлик ҳақида хабар берган ёки коррупцияга қарши курашишда бошқа тарзда кўмаклашган шахсларни рағбатлантириш тартиби тўғрисидаги низом лойиҳаси эълон қилинди.

✅ Лойиҳада коррупцияга оид маъмурий ҳуқуқбузарликлар, коррупцияга оид жиноятлар тушунчаларига таъриф берилиб, мазкур турдаги ҳуқуқбузарлик ва жиноятларга тегишлича МЖтК ва ЖКнинг қайси моддалари кириши белгилаб берилмоқда.

☑️ Шунингдек, коррупцияга оид ҳуқуқбузарлик ҳақида хабар берилганда бир марталик пул мукофоти, ташаккурнома ёки эсдалик совға шаклида рағбатлантириш белгиланмоқда.

💰 Жумладан, коррупцияга оид маъмурий ҳуқуқбузарлик ҳақида берилган хабар учун ‒ 669 минг сўм миқдорида бир марталик пул мукофоти билан рағбатлантирилади.

🎖 Лойиҳада шахс коррупцияга қарши курашишга муносиб ҳисса қўшганлиги учун қонун ҳужжатларига мувофиқ давлат мукофотига ҳам тавсия этилиши мумкинлиги назарда тутилган.

🗓 Лойиҳа муҳокамаси жорий йилнинг 3 сентябрига қадар давом этади.

Каналга уланиш👇👇👇
https://t.iss.one/huquqiyaxborot

#Лойиҳа_муҳокама

Шахсларнинг диний эркинликларини амалга оширишга чекловлар бекор бўлмоқда

✅“Виждон эркинлиги ва диний ташкилотлар тўғрисида”ги Қонуннинг янги таҳрирдаги лойиҳаси www.parliament.gov.uzсайтига жамоатчилик муҳокамаси учун жойлаштирилди.

✅Қонун лойиҳаси Ўзбекистон Республикаси Президентининг 2020 йил 22 июндаги Фармони ижросини таъминлаш мақсадида Адлия вазирлиги томонидан манфаатдор вазирлик ва идоралари билан биргаликда ишлаб чиқилди.

Батафсил👇🏻
https://teletype.in/@adliya_yangiliklari/5PfdYF9QI

#Лойиҳа

Вазирлар Маҳкамасининг "Республика ҳудудларида эскириб қолган уй-жой фондини таъмирлаш ва янгилаш чора-тадбирларини амалга ошириш тўғрисида"ги Қарори лойиҳаси муҳокамага қўйилибди:

https://regulation.gov.uz/uz/document/21364

#Лойиҳа

Ўзбекистон фуқаролигига қабул қилишда давлат тилини билиш даражасини аниқлаш тартиби тасдиқланади.

Батафсил👇🏻:
https://regulation.gov.uz/uz/document/18319

#Лойиҳа

Вазирлар Маҳкамасининг "Давлат хизматчиларининг ҳуқуқий саводхонлигини оширишга доир қўшимча чора-тадбирлар тўғрисида"ги қарори лойиҳаси жамоатчилик муҳокамаси учун қўйилди.

Лойиҳага кўра, Ўзбекистон Республикаси Адлия вазирлиги томонидан давлат хизматчиларининг ҳуқуқий саводхонлиги даражасини баҳолаш натижалари мониторинг қилинади

Танишиш учун 👇🏻👇🏻👇🏻
https://regulation.gov.uz/ru/d/25025

#Лойиҳа_ҳақида

‼️Адлия вазирлиги томонидан “Давлат хизматчиларининг ҳуқуқий саводхонлигини оширишга доир қўшимча чора-тадбирлар тўғрисида”ги қарори лойиҳаси ишлаб чиқилиб жамоатчилик муҳокамасига қўйилди.

Лойиҳа билан Давлат хизматчиларининг ҳуқуқий саводхонлиги даражасини баҳолаш тартиби тўғрисидаги низом, низомнинг иловасига мувофиқ давлат хизматчиларининг ҳуқуқий саводхонлигига қўйиладиган минимал талаблар ва давлат хизматчиларининг ҳуқуқий саводхонлиги минимал талаблар бўйича баҳолашдан ўтказиладиган лавозимлари рўйхати тасдиқланиши назарда тутилмоқда.

Давлат хизматчиларининг ҳуқуқий саводхонлигига қўйиладиган минимал талабларда асосий эътибор давлат бошқаруви ва маҳаллий ижро этувчи ҳокимият органлари ходимлари ҳуқуқий саводхонлигини ошириш учун зарур бўлган қонунчилик нормаларини билиш ва қўллай олиш кўникмасига эга бўлишга қаратилган.

Лойиҳага кўра, баҳолаш натижалари адлия вазирлиги томонидан таҳлил қилинади, юқори натижани қайд этган давлат бошқаруви ва маҳаллий ижро этувчи ҳокимият органларининг ижобий тажрибалари бошқа давлат ташкилотлари фаолиятига ҳам жорий этилади ва салбий кўрсаткич сабабларини бартараф этиш бўйича тегишли чоралар кўрилади.

Лойиҳани ишлаб чиқиш жараёнида Япония, Германия, Россия, Беларусь каби қатор хорижий давлатлар тажрибаси ўрганилди.

Танишиш учун👇🏻👇🏻👇🏻
https://regulation.gov.uz/ru/d/25025

Адлия вазирлиги
Жамоатчилик билан алоқалар бўлими

#Лойиҳа

Коррупциявий жиноятни содир этганларнинг очиқ электрон реестри юритилиши таклиф қилинмоқда

Мазкур Фармон лойиҳаси Адлия вазирлиги томонидан муҳокамага жойлаштирилган бўлиб, лойиҳанинг тўлиқ матни билан қуйидаги ҳавола орқали танишиш мумкин.

📍Лойиҳа билан батафсил танишиш: https://cc.uz/167jj

Каналга уланиш👇👇👇
https://t.iss.one/huquqiyaxborot