#Qabul_2024

📣 Тошкент давлат юридик университети ҳузуридаги Наманган ва Самарқанд вилоятлари юридик академик лицейларига қабул бошланди

Жорий йилнинг 20 июнь кунидан Тошкент давлат юридик университети ҳузуридаги Наманган ва Самарқанд вилоят академик лицейларига 2024/2025-ўқув йили учун умумий ўрта таълим мактабларининг 9-синф битирувчилари томонидан 👉https://litsey.uzbmb.uz портали орқали онлайн ҳужжат топшириш жараёни бошланди.

Тақдим этиладиган ҳужжатлар:

▪️Ариза;
▪️Шахсни тасдиқловчи ҳужжат (туғилганлик ҳақидаги гувоҳнома, паспорт ёки ID карта нусхаси);
▪️3.5х4.5 ўлчамдаги рангли расм (оқ фонда).

❗️Ҳужжатларни онлайн қабул қилиш 10 июлга қадар (шу куни ҳам соат 23:59 га қадар) давом этади.

Айни пайтда академик лицейда ўқишни истаган абитуриентлар ва уларнинг ота-оналарига қулайлик яратиш, уларни қизиқтирган саволларга тезкор жавоб бериш мақсадида “Call-center” ташкил этилган. Абитуриентлар ва уларнинг ота-оналари телефон рақамлари орқали “Call-center” билан боғланиб, ўзларини қизиқтирган саволларга жавоб олиши мумкин.

📎Мурожаатлар учун:

▫️Тошкент давлат юридик университети ҳузуридаги Наманган вилоят академик лицейи +99869 233-07-20;
▫️Тошкент давлат юридик университети ҳузуридаги Самарқанд вилоят академик лицейи +99866 240-94-15.

Маълумот учун:“Маъмурий ислоҳотлар доирасида адлия органлари ва муассасаларининг масъулиятини янада ошириш ҳамда ихчам бошқарув тизимини шакллантириш тўғрисида”ги Президент Фармонига асосан Наманган ва Самарқанд вилоятлари юридик техникумлари негизида Тошкент давлат юридик университетининг академик лицейлари ташкил қилинди.