#Сўраган_эдингиз

🏠Яшаш жойига доимий рўйхатга туриш қандай амалга ошириш мумкин?

📝Бугунги кунда Яшаш жойига доимий рўйхатга туриш учун фуқароларимиз Миграция ва фуқароликни расмийлаштириш бўлинмалари ёки Давлат хизматлари марказларига ташриф буюриши ёхуд my.gov.uz орқали амалга оширишлари мумкин.

🧐 Фуқаролар Қорақалпоғистон Республикаси ҳамда вилоятлар бўйлаб доимий рўйхатга туриш учун мурожаат қилишлари мумкин.

📌 Шунингдек, мазкур хизматдан Ўзбекистон Республикасининг “Тошкент шаҳри ва Тошкент вилоятида доимий яшаш жойи бўйича рўйхатга олиниши лозим бўлган шахслар - Ўзбекистон Республикаси фуқаролари тоифаларининг рўйхати тўғрисида”ги Қонунга мувофиқ:

🔵Тошкент шаҳри ва Тошкент вилоятида кўчмас мулкка эга фуқаролар;

🔵Тошкент шаҳрида доимий яшаш жойи бўйича рўйхатга олинган фуқаролар - Тошкент шаҳри ва Тошкент вилоятидаги доимий яшаш манзилига доимий рўйхатга туришлари;

🔵Тошкент вилоятида доимий яшаш жойи бўйича рўйхатга олинган фуқаролар - Тошкент вилояти бўйлаб бошқа манзилга доимий рўйхатга туришлари мумкин.

💡Хизматдан my.gov.uz орқали фойдаланганда тўлов 10 фоиз чегирма билан амалга оширилади.

📄 Аризалар 1 иш куни ичида кўриб чиқилади.

❗️Эслатиб ўтамиз, мазкур давлат хизматидан фақатгина Ўзбекистон Республикаси фуқаролари фойдаланиши мумкин.

#Сўраган_эдингиз

Адлия вазирлиги томонидан яна бир лойиҳа йўлга қўйилди

Фойдаланувчиларга қулайлик яратиш мақсадида #Сўраган_эдингиз рукни остидаги мантли хабарлар энди видео форамтда ҳам бериб борилади.

Мазкур роликда Патент ва унинг эгаси қандай ҳуқуқларга эга бўлиши ҳақида маълумот берилади.

Кузатиб боринг...

#Сўраган_эдингиз

"Litsenziya" ахборот тизими орқали "Хусусий нотариал фаолият билан шуғулланиш ҳуқуқини берувчи лицензия" олиш мумкин.

✅Давлат хизматини кўрсатувчи субект:
– Қорақалпоғистон Республикаси Адлия вазирлиги, вилоятлар ва Тошкент шаҳар адлия бошқармалари.

🔸Мурожаатлар қабул қилинади:

– "Litsenziya" АТ - license.gov.uz орқали;
– YIDXP – my.gov.uz;

🔰Хизматдан фойдаланувчилар:

Жисмоний шахслар — Ўзбекистон Республикаси фуқаролари

💠Тўланадиган йиғим миқдори:

— Аризани кўриб чиқиш учун йғим ундирилмайди
— Лицензия берилганлиги учун давлат божи миқдори: БҲМнинг 1 баробари

⏱Аризани кўриб чиқиш муддати – 5 кун.

📌Лицензиянинг амал қилиш муддати — чекланмаган

❗️Маълумот учун: Қонунчилик ҳужжатларида назарда тутилган нотариал ҳаракатларни амалга ошириш ҳамда жисмоний ва юридик шахсларга ҳуқуқий ва техник тусдаги хизматлар кўрсатиш билан боғлиқ фаолият нотариал фаолият ҳисобланади.

#Сўраган_эдингиз

❓📲 Савол: Мактабда ўқийдиган фарзандимнинг телефонини ўқитувчиси олиб қўйибди. Шахсий мулк бўлса, уни олишга ҳаққи борми? (Тошкент шаҳридан М. Ҳожиева)

❕Жавоб: Қонунчиликка асосан, ўқув машғулотлари ва тадбирлар бошланишидан олдин таълим олувчилар телефонини ўчириб қўйиши ҳамда сумкасига солиб қўйиши шарт.

🚫 ТАҚИҚЛАНАДИ

🔰Таълим олувчиларга қуйидагилар қатъиян тақиқланади:

🔹 телефонини бўйнига осиб олиш, кўкрак чўнтакларида, шим, юбкалари чўнтакларида ва шу кабиларда сақлаш;
🔹 телефон аккумуляторини зарядлаш учун таълим муассасаси электр тармоқларига улаш;

🔰 телефони ёрдамида:

🔹 атрофдагиларга зўравонлик, шафқатсизлик, порнографияни тарғиб қилувчи видео ва суратларни намойиш қилиш;
🔹 таълим муассасасининг нуфузига, шу жумладан, зўравонлик ва вандализм ҳолатларини суратга олиш ва кейинчалик уларни атрофдагиларга намойиш этиш йўли билан зарар етказиш;

🔰 ўқув машғулотлари вақтида:

🔹 телефон орқали сўзлашиш ҳамда SMS (ММS) ва бошқа турдаги хабарларни жўнатиш;
🔹 телефонни стол устига қўйиш;
🔹 мусиқа тинглаш;
🔹 сурат ва видео тасвирларни кўрсатишда телефондан фойдаланиш, тасвир кўриш, диктофон, калкулятор, календарь, блокнот, ён дафтарча кабилар сифатида фойдаланиш;
🔹 суратга олиш ва видео тасвирга тушириш;
🔹телефон орқали бошқа хизматлардан фойдаланиш.

⚠️ РУХСАТ ЭТИЛАДИ

➡️ Таълим муассасасида таълим олувчиларга машғулотлар ва тадбирлар оралиғида фақат асосли ва кечиктириб бўлмайдиган зарур ҳолатларда ота-онаси (уларнинг ўрнини босувчилар), яқин қариндошлари, таълим муассасаларининг раҳбарлари ёки ходимлари билан зудлик билан боғланиш мақсадида телефонлардан фойдаланишга рухсат этилади.

‼️ТАРТИБНИ БУЗСА

Ушбу талаблар бузилган тақдирда таълим муассасасининг ҳар қандай педагог ходими таълим олувчидан телефонни олиб қўйиш, билдиришнома расмийлаштириш ва уни телефон билан бирга таълим муассасасининг директорига ёки директор ўринбосарига, кейинчалик уни ота-оналарга бериш ҳуқуқига эга.

Демак, таълим муассасасида мобил телефондан фойдаланиш тартиби бузилган тақдирда, ўқитувчи унинг телефонини муассаса раҳбариятига ёки ота-онасига бериш шарти билан олиб қўйиши мумкин.

#Сўраган_эдингиз

Вояга етмаганлар ва талабалар ишлаши мумкинми?

❗️Вояга етмаганлар ҳам, талабалар ҳам ишлаши мумкин. Бу қонунчиликда тақиқланмаган.

✅16 ёшга тўлган ҳар бир шахс меҳнат қилиш ҳуқуқига эга. Ёшларни меҳнатга тайёрлаш учун умумтаълим мактаблари, ўрта махсус, касб-ҳунар ўқув юртларининг ўқувчиларини уларнинг соғлиғига ҳамда маънавий ва ахлоқий камол топишига зиён етказмайдиган, таълим олиш жараёнини бузмайдиган енгил ишни ўқишдан бўш вақтида бажариши учун — улар 15 ёшга тўлганидан кейин ота-онасидан бирининг ёки ота-онасининг ўрнини босувчи шахслардан бирининг ёзма розилиги билан ишга қабул қилишга йўл қўйилади.

❗️Кундузги таълим шаклида таҳсил олаётган талабалар олий ўқув юрти ва бошқа ташкилотларда меҳнат шартномасини тузган ҳолда ишлашлари мумкин.

🔹18 ёшга тўлмаган шахслар ноқулай меҳнат шароитларида, ер ости ишларида ва бошқа соғлигига хавфли бўлган ишларда ишлашлари тақиқланади.

#Сўраган_эдингиз

🔰 Қонунчиликка кўра, қуйидаги белгилар товар келиб чиққан жой номи сифатида рўйхатдан ўтказилмайди:

🔹товар келиб чиққан жой хусусида истеъмолчини чалғитиб қўядиган жўғрофий ном бўлган белгилар;

🔹товар келиб чиққан ҳақиқий жойни расман кўрсатувчи, лекин товар бошқа ҳудудда чиқарилаётганлиги ҳақида янглиш тасаввур берувчи белгилар;

🔹товар тайёрланган жой номи билан боғлиқ бўлмаган жўғрофий номни англатувчи ва Ўзбекистонда муайян турдаги товар белгиси сифатида умум фойдаланишда бўлган белгилар;

🔹шу турдаги товарга нисбатан товар келиб чиққан жой номи ёки географик кўрсаткич сифатида рўйхатдан ўтказилган белгилар.

#Сўраган_эдингиз

✅Ўзбекистон Республикаси Президентининг 2018 йил 26 декабрдаги ПҚ-4079-сон қарорига мувофиқ:

💠Хорижга чиқиш биометрик паспорти туғилган кунидан бошлаб бир ёшгача болаларга — икки йил муддатга берилади.

📌Маълумот учун: Ўзбекистон Республикаси фуқаросининг хорижга чиқиш биометрик паспорти-хорижга чиқиш ҳамда Ўзбекистон Республикаси ҳудудига кириш, шунингдек, хорижда туриш вақтида эгасининг шахсини ва Ўзбекистон Республикасининг фуқаролигини тасдиқлайдиган, паспорт эгасининг шахсий биографик маълумотлари ва биометрик параметрлари сақланган электрон ахборот ташувчига (чипга) эга бўлган ҳужжат ҳисобланади.

#Сўраган_эдингиз

Ишга қабул қилинаётганда қандай ҳужжатлар сўралади?

Ишга кирмоқчисиз. Лекин ҳали у ҳужжат, ҳали бу маълумотнома керак деб сарсон қилишяпти. Ўнлаб маълумотномаларни олиш учун камида 6 ой вақт сарфладингиз... Яхшиям энди булар тарих...

Батафсил 👉 https://youtu.be/vO30JBs1xGw

#Сўраган_эдингиз

2023 йил 30 декабрь - шанба куни республика бўйича ишлайдиган нотариуслар рўйхати:

🌐 e-notarius.uz сайтига киринг ва ўзингизга қулай вақтда, сиз истаган нотариус қабулига ёзилинг.
Батафсил:👉https://telegra.ph/palata-12-29-4

⚡️⚡️⚡️⚡️⚡️

Список нотариусов, работающих в субботу, 30 декабря 2023 г.

🌐 Войдите на сайт e-notarius.uz и записывайтесь на прием к нотариусу в удобное для вас время.

Подробно:👉https://telegra.ph/palata-12-29-4

#Сўраган_эдингиз

🎙Интервьюга бўлган муаллифлик ҳуқуқи интервью берган шахсга ва интервью олган шахсга, агар улар ўртасидаги келишувда бошқача қоида назарда тутилган бўлмаса, ҳаммуаллифлар сифатида тегишлидир.

❕Интервьюдан фойдаланишга фақат интервью берган шахснинг розилиги билан йўл қўйилади.

#Сўраган_эдингиз

❗️Никоҳ ёши эркаклар ва аёллар учун 18 ёш этиб белгиланган.

Фарзандликка олувчилар билан фарзандликка олинганлар ўртасида никоҳ тузишга йўл қўйилмайди.

Батафсил 👉 https://youtu.be/1LBZD6VOXzU

#Сўраган_эдингиз

Никоҳдан ўтиш тартиби ҳақида муҳим маълумотлар

Никоҳ эркак ва аёлнинг хоҳиши, розилиги билан ФҲДЁда тузилади.

❓Бир ойлик муддат нимага керак?

❓Қандай сабаблар бўлганда 1 ойлик муддатни кутмасликка рухсат берилади?

Батафсил анимацион роликда 👉https://www.youtube.com/watch?v=9jRLm9dtclM

#Сўраган_эдингиз

Автомобил рангини ўзгартириш жавобгарликка тортишга асос бўлмайди

Вазирлар Маҳкамасининг 2022 йил 22 февралдаги 86-сон қарори билан тасдиқланган низомнинг 26-иловасига мувофиқ, Автотранспорт воситаларини қайта жиҳозлаш учун рухсатнома паспорти кўрсатиб ўтилган. Паспортнинг 12-бандида автотранспорт воситаси қайта жиҳозланган деб тан олинадиган ўзгаришлар рўйхати белгиланган.

Батафсил 👉 Ўқиш

#Сўраган_эдингиз

🔰 Эр ва хотиннинг никоҳ давомида орттирган мол-мулклари уларнинг биргаликдаги умумий мулки ҳисобланади. Шунга кўра, нотариуслар томонидан битимни тасдиқлашда автомашина эгасининг турмуш ўртоғининг розилиги талаб этилади.

📁 Қуйидаги ҳолларда эса битимни тасдиқлаш учун эр ёки хотиннинг розилиги талаб қилинмайди:

🔹никоҳ қайд этилгунга қадар сотиб олинган;

🔹мерос тариқасида ёки ҳадя шартномаси бўйича олинган;

🔹никоҳ давомида сотиб олинган автомототранспорт воситаси никоҳ шартномасига асосан тақсимлаб олинган бўлса;

🔹эр-хотин ўртасидаги мулкни бўлиш тўғрисидаги суд ҳужжати ёхуд нотариал тартибда расмийлаштирилган келишув мавжуд бўлса.